Ol Profet na Tok Profet

Ol Profet na tok profet i gat bipela wok insait long Opela Testamen. Abraham, Aisak, na Jekop i lukim ol visen na ol i toktok wantaim ol man i save bringim ol tok bilong heven. Moses i bin tokktok long God pes to pes na tokim ol pikinini bilong Israel long laik bilong Em. Namba wan na tu buk bilong King i toktok long ol gutpela wok na toktok bilong ol profet Elaija na Elisa. Olpela Testamen i tu toktok long ol meri profet olsem Miriam na Debora, na wantaim ol narapela meri husait i gat blesing bilong spirit bilong tok profet,olsem Rebeka na Hana. Ol Profet stret i no bin raitim ol Buk Song ,tasol ol tu i bin pulap wantaim spirit bilong tok profet,ol i toktok long kam bilong Mesaia.

Dispela i no nuipela long ol memba bilong Sios bilong Jisas Krais long Las- de. Tru tumas, gospel bilong Jisas Krais we i bin kam bek gen i lainim yumi olsem ol profet i no ol gutpela man bilong bifo tasol ol i gat wanpela bikpela hap wok long plen bilong God. Maski sampela bai lukim olsem ol profet i bilong Olpela Testamen taimtasol, yumi lukim ol olsem samting yumi i gat long wankain wantaim Olpela Testamet taim.

Tasol taim yumi ridim wanpela sapta long Aisaia o Esekiel yu bai pilim narapela kain long ridim wanpela jenerol konfrens tok long ol nau Presiden bilong Sios. Sampela taim em i hat long luksave olsem ol olpela profet i gat samting long tokim yumi. Tasol tingim tu olsem wol yumi stap nau em i narapela kain long wol we ol i bin autim tok na i bin tok profet long em. Na as bilong yumi i i gat wanpela profet i stap laip yet i ken kamapim wanpela askim: Bilong wanem em i gutpela long mekim—na em i nidim hatwok—long ridim ol toktok bilong ol olpela profet?

Long planti taim, ol manmeri bilong nau i no nambawan lain bilong harim toktok bilong ol Profet bilong Olpela Testamen. Dispela ol profet i bin gat ol wari we ol i wok long toktok we i kamap long taim na ples bilong ol—wankain olsem ol las-de profet bilong yumi we i wok long toktok long ol samting i wok long kamap nau.

Na long wankain taim tu, ol profet i ken lukim ol samting i bai kamap bihain taim tu. Ol i tisim ol tok tru we i bai stap oltaim oltaim, we i orait long olgeta taim na peles. Ol i gat blesing bilong revelesen,ol i lukim bikpela tingting long wok bilong God. Long eksampel, Aisaia i toksave ol pipol long taim bilong em long sin bilong ol. Em i bin raitim tu stori bilong hau Israel i bin fri husait i bai stap 200 yia long baihain taim. Na long wankain taim tu, em i tisiim long hau yumi ken stap fri we s olgeta man bilong God i bai panim Na em bin raitim ol tok profet we, long tude, i wet yet long kamap tru—olsem ol promis bilong “nupela graun” (Isaiah 65:17) we i bai “ pulap long save bilong Bikpela” (Isaiah 11:9),we ol traib bilong Israel i bin lus bai bung gen na we “ol kantri” bai nonap “lainim long pait moa” (Isaiah 2:4). Hap bilong amamas na insperesen we i save kam long ridim ol toktok bilong Olpela Testamen i olsem Aisaia em long luksave olsem yumi gat wok long mekimlong dispela gutpela de ol i lukim.

Taim yu ridim ol olpela tok profet, em i ken halivim yu long save wanem taim na asol i bin raitim—tasol yu tu ken lukim yu yet insait long ol, o “Seklim long laip bilong [yu yet]” (1 Nifai 19:24; lukim tu vese 23). Sampela taim luksave long Babylon olsem sain bilong sin na pasin antap, i no olsem wanpela siti bilong bipo tasol. Dispela i ken minim long luksave olsem Israel em pipol bilong God long olgeta taim na peles. O ating dispela i minim olsem lukim Saion olsem las-de hap we ol pipol bai holim pas na i no lukim olsem narapela toktok bilong Jerusalem.

Yumi ken skelim ol sripkas long laip blong yumi bikos yumi save olsem wanpela tok profet i ken kamap long planti we. Wanpela gutpela eksampel em dispela tok profet insait long Isaiah 40:3: “Nek bilong dispela man i krai long bus, redim rot bilong Bikpela.” Long ol Juda i stap long kalabus insait long Babilon, dispela hap tok i ken toktok long Bikpela long soim wanpela we long kamout long kalabus na go bek long Jerusalem. Long Matthew, Mark, na Luke, dispela tok profet i tok long John the Baptais, husait i redim rot bilong ministri bilong i Seivia long dispela graun. Na Joseph Smith kisim revelesen olsem dispela tok profet i stil kamap tru nau long redi long ministri bilong Krais long wan tausen yia. Long ol rot we mipela i wok long kliagut, ol profet bilong bifo i bin toktok long mipela. Na ol i lainim planti gutpela samting,tok tru bilong oltaim oltaim we i orait long yumi wankain olsem i bin orait long Israel long bipo.

Ating em i impoten long lukim yu yet long Olpela Testamen tok profet,em long lukim Jisas Krais insait long ol tu. Supos yu panim Em,yu bai lukim Em, maski sapos yu no kolim nem bilong Em. Em i ken halivim yu long putim long tingting olsem God bilong Olpela Testamen, Bikpela Jehova, em i Jisas Krais. Olgeta taim ol profet i totok long wanem Bikpela i mekim o i bai mekim,ol i toktok long Sevia.

Yu bai painim tu ol tok i toktok long wanpela man God i makim ,wanpela Ridima, na wanpelaKing bihain taim long lain bilong Devit. Dispela olgeta tok profet i toktok long Jisas Krais. Long planti taim, yu bai ridim toktok bilong stap fri, fogivnes, ridemsen,na restoresen. Wantaim Seivia i stap insait long tingting na bel bilong yu, dispela ol tok profet bai lidim yu go long Pikinini bilong God. Bihain long olgeta, gutpela we long kliagut long ol profesis em long gat “spirit bilong profesis,”we Jon i tokim yumi olsem em i“the testimoni bilong Jisas” (Revelesen 19:10).