Aịzaya 13–14; 22; 24–30; 35

Nʻụbọchị ndụ nke Aịzaya, Babịlọn bụụrụ nnukwu obodo nwere onye ọchịchị dị ike. Ugbua Babịlọn bụzi agụgụala oge ochie. Nihi ya gịnị mere ozi Aịzaya nye Babịlọn, na Aịzaya 13–14, ji dịịrị anyị mkpa taa? Nihi na Babịlọn bụ ọdịmara mpako, anyaukwu, na mmehie, ihe ndị gbakwara anyị gburugburu taa. Chee maka ihe ngosi ọdịmara nke a dị ka ị na-agụ Aịzaya 13:1–11, 19–22; 14:1–20. Ị nwere ike tulee ajụjụ ndị dị ka ndị a:

• Kedụ myiri ndị ị na-ahụ nʻetiti mpako nke eze ndị Babịlọn na mpako nke Setan? (lee Aịzaya 14:4–20; Mozis 4:1–4). Kedụ ịdọ aka na ntị ndị ị na-achọta maka onwe gị niime amaokwu ndị a?

• Kedu otu Onye Nzọpụta si arọpụta “ezumike site na mwute gị, na site na ụjọ gị”? (Aịzaịah 14:3).

Nkuzi niile nke Aịzaya na-arụtụkarị aka nʻozi nke Onye Nzọpụta, gụnyekwara aja mgbaghara Ya, Mbilite n’ọnwụ, na Ọbịbịa nke Ugboro Abụọ. Kedụ ụfọdụ akụkụ nke ozi Ya na-abịa nʻuche dị ka ị na-agụ amaokwu ndịa: Aịzaya 22:22–23; 24:21–23; 25:6–8; 26:19; 28:16? Kedụ amaokwu ndị ọzọ ị na-achọta na-echetara gị maka Onye Nzọpụta?

Site na ebere Ya, Onyenwe anyị zitere Aịzaya ịdọ ndị ọgbụgba ndụ aka na ntị na ha na-esi nʻebe Ọ nọ na-akpafu. Lee ma ị ga-ahụ ihe iriba ama ịdọ aka na ntị nke ime mmụọ banyere nke a niime Aịzaya 24:5; 29:13; 30:8–12. Gịnị mere agwa na omume ndị ahụ jiri dịrị egwu nke ime mmụọ?

Iji dọọ aka na ntị maka nsonazụ niile nke isi nʻebe Onyenwe anyị nọ pụọ, Aịzaya jiri ụfọdụ ihe atụ agaghị echefu echefu. Dị ka ị na-amụ ha, jụọ onwe gị otu isi nʻebe Onyenwe anyị nọ pụọ ji dịrị ka:

• Ụwa dị mwute, tọgbọrọ chakoo (Aịzaya 24:1–12).

• Ịn̄ụbiga mmanya okè (Aịzaya 28:7-8).

• Agụrụ na akpịrị ịkpọ nkụ (Aịzaya 29:7-10).

• Mgbidi ma ọ bụ arịa tipịara etipịa (Aịzaya 30:13–14).

Kedụ ihe mere o ji dịrị gị mkpa ịnọrọ Onyenwe anyị nso?

Enwewo mgbe ihe fụnarịrị gị nke ịchere na ị gaghị ahụ ya ọzọ? Ma ọ bụ ihe tipịara, ma gị na-echegbu na enweghi ike imezi ya ma ọlị. Mgbe anyị si nʻebe Onyenwe anyị nọ pụọ, Setan chọrọ kʻanyị chee na anyị enweghị ike aloghachi ọzọ ma ọ bụ nata ọgwụgwọ. Otu osila dị, Aịzaya kọwara ụfọdụ ihe dị ịtụnaanya Onyenwe anyị ga-eme iji nyere anyị aka lọghachikwute Ya. Kedụ ihe ị na-amụta site na Aịzaya 29:13–24; 30:18–26; 35 banyere Onyenwe anyị, ịhụnaanya Ya, na ike Ya? Ikekwe ịnwere ike ịchọta otu nkebiokwu niime edereede ndịa nke na-enye gị olile anya mgbe ịchọrọ ọgwụgwọ. Ị nwekwara ike lebaanya nʻozi nke Nwanne nwanyị Amy A. Wright “Kraịst Na-agwọ Nke ahụ Tipịara etipịa,” (Liahona, Me 2022, 81–84).

Otu ụzọ Onyenwe anyị si egosi ike na ebere Ya bụ site na Mweghachite nke ozi ọma Ya? Aịzaya 29 jupụtara na ọtụtụ ederede nke nwere myiemetụ ya na ihe omume niile nke Mweghachite. Iji maatụ:

• Tụnyere Aịzaya 29:11–12 na 2 Nifaị 27:6–26 na Joseph Smith—Agụgụala 1:63–65.

• Tụnyere Aịzaya 29:13–14 na Ozizi na Ọgbụgba ndụ niile 4 na Joseph Smith—Agụgụala 1:17–19.

• Tụnyere Aịzaya 29:18–24 na ihu aha akwụkwọ nke Akwụkwọ nke Mọmọn.

Nʻuche nke gị, gịnị mere “ịtụnaanya” na “ihe iju anya” (Aịzaya 29:14) jiri bụrụ ezigbo okwu iji kọwaa Onyenwe anyị dị ka ọ na-eweghachi ozi ọma Ya? Olee otu i nwere ike isi nyee aka mezuo amụma ndị ahụ banyere Mweghachite? Maka nchepụta ndị ọzọ, lebaanya nʻozi nke Okenye Gerrit W. Gong, “Mba Niile, Ala Ụmụnna niile, na Ire niile” (Liahona, Nov. 2020, 38-41).

Lee kwa “Mweghachite nke Ozi ọma nke Jizọs Kraịst nʻUju: Ịma Ọkwa Emume ncheta Narị Afọ Abụọ nye Ụwa” (Ọba akwụkwọ Ozi ọma); “Chi Abọọla,” Abụ, no 1.

• Kedụ otu ị ga-esi enyere ụmụ gị aka hụ Onye Nzọpụta niime edereede niile nke Aịzaya? Ịnwere ike nyere ha aka chọta nkebiokwu niile na-echetara ha maka Ya niime Aịzaya 14:3; 25:8; ma ọ bụ 28:16. Ha nwekwara ike doo nhatanha amaokwu ndịa sitere na Aịzaya ha na amaokwu ndị ọzọ na-akụzi banyere Onye Nzọpụta, dị ka Matiu 11:28–30; 1 Ndị Kọrịnt 15:53–57; Hilaman 5:12. Kedụ ihe ndị dị ukwuu nke Onyenwe anyị meworo maka anyị?

• Mgbe unu gụkọtasịrị Aịzaya 25:8–9 ọnụ, unu nwere ike lee anya na foto niile nke Onye Nzọpụta nọ na Getsemani, nʻelu obe, na mgbe Mbilite n’ọnwụ Ya gasịrị. Kwe ka ụmụ gị kwuo okwu banyere ihe na-eme na foto ndị ahụ na ihe kpatara ha jiri hụ Jizọs naanya ma “na-an̄ụrị nime nzọpụta ya” (amaokwu nke 9).

• Ịnwere ike họrọ ịgwa ụmụ gị banyere mwute ahụ ịnwetere mgbe onye ịhụrụ naanya nwụrụ. Gbaa ama maka nkasị obi ị natara niihi Jizọs Kraịst. Ikekwe ụmụ gị nwere ike see otu ihu na-ebe akwa ma emesịa hichapụ anya mmiri ahụ dị ka unu na-agụkọta Aịzaya 25:8 ọnụ.

• Enwewo mgbe gị na ụmụ gị nwetere nhụmihe nke ngọzi nke ebe mgbaba nʻoge oke ebili mmiri ma ọ bụ ndo nʻụbọchị ekpom ọkụ ọkọchị? Ma ọ bụ enwewo mgbe iriri nri dị ụtọ mgbe agụrụ na-agụ gị? Kwuo maka nhụmihe ndịa dị ka unu na-agụ Aịzaya 25:4-6. Kedụ otu Jizọs jiri dị ka ihe ndị a?

• Dị ka gị na ụmụ gị na-agụ Aịzaya 29:14, kesaara ha okwu ndị ọzọ nke nkọwa ya bụ otu ụdị ihe dị ka “ịtụnaanya” na “ihe ijuanya.” Kwe ka ha nyere gị aka chọta mkpanaka ma ọ bụ foto ndị na-anọchite anya ụfọdụ ọrụ dị ịtụnaanya nke Onyenwe nʻụbọchi ikpeazụ ndị a. Ihe ndị a nwere ike gụnye otu kọpị nke Akwụkwọ nke Mọmọn, otu foto nke tempụl, ma ọ bụ foto nke Ọhụ nke Mbụ ahụ (enwere otu nọ na mbido nke ndepụta nke a). Emesịa ụmụ gị nwere ike họrọ otu ihe ma kwuo ihe mere o jiri dị ịtụnaanya nye ha.

• Otu egwu banyere Mweghachite nke ozi ọma nwekwara ike ịgakọ ya na Aịzaya 29, ụdị dị ka “Nʻoge Udummiri ahụ Na-acha ka olaedo” (Akwụkwọ Ukwe Ụmụntakịrị, 88). Ma ikekwe otu nhụmihe nke onwe nwere ike nyere ụmụaka ahụ aka ghọta ihe mweghachite pụtara. Na-ịmatụ, gị na ụmụ gị nwere ike kwuo okwu banyere otu ihe nke fụnarịrị gị na otu i si chota ya. Nyere ụmụ gị aka tụnyere ihe nke a na Mweghachite nke ọzi ọma. Dị ka Aịzaya 29: 13-15kwuru, gịnị mere Mweghachite ahụ jiri dịrị anyị mkpa? Olee ọrụ ndị dị ịtụnaanya nke Onyenwe anyị na-eme iji weghachi ozi ọma Ya? (lee peeji ihe omume nke izu ụka nke a).