Zaburi 102–103; 110; 116–119; 127–128; 135–139; 146–150

Angalia jinsi Zaburi 102:1–11 inavyoelezea hisia za wasiwasi na kutengwa ambazo mara nyingi huja wakati wa changamoto. Pengine wewe au wengine unao wajua mmepata uzoefu wa hisia kama hizo. Unaposoma Zaburi 102:12–28; 103; 116, tafuta virai ambavyo vinakupa kujiamini kwamba unaweza “kuliita jina la Bwana” katika majaribu yako (Zaburi 116:13). Ungeweza kutaka kuwekea alama, kukariri, au kushiriki na wengine virai vinavyokupa tumaini katika Yeye.

Ona pia Isaya 25:8; Waebrania 2:17–18; Alma 7:11–13; Camille N. Johnson, “Kristo ni Faraja,” Liahona, Mei 2023, 81–83; “Iwapi Amani?” Nyimbo za Dini, na. 62).

Zaburi imejumuisha vifungu vinavyoelekeza kwenye maisha na huduma ya Yesu Kristo. Hapa kuna mifano michache:

• Zaburi 110:1–4 (ona Mathayo 22:41–45; Waebrania 5:4–10; 6:20)

• Zaburi 118:22 (ona Mathayo 21:42; Matendo ya Mitume 4:10–11; 1 Petro 2:7)

• Zaburi 118:25–26 (ona Mathayo 21:9)

Mistari hii inakufundisha nini kuhusu Yesu Kristo? Kwa nini ni muhimu kujua hili kumhusu Yeye?

Zaburi 119 imejumuisha virai vingi ambavyo hulinganisha maisha yetu na safari ya kurudi kwa Baba yetu wa Mbinguni. Unaposoma, angalia maneno kama “tembea”, “njia,” “namna,” “nyayo,” na “tangatanga.” Tafakari safari ya maisha yako—pale umekuwa, pale ulipo sasa, na pale unapoelekea. Je, unajifunza nini kutoka kwenye zaburi hii kuhusu safari yako ya kurudi nyumbani? Umejifunza nini kwa kutazama njia za wengine? Kulingana na zaburi hii, Mungu ametoa nini kukusaidia wewe kubaki katika njia Yake?

Fikiria kuhusu wakati ambapo kufuata njia au ramani kulikusaidia kusafiri mahali fulani kwa mafanikio. Uzoefu huo unakufundisha nini kuhusu kufuata njia ya Mungu?

Katika maandiko mengine mengi, Bwana na manabii Wake wanasema juu ya njia. Hapa chini kuna baadhi ya mifano. Fikiria kupekua mistari hii na kuandika au kushiriki na wengine kile unachojifunza.

Ni kwa jinsi gani kweli hizi zinakusaidia kubaki kwenye njia ya Mungu?

Ni umaizi gani wa ziada unaweza kujifunza kutokana na ushauri ufuatao kutoka kwa Rais Russell M. Nelson?

“Ikiwa safari yetu maishani inatakiwa kuwa yenye mafanikio, tunahitaji kufuata maelekezo ya kiungu. Bwana alisema, ‘Nitegemeeni katika kila wazo; msitie shaka, msiogope’ [Mafundisho na Maagano 6:36] Na mtunga Zaburi aliandika, ‘Neno lako ni taa ya miguu yangu na mwanga wa njia yangu’ [Zaburi 119:105]. …

“Katika safari yako ya maisha, unakutana na vikwazo vingi na kufanya baadhi ya makosa. Mwongozo wa kimaandiko hukusaidia kutambua makosa na kufanya masahihisho muhimu. Unaacha kwenda katika mwelekeo mbaya. Unajifunza kwa uangalifu ramani ya barabara ya kimaandiko. Halafu unaendelea na toba na kurejesha vinavyohitajika kurejeshwa ili kuingia kwenye ‘njia nyembamba iliyosonga inayoongoza kwenye uzima wa milele’ [2 Nefi 31:18]” (“Living by Scriptural Guidance,” Ensign, Nov. 2000, 17).

Ona pia Dieter F. Uchtdorf, “Mwana Mpotevu na Barabara Inayoongoza Nyumbani,” Liahona, Nov. 2023, 86–88.

Angalia kwa nini kulingana na Zaburi 135:15–18, ni ujinga kuamini katika miungu ya uongo. Unaweza kujaribiwa kuamini nini ambacho ni sawa na sanamu? Unaweza kutengeneza orodha ya mambo ambayo Bwana anaweza kufanya, kama watunga zaburi walivyofanya katika Zaburi 134–36. Je, ni mambo gani yenye nguvu Yeye aliyokutendea?

Unapata nini katika Zaburi 139 ambacho kinakusaidia uelewe kwamba Bwana anakujua wewe—mawazo na matendo yako, nguvu na udhaifu? Ni kwa jinsi gani ukweli huu hushawishi maisha yako na chaguzi zako?

Unaposoma zaburi hizi za mwisho za sifa, fikiria kuhusu sababu ulizo nazo za kumsifu Bwana. Kwa nini ni muhimu kumsifu Yeye? Ni zipi baadhi ya njia unazoweza kumsifu Yeye?

• Wewe au mmoja wa watoto wako mngeweza kusoma Zaburi 102:1–2, mkitafuta jinsi Bwana anavyotusaidia wakati wa magumu yetu. Je, ni kwa jinsi gani sisi tunaweza kupata msaada Wake? Mngeweza pia kushiriki mmoja na mwingine nyakati mlipohitaji msaada na kuhisi kwamba Mungu alisikia sala zenu.

• Watoto wako wanaweza kuwa na burudani kuzungumza kuhusu jinsi inavyoonekana kuwa gizani. Au wangeweza kujadili mambo ambayo ni magumu kufanya gizani? Ungeweza kuwaalika kufanya kitu fulani kama macho yao wakiwa wamefumba, kama vile kuchora picha. Tunajifunza nini kutoka katika Zaburi 119:105 kuhusu nuru na neno la Mungu?

• Tafuta kitu ambacho Baba wa Mbinguni ametupatia ili kutusaidia kukaa katika njia Yake katika mistari ifuatayo: Zaburi 119:47–48; 119:105; 1 Nefi 11:25; 2 Nefi 31:20. Tunaweza kufanya nini ili kukaa katika njia ya Mungu?

• Watoto wako wangeweza kufurahia kuangalia picha za vitu vilivyotajwa katika Zaburi 119:105. Wanaweza kuweka picha kwa mpangilio wakati wanaposoma mstari huo. Mngeweza pia kuimba wimbo unaohusiana nao kwa pamoja, kama vile “Teach Me to Walk in the Light” (Kitabu cha Nyimbo za Watoto, 177) au “I Will Walk with Jesus” (Gospel Library).

• Fikiria kutengeneza orodha fupi za vitu unavyovijua kuhusu kila mmoja wa watoto wako. Unapoisoma orodha ya kila mmoja kwa wakati, waombe watoto wabashiri ni nani unamuongelea. Kisha, baada ya kusoma Zaburi 139:1–3 pamoja, ungeweza kuorodhesha vitu ambavyo Baba wa Mbinguni na Yesu wanajua kutuhusu sisi.

• Andika maneno ya Zaburi 139:23–24 kwenye kipande cha karatasi au ubaoni. Waalike watoto wako wapigie mstari maneno ambayo yanaelezea mambo ambayo Mungu anaweza kutufanyia. Je, ni kwa nini tungependa Mungu afanye mambo haya?

• Pengine watoto wako wangeweza kushiriki uzoefu wa wakati mtu fulani alipowasifu au kuwaambia walifanya kazi nzuri. Shiriki baadhi ya mambo mazuri kutoka Zaburi 146:6–9 ambayo Bwana ameyafanya (wasaidie watoto wako waelewe maneno yasiyo ya kawaida). Waalike watoto wako wazungumze kuhusu mambo mengine anayofanya kwa ajili yetu. Ni kwa jinsi gani tunaweza kumsifu Yeye kwa vitu hivyo?