“Septemba 28–Oktoba 4. ‘Kamfotim Ol Pipol Bilong Mi’: Isaiah 40–49,” Kam, Bihainim Mi—Bilong Haus na Sios: Olpela Testamen 2026 (2026)
“Septemba 28–Oktoba 4. ‘Kamfotim Ol Pipol Bilong Mi,’” Kam, Bihainim Mi: Olpela Testamen 2026
Oraitim Aipas Man, Carl Heinrich Bloch i droim, long Frederiksborg Museum of Nesenel Histori
Septemba 28–Oktoba 4: “Kamfotim ol Pipol Bilong Mi”
Aisaia 40–49
“Kamfot” em namba wod bilong Aisaia sapta 40. Em i makim stat bilong narapela kain tok nek, narapela kain tok long toktok bilong profet. Eli ol raitin bilong Aisaia i tok lukaut long Israel na Judah long bagarap na kalabus we bai kam long ol bikos long sin bilong ol. Tasol ol profesis bihain i bilong kamfotim ol Jewish pipol long 150 yia bihain taim—Babilon i bin bagarapim Jerusalem na tempel na kalabusim ol pipol. Ol dispela tokprofet ,i go moa yet long bihain taim we ol Israelites i bin lus na kisim bikpela bel wari. Ol i save toktok long yumi, husait sampela taim i save filim olsem yumilus,gat bikpela bel wari, na lus tu.
Toktok bilong Aisaia long ol pipol bilong em na long yumi em isi tru: “No ken poret” (Aisaia 43:1). Olgetasamting i no lus. Bikpela i no lus tingting long yumi,na Em i gat pawa long ova olgeta situasen we i luk olsem yumi hat long kontrolim. Em dispela Bikpela, husait i bin “mekim ol heven ” (Aisaia 42:5), i moa pawaful long Babilon, long sin, na long wanem samting i wok long kalabusim yu? “Kam bek gen long mi,” Em i askim, “bilong wanem Mi bin sevim yu” (Aisaia 44:22). Em i inap long oraitim, kisim bek, strongim, fogivim, na kamfotim—wanem samting yu nidim, long sait bilong yu, long sevim yu.
Ol Aidia bilong Lainim long Haus na long Sios
Aisaia 40–49
Jisas Krais i ken kamfotim mi na givim mi hop.
Taim ol Israelites i stap long kalabus long Babilon, ating planti i bin tingting planti olsem ol i lusim plesbilong ol olsem ol sosen na kavanen pipol bilong God. Taim yu ridim Aisaia 40–49, painim ol hap tok we i givim kamfot na hop. Long wanwan hap tok yu painim, tingim na rekodim wanem Bikpela i laik tokim yu long ol dispela ol vese. Hia em ol sampela vese yu i ken stat wantaim:
-
40:11, 29–31:
-
41:10–13, 17–18:
-
42:6–7:
-
43:1–7, 25:
-
44:1–4, 21–24:
-
46:3–4:
-
49:7–16:
Wanem samting yu pilim Bikpela i laikim yu long save long Em?
Yu bai lukim olsem hymn “Hau Strongpela Faundesen” (ol Hymn, no. 85) i save kam long toktok bilong Isaiah insait long Aisaia 41:10; 43:2–5; 46:4. Traim long singim o harim gut dispela hymn, na painim wankain toktok long ol wod bilong singsing na long dispela ol vese bilong Aisaia. Hau Bikpela i inapim ol promis long ol dispela vese long laip bilong yu?
Lukim tu Patrick Kearon, “Em i Kirap Bek Gen Wantaim Hiling Long ol Wing bilong Em: Yumi i Kamap Moa Long Man Bilong Winim Pait,” Liahona, Me 2022, 37–40.
Yusim ol sampela skripsa. Sampela taim yumi ken kliagut long Olpela Testamen moa sapos yumi stadim wantaim vese long Buk bilong Momon. Long eskampel, Buk bilong Mormon profets Nifai na Jekop i bin gat ekses long ol raitin bilong Aisaia long ol brass plet (lukim 1 Nifai 19:22–23), na ol i yusim ol dispela tokprofet long tisim ol narapela long Sevia. Long lainim hau Nifai na Jekop skelim Aisaia 48–49 long ol pipol bilong ol,lukim 1 Nifai 22. Dispela i ken helpim yu long skelim ol dispela sapta long laip bilong yu.
Long bihainim bikpela, yumi ken gat “pis … olsem wanpela wara” (Aisaia 48:18).
Aisaia 40–49
“Yu em wokman bilong mi.”
Long olgeta hap insait long Aisaia 40–49 Bikpela i toktok long ol “wokman”bilong Em na “witnes bilong Em.” Ol dispela ol tok i toktok long Jisas Krais (lukim Aisaia 42:1–7), long haus bilong Israel (lukim Aisaia 45:4),na long King Cyrus, husaait i larim ol Jewish pipol long go bek gen long Jerusalem na blidim gen tempel (lukim Aisaia 44:26–28; 45:1–4). Yu ken traim tu tingim hau ol dispela ha tok i aplai long yu olsem wokman na witnes bilong Bikpela. Long eskampel, tingim ol askim olsem dispela kain:
Aisaia 40:1–3, 9–11; 43:9–12. Long wanem sens yu wanpela witnes bilong Jisas Krais? Wanem ol “gut nuis” yu ken serim olsem witnes bilong Em? Yu ken piksaim long tingting olsem ol i kolim yu olsem witnes long sanap long kot. Insait long dispela kot, Jisas Krais i bin kisim sas long makim toktok ol i rekodim insait long Aisaia 43:11. Wanem testimoni yu bai givim long sapotim klaim bilong Jisas? Wanem evidens long laip bilong yu bai yu soim?
Aisaia 41:8–13; 42:6; 44:21. Bikpela i askim yu long mekim wanem samting? Tingim Sios ol kolin na ol narapela sans long sevim Em. Hau Em bin “kamapim yu” o redim yu long kamap wokman bilong Em? Hau bai Em sapotim yu taim sev?
Aisaia 49:1–9. Wanem toktok yu painim insait long ol dispela vese we i ken helpim taim hatwok na sevis luk olsem “long nating, na i nogat as”? (vese 4).
Aisaia 40:3–8, 15–23; 42:15–16; 47:7–11
Pawa bilong God em winim pawa bilong wol.
Planti taim Aisaia i toktok long ol pipol bilong em long strongpela, maski yumi skelim wantaim pawa bilong dispela wol i wok long traim long daunim yu. Painim ol dispela toktok taim yu ridim Aisaia 40:3–8, 15–23; 42:15–16; na 47:7–11 (lukim olsem sapta 47 i toktok long ol lain i bain kalabusim bilong Israel, Babilon). Ol dispela hap tok i tisim yu wanem samting long ol samting bilong dispela graun? Ol i tisim yu wanem samting long God? Tingim bilong wanem ol dispela toktok i bin helpim ol Jewish lain insait long kalabus. Bilong wanem dispela em gat velui long yu?
Aisaia 48:10; 49:13–16
Bikpela i ken mekim mi kamap gut long ol taim bilong hevi bilong mi.
Taim yu ridim Aisaia 48:10, tingim “paia bilong hevi taim bilong yu.” Hau Bikpela i “mekim” yu kamap gut? Hau bai Aisaia 49:13–16 helpim yu taim yu stap long bikpela pen na wari?
Lukim tu “Paia bilong Rifaina” (vidio), Gospel Laiberari.
The Refiner's Fire
Long moa aidia, lukim isu bilong dispela mun Liahona na Long Strongim ol Yut megazin.
Ol Aidia bilong Tisim ol Pikinini
Aisaia 40:3–5
Mi ken helpim long ridim “rot bilong Bikpela.”
-
Tingim ol sompela we long soim wanem mininbilong “ridim … rot bilong Bikpela,” olsem Aisaia 40:3–5i tok. Long eskampel,yu na pikinini bilong yu ken stretim wanpela samting i krungut, kliarim plua long ol kainkain samting, o mekim klia rot long graun we i pulap long ston. Yu ken soim ol piksa bilong Jon the Baptist na Joseph Smith (lukim Gospel Art Buk, nos. 35, 87). Hau bin ol ridim rot bilong Bikpela long kam? (lukim Luk 3:2–18; Doktrin na ol Kavanen 135:3). Hau bai yu inap halivim? Dispela ken kamap sans long toktok long hau ol lain i holim Aronik Prishud i helpim long ridim rot bilong Bikpela (lukim Doktrin na ol Kavanen 84:26–28).
Aisaia 43:10
Mi ken kamap wanpela witnes bilong Bikpela.
-
Bihain long yu ritim Aisaia 43:10 wantaim, yu ken toktok long wanem em i minim long kamap wanpela witnes. Serim wantaim narapela ol samting yu bin ekspriensim we yu ken kamap witnes” bilong—long eskampel, kaikai yu bin tastim,wanpela ples yu bin visitim, o wanpela man yu save. Em i minim wanem samting long kamap witnes bilong Bikpela? Hau bai yumi tokim ol narapela ol lain long Em?
Aisaia 44:3–4; 45:8
Bikpela i bai “kapsaitim” blesings bilong Em long mi.
-
Bihain long ridim ol dispela vese, ol pikinini bilong yu ken putim wara long plant na toktok long ol blesing Bikpela i save kapsaitim long ol. Wanem samting bai kamap long plant taim yumi givim wara long em? Hau ol blesing bilong Bikpela i helpim yumi gro?
Stretpela pasin bilong yumi [i ken] kamap olsem ol wev bilong solwara” (Aisaia 48:18).
Aisaia 48:17–18
Bihainim ol lo bilong God i bai karim bel isi kam.
-
Ol piksa o vidio bilong wara na solwara ken helpim ol pikinini bilong yu piksarim Aisaia 48:18 (olsem ol piksa insait long here). Ol pikinini bilong yu ken amamas long movim han bilong ol olsem wara na wev bilong solwara. Hau bel isi i olsem wanpela wara? Hau stretpela pasin i olsem wev? Toktok long hau bihainim ol lol bilong God i helpim yu long pilim bel isi olsem wara o strong olsem wev.
-
Singim wantaim wanpela singsing long ol lo, olsem “Bihainim Lo” (Singsingbuk bilong Pikinini, 146–47). Wanem samting dispela singsing i tisim yumi bilong wanem yumi mus bihainim ol lo bilong God?
Aisaia 49:14–16
Bikpela i bai nonap lus tingting long mi.
-
Aisaia 49:14–16 inap long givim bikpela bel isi long ol pikinini bilong yu long ol planit yia long kam. Taim yu ridim vese 14, yu ken toktok long wanem samting i ken mekim ol pipol filim olsem nogat man i tingim ol o lus tingting long ol. Hau bai yumi save olsem Bikpela i no lus tingting long yumi?
-
Long statim toktok long ol vese 15–16, yu ken askim ol pikinini bilong yu long ol lain husait ol i bai i no nap lus tingtng long ol, olsem famili memba o pren. Olsem Isaiah 49:15–16,i tok bilong wanem Bikpela i no nap long lus tingting long yumi? Bihain yu ken serim wantaim ol narapela ol filins bilong yu long Jisas Krais.
Long moa aidia, lukim isu bilong dispela mun bilong Pren megazin.