Zaburi 102–103; 110; 116–119; 127–128; 135–139; 146–150

Murabona neza uko Zaburi 102:1–11 isobanura ibyiyumviro bw’igishyika n’ubwigunge akenshi biza mu gihe cy’ibibazo. Birashoboka ko mwebwe cyangwa abandi muzi bagize ibyiyumviro nk’ibyo. Uko musoma Zaburi 102:12–28; 103; 116, nimushake interuro ziguha icyizere cyo “kwiyambaza izina rya Nyagasani” mu bigeragezo byanyu (Zaburi 116:13). Mushobora kwifuza kwerekana, gufata mu mutwe, cyangwa gusangiza abandi interuro ziguha ibyiringiro muri We.

Reba kandi Yesaya 25:8; Abaheburayo 2:17–18; Aluma 7:11–13; Camille N. Johnson, “Christ Is Relief,” Liyahona, Gicurasi 2023, 81–83; “Where Can I Turn for Peace?” (Indirimbo, no. 129).

Zaburi zikubiyemo imirongo iganisha ku buzima n’umurimo bya Yesu Kristo. Hano hari ingero nkeya:

• Zaburi 110:1–4 (see Matayo22:41–45; Abaheburayo 5:4–10; 6:20)

• Zaburi 118:22 (reba Matayo 21:42; Ibyakozwe 4:10–11; 1 Petero 2:7)

• Zaburi 118:25–26 (reba Matayo 21:9)

Mbese iyi mirongo irabigisha iki kuri Yesu Kristo? Mbese ni kuki kumumenya ari iby’ingenzi?

Zaburi 119 ikubiyemo interuro nyinshi zigereranya ubuzima bwacu n’urugendo rwacu rwo gusubira mu ijuru. Uko musoma, mushakisha amagambo nko “kugenda,” “akayira,” “inzira,” “ibirenge,” no “kuzerera.” Mutekereze byimbitse ku rugendo rwanyu bwite rw’ubuzima—Aho mwabaye, aho muri, n’aho murimo kwerekeza. Mbese ni iki mwize muri iyi zaburi cyerekeranye n’urugendo rwanyu muubira iwanyu? Mbese ni iki mwize murebye inzira z’abandi? Mbese bijyane n’iyi zaburi, ni iki Imana yatanze cyo kubafasha guhama mu nzira Ye?

Tekereza igihe kuba wari ukurikiye akayira cyangwa ikarita byagufashije kugenda ahantu nta nzitizi. Mbese ni iki icyo gihe kikwigisha cyerekeranye n’inzira y’Imana?

Mu byanditswe bitagatifu bindi byinshi, Nyagasani n’Abahanuzi Be bavuga ku nzira. hano hasi hari ingero zimwe. Mutekereze gushaka muri iyi mirongo maze mwandike cyangwa musangize abandi ibyo mwize.

Ni gute uku kuri kubafasha kuguma mu nzira y’Imana?

Mbese ni ibihe bitekerezo by’inyongera mushobora kwigira ku nama y’Umuyobozi Russell M. Nelson ikurikira?

“Niba urugendo rwacu mu buzima ari ukubona intsinzi, dukeneye gukurikiza amabwiriza y’Imana. Nyagasani yaravuze ati: ’Mundebereho muri buri gitekerezo; ntimushidikanye, ntimugire ubwoba’ [Inyigisho n’Ibihango, 6:36]. Kandi umwanditsi wa zaburi yaranditse ati: ’Ijambo ryawe ni itabaza ry’ibirenge byanjye n’umucyo umurikira inzira yanjye.’ [Zaburi 119:105]. …

“Mu rugendo rwanyu mu buzima, muhura n’imbogamizi nyinshi kandi hari amakoza mukora. Amabwiriza y’Ibyanditswe bitagatifu abafasha kumenya ikosa no gukosora ibiri ngombwa. Mukareka kujya mu cyerekezo kitari cyo. Mukiga mwitonze ikarita y’umuhanda w’ibyanditswe bitagatifu. Noneho mugakomezanya ukwihana, n’ugusubiza gusabwa kugira ngo tujye mu ‘kayira k’impatane kandi gafunganye iganisha ku bugingo buhoraho’ [2 Nefi 31:18]” (“Living by Scriptural Guidance,” Ensign, Ugushyingo 2000, 17).

Reba kandi Dieter F. Uchtdorf, “Ikirara n’Umuhanda Werekeza mu Rugo,” Liyahona, Ugushyingo 2023, 86–88.

Murabona impamvu, bijyanye na Zaburi 135:15–18, ni ukugira ubupfapfa kugirira icyizere imana z’ibinyoma. Mbese ni iki mushobora kugerageza ku kwizera ibisa n’ikigirwamana. Mushobora gukora urutonde rw’ibintu Nyagasani ashobora gukora, nk’uko umwanditsi wa zaburi yabikoze muri Zaburi 134–36. Mbese ni ibihe bintu bikomeye yakoze kubwanu?

Mbese murabona iki muri Zaburi 139 kibafasha gusobanukirwa ko Nyagasani abazi neza—ibitekerezo byanyu n’ibikorwa, imbaraga n’intege nkya? Mbese ni gute uku kuri kugira uruhare mu buzima bwanyu n’amahitamo yanyu.

Uko musoma izi zaburi z’ibisingizo za nyuma, nimutekereze ku mpamvu mufite zo gusingiza Nyagasani. Mbese ni kuki kumusingiza ari iby’ingenzi? Mbese ni izihe nzira mushobora kumusingizamo?

• Mwebwe n’abana banyu mushobora gusoma Zaburi 102:1–2, mushakisha uko Nyagasani adufasha mu gihe cy’ingorane zacu. Mbese ni gute dushobora kubona inkunga Ye? Mushobora gusangira hagati yanyu ibihe mwari mukeneye inkunga kandi mukiyumvira ko Imana yumvise amasengesho yanyu.

• Abana banyu bashobora gishimishwa no kuvuga uko bumva bimera kuba mu mwijima. Cyangwa bashobora kuganira ku bintu bigoranye gukorera mu mwijima. Mushobora kubasaba gukora ikintu bafunze amaso yabo, nko gushushanya ishusho. Mbese ni iki twigiye muri Zaburi 119:105 ku rumuri n’ijambo y’Imana?

• Nimushakishe ikintu Data wo mu Ijuru yatwemereye kudufasha guhama mu nzira Ye mu mirongo ikurikira: Zaburi 119:47–48; 119:105; 1 Nefi 11:25; 2 Nefi 31:20. Mbese ni iki dushobora gukora kugira ngo duhame mu nzira y’Imana?

• Abana banyu bashobora kunezezwa no kureba ku mashusho y’ibintu byavuzwe muri Zaburi 119:105. Bashobora gukurikiranya amashusho uko basoma umurongo. Mushobora kandi kuririmbira hamwe indirimbo bifitanye isano, nka “Teach Me to Walk in the Light” (Children’s Songbook, 177) cyangwa “I Will Walk with Jesus” (Isomero ry’Inkuru Nziza).

• Mutekereze gukora intonde ngufi z’ibintu muzi kuri buri umwe mu bana banyu. Uko musoma izo ntonde rumwe rumwe, mubaze abana banyu gufindura uwo murimo kuvuga. Noneho, nyuma yo gusomera hamwe Zaburi 139:1–3 , mushobora gukora urutonde rw’ibintu Data wo mu Ijuru na Yesu batuziho.

• Mwandike amagambo ya Zaburi 139:23–24 ku rupapuro cyangwa ku kibaho. Musabe abana banyu guca umurongo ku magambo asobanura ibintu Imana ishobora kudukorera. Mbese ni kuki twifuza ko Imana idukorera?

• Birashoboka ko abana banyu bashobora gusangira ibyababayeho ubwo umuntu yabishimiye cyangwa yababwiye ko bakoze umurimo mwiza. Musangire bimwe mu bintu byiza biri muri Zaburi 146:6–9 Nyagasani yakoze (mufashe abana banyu gusobanukirwa amagambo adasanzwe). Musabe abana banyu kuvuga ku bintu bindi Idukorera. Mbese ni gute dushobora kuyisingiza kubw’ibyo bintu?