ஏசாயா 13-14; 22; 24-30; 35

ஏசாயாவின் நாட்களில் பாபிலோன் வல்லமையான அதிபதியை கொண்ட பலத்த ராஜ்யமாய் இருந்தது. பாபிலோன் இப்போதோ பழங்காலத்து வரலாறு. அப்படியிருக்க ஏசாயா 13–14விலுள்ள ஏசாயாவின் பாபிலோனுக்கான செய்தி இன்று நமக்கு ஏன் முக்கியமானதாக இருக்கிறது? ஏனெனில் இன்றும் நம்மை சுழ்ந்துள்ளவைகளான பெருமை பேராசை பாவம் ஆகியவைகளை பாபிலோன் அடையாளப்படுத்துவதால்தான். ஏசாயா 13:1–11, 19–22; 14:1–20 நீங்கள் வாசிக்கும்போது இந்த அடையாளத்தைப்பற்றி சிந்தியுங்கள். இது போன்ற கேள்விகளை நீங்கள் கருத்தில் கொள்ளலாம்:

• பாபிலோனிய ராஜாவின் பெருமைக்கும் சாத்தானின் பெருமைக்கும் இடையே என்ன ஒற்றுமைகளை நீங்கள் காண்கிறீர்கள்? ( ஏசாயா 14:4–20 ; மோசே 4:1–4 பார்க்கவும்). இந்த வசனங்களில் நீங்கள் உங்களுக்கான எச்சரிக்கைகள் என எதைக் காண்கிறீர்கள்?

• இரட்சகர், “உன் துக்கத்தையும் உன் தத்தளிப்பையும் நீக்கி இளைப்பாறப்பண்ணுவது” எப்படி? (ஏசாயா 14:3).

ஏசாயாவின் போதனைகள் பெரும்பாலும் இரட்சகரின் பாவநிவாரண பலி, உயிர்த்தெழுதல் மற்றும் இரண்டாம் வருகை உள்ளிட்ட அவரின் ஊழியத்தைக் குறிக்கின்றன. பின்வரும் வசனங்களைப் நீங்கள் படிக்கும்போது அவனுடைய ஊழியத்தின் என்ன அம்சங்கள் நினைவுக்கு வருகின்றன: ஏசாயா 22:22–23; 24:21–23; 25:6–8; 26:19; 28:16 ? இரட்சகரை நினைவூட்டுகின்ற வேறு எந்த பத்திகளைக் காண்கிறீர்கள்?

தம்மிடமிருந்து விலகிச் செல்கிறார்கள் என்று கர்த்தர் தம்முடைய இரக்கத்தில், உடன்படிக்கையின் ஜனங்களை எச்சரிக்க ஏசாயாவை அனுப்பினார். ஏசாயா 24:5; 29:13; 30:8–12இல் இதன் ஆவிக்குரிய எச்சரிக்கை அறிகுறிகளை நீங்கள் கண்டுபிடிக்க முடியுமா என்று பாருங்கள். இந்த மனப்பான்மையும் செயல்களும் ஏன் ஆவிக்குரிய ரீதியில் ஆபத்தானவை?

கர்த்தரை விட்டு விலகுவதால் ஏற்படும் விளைவுகளைப் பற்றி எச்சரிக்க, ஏசாயா சில மறக்கமுடியாத ஒப்பீடுகளைப் பயன்படுத்தினார். நீங்கள் அவற்றைப் படிக்கும்போது, ​​தேவனிடமிருந்து விலகிச் செல்வது எதைப்போன்றது என்று உங்களை நீங்களே கேட்டுக்கொள்ளுங்கள்:

• வாடிய வெறுமையான பூமி (ஏசாயா 24:1–12).

• வெறித்திருத்தல் (ஏசாயா 28:7-8).

• பசியும் தாகமும் (ஏசாயா 29:7–10).

• உடைந்த சுவர் அல்லது பாத்திரம் (ஏசாயா 30:13–14).

கர்த்தருடன் நெருக்கமாக இருப்பது உங்களுக்கு ஏன் முக்கியம்?

நீங்கள் தொலைத்த எதையேனும் நீங்கள் கண்டுபிடிக்கலாகாது என்று நினைத்ததுண்டா? அல்லது ஏதாவது உடைந்தபோது, அதை பழுதுபார்த்திடக்கூடுமோ என்று நீங்கள் அங்கலாய்த்திருக்கலாம். நாம் கர்த்தரிடமிருந்து விலகிச் செல்லும்போது, ​​நாம் ஒருபோதும் திரும்பவோ அல்லது குணமடையவோ முடியாது என்று நாம் நினைக்க வேண்டும் என்று சாத்தான் விரும்புகிறான். இருப்பினும், கர்த்தரிடம் திரும்ப நமக்கு உதவ அவர் செய்யும் சில அற்புதமான காரியங்களை ஏசாயா விவரித்தார். ஏசாயா 29:13–24; 30:18–26;35விலிருந்து கர்த்தரைப் பற்றியும், அவர் அன்பைப்பற்றியும் அவர் வல்லமையைப்பற்றியும் நீங்கள் கற்றுக்கொள்வதென்ன? உங்களுக்கு ஆரோக்கியம் தேவைப்படும்போது உங்களுக்கு நம்பிக்கை கொடுக்கிற ஒரு சொற்றொடரை நீங்கள் ஒருவேளை இந்த பத்திகளில் காணக்கூடும். நீங்கள் சகோதரி ஏமி ஏ. ரைட்டின் செய்தியையும் பார்க்கலாம் “நொறுங்கியதை கிறிஸ்து குணப்படுத்துகிறார்” (லியஹோனா, மே 2022, 81–84).

கர்த்தர் தம்முடைய வல்லமையையும் இரக்கத்தையும் வெளிப்படுத்தும் ஒரு வழி அவருடைய சுவிசேஷத்தை மறுஸ்தாபிதம் செய்வதாகும். ஏசாயா 29 அந்த மறுஸ்தாபித நிகழ்வுகளுக்கு இணையான பல பத்திகளைக் கொண்டுள்ளது. உதாரணமாக:

• ஏசாயா 29:11–12வுடன் 2 நேபி 27:6–26 மற்றும் ஜோசப் ஸ்மித்—வரலாறு 1:63–65 ஒப்பிடவும்.

• ஏசாயா 29:13–14வுடன் கோட்பாடும் உடன்படிக்கைகளும் 4 மற்றும் ஜோசப் ஸ்மித்—வரலாறு 1:17–19 ஒப்பிடவும்.

• ஏசாயா 29:18–24வுடன் மார்மன் புஸ்தகத்தின் தலைப்பு பக்கத்தை ஒப்பிடவும்.

உங்கள் கருத்துப்படி, ஏன் “அற்புதமும்“ “அதிசயமும்“ (ஏசாயா 29:14) தேவன் தமது சுவிசேஷத்தை மறுஸ்தாபிதம் செய்தலை விவரிக்க ஏற்ற வார்த்தைகள்? நீங்கள் எவ்வாறு மறுஸ்தாபிதம் பற்றிய தீர்க்கதரிசனங்களை நிறைவேற்ற உதவக்கூடும்? யோசனைகளுக்கு, மூப்பர் கெரிட் டபிள்யூ. காங்கின் செய்தியைப் பார்க்கவும்சகல ஜாதிகள், கோத்திரங்கள், பாஷைக்காரர்கள்( லியஹோனா, நவம்பர் 2020, 38–41).

“The Restoration of the Fulness of the Gospel of Jesus Christ: A Bicentennial Proclamation to the World” (Gospel Library); “The Morning Breaks,” Hymns, no 1 பார்க்கவும்.

• உங்கள் பிள்ளைகள் ஏசாயாவின் எழுத்துக்களில் இரட்சகரைக் காண எப்படி உதவுவீர்கள்? ஏசாயா 14:3; 25:8; அல்லது28:16 ஆகியவைகளில் அவரை நினைவூட்டும் சொற்றொடர்களைக் கண்டறிய நீங்கள் அவர்களுக்கு உதவலாம். .அவர்கள் இரட்சகரைப் பற்றி போதிக்கும் வசனங்களான மத்தேயு 11:28–30; 1 கொரிந்தியர் 15:53–57; ஏலாமான் 5:12 போன்ற மற்ற வசனங்களுடன் ஏசாயாவின் வசனங்களைப் பொருத்தலாம். நமக்காக கர்த்தர் என்ன பெரிய காரியங்களைச் செய்திருக்கிறார்?

• ஏசாயா 25:8–9ஐ ஒன்றாகப் படித்த பிறகு, இரட்சகரின் கெத்செமனேயிலும், சிலுவையிலும் மற்றும் தமது உயிர்த்தெழுதலுக்குப் பிறகுமான படங்களை நீங்கள் பார்க்கலாம். உங்கள் பிள்ளைகள் படங்களில் என்ன நடக்கிறது என்பதையும், அவர்கள் ஏன் இயேசுவை நேசித்து, “அவருடைய இரட்சிப்பில் களிகூருகிறார்கள்“ என்பதையும் உங்கள் பிள்ளைகள் பேசட்டும்.(வசனம் 9).

• நீங்கள் விரும்பும் ஒருவர் இறந்தபோது நீங்கள் அடைந்த சோகத்தைப் பற்றி உங்கள் பிள்ளைகளுக்குச் சொல்ல தேர்ந்தெடுக்கலாம். இயேசு கிறிஸ்துவினிமித்தம் நீங்கள் பெறும் ஆறுதலை சாட்சி பகருங்கள். உங்கள் பிள்ளைகள் அழும் முகம் ஒன்றை வரைந்து, பின்பு ஏசாயா 25:8ஐ நீங்கள் ஒன்றாகப் படிக்கும்போது கண்ணீரைத் துடைத்திருக்கலாம்.

• புயலின் போது பாதுகாப்பான தங்குமிடத்தையும் வெப்பமான கோடை நாளில் நிழலையும் நீங்களும் உங்கள் பிள்ளைகளும் ஆசீர்வாதமாக எப்போதேனும் அனுபவித்திருக்கிறீர்களா? அல்லது நீங்கள் பசித்திருந்தபோது நல்ல உணவை உண்டு மகிழ்ந்திருக்கிறீர்களா? நீங்கள் ஏசாயா 25:4–6 வாசிக்கும்போது இந்த அனுபவங்களைப் பற்றி பேசுங்கள். கர்த்தர் எவ்வாறு இவற்றைப் போன்று இருக்கிறார்?

• நீங்களும் உங்கள் பிள்ளைகளும் ஏசாயா 29:14ஐ வாசிக்கும்போது, ​​“அற்புதம்“ மற்றும் “அதிசயம்“ என்று பொருள்படும் மற்ற வார்த்தைகளை அவர்களுடன் பகிர்ந்துகொள்ளுங்கள். இந்த பிற்காலங்களில் கர்த்தரின் அற்புதமான செயல்கள் சிலவற்றைப் பிரதிபலிக்கும் பொருட்களையோ படங்களையோ கண்டுபிடிக்க அவர்கள் உங்களுக்கு உதவட்டும். இதில் மார்மன் புஸ்தகத்தின் நகல், ஒரு ஆலயத்தின் படம் அல்லது முதல் தரிசனத்தின் படம் (இந்த பொருட் சுருக்கத்தின் தொடக்கத்தில் ஒன்று உள்ளது) ஆகியவை அடங்கும். உங்கள் பிள்ளைகள் ஒரு பொருளைத் தேர்ந்தெடுத்து, அது ஏன் அவர்களுக்கு அற்புதமாக இருக்கிறது என்பதைப் பகிர்ந்துகொள்ளலாம்.

• “On a Golden Springtime” (Children’s Songbook, 88) போன்ற ஏசாயா 29 உடன் நன்றாகப் ஒத்துபோகக்கூடிய சுவிசேஷத்தின் மறுஸ்தாபிதத்தைப் பற்றிய ஒரு பாடல். ஒருவேளை ஒரு தனிப்பட்ட அனுபவம் பிள்ளைகள் மறுஸ்தாபிதம் அர்த்தத்தைப் புரிந்துகொள்ள உதவும். உதாரணமாக, நீங்கள் இழந்த ஒன்றைப் பற்றியும் அதை எப்படி கண்டுபிடித்தீர்கள் என்பதைப் பற்றியும் நீங்களும் உங்கள் பிள்ளைகளும் பேசலாம். இதை சுவிசேஷத்தின் மறுஸ்தாபிதத்துடன் ஒப்பிட உங்கள் பிள்ளைகளுக்கு உதவுங்கள். ஏசாயா 29:13–15ன்படி, நமக்கு ஏன் மறுஸ்தாபிதம் தேவை? கர்த்தர் தம்முடைய சுவிஷேசத்தை மறுஸ்தாபிக்க என்ன அற்புதமான செயல்களைச் செய்கிறார்? (இந்த வார நிகழ்ச்சி பக்கத்தைப் பார்க்கவும்).