ஏசாயா 40–49

இஸ்ரவேலர் பாபிலோனில் சிறைபிடிக்கப்பட்டிருந்தபோது தேவனின் தேர்ந்தெடுக்கப்பட்ட, உடன்படிக்கையின் ஜனம் என்பதான அவர்களது இடத்தை என்றென்றைக்கும் இழந்துவிட்டார்களோவென்று அநேகர் வியப்புற்றிருக்கலாம். ஏசாயா 40–49ஐ நீங்கள் வாசிக்கும்போது, ஆறுதலையும் நம்பிக்கையையும் தரக்கூடியதான வாசகங்களைத் தேடுங்கள். நீங்கள் கண்டறிகிற ஒவ்வொரு வாசகத்திலும், இந்த வசனங்களில் கர்த்தர் உங்களுக்கு என்ன சொல்கிறார் என்பதை சிந்தித்து பதிவுசெய்யுங்கள். நீங்கள் ஆரம்பிக்கக்கூடிய ஒரு சில வசனங்கள் இங்கே:

• 40:11, 29–31:

• 41:10–13, 17–18:

• 42:6–7:

• 43:1– 7, 25:

• 44:1–4, 21–24:

• 46:3–4:

• 49:7–16:

தம்மைப் பற்றி நீங்கள் என்ன தெரிந்துகொள்ள வேண்டும் என்று கர்த்தர் விரும்புகிறார் என்பதாக நீங்கள் நினைக்கிறீர்கள்?

How Firm a Foundation” (Hymns, no. 85) என்ற பாடல் ஏசாயா 41:10; 43:2–5; 46:4இல் உள்ள ஏசாயாவின் வார்த்தைகளை அடிப்படையாகக் கொண்டிருப்பதை நீங்கள் கவனிக்கலாம். பாடல் வரிகளுக்கும் ஏசாயாவின் இந்த வசனங்களுக்குமிடையே உள்ள ஒற்றுமையைத் தேடும்படியாக இந்த பாடலை பாடவோ அல்லது கேட்கவோ கருதலாம். இந்த வசனங்களில் உள்ள வாக்குத்தத்தங்களைக் கர்த்தர் உங்கள் வாழ்க்கையில் எவ்வாறு நிறைவேற்றிருக்கிறார்?

பாட்ரிக் கியரோன், “அவர் சிறகுகளில் குணப்படுத்துதலுடன் உயிர்த்தெழுந்தார்: நாம் வெற்றியாளர்களை விட அதிகமாக இருக்க முடியும்,” லியஹோனா, மே 2022, 37-40 ஐயும் பார்க்கவும்.

ஏசாயா 40–49 முழுவதிலும் கர்த்தர் தம்முடைய “ஊழியக்காரரைப்பற்றியும்” தம்முடைய “சாட்சிகளைப்பற்றியும்” பேசுகிறார். இந்த வார்த்தைகள் இயேசு கிறிஸ்து (Isaiah 42:1–7 பார்க்கவும்), இஸ்ரவேல் வீட்டார் (ஏசாயா 45:4 பார்க்கவும்), யூத ஜனங்களை எருசலேமுக்குத் திரும்பி வந்து ஆலயத்தைக் கட்ட அனுமதித்த கோரேசு இராஜா (ஏசாயா 44:26–28; 45:1–4 பார்க்கவும்) ஆகியோரை குறிக்கலாம். கர்த்தருடைய ஊழியக்காரராகவும் சாட்சியாகவும் இருக்கும் உங்களுக்கு இந்த வாசகங்கள் எவ்வாறு பொருந்தும் என்பதையும் நீங்கள் பரிசீலிக்கலாம். உதாரணமாக, பின்வருபவற்றைப் போன்ற கேள்விகளைப்பற்றி சிந்தியுங்கள்.

ஏசாயா 40:1-3, 9-11; 43:9-12, எந்த அர்த்தத்தில் நீங்கள் இயேசு கிறிஸ்துவின் ஒரு சாட்சியாயிருக்கிறீர்கள்? அவருடைய சாட்சியாக நீங்கள் பகிரக்கூடிய “நற்செய்தி“ என்ன? நீதிமன்ற விசாரணையில் நீங்கள் சாட்சி கூண்டிற்கு அழைக்கப்பட்டதாக உங்களை எண்ணிக்கொள்ளுங்கள். இந்த விசாரணையில், ஏசாயா 43:11இல் பதிவு செய்யப்பட்டுள்ள கூற்றை இயேசு கிறிஸ்து செய்ததாக குற்றம் சாட்டப்பட்டிருக்கிறார். இயேசுவின் கூற்றுக்கு ஆதரவாக நீங்கள் என்ன சாட்சியம் அளிக்க முடியும்? உங்கள் வாழ்க்கையிலிருந்து என்ன ஆதாரத்தை முன்வைப்பீர்கள்?

ஏசாயா 41:8–13; 42:6; 44:21. உங்களை என்ன செய்ய கர்த்தர் அழைத்தார்? சபை அழைப்புகளையும் அவருக்கு சேவை செய்வதற்கான பிற வாய்ப்புகளையும் கருத்தில் கொள்ளுங்கள். எப்படி அவர் உங்களை தம்முடைய ஊழியக்காரராய் உருவாக்கியோ அல்லது தயார்படுத்தியோ இருக்கிறார்? நீங்கள் ஊழியம் செய்யும்போது, அவர் உங்களை எவ்வாறு ஆதரிக்கிறார்?

ஏசாயா 49:1–9. உங்கள் முயற்சிகளும் ஊழியமும் வீணும் வியர்த்தமுமாய் இருப்பதாகத் தோன்றுகிறபோது உதவக்கூடிய என்ன செய்திகளை இந்த வசனங்களில் நீங்கள் காண்பீர்கள்”? (வசனம் 4).

அவர்களைச் சுற்றியுள்ள ஒடுக்குகிற உலக வல்லமையுடன் ஒப்பிடும்போது, தேவனின் ஒப்பிடமுடியாத வல்லமையை தனது மக்களுக்கு ஏசாயா மீண்டும் மீண்டும் நினைவுபடுத்தினான். ஏசாயா 40:3–8, 15–23; 42:15–16; மற்றும் 47:7–11 நீங்கள் வாசிக்கும்போது இந்த செய்தியை தேடுங்கள் (அதிகாரம் 47 இஸ்ரவேலை சிறைபிடித்த பாபிலோனுக்கு உரைக்கப்பட்டது என்பதைக் கவனிக்கவும்). உலகப் பிரகாரமான காரியங்களைப்பற்றி இந்த வாசகங்கள் உங்களுக்கு என்ன போதிக்கின்றன? தேவனைப்பற்றி அவை உங்களுக்கு என்ன போதிக்கின்றன? சிறைபிடிக்கப்பட்ட யூதர்களுக்கு இந்த செய்தி ஏன் மதிப்புமிக்கதாக இருந்திருக்கக்கூடும் என்று சிந்தியுங்கள். அது ஏன் உங்களுக்கு மதிப்புமிக்கது?

நீங்கள் ஏசாயா 48:10ஐ வாசிக்கும்போது, உங்களின் சொந்த உபத்திரவத்தின் குகையை குறித்து தியானிக்கவும். கர்த்தர் உங்களை எவ்வாறு சுத்திகரிக்கிறார்? நீங்கள் உபத்திரவங்களை அனுபவிக்கும்போது ஏசாயா 49:13–16 உங்களுக்கு எப்படி உதவுகிறது?

“The Refiner’s Fire” (video), Gospel Library ஐயும் பார்க்கவும்.

5:2

• ஏசாயா 40:3–5இல் விவரிக்கப்பட்டபடி, “கர்த்தருடைய வழியை ஆயத்தப்படுத்துதல்” என்றால் என்ன என்பதை விளக்குவதற்கு சில வழிகளைப் பற்றி சிந்தியுங்கள். உதாரணமாக, நீங்களும் உங்கள் பிள்ளைகளும் கோணலான ஒன்றை நேராக்கலாம், ஒழுங்கீனமான தரையை சுத்தமாக்கலாம், அல்லது பாறை நிலத்தில் தெளிவான பாதையை உருவாக்கலாம். யோவான் ஸ்நானன் மற்றும் ஜோசப் ஸ்மித் படங்களையும் நீங்கள் காட்டலாம் (Gospel Art Book, nos. 35,87 பார்க்கவும்). கர்த்தருடைய வருகைக்காக வழியை அவர்கள் எவ்வாறு ஆயத்தப்படுத்தினார்கள்? (லூக்கா 3:2–18; கோட்பாடும் உடன்படிக்கைகளும் 135:3 பார்க்கவும்). நாம் எப்படி உதவ முடியும்? ஆரோனிய ஆசாரியத்துவம் பெற்றவர்கள் எவ்வாறு கர்த்தரின் வழியைத் ஆயத்தப்படுத்த உதவுகிறார்கள் என்பதைப் பற்றி பேச இது ஒரு வாய்ப்பாக இருக்கலாம் ( கோட்பாடும் உடன்படிக்கைகளும் 84:26–28 பார்க்கவும்).

• கோட்பாடும் உடன்படிக்கைகளும் 43:10ஐ ஒன்றாக வாசித்த பிறகு, சாட்சியாக இருப்பதின் அர்த்தம் என்னவென்று நீங்கள் பேசலாம். நீங்கள் “சாட்சியாக“ இருக்கக்கூடிய அனுபவங்களை ஒருவருக்கொருவர் பகிர்ந்து கொள்ளுங்கள் - உதாரணமாக, நீங்கள் ருசித்த உணவு, நீங்கள் சென்ற இடம் அல்லது உங்களுக்குத் தெரிந்த நபர். கர்த்தரின் சாட்சியாக இருப்பதன் அர்த்தம் என்ன? அவரைப் பற்றி நாம் மற்றவர்களுக்கு என்ன சொல்ல முடியும்?

• இந்த வசனங்களைப் படித்த பின்னர், கர்த்தர் அவர்கள் மீது பொழிந்த ஆசீர்வாதங்களைப்பற்றி பேசும்போது உங்கள் குடும்பத்தினர் ஒரு செடிக்கு தண்ணீர் ஊற்றலாம். ஒரு செடிக்கு தண்ணீர் ஊற்றும்போது அதற்கு என்ன நேரிடுகிறது? கர்த்தருடைய ஆசீர்வாதங்கள் நாம் வளர எவ்வாறு உதவியது?

• ஆறுகள் மற்றும் கடல் அலைகளின் படங்களோ அல்லது காணொளிகளோ உங்கள் பிள்ளைகளுக்கு ஏசாயா 48:18ஐ (இந்த செய்தி சுருக்கத்தில் உள்ள படங்கள் போன்றவை) காட்சிப்படுத்த உதவும். உங்கள் பிள்ளைகள் தங்கள் கைகளையும் கரங்களையும் ஒரு நதியைப்போலவும் கடல் அலைகளைப் போலவும் நகர்த்துவதை விரும்பலாம். சமாதானம் எவ்வாறு ஒரு நதியைப் போலிருக்க முடியும்? நீதி எவ்வாறு அலைகளைப் போலிருக்க முடியும்? தேவனின் கட்டளைகளைக் கைக்கொள்வது நதியைப் போல அமைதியாகவோ அல்லது அலையைப் போல வலுவாகவோ உணர உங்களுக்கு எப்படி உதவியது என்பதைப் பற்றி பேசுங்கள்.

• Keep the Commandments” (Children’s Songbook, 146–47)“ போன்ற கற்பனைகளைப் பற்றிய ஒரு பாடலை ஒன்றாகப் பாடுங்கள். நாம் ஏன் வேதத்தை வாசிக்கிறோம் என்பதைப் பற்றி பாடல் என்ன கற்பிக்கிறது?

• ஏசாயா 49:14–16 உங்கள் பிள்ளைகளுக்கு வரவிருக்கும் ஆண்டுகளில் பெரும் ஆறுதலாக இருக்கும். நீங்கள் வசனம் 14ஐப் படிக்கும்போது, ​​மக்கள் மறந்துவிட்டதாகவோ அல்லது கைவிடப்பட்டவர்களாகவோ உணரக்கூடியவற்றைப் பற்றி பேசலாம். கர்த்தர் நம்மை மறக்கவில்லை என்பதை எப்படி அறிவது?

• வசனங்கள் 15–16ஐ அறிமுகப்படுத்த, உங்கள் பிள்ளைகளிடம் அவர்கள் ஒருபோதும் மறக்க முடியாத ஒரு குடும்ப உறுப்பினர் அல்லது நண்பர் போன்ற ஒருவரைப் பற்றி கேட்கலாம். கோட்பாடும் உடன்படிக்கைகளும் 49: 15–16இன்படி, கர்த்தர் ஏன் நம்மை மறக்க மாட்டார்? பின்பு நீங்கள் இயேசு கிறிஸ்துவைப் பற்றிய உங்கள் உணர்வுகளை ஒருவருக்கொருவர் பகிர்ந்து கொள்ளலாம்.