“Oahkos 31–Septempe 6. ‘Soahng Koaros Me Ahneki Esingek En Mour, En Kepinga Kauno’”: Melkahka Kan 102–103; 110; 116–119; 127–128; 135–139; 146–150,” Kohdo, Idawehn Ie—Ohng Tehnpesomwi oh Imwen Sarawi Kan: Kadehdeh Mering 2026 (2026)

“Oahkos 31–Septempe 6. ‘Soahng Koaros Me Ahneki Esingek En Mour, En Kepinga Kauno,’” Kohdo, Idawehn Ie: Kadehdeh mering 2026

Ketdo Sapahl, sang Kelsy oh Jesse Lightweave

Oahkos 31–Septempe 6: “Soahng Koaros Me Ahneki Esingek En Mour, En Kepinga Kauno”

Melkahka Kan 102–103; 110; 116–119; 127–128; 135–139; 146–150

Mehn Suhs akan kin kahdanki pwuken Melkahka Kan Tehillim, me wehwehki “kaping kan.” E duwehte wehwehn aleluhia (me wehwehki “kepinga Sahmo” de “kepinga Kauno”). Ma ke anahne en pilada ehu lepin lokaia nan pwuken Melkahka Kan, ah lepin lokaia, kaping me pahn keiu mwahu. Ekei ireh kan nan pwuken Melkahka Kan wia luhk en “kepinga Kauno” (kilang Melkahka Kan 146–50), oh koaros pahn Kihdo ineng en kaping. Melkahka Kan lukei kitail en medemedewe Sapwelimen Koht manaman, mahk, oh kupwuramwahu kan me E ketin waihier. Kitail sohte kak pwainehng Ih ohng soahng pwukat Koaros, ahpw kitail kak kepingahki Ih. Wiepen kaping kan kin wekpeseng rehn aramas akan—e kak mih ni mwomwen koul, kapakap, de wia kadehdeh. Palilaud en ansou e kin Kihdo ineng en Idawehn Kauno oh Sapwelime mahsen kan. Sohte lipilipil wehwehn “keping Kauno” ohng omw mour, komw kak diarada kaweid ni omw Pahn wadek oh medemedewe ireh kan en nan Melkahka Kan.

Mehn Kaskuhl ohng Tehnpesomwi oh imwen Sarawi Kan

Melkahka Kan 102–3; 116

Kauno kak kansenamwahuihiehla nan ahi apwal akan.

Kilang mwomwen Melkahka Kan 102:1–11 ah kawehwehda pepehm kan en pwunod oh kelehpwla me kin kohsang kahpwal kan. Mwein ele komwi de me komwi ese lelohng ehr soangen pepehm pwukat. Ni amwail pahn wadek pene Melkahka Kan 102:12–28; 103; 116, rapahki ire kan me kihenguhk kehl en “lukweriong Kauno” nan ahmw apwal akan (Melkahka kan 116:13). Ke pil kak kilelehdi, wadlikiala, de ehukihong mehteikan ire kan me kihong uhk en koapwoaroapwoarki Ih.

Pil kilang Aiseia 25:8; Ipru 2:17–18; Alma 7:11–13; Camille N. Johnson, “Christ Is Relief,” Liahona, Mei 2023, 81–83; “Iawasa I Kak Diar Meleilei?” (Melkahka, nempe. 129).

Sises sewese ohl soumwahu men — Carl Heinrich Bloch (1834-1890), Krais kamwahuihla me soumwa kan nan Bethesda, 1883, leh pohn kilel, 100 3/4 × 125 1/2 insis. Imwen Nahk en Kasansal Akan nan Sukuhl en Brigham Young, pweipweikidahr mwohni sang Jack R. and Mary Lois Wheatley, 2001.

Melkahka Kan 110; 118

Sises Krais kapwaiada kokohp kan sang nan Melkahka Kan.

Pwuken Melkahka Kan dokdoke mour oh kalohk en Sises Krais. Iet ekei karasaras:

Melkahka KAn 110:1–4 (kilang Madiu 22:41–45; Ipru 5:4–10; 6:20)
Melkahka Kan 118:22 (see Madiu 21:42; Wiewia kan 4:10–11; 1 Piter 2:7)
Melkahka Kan 118:25–26 (kilang Madiu 21:9)

Dahme komw esehla duwen Sises Krais sang nan ire tikitik pwukat? Dahme e kesempwaliki kitail en esehla duwen Ih?

Melkahka Kan 119

Koht pahn ketin kaweid ie nan Sapwelime ahl.

Melkahka Kan 119 Audaudki mahsen tohto me karasahiong atail mour ohng seiloak ehu pwuralahng rehn Sahm Nanleng. Ni ahmw pahn wadek, rapahki lepin lokaia kan me duehte “alu,” “ahl,” “wasahn weid,” “patehn neh,” oh “sansalongseli.” Medewe pein ahmw seiloak en mour—ia wasa ke lelehr ie, wasa ke mihmi ie met, oh iawasa ke pahn kohla ie. Dahme komw alehdihsang nan ire pwukat me pid omw seiloak en pwurala Reh? Dahme komw esehla sang ni omw kin kilkilang momour en mehteikan? Sang ni kaweid en Melkahka Kan, dahme Koht ketkihong uhk pwehn seweseiuk nan Sapwelime ahl?

Medewe ansou kan me ke kin doadoahngki ahl de mehn kaweid ohng seiloak kan ah kin seweseikomwi en diarada oh lelahng wasa komw kohkolahng Ie. Dahme irair wet padahkihonguhk me pid idawehn Sapwellimen Koht ahl?

Me tohto nan pwuhk sarawi teikan, Kauno oh Sapwellime soukohp kan kin kosoia ahl ehu Ekei wiepen me kilkilel pah Song wadek ire tikitik pwukat oh ntingiedi de ehukihong mehteikan dahme ke esehla.

Pwuhk Sarawi	Dahme I esehla duwen elen Koht
Pwuhk Sarawi Lepin Padahk Audapan Kan 4:11–19
Pwuhk Sarawi Madiu 7:13–14
Pwuhk Sarawi 1 Nihpai 8:20–28
Pwuhk Sarawi 2 Nihpai 31:17–21
Pwuhk Sarawi Alma 7:9, 19–20
Pwuhk Sarawi Doctrine and Covenants 25:2

Ia mwomwen soahng pwukat ah pahn seweseiuk ken weweid nan elen Koht?

Iahnge ekei iren kaweid me ke kak esehsang kaweid me pahn sansal pah sang Presiden Russell M. Nelson?

“Ma atail seiloak en mour anahne en pweida, kitail anahne idawehn kaweid sarawi kan. Kauno ketin mahsanih, ‘Kilengdohngie ni madmadau unsek; dehr peikasal, dehr masak’ (Doctrine and Covenants 6:36. Oh irail soun nting kan en pwukan Melkahka Kan ntingiedi, ‘Sapwelmomwi Marain iei serepei , mehn kaweid ie oh kamarainpen ekei ’ [Psalm 119:105].

“Nan ahmw seiloak en mour, ke pahn diar kasongsong tohto oh wiahda sapwung. Kaweid en pwuhk sarawi kin seweseiuk en kak kasawiada sapwung oh kapwungala. Ke pahn uhdihsang alialu nan ahl sapwung o. Ke pahn onopiki ni keneinei duwen kaweid en ahlo sang pwuhk sarawi. Kahpw pahn doula oh koluhla oh weliakapw ni koasoandi me pwung pwehn kak pwurala nan ‘nan ahl inen oh tehtik ohng mour soutuk’ [2 Nihpahi 31:18]” (“Momourki kaweid en Pwuhk Sarawi,” Ensign, Nop. 2000, 17).

Pil kilang Dieter F. Uchtdorf, “The Prodigal and the Road That Leads Home,” Liahona, Nop. 2023, 86–88.

Melkahka Kan 134–36

Kauno manaman sang meh koaros me aramas kin pwongih.

Kilang dahme kahrehda, nan pwuken Melkahka Kan 135:15–18,koapwoaroapwoarki koht likamw akan wia mwekid en pweipwei ehu. Dahme kak song en kahrehiong uhk en koapwoaroapwoarki mehkot ehu me duehte sansal ehu? Ke kak ntingiedi ekei mehkot me Kauno kak wia, me duehte dahme irail soun nting kan en Melkahkak kan wiahier nan Melkahka Kan 134–36. Soahngen manaman dahnge me E ketin wiahiong komwi ier?

Melkahka Kan 139

Kauno mwahngih ei mohngiong.

Dahme ke diarada nan Melkahka Kan 139 me seweseiuk en ese me kauno mwahngihuk—ahmw madamadau oh wiewia kan, ahmw kehl oh kaluet kan? Ia mwomwen padahk mehlel wet ah kaweid ahmw mour oh ahmw pilipil kan?

Melkahka Kan 146–50

“Kumwail Kepinga Kauno.”

Ni ahmw pahn kaimwsekla wadek Melkahka Kan en kaping, medewe soangen kahrepe kan me konehng ken kapingkihong Kauno. Dahme e kesempwaliki ken kepinga Ih? Soangen wiepe dahnge me komw kak kepingahki Ih?

Kalaudpe, makesihn kan en sounpwonget Liahona oh Ohng Kakehlepen Me Pwulopwul Kan.

Mehn Kaskuhl ohng Seri Kan

Melkahka Kan 102:1–2

Kauno keting kansenamwahuih ie lahr oh ketkihong ie koapwoaroapwoar.

Kumwail de emen noumwail seri kan kak wadek Melkahka Kan 102:1–2, Oh rapahki ia mwomwen kauno Ah kin sewese kitail nan atail apwal akan. Iawasa kitail kak diar ie Sapwellime sawas? Kumwail pil kak ehukipene ansou kan me kumwail anahnehda sawas oh kehn en Koht ah Ketin sapeng amwail kapakap kan.

Melkahkakan 119:105 .

Sapwelimen Koht mahsen wia mehn kamarain.

Seri kan pahn pil pereniki kosoia ahr pepehm kan ansou me re kin mih wasa rotorot. De re kak kosoia soahng kan me apwal en wia wasa me rotorot. Komw pil kak lukehiong irail en meirpene oh wia mehkot, me rasehng mahleniada mehkot. Dahme kitail esehla nan Melkahka Kan 119:105 me pid marain oh mahsen en Koht?
Rapahki mehkot ehu me Sahm Nanleng ketkihong kitail pwehn sewese kitail en weweid nan Sapwelime ahl nan ire tikitik pwukat: Melkahka Kan 119:47–48; 119:105; 1 Nihpahi 11:25; 2 Nephi 31:20. Dahme kitail kak wia pwe kitail en kak ideidawehn Koht?
Seri kan pahn pereniki kilang kilel en mehkan me sansal nan Melkahka Kan 119:105. Komw kak kairekehla kilel kan ni pwung ni ahr pahn wadwadek ire tikitik o. Kumwail pil kak koulki pene koul kan me rasohng, me duehte “Teach Me to Walk in the Light” (Pwuken Koul en Seri Kan, 177) de “I Pahn Iangih Sises Alu” (Gospel Library).

Melkahka Kan 139:1–3, 23–24

Sahm Nanleng oh Sises Krais mwangih ihs ngehi oh poakohng ie.

Kumwail pil kak song ntingiedi ekei mehkot me kumwail ese me pid noumwail seri kan. Ni amwail pahn wadwadek dahme ke ntingidier kan, ndahng noumwail seri kan en ndahda isime ke koskosoiahu. Eri, mwurin amwail wadekpenehr Melkahka kan 139:1–3, kumwail kak ntingiedi soahng kan me Sahm Nanleng oh Sises mwangih me pid kitail.
Ntingiedi mahsen kan en Melkahka Kan 139:23–24 nan ehu tehn daropwe de pohn mehn nting. Lukehiong noumwail seri kan en lainiala pahn lepin koasoai kan me kawehwehda dahme Koht kak wia ohng kitail. Dahme kahrehda kitail anahne Koht en wia soahng pwukat?

Melkahka Kan 146:1, 5–9

I kak Kepinga Kauno.

Mwein noumwail seri kan pil kak ehukihda ansou kan me emen aramas kepinga irail de ndahng irail me irail wiahda doadoahk mwahu. Ehukihda ekei mehkot mwahu kan sang Melkahka Kan 146:6–9 me Kauno wiahier (sewese noumwail seri kan en wehwehki lepin koasoai apwal akan). Lukehiong seri kan en kosoiahda soahng kan me E Ketin wiahiong kitail. Ia mwomwen atail kak kapingkihiong Ih soahng pwukat?

Esehla ni Tehnpesomwi; ehukihiong mehteikan President Russell M. Nelson padahngkiher me tehnpesatail kan anahne “poahsoahnki kasukuhl en rongamwahuo” (“Becoming Exemplary Latter-day Saints,” Liahona, Nov. 2018, 13). Dahme ke kak wia nan wihket pwehn kaloalehla pein ahmw oh en ahmw peneinei onopiki Melkahka Kan? Mwurin omw onopehr, komw kak ehukihiong mehteikan dahme komw esehla oh kehn. Komw kak wia met ansoun koasoakoasoai pene, mehn kapesehn nan wehweh kan, de Wasahn kaudok kan.

Kalaudpe, kilang makesihn en sounpwonget Kempoakepah.

Kamwadong en seri kan: Sapwellimen Koht Mahsen duehte marain ehu.