“Oktoba 5–11. ‘Em i Karim ol Pen bilong Yumi, na Karim ol Wara bilong Yumi’: Aisaia 50–57,” Kam, Bihainim Mi—Bilong Haus na Sios: Olpela Testamen 2026 (2026)
“Oktoba 5–11. ‘Em i Karim ol Pen bilong Yumi , na Karim ol Wari bilong Yumi” Kam, Bihainim Mi: Olpela Testamen 2026
Tok pilai (long nogut we)long Krais, Carl Heinrich Bloch i droim
Oktoba 5–11“Em i Karim ol Pen bilong Yumi , na Karim ol Wari bilong Yumi”
Aisaia 50–57
Long olgeta taim bilong ministri bilong em, Aisaia i bin toktok long wanpela stronpela dilivara. Dispela ol tok profet i bai bikpela samting tru long ol pipol bilong Israel long planti handret yia bihain taim ol i bin stap long kalabus long Babilon. Wanpela man husait inap long burukim daun ol wal bilong Babilon i bai kamap wanpela stronpela man tru. Tasol em i no dispela kain Mesaia we Aisaia i toktok insait long ol sapta 52–53: “Ol man i no laikim em na ol i sakim em, ; man bilong sore, na i kliagut long sore: na yumi hait taim yumi lukim pes bilong em. … Yumi lukim em olsem nogut, God i paitim em, na kisim bikpela bagarap” (Aisaia 53:3–4).
Long salim dispela kain dilivara ol i no tingim, God i bin lanim yumi trupela dilivarens. Long sevim yumi long ol pasin bilong daunim na hevi, God i salim Wanpela husait Em yet “ol i bin daunim ,na … bagarapim.” Long hap we sampela i ting bai i gat wanpela laion, Em i salim sipsip (lukim Aisaia 53:7). Tru tumas, pasin bilong God i no olsem pasin bilong yumi (lukim Aisaia 55:8–9). Jisus Krais i mekim yumi fri i no long opim kalabus tasol long kisim peles bilong yumi long hap. Em i rausim yumi long ol sein bilong bel pen na sore we Em i karim ol Em yet (lukim Aisaia 53:4–5, 12). Em i no bin savim yumi long wanpela longwe hap. Em i karim pen wantaim yumi, insait long wok bilong “gutpela pasin oltaim oltaim” we “ i no nap lusim yumi” (Aisaia 54:8, 10).
Ol Aidia bilong Lainim long Haus na long Sios
Aisaia 50–52
Taim bihain em i brait bilong ol pipol bilong Bikpela
Even ol Israelites i bin spedim planti yia long kalabus—na tu kalabus i bin kamap bikos long nogut sois bilong ol yet—Bikpela i bin laikim ol long lukluk long fusa wantaim hoip. Wanem samting yu painim insait long toktok bilong Isaiah i givim hoip long yu? Wanpela chat olsem dispela i ken halivim yu long stadi:
|
Mi lanim wanem somtin long God (lukim, long eskampel, Isaiah 50:2, 5–9; 51:3–8, 15–16; 52:3, 9–10) | |
|
Ol toktok bilong hop (lukim,long eksampel, Aisaia 50:9; 51:3–5, 11–12, 22–23; 52:9–10) | |
|
Mi bai makim wanem long makim hop kamap tru (lukim, long eksampel, Aisaia 50:10; 51:1–2, 6–9; 52:1–3, 9–11) |
Lukim tu Mosaia 12:20–24; 15:13–18; 3 Nifai 20:29–46; Doktrin na Kavanen 113:7–10; Russell M. Nelson, “Luksave na amamas long bihain taim wantaim feit,” Liahona, Nov. 2020, 73–76.
Bikos long Lav, Angela Johnson i droim
Halivim ol sumatin long kam long Jisas Krais Nogat wanpela samting yu ken mekim olsem tisa bai blesim ol sumatin moa long halivim ol long save long Papa long Heven na Jisas Krais na pilim lav bilong Tupela ” (Tisin long We bilong Sevia, 8). Taim yu redi long tisim Aisaia 50–57 long ol narapela, tingim hau yu ken helpim ol long lukim ol koneksen namel long ol salens bilong ol Israel, tok profet bilong Aisaia long Krais, na kisim halivim bilong heven wantaim ol hevi bilong ol yet.
Aisaia 53.
Jisas Krais i kisim long Em yet ol sin na ol wari bilong mi.
Sampela sapta long ol skripsa i toktok long ridemsen misin bilong Jisas Krais naispela moa long Aisaia 53. Tingim ol ektiviti olsem dispela long kliagut na bihainim ol dispela strongpela ol tisin.
-
Tingim o toktok long hau ol stori na ol muvi i save soim ol hiro husait i save halivim ol pipol. Skelim dispela ol piksa wantaim o toktok bilong Sevia insait long Aisaia 53
-
Bihain long ridim wanwan vese, malolo long skelim wanem Sevia i karim—“ol bel hevi,” “ol bel sore,” na “ol pasin nogut” Em i bin karim— bilong olgeta lain na bilong yu tu. Yu ken senisim ol wod olsem “yumi” na “bilong yumi” wantaim “Mi” na “ bilong mi” taim yu rid. Wanem ol pilin o tingting ol dispela vese i givim long kirapim tingting bilong yu ?
-
Tingim long lukim dispela vidio “Kindom Bilong Mi I NoBbilong Dispela Wol” (Gutnuis Laiberii), na tingting na skelim hau ol tok profet insait long Aisaia 53 i bin kamap tru. Wanem em ol sampela bel hevi na bel sore Sevia i karim bilong yu?
5:25My Kingdom Is Not of This World
-
Painim ol piksa bilong ol samting wei kamap long taim bilong Atomen bilong Jisas Krais (lukim Gutnuis Art Buk, nos. 56–60). Bihain yu ken panim ol toktok insait long Aisaia 53 we i stori long ol samting i bin kamap insait long ol piksa. Ol dispela tisin i kirapim tingting bilong yu long mekim wanem?
Lukim tu “Lukim Gutpela Ridima i Dai,” Hymn, no. 191.
Aisaia 54; 57:15–19
Jisas Krais i laikim mi long go bek gen long Em.
Yumi olgeta i gat taim we yumi pilim plsem yumi stap long we long Bikpela bikos long pasin nogut o ol wiknes bilong yumi. Sampela i lusim hop olsem Em bai nonap fogivim ol. Aisaia 54 na 57 em ol gutpela sapta long ridim long kisim strong na ol gutpela toktok long strongim tingtinglong ol kain taim olsem. Planti taim insait long Aisaia 54:4–10; 57:15–19, wanem ol wod i tisim yu wanem Sevia i save pilim long yu? Wanem diferens em i mekim long laip bilong yu long save long ol dispela samting long Em?
Presiden Dieter F. Uchtdorf i tisim:
“Em i no bikpela samting long hau nogut laip bilong yumi i luk. Em i no bikpela samting long hamas sin bilong yumi i retpela tru,hamas bel nogut bilong yumi, hamas yumi stap yumi yet , ol i lusim yumi, o bel bilong yumi i bruk Maski ol dispela lain husait i nogat hop, husait i gat hevi, husait i bin autim trast, lusim gutpela pasin bilong ol, o givim beksait long God i ken bildim gen. …
Dispela gutpela nius bilong gospel em i dispela: bikos long dispela plen bilong amamas we i bai stap oltaim oltaim wePapa long Heven i givim husait i lavim yumina long dispela bikpela sakripais bilong Jisas Krais we i no pinis bilong em, yumi i no inap long kambek gen long pundaun bilong yumi na kamap klin gen l, tasol bai yumi ken go antap moa yet long tingting bilong yumi na kamap olsem ol lain bilong kisim laip oltaim oltaim na yumi ken kisim dispela glori bilong God we i no inap long tok klia long em.” (“Em i Putim Yu Antap Long Solda Bilong Em na Karim Yu Go Long Haus,” Liahona, Me 2016, 102).
Lukim tu Patrick Kearon, “Tingting bilong God Em Long Bringim Yu Go Bek Long Haus,” Liahona, Me 2024, 87–89.
Aisaia 55–56
Bikpela i invaitim olgeta long “holim pas long ol kavanen bilong mi.”
Long planti ol jeneresen, Israel i bin kamap kavanen pipol bilong God. Tasol, plen bilong God i bin gat moa long wanpela kantri tasol,long wanem “olgeta lain i nek drai” ol i invaitim long “kam … long ol wara (Aisaia 55:1). Tingim dispela taim yu ridim Aisaia 55 na 56, na tingim wanem samting i min long kamap pipol bilong God. Wanem em toktok bilong God long ol lain husait i pilim olsem ol i“long weir turu ” long Em? (Aisaia 56:3). Tingim long makim ol vese we i toktok long ol pasin na eksen bilong ol lain husait “holim strong kavanen bilong Mi” (lukim Aisaia 56:4–7).
Long moa, lukim isu bilong dispela mun Liahona na Long Strongim ol Yut ol megazin.
Ol Aidia bilong lainim ol Pikinini
Aisaia 51–52
Bikpela i invaitim mi long “putim on [bilong mi] strong.”
-
Ating em i bai gutpela long ol pikinini bilong yu long panim hap toktok olsem “kirap,” “sanap,” na “putim on strong bilong yu” insait long Aisaia 51:9, 17; 52:1–2, 9 na ektim aut dispela ol hap toktok. Bihain long makim dispela, yu ken toktok long wanem i minim long kirap, sanap, na kisim strong long long samting bilong spirit. Bikpela i askim yumi long mekim wanem long ol dispela vese?
-
Ol pikinini bilong yu i ken ridim tu Aisaia 51:1, 4, 7 na painim aut husait Bikpela i toktok long em na wanem Em i laikim ol long mekim. Wanem minin bilong “harim” Bikpela? Hau bai yumi soim Bikpela olsem yumi “harim” Em ?
Aisaia 53:3–9
Jisas Krais i karim long Em yet ol sin na ol wari bilong mi.
-
Yu na ol pikinini bilong yu ken lukluk long sampela ol piksa we i soim ol pen na dai bilong Jisas Krais (lukim, eskampel, Gospel Art Buk, nos. 56, 57, 58). Bihain yu ken ridim wantaim Aisaia 53:3–6, 9 na painim ol wod we i toktok long wanem i wok long kamap insait long piksa. Helpim ol pikinini bilong yu long kliagut olsem Aisaia i serim ol dispela ol tok tru long ol handret pela yia i go pinis bifo ol i kamap. Bilong wanem i impoten long ol pipol long save long ol dispela samting long planti yia i go pas? (lukim Alma 39:15–19).
-
Bihain long ridim Aisaia 53:4, “Em i bin karim ol pen bilong yumi, na karim ol sore bilong yumi,” ol pikinini bilong yu ken traim long apim wanpela hevi samting (o giaman long apim wanpela samting). Toktok long hau “pen” na “sore” o wari i ken pilim hevi na het long karim. Bilong wanem Jisas i karim “ol pen,” “ol sore,” na “ol pasin nogut” o ol sin bilong yumi? (lukim tu Alma 7:11–12).
Aisaia 55:6
Mi ken panim Bikpela na singaut long Em.
-
Bilong skulim ol pikinini bilong yu long Aisaia 55:6, yu ken haitim wanpela piksa bilong Jisas long wanpela hap insait long rum. Yu ken invaitim ol pikinini bilong yu long painim dispela piksa na nemim wanpela we ol i ken “painim … Bikpela taim ol i ken painim Em.” Wanpela singsing olsem “Painim Bikpela Eli” (Singsingbuk bilong Pikinini, 108) i ken givim ol aidia. Nau yu ken larim wanpela pikinini bilong yu long haitim dispela piksa na mekim gen dispela ektiviti.
Aisaia 55:8–9
Ol pasin bilong Bikpela em i antap moa long bilong mi.
-
Taim yu ridim pinis Aisaia 55:9, em bai fun long ol pikinini bilong yu long sanap long wanpela stul na toktok long hau ol samting i luk narakain taim yu sanap “antap tru.” O ol i ken droim wanpela piksa bilong wanem Aisaia 55:9 i minim long ol. Yu ken nau toktok long sampela pasin bilong Bikpela we i antap moa long pasin bilong yumi. Long eksampel, wanem em pasin bilong Em long tretim ol sinman? (lukim Mak 2:15–17). Wanem em pasin bilong Em long lidim ol narapela? (lukim Matyu 20:25–28). Serim wantaim ol pikinini bilong yu long hau yu bin lainim long trastim pasin na tingting we i antap moabilong Bikpela
Long moa, lukim isu bilong dispela mun bilong Pren megazin.