“Septemba 14–20. ‘God Em i Salvesen Bilong Mi’: Isaiah 1–12,” Kam, Bihainim Mi—Bilong Haus na Sios: Olpela Testamen 2026 (2026)
“Septemba 14–20. ‘God Em i Salvasen Bilong Mi,’” Kam, Bihainim Mi: Olpela Testamen 2026
Profet Isaiah i Tokaut long Taim Krais i Bon, Harry Anderson i droim
Septemba 14– 20:“God Em i Salvasen Bilong Mi”
Isaiah 1–12
Maski sapos dispela em i nambawan taim bilong yu long ridim buk bilong Isaiah, yu bai harim ol toktok i yu save long en. Em bikos, long olgeta Olpela Testamen ol profet, Isaiah i wanpela bilong ol we ol i save yusim planti taim long ol narapela buk bilong skripsa, na tu long Seivia yet. Ol tok bilong Isaiah i save kamap planti taim insait long hymn na long ol narapela holi musik.
Bilong wanem ol i yusim Isaiah planti taim? Tru tumas wanpela as bilong dispela em bikos Isaiah i gat wanpela gift long autim toktok bilong God klia we yu inap long lusim tingting long en. Tasol i gat moa yet long dispela. Isaiah i bin strongim tingting bilong planti ol profet long planti jeneresen bikos ol tok tru em i lainim i winim jeneresen bilong em (namel long 740 na 701 BC). Em i bin raitim toktok bilong bikpela wok bilong God long sevim ol manmeri , we i bikplea moa long wanpela nesen o long wanpela taim. Long Isaiah, Nifai i lainim olsem em na ol pipol bilong em, maski ol stap longwe long ol narapela lain bilong Israel, ol i stap yet olsem ol kavanen pipol bilong God. Insait long Isaiah, ol Nupela Testamen raitas i painim ol tok profet bilong Mesaia we i bin kamap tru long ai bilong ol. Na long Isaiah, Joseph Smith painim insperesen long wok long las-de wok bilong bungim Israel na bildim Saion. Taim yu ridim Isaiah, bai yu painim wanem?
Long save moa long Isaiah na ol raiting bilong em, lukim “Isaiah” insait long Baibel Diksinari. Long infomesen long taim we Isaiah i bin stap, lukim 2 Kings 15–20 na 2 Chronicles 26–32.
Ol Aidia bilong Lainim long Haus na long Sios
Isaiah 1–12
Olgeta toktok bilong Isaiah bai kamap tru.
Seivia i bin tisim olsem, “Olgeta samting we [Isaiah] i bin toktok long en i bin kamap na i bai kamap, long ol tok em i bin toktok” (3 Nifai 23:3). Taim yu stadim buk bilong Isaiah, tingim long mekim wanpela jat bilong ol tok profet wantaim hedtok olsem: Dei bilong Isaiah, Ministri bilong Seivia long Graun, na ol Las De. Luksave olsem planti tok profet bilong Isaiah i bin kamap long planti ol we (lukim Baibel Diksinari, “Isaiah”).
Presiden Dallin H. Oaks i tisim: “Buk bilong Isaiah i gat planti ol tok profet we i luk olsem i em bin kamap planti taim. Wanpela i luk olsem i involvim ol pipol bilong taim bilong Isaiah o ol samting we bai kamap long neks jeneresen. Narapela mining, planti taim em i olsem simbol, luk olsem i toktok long ol samting i bin kamap long meridian bilong taim, taim Jerusalem i bin bagarap na ol pipol bilong em i bin go nabaut bihain long ol i bin nilim Pikinini bilong God long diwai kros. Narapela mining o kamap tru bilong dispela wankain tok profet i luk olsem em i toktok long ol samting i bin kamap bilong Namba Tu Kam Bek bilong Seivia. Em i tru olsem planti bilong ol dispela tok profet i gat planti minin olsem na em i impotent long yumi long painim revelesen long Holi Gos long helpim yumi long tanim tok long ol ” (“Scripture Reading and Revelation,” Ensign, Jan. 1995, 8).
Klia gut long Isaiah. Seivia i tok, “Painim ol dispela samting gut tru; bikos toktok bilong Isaiah em i bikpela tru” (3 Nifai 23:1; lukim tu ol verse 2–3). Tasol long planti, Isaiah i hat long kliagut. Dispela ol aidia i ken halivim:
-
Tingim gut ol simbol na tok piksa Isaiah i yusim.
-
Askim yu yet, “Mi lainim wanem samting long Jisas Krais?” (lukim 1 Nifai 19:23).
-
Painim ol topik we i wankain long taim bilong yumi.
-
Yusim ol samting bilong helpim yu stadi, kain olsem diksinari, ol futnot, het tok bilong ol sapta, na Gaid bilong ol Skripsa.
Isaiah 1; 3–5
Ol Profet i save tok lukaut long ol sin na ol i save tok promis long hop long rot bilong tanim bel.
Olsem ol profet long olgeta taim, Isaiah i save tok lukaut oltaim long ol pipol long sindaun bilong ol long sait bilong spirit. Taim yu ridim Isaiah 1; 3; 5, painim ol hap toktok we i toktok long hau ol pipol i bin stap long sait spirit (lukim, long eksampel, Isaiah 1:2–4, 21–23; 3:9, 16–17; 5:11–12, 20–23). Wanem ol wankain hevi yu ken lukim long taim bilong yumi? Yu ken painim tu ol ves we i tok lukaut long ol asua bai kamap long ol Isralaits long sait bilong spirit (kain olsem Isaiah 1:7; 3:17–26; 5:5–7, 13–15).
Antap long ol tok lukaut, Isaiah i givim toktok bilong ridemsen i kam long Seivia (lukim, long eksampel, Isaiah 1:16–19, 25–27; 3:10; 4). Yu lainim wanem samting long Bikpela long ol dispela toktok? Hau na toktok bilong Bikpela long ol dispela vese i narapela kain long wanem Satan i laikim yumi long bilivim?
Olsem Isaiah, ol profet bilong tude i tok lukaut long yumi long sin na asua bilong en, na ol i givim toktok bilong hop i stap long Jisas Krais. Wanem ol narapela eksampel yu ken tingim? Yu ken lukim gen wanpela toktok bilong jererel konprens bilong bifo, long painim ol kain tok lukaut na ol promis.
Aisaia 2; 4; 11–12
God bai mekim bikpela wok long las de.
Planti ol tok profet bilong Aisaia i gat mining stret long de bilong yumi. Long painim ol, lukim ol fusa-tens veb (kain olsem “bai stap” o “bai i go”). Long eksampel, painim ol dispela veb taim yu ridim Aisaia 2; 4; 11–12. Yu ken tu traim long senisim ol wantaim presen-tens veb (olsem em o em i go). Wanem ol tok profet i strongim yu? Yu lainim wanem long ol dispela tok profet long Saion, bildim ol tempel, na bungim Israel?
Aisaia 2:2–3 em i bilong ol Seint bilong Las de. Hau na ol dispela tok profet i kamap? Yu lainim wanem samting long “ol pasin” na “ ol rot” bilong Bikpela insait long haus bilong Em? (ol vese 3).
Lukim tu Aisaia 5:26; “Hai antap long Maunten,” ol Hymn, no. 5.
Aisaia 6.
God i signautim ol Profet.
Long Isaiah 6, Aisaia i tingim gen long taim ol i signautim em long kamap wanpela profet. Taim yu ridim dispela sapta, wanem strongpela tingting yu kisim long eskpiriens bilong Aisaia? Hau na dispela sapta i senisim we bilong yu long tingim Bikpela, ol profet bilong Em, na ol wok ol i gat signautim ol long mekim?
“Long yumi wanpela pikinini i bon, long yumi pikinini man Em givim” (Aisaia 9:6).
Aisaia 7–9
God i promis long salim Jisas Krais long kamap Sevia bilong mi.
Long ministri taim bilong Isaiah, Israel i mekim pren wantaim Siria long difendim em yet long Asiria. Israel na Siria i laik long fosim Ahas, kin bilong Judah, long joinim ol. Tasol Aisaia i tok profet olsem dispela wok bung bai pundaun na em i kaunselim Ahas long trastim Bikpela (Aisaia 7:7–9; 8:12–13).
Taim Isaiah i kaunselim Ahas, em i mekim sampela tok profet we planti man i save long en , kain olsem ol dispela insait long Aisaia 7:14; 8:13–14; 9:2, 6–7. Maski ol dispela ol tok profet i minim long Ahas, ol i klai tru aplai long Jisas Krais (lukim tu Matyu 1:21–23; 4:16; 21:44; Luk 1:31–33). Bilong wanem “Immanuel” em i gutpela taitel bilong Sevia? (lukim Matyu 1:23). Hau na Em i bin wanpela “Kaunsela” o “Prins bilong Bel Isi” long yu? (Aisaia 9:7). Wanem samting yu lainim tu long Sevia long ol dispela ves?
Long moa, lukim isu bilong dispela mun Liahona na Bilong Strongim ol Yut megazin.
Ol Aidia bilong Tisim ol Pikinini
Aisaia 1:2–4, 16–19
Bikos long Jisas Krais mi ken tanim bel na kamap klin.
-
Insait long Aisaia 1:2–4, yu na pikinini bilong yu ken painim ol as bilong wanem Bikpela i no bin aamamas wantiam ol pipol. Lukim skelim wantaim ol animal insait long vese 3—husait em “masta” bilong yumi? Hau bai yumi soim olsem yumi save long Em?
-
Piksarim long tingting Asaia 1:16–18, yu na ol pikinini bilong yu i ken lukluk long wanpela samting we i brait ret na samting we i waitpela tru. O yu ken tu wok wantaim long wasim sampela samting. Hau yumi save kamap doti long sait bilong spirit? Hau Jisas i save halivim yumi long kamap klin? Wanem samting yumi lainim long Sevia long ol dispela ves? Serim wantaim ol pikinini bilong yu hau yu pilim long Em na wanem Em i mekim long yu.
Aisaia 2:2–4
Insait long tempel, Mi lanim long Jisas Krais.
-
Isaiah i bin lukim taim we “ol maunten long haus bilong Bikpela”i bai kisim ol pipol long “olgeta nasens” (Aisaia 2:2). Hau bai yu halivim ol pikinini bilong yu long pilim amamas long go long haus bilong Bikpela? Yu ken invaitim ol long droim piksa bilong haus bilong ol. Bihain ridim wantaim olgeta Aisaia 2:2, na invaitim ol long droim wanpela piksa bilong “haus bilong Bikpela,” em i tempel. Ridim Aisaia 2:3 wantaim. Invaitim ol long edim long ol piksa bilong ol planti lain i kam long tempel, wantaim famili bilong ol.
-
Yu ken tu ridim Aisaia 2:2–3 wantaim na painim wanpela samting we i strongim tingting bilong yu na ol pikinini bilong yu long go long tempel. Bihain long yu ridim Aisaia 2:4 wantaim, yu ken toktok long hau tempel i save bringim beli isi kam long ol. Ol i ken singim wanpela singsing long tempel, kain olsem “Mi Laik Long Lukim Tempel” (Singsingbuk bilong Pikinini, 95). Halivim ol pikinini bilong yu long painim ol toktok insait long singsing we i tisim wanem samting em i tempel na wanem yumi save mekim long hap.
Salt Lake Temple
Aisaia 7:14; 9:6–7
Jisas Krais i kam long graun long kamap Sevia bilong mi.
-
Long stat long toktok long tok profet bilong Isaiah long Krais, yu na ol pikinini bilong yu ken toktok long ol taitel bilong ol lain, olsem presiden, bisop, o tisa. Ol dispela ol taitel i tokim yumi wanem samting long ol dispela lain? Helpim ol pikinini painim ol taitel bilong Jisas insait long Aisaia 7:14 na 9:6–7 (lukim tu dispela wik ektiviti pes). Wanem ol dispela wanwan ol taitel i tisim long Em? Wanem samting tu yumi lanim long Jisas Krais long ol dispela vese?
-
Yu tu ken serim wantaim ol pikinini bilong yu “Profet Aisaia” (insait long Ol olpela Testamen Stori, 150–51). Stop liklik taim na askim wanem samting Aisaia i save long Jisas Krais planti yia pastaim long em i bin bon. Bihain yu ken yusim Matyu 1:21–23; Luk 1:31–33 long toktok long hau tok profet bilong Isaiah insait long Aisaia 7:14; 9:6–7 i bin kamap tru.
1:18Isaiah the Prophet
Long moa, lukim isu bilong dispela mun bilong Pren megazin.