Ogas 31–Septemba 6 “ Larim Olgeta Samting i Gat Laip Litimapim Nem Bilong Bikpela ”: Psalms 102–103; 110; 116–119; 127–128; 135–139; 146–150 ,” Kam, Bihainim Mi—Bilong Haus na Sios: Olpela Testamen 2026 (2026)
Ogas 31–Septemba 6 ‘Larim Olgeta Samting i Gat Laip Litimapim Nem Bilong Bikpela,’” Kam, Bihainim Mi: Olpela Testamen 2026
Kam Bek long Pasin bilong Reverens, Kelsy na Jesse Lightweave i mekim
Ogas 31–Septemba 6:“ Larim Olgeta Samting i Gat Laip Litimapim Nem Bilong Bikpela”
Psalms 102–103; 110; 116–119; 127–128; 135–139; 146–150
Bipo taim Jewish nem bilong buk bilong Psalms em Tehillim, wanpela Hibru wod i minim “litimapim nem bilong Bikpela.” Em i wankain long ekslamasen aleluia (minim bilong em i olsem “litimapim nem bilong Jehovah” o “litimapim nem bilong Bikpela”). Sapos yu bin susim wanpela wod long mekim sot bikpela toktok bilong Psalms , litimapim nem bilong Bikpela bai wanpela gutpela sois. Sampela Psalms i gat dairek invitesen long “litimapim nem bilong Bikpela” (lukim moa yet long Psalms 146–50), na olgeta i ken kirapim tingting long lotu na litimapim nem bilong Bikpela. Psalms i invaitim yumi long luksave long pawa bilong Bikpela, marimari bilong Em, na ol bikpela samting Em i bin mekim. Yumi i no inap long bekim Em long olgeta dispela samting, tasol yumi ken preisim bilong Em. Dispela litimapim nem bilong bikpela i save kamap long kainkain we long ol kainkain lain—em ken kamap olsem singsing, prea, o berim testamoni. Planti taim em i lidim i go long wanpela dip komitmen long Bikpela na long bihainim ol tisin bilong Em. Maski wanem mining bilong “litimapim nem bilong Bikpela” insait long laip bilong yu, yu ken painim insperesen long mekim taim yu ridim na tingim na skelim Psalms.
Ol Aidia bilong Lainim long Haus na long Sios
Psalms 102–3; 116
Bikpela i ken mekim gut bel bilong mi long taim long pen na wari bilong mi.
Lukim hau Psalm 102:1–11 i tok klia long ol filins bilong wari na stap wanpis we planti taim i save kamap long taim bilong ol salens. Ating yu o ol narapela yu save i bin ekspiriensim kain filins olsem. Taim yu ridim Psalms 102:12–28; 103; 116, painim ol hap tok we i givim yu strongpela tingting long “kolim nem bilong Bikpela” insait long taim nogut bilong yu (Psalm 116:13). Yu ken makim, kolim long tingting, o serim wantaim ol narapela ol hap tok we i givim yu hop long Em.
Lukim tu Isaiah 25:8; Hebrews 2:17–18; Alma 7:11–13; Camille N. Johnson, “Krais Em i Halivim,” Liahona, Me 2023, 81–83; “Mi Ken Go We Long Kisim Bel Isi?” ol Hynm, no. 223).
Carl Heinrich Bloch (1834–1890), Krais i Oraitim ol Sik long Bethesda1883, oil long kanvas, 100 ¾ x 125 ½ inches. Brigham Young University Museum of Art, i baim wantaim fand i kam long Jack R. na Mary Lois Wheatley, 2001.
Psalms 110; 118
Jisas Krais i mekim kamap tru ol tok profet bilong Psalms.
Psalms i gat toktok we i soim long laip na wok bilong Jisas Krais. Hia em sampela ol eksampel:
-
Psalm 110:1–4 (lukim Matthew 22:41–45; Hebrews 5:4–10; 6:20)
-
Psalm 118:22 (lukim Matthew 21:42; Acts 4:10–11; 1 Peter 2:7)
-
Psalm 118:25–26 (lukim Matthew 21:9)
Ol dispela ves i lainim yu wanem long Jisas Krais? Wai na em i impoten long save long dispela samting bilong Em?
Psalm 119
Toktok bilong God i bai kipim mi long rot bilong Em.
Psalm 119 i gat planti ol hap tok we i skelim laip bilong yumi long wokabaut bilong yumi go bek gen long Papa long Heven. Taim yu ridim, painim ol wod olsem “wokabaut,” “rot,” “we,” “lek” na “raun.” Tingim wokabaut bilong yu yet long laip bilong yu—yu bin stap long en, we yu stap nau, na we yu i go long en. Yu lainim wanem samting long dispela psalm long wokabaut bilong yu go bek gen long haus? Yu lainim wanem long taim yu lukluk long rot bilong ol narapela? Olsem dispela psalm i tok, God giviim wanem long helpim yu stap long rot bilong Em?
Tingim wanpela taim yu bin bihainim wanpela rot o mep i helpim yu go kamap gut long sampela hap. Dispela ekspiriens i tisim yu wanem samting long bihainim rot bilong God?
Long planti narapela skripsa, Bikpela na ol profet bilong Em i toktok long dispela rot. Hia em ol sampela eksampel. Tingim long painim dispela ol ves na raitim daun o serim wantaim ol narapela wanem yu lainim.
|
Skripsa |
Mi lainim wanem samting long rot i go long God? |
|---|---|
Skripsa Proverbs 4:11–19 | |
Skripsa Matthew 7:13–14 | |
Skripsa | |
Skripsa | |
Skripsa | |
Skripsa Doktrin na ol Kavanen 25:2 |
Hau ol dispela tok tru bai helpim yu stap long rot bilong God?
Wanem ol sampela narapela tingting yu i ken lainim long dispeal kaunsel bilong Presiden Russell M. Nelson?
“Sapos wokabaut bilong yumi long laip bai kamap gutpela, yumi nid long bihainim daireksen i kam long Heven Bikpela i tok, ‘Lukluk long mi long olgeta tingting; noken tingting tumas, noken pret’ [Doktrin na ol Kavanen 6:36]. Na Psalmist i raitim, ‘Toktok bilong yu em i lam long halivim lek bilong mi, na lait long rot bilong mi’ [Psalm 119:105]. …
“Long wokabaut long laip bilong yu, yu bungim planti hevi na mekim sampela mistakes. Ol skripsa gaidens i bai helpim yu long luksave long rongs na stretim ol dispela ol dispela ol samting.mekim stretpela koreksens Yu stop long go long rong daireksen. Yu stadi gut long skripsa rot mep. Na yu go het wantaim tanim bel na kisim kam bek ol samting yu mas mekim bilong bihainim ‘straitpela na liklik rot we i lid i go long laip oltaim oltaim’ [2 Nifai 31:18]” (“Laip Bihainim Gaidens Bilong Skripsa,” Ensign, Nov. 2000, 17).
Lukim tu Dieter F. Uchtdorf, “Dispela Prodigal na Rot I Go Bek Long Haus,” Liahona, Nov. 2023, 86–88.
Psalms 134–36
Bikpela i pawaful moa long ol giaman god.
Lukim wai, long Psalm 135:15–18, em i longlong pasin long trastim long ol giaman god. Wanem samting bai yu kisim temtesen long trastim we i wankain long giaman god? Yu ken mekim lis bilong ol samting Bikplea i ken mekim, olsem psalmist i mekim insait long Psalms 134–36. Wanem ol pawaful samting Em i mekim long yu?
Psalm 139
Bikpela i save long bel bilong mi.
Yu painim wanem insait long Psalm 139 bai halivim yu kliagut olsem Bikpela i luksave long yu—ol tingting na pasin, ol strong na wiknes bilong yu? Hau na dispela ol tok tru i senisim laip na sois bilong yu?
Psalms 146–50
“Litimapim nem bilong Bikpela.”
Taim yu ridim dispela laspela litimapim nem bilong bikpela bilong psalms, tingim ol as bilong wanem yu litimapim nem bilong Bikpela. Bilong wanem em i impotent long yu long litimapim nem bilong Em? Wanem sampela we yu ken litimapim nem bilong Em?
Long moa, lukim isu bilong dispela mun Liahona na Long Strongim ol Yut megazin.
Ol Aidia bilong Tisim ol Pikinini
Psalm 102:1–2
Bikpela i save mekim bel bilong mi isi na givim hop long mi.
-
Yu o wanpela pikinini bilong yu ken ridim Psalm 102:1–2, painim hau Bikpela i save helpim yumi long nogut taim bilong yumi. Hau bai yumi painim halivim bilong Em? Yu i ken tu serim wantaim narapela ol taim we yu nidim halivim na pilim olsem God i harim prea bilong yu.
Psalm 119:105
Toktok bilong God i olsem lait.
-
Ol pikinini bilong yu i bai amamaslong toktok long wanem samting ol i save filim taim ol i stap long tudak. O ol i ken toktok long ol samting we i hat long mekim ong tudak. Yu ken invaitim ol long mekim wanpela samting wantaim ai bilong ol i pas, kain olsem droim wanpela piksa. Yu lainim wanem samting long Psalm 119:105 long lait na tok bilong God?
-
Painim wanpela samting Papa long Heven i bin givim yumi long helpim yumi long stap long rot long bilong Em insait long ol dispela ves : Psalms 119:47–48; 119:105; 1 Nifai 11:25; 2 Nifai 31:20. Wanem samting bai yumi ken mekim long stap long rot bilong God?
-
Ating ol pikinini bilong yu bai amamas long lukim piksa bilong ol samting we i toktok insait long Psalm 119:105. Ol i ken putim ol piksa long oda taim yu ridim dispela ol vese. Yuken singim tu wanpela singsing wantaim, kain olsem “Tisim Mi Long Wokabaut Long Lait” (Singsingbuk bilong Pikinini, 177) o “Mi Bai Wokabaut Wantaim Jisas” (Gospel Laiberari).
Psalm 139:1–3, 23–24
Papa long Heven na Jisas Krais i save long mi na lovim mi.
-
Tingim long mekim stotpela lis long ol samting yu save long wanwan pikinini bilong yu. Taim yu ridim dispela lis long wanpela wanpela taim, askim ol pikinini long tingim husait yu toktok long em. Orait, bihain long ridim Psalm 139:1–3 wantaim, yu ken mekim lis bilong o samting we Papa long Heven na Jisas i save long yumi.
-
Ridim ol tok bilong Psalm 139:23–24 long wanpela hap pepa o long bod. Invaitim ol pikinini bilong yu long putim mak aninit lon ol wod i tok klia long ol samting God i ken mekim bilong yumi. Bilong wanem yumi laikim God long mekim ol dispela samting?
Psalm 146:1, 5–9
Mi ken litimapim nem bilong Bikpela.
-
Ating ol pikinini bilong yu i ken serim ol ekspiriens taim wanpela i litimapim nem bilong ol o tokim ol olsem ol i makim wanpela gutpela wok. Serim sampela gutpela samting long Psalm 146:6–9 we Bikpela i mekim (halivim ol pikinini bilong yu long kliagut long ol wod we ol i no save long en). Invaitim ol pikinini bilong yu long toktok long ol narapela samting Em i save mekim long yumi. Hau bai yumi litimapim Em long ol dispela samting?
Lainim long haus; serim wantaim ol narapela. Presiden Russell M. Nelson i tisim olsem ol haus bilong yumi mas kamap “centa bilong lainim gospel ” ( “Kamap ol Las-De Seint i Gat Gutpela Eksampel,” Liahona, Nov. 2018, 113). Wanem samting bai yu mekim long dispela wik long strongim stadi bilong yu yet o famili bilong yu long Psalm? Bihain long stadi bilong yu, tingim long serim wantaim ol narapela wanem samting yu lainim na pilim. Yu ken mekim dispela long toktok, long teks o sosol midia, o long sios.
Long moa, lukim isu bilong dispela mun bilong Pren megazin.