Abụ ọma 102–103; 110; 116–119; 127–128; 135–139; 146–150

Hụba ama otu Abụ ọma 102:1–11 si akọwa mmetụta niile nke nchegbu na mmadụ ịnọ naanị ya nke na-abịakarị mgbe enwere ihe ndị ịma aka. Ikekwe gị ma ọ bụ ndị ọzọ ị maara enwewo nhụmịhe ụdị mmetụta ahụ. Dị ka ị na-agụ Abụ ọma 102:12–28; 103; 116, chọọ nkebiokwu ndị na-enye gị obisike iji “kpọkuo aha Onyenwe anyị” nʻoge mnwale gị niile (Abụ ọma 116:13). Ọ nwere ike masị gị ịīnye akara, buo nʻisi, ma ọ bụ kesara ndị ọzọ nkebiokwu ndị na-enye gị olileanya na Ya.

Lee kwa Aịzaya 25:8; Ndị Hibru 2:17–18; Alma 7:11–13; Camille N. Johnson, “Kraịst Bụ Enyemaka,” Liahona, Me 2023, 81–83; “Kedụ Ebe M Ga-Ele Anya Maka Udo?” (Abụ niile, no. 129).

Abụ ọma ahụ nwere ọtụtụ ederede na-arụtụ aka na ndụ na ije ozi nke Jizọs Kraịst. N’ebe a bụ ọmụmatụ ole ma ole:

• Abụ ọma 110:1–4 (lee Matiu 22:41–45; Ndị Hibru 5:4–10; 6:20)

• Abụ ọma 118:22 (lee Matiu 21:42; Ọrụ 4:10–11; 1 Pita 2:7)

• Abụ ọma 118:25–26 (lee Matiu 21:9)

Kedụ ihe amaokwu ndị a na-akuziri gị banyere Jizọs Kraịst? Gịnị mere o ji dị mkpa imata nke a banyere Ya?

Abụ ọma 119 nwere ọtụtụ nkebiokwu ndị na-atụnyere ndụ anyị na njem ịlaghachikwuru Nna nke Eluigwe. Dị ka ị na-agụ, chọọ maka mkpụrụokwu ndị dị ka “jee ije,” “ụzọ,” “okporo ụzọ,” “ụkwụ,” na “wagharịa.” Tulee njem ndụ nke onwe gị—ebe ị gaworo, ebe ị nọ ugbua, na ebe ị na-aga. Kedụ ihe ị na-amụta site na abụ ọma nke a banyere gị ịlaghachi ebe obibi? Gịnị ka ị mụtaworo site na-ileanya nʻụzọ nke ndị ọzọ? Dị ka abụ ọma nke a kwuru, gịnị ka Chineke weteworo iji nyere gị aka nọrọ n’ụzọ Ya?

Chee maka otu oge mgbe isoro otu ụzọ ma ọ bụ otu map nyeere gị aka mee njem ruo ebe ọzo nʻudo. Gịnị ka nhụmiihe ahụ na-akuziri gị banyere isoro ụzọ nke Chineke?

N’ọtụtu akwụkwọ nsọ ndị ọzọ, Onyenwe anyị na Ndị amụma Ya na-ekwu maka otu ụzọ. N’ebe a bụ omụmatụ ole ma ole. Tulee ịchọgharị amaokwu ndị a na idedata ma ọ bụ kesara ndị ọzọ ihe ịmutara.

Kedụ otù eziokwu ndị a si enyere gị aka nọgide nʻụzọ nke Chineke?

Olee nghọta ndị agbakwụnyere ịnwere ike ịmụta sitere na ndụmọdụ nke a si nʻaka Onyeisi Russell M. Nelson?

“Ọ bụrụ na njem nke oge ndụ anyị ga-eme nke ọma, anyị kwesịrị isoro odudu si nʻigwe. Onyenwe anyị sịrị, ʻLekwasịnụ m anya n’echiche ọbụla; enwela obi abụọ, atụla egwuʻ [Ozizi na Ọgbụgba ndụ niile 6:36]. Ma Onye ode Abụ ọma dere ʻOkwu gị bụ oriọna nye ụkwụ m, na ihè nye ụzọ ụkwụ mʻ [Abụ ọma 119:105]. …

“Nime njem ndụ gị, ị ga-ezute ọtutụ ihe mgbochi ma ị ga-eme ụfọdụ njehie. Odudu si na akwukwọ nsọ na-enyere gị aka ịmata mperi ma mee mgbazi dabara adaba. Ị na-akwụsị ị ga nʻụzọ ahụ nʻezighi ezi. Ị ga-akpachara anya mụọ maapụ okporo ụzọ akwụkwọ Nsọ. Emesịa ị ga-aganiihu ime nchegharị na nkwụghachi achọrọ iji banye “ụzọ nke dị gịrịgịrị ma dịkwa mkpafa nke na eduba na ndụ ebighị ebiʻ [2 Nifaị 31:18]” (“Ibi ndụ Site na Odudu nke Akwụkwọ nsọ,” Ensign, Nov. 2000, 17).

Lee kwa Dieter F. Uchtdorf, “Nwa Mmefu ahụ na Ụzo ahụ Nke Na-eduru nʻEbe obibi,” Liahona, Nov. 2023, 86–88.

Hụba ama ihe mere, dị ka Abụ ọma 135:15–18kwuru, o ji bụrụ nzuzu ịtụkwasị obi na chi ụgha niile. Kedụ ihe enwere ike iji nwaa gị ka ịtụkwasị obi na ihe yiri arụsị? Ị nwere ike depụta ihe ndị Onyenwe anyị nwere ike ime, dị ka otu ndị ode abụ ọma mere nime Abụ ọma 134–36. Kedụ ihe ndị dị ike O meworo gị?

Kedụ ihe ndị ị chọtara niime Abụ ọma 139 na-enyere gị aka ghọta na Onyenwe anyị mara maka gị—echiche na omume gị niile, ume na adịghị ike gị niile? Kedụ otu eziokwu nke a si emetụta ndụ gị na nhọrọ gị niile?

Dị ka ị na-agụ abụ ọma ikpeazụ nke otuto ndị a, chee maka ịhe kpatara ịkwesịrị iji too Onyenwe anyị. Gịnị mere o jiri dị mkpa ito Ya? Kedụ ụfọdụ ụzọ ndị ị nwere ike i ji too Ya?

• Gị ma ọ bụ otu niime ụmụ gị nwere ike gụọ Abụ ọma 102:1–2, na-achọ otu Onyenwe anyị ji nyere anyị aka nʻoge ihe isiike anyị. Kedụ otu anyị nwere ike iji chọta enyemaka Ya? I nwekwara ike kesaara ibe unu oge niile ahụ mgbe ịchọsiri enyemaka ike ma nwee mmetụta na Chineke nụrụ ekpere gị.

• Ụmụ gị nwere ike nwee mmasị na-ikwu banyere otu ọ dị ka ya ịnọ niime ebe gbara ọchịchịrị. Ma ọ bụ ha nwere ike kparịta ụka ihe ndị rara ahụ ịme niime ebe gbara ọchịchịrị. Ị nwere ike kpọkuo ha ịme otu ihe mgbe ha mechiri anya ha, ihe dị ka ise ihe osise. Kedụ ihe anyị na-amụta site na Abụ ọma 119–105 banyere ihè na okwu nke Chineke?

• Chọọ otu ihe Nna nke Eluigwe nyeworo anyị iji nyere anyị aka nọrọ nʻụzo Ya niime amaokwu ndị na-esote: Abụ ọma 119:47–48; 119:105; 1 Nifaị 11:25; 2 Nifaị 31:20. Kedụ ihe anyị nwere ike ime iji nọrọ nʻụzọ nke Chineke?

• Ọ nwere ike masị ụmụ gị ịle foto maka ihe niile ekwuru niime Abụ ọma 119:105. Ha nwere ike hazie foto niile ahụ nʻusoro dị ka ha na-agụ amaokwu ahụ. Unu nwekwara ike kwekọrịta ukwe ọnụ nke yiri ya, ụdị dị ka “Kuziere M Ije ije Nʻihè ahụ” (Akwụkwọ Ukwe nke Ụmụntakịrị, 177) ma ọ bụ ““Aga M Eje ije Mụ na Jizọs” (Ọba akwụkwọ Ozi ọma).

• Tulee idepụta nkenke ihe ndị ị maara banyere nke ọbụla niime ụmụ gị. Dị ka ị na-agụpụta ndepụta ahụ wayọ wayọ, gwa ụmụ gị ka ha chee onye ị na-akọwa. Emesịa, mgbe unu gụsịkọtara Abụ ọma 139:1–3 ọnụ, ịnwere ike depụta ihe ndị Nna nke Eluigwe na Jizọs maara banyere anyị.

• Depụta okwu ndị nke Abụ ọma 139:23–24 nʻelu mpempe akwụkwọ ma ọ bụ na bọọdụ. Kpọkuo ụmụ gị ikanye ahịri nʻokpuru okwu na-akọwa ihe ndị Chineke nwere ike ịmere anyị. Gịnị mere anyị ga-eji achọ ka Chineke mee ihe ndị a?

• Ikekwe ụmụ gị nwere ike kesaa nhụmiihe ha maka mgbe otuonye toro ha ma ọ bụ gwa ha na ha rụrụ ọrụ dị mma. Kesaa ụfọdụ ihe ndị dị mma sitere na Abụ ọma146:6–9 nke Onyenwe anyị meworo (nyere ụmụ gị aka ghọta okwu ndị a na-amachaghị ama). Kpọkuo ụmụ gị ikwu banyere ihe ndị ọzọ O meworo maka anyị. Kedu otu anyi nwere ike isi too Ya maka ihe ndị ahụ?