ესაია 13–14; 22; 24–30; 35

ესაიას დროს ბაბილონი ძლევამოსილი სამეფო იყო ძლიერი მმართველით. ახლა ბაბილონი უძველესი ისტორიაა. რატომ არის ესაიას გზავნილი ბაბილონისადმი, ესაია 13–14, დღეს ჩვენთვის მნიშვნელოვანი? რადგან ბაბილონი სიამაყის, სიხარბისა და ცოდვის სიმბოლოა, რაც დღესაც ჩვენ გარშემოა გაბატონებული. დაფიქრდით ამ სიმბოლიკაზე, როცა კითხულობთ ესაია 13:1–11, 19–22; 14:1–20. თქვენ შეგიძლიათ განიხილოთ ასეთი კითხვები:

• რა მსგავსებას ხედავთ ბაბილონის მეფის და სატანის სიამაყეს შორის? (იხილეთ ესაია 14:4–20; მოსე 4:1–4). რა გაფრთხილებებს პოულობთ თქვენთვის ამ მუხლებში?

• როგორ უზრუნველყოფს მხსნელი „[დასვენებას] … ტანჯვისა და წამებისაგან და მძიმე ჯაფისაგან (ესაია 14:3).

ესაიას სწავლებები ხშირად ეხება მხსნელის მისიას, მათ შორის მის გამომსყიდველ მსხვერპლს, აღდგომას და მეორედ მოსვლას. მისი მისიის რა ასპექტები გახსენდებათ ამ მუხლების წაკითხვისას: ესაია 22:22–23; 24:21–23; 25:6–8; 26:19; 28:16? კიდევ რომელ მონაკვეთს ხედავთ, რომელიც მხსნელს გახსენებთ?

თავისი მოწყალებით უფალმა გაგზავნა ესაია, რათა გაეფრთხილებინა აღთქმის ხალხი, რომ ისინი მას განეშორებოდნენ. ნახეთ, შეგიძლიათ თუ არა ამის სულიერი გამაფრთხილებელი ნიშნების პოვნა ესაია 24:5; 29:13; 30:8–12. რატომ არის ეს დამოკიდებულებები და მოქმედებები სულიერად საშიში?

უფლისთვის ზურგის შექცევის შედეგების გასაფრთხილებლად ესაიამ რამდენიმე დასამახსოვრებელი შედარება გამოიყენა. როდესაც მათ სწავლობთ, ჰკითხეთ საკუთარ თავს, რას ნიშნავს უფლისთვის ზურგის შექცევა:

• სევდიანი, ცარიელი დედამიწა (ესაია 24:1–12).

• სიმთვრალე (ესაია 28:7–8).

• შიმშილი და წყურვილი (ესაია 29:7–10).

• გატეხილი კედელი ან ჭურჭელი (ესაია 30:13–14).

რატომ არის თქვენთვის მნიშვნელოვანი უფალთან ახლოს ყოფნა?

დაგიკარგავთ ოდესმე ისეთი რამ, რასაც ფიქრობდით, რომ ვეღარასოდეს იპოვიდით? ან იქნებ რაღაც გაფუჭდა და ნერვიულობდით, რომ ვერასოდეს შეკეთდებოდა. როცა უფალს ზურგს ვაქცევთ, სატანას სურს ვიფიქროთ, რომ ვერასოდეს ვერ დავბრუნდებით მასთან და ვერ განვიკურნებით. თუმცა, ესაიამ აღწერა რამდენიმე საოცარი რამ, რასაც უფალი გააკეთებს, რათა მასთან დაბრუნებაში დაგვეხმაროს. რას სწავლობთ ესაია 29:13–24; 30:18–26; 35-იდან უფლის, მისი სიყვარულისა და მისი ძალის შესახებ? შესაძლოა, ამ მონაკვეთებში იპოვოთ ფრაზა, რომელიც გაიმედებთ, როცა განკურნება გჭირდებათ. თქვენ ასევე შეგიძლიათ ნახოთ და ემი ა. რაითის გზავნილი „ქრისტე კურნავს იმას, რაც დაზიანდა“ (Liahona, მაისი, 2022, 81–84).

ერთ-ერთი გზა, რომლითაც უფალი ავლენს თავის ძალასა და წყალობას, არის მისი სახარების აღდგენა. ესაია 29 შეიცავს რამდენიმე ნაწყვეტს, რომლებსაც აქვს პარალელები აღდგენის მოვლენებთან. მაგალითად:

• ესაია 29:11–12 შეადარეთ 2 ნეფი 27:6–26-სა და ჯოზეფ სმითი — ისტორია 1:63–65-ს.

• ესაია 29:13–14 შეადარეთ მოძღვრება და აღთქმები 4 -სა და ჯოზეფ სმითი — ისტორია 1:17–19-ს.

• ესაია 29:18–24 შეადარეთ მორმონის წიგნის თავფურცელი.

თქვენი აზრით, რატომ არის „გასაოცარი“ და „საოცრებები“ (ესაია 29:14) კარგი სიტყვები უფლის თავისი სახარების აღდგენის აღსაწერად? როგორ შეგიძლიათ დაეხმაროთ აღდგენის შესახებ წინასწარმეტყველებების აღსრულებას? იდეებისთვის გადახედეთ უხუცეს გერიტ ვ. გონგის გზავნილს „All Nations, Kindreds, and Tongues“ (Liahona, ნოემბერი, 2020, 38–41).

იხილეთ აგრეთვე „იესო ქრისტეს სახარების სისრულის აღდგენა: მსოფლიოს ორმოცდაათიანთა გამოცხადება“ (სახარების ბიბლიოთეკა); „The Morning Breaks“, Hymns, no 1.

• როგორ დაეხმარებით თქვენს შვილებს, დაინახონ მხსნელი ესაიას ნაწერებში? თქვენ შეგიძლიათ დაეხმაროთ მათ, იპოვონ ფრაზები, რომლებიც მათ მხსნელს ახსენებენ ესაია 14:3; 25:8; ან 28:16 -ში. მათ ასევე შეეძლოთ ესაიას ამ მუხლების შედარება სხვა მუხლებთან, რომლებიც მხსნელის შესახებ ასწავლის, როგორებიცაა: მათე 11:28–30; 1 კორინთელთა 15:53–57; ჰელამანი 5:12. რა დიადი საქმეები გაუკეთებია უფალს ჩვენთვის?

• ესაია 25:8–9-ის ერთად წაკითხვის შემდეგ, შეგიძლიათ ნახოთ მხსნელის სურათები გეთსიმანიაში, ჯვარზე და მისი აღდგომის შემდეგ. ნება მიეცით თქვენს შვილებს ისაუბრონ იმაზე, თუ რა ხდება სურათებზე და რატომ უყვართ იესო და „[ხარობენ] მისი ხსნით]“ (მუხლი 9).

• თქვენ შეგიძლიათ უთხრათ თქვენს შვილებს იმ მწუხარების შესახებ, რაც განიცადეთ, როდესაც საყვარელი ადამიანი გარდაიცვალა. დაამოწმეთ ნუგეში, რომელსაც იღებთ იესო ქრისტეს წყალობით. როცა ერთად კითხულობთ ესაია 25:8-ს შესაძლოა, თქვენმა შვილებმა დახატონ მტირალი სახე და შემდეგ წაშალონ ცრემლები.

• ოდესმე გამოგიცდიათ თქვენ და თქვენს შვილებს უსაფრთხო თავშესაფრის კურთხევა ქარიშხლის დროს ან ჩრდილის კურთხევა ზაფხულის ცხელ დღეს? ან ისიამოვნეთ კარგი საკვებით, როცა მშიერი იყავით? ისაუბრეთ ამ გამოცდილებაზე ესაია 25:4–6-ის წაკითხვისას. როგორ ჰგავს იესო ამ ყველაფერს?

• როდესაც თქვენ და თქვენი შვილები კითხულობთ ესაია 29:14-ს, გაუზიარეთ მათ სხვა სიტყვები, რომლებიც იგივეს ნიშნავს, რაც „გასაოცარი“ და „საოცრება“. მიეცით მათ საშუალება დაგეხმარონ, იპოვოთ საგნები ან სურათები, რომლებიც წარმოადგენენ უფლის ზოგიერთ საოცარ საქმეს უკანასკნელ დღეებში. ეს შეიძლება მოიცავდეს მორმონის წიგნის ასლს, ტაძრის სურათს ან პირველი ხილვის სურათს (ერთი მოცემულია ამ მონახაზის დასაწყისში). შემდეგ თქვენს შვილებს შეუძლიათ აირჩიონ ნივთი და გაგიზიარონ, თუ რატომ არის ის მათთვის საოცარი.

• ესაია 29-ს შესაძლოა შეესაბამოს სიმღერა სახარების აღდგენის შესახებ, მაგალიტად, „იოსებ სმითის პირველი ლოცვა“ (საგალობლები და საბავშვო სიმღერები, 14). და შესაძლოა, პირადი გამოცდილება დაეხმარება ბავშვებს გააცნობიერონ, რას ნიშნავს აღდგენა. მაგალითად, თქვენ და ბავშვებს შეგიძლიათ ისაუბროთ იმაზე, რაც დაკარგეთ და თუ როგორ იპოვეთ იგი. დაეხმარეთ თქვენს შვილებს, ეს შეადარონ სახარების აღდგენას. ესაია 29:13–15-ის თანახმად, რატომ გვჭირდება აღდგენა? რა გასაოცარ საოცრებებს ახდენს უფალი თავისი სახარების აღსადგენად? (იხილეთ ამ კვირის ღონისძიებების გვერდი).