Ndwom 102–103; 110; 116–119; 127–128; 135–139; 146–150

Hwɛ mbrɛ Ndwom 102:1–11 kã dadwen na ankonamyɛ atsenka a ɔtaa ba wɔ nsɔhwɛ ber mu ho asɛm. Ibia ɔwo anaa binom a inyim hɔn no enya atsenka a ɔtse dɛm pɛn. Ber a ekenkan Ndwom 102:12–28; 103; 116 no, hwehwɛ nsɛnsin a ɔma wo ahotodo dɛ “bɔ Ewuradze ne dzin” wɔ wo nsɔhwɛ mu (Ndwom 116:13). Epɛ a ibotum ahyɛ no nsew, edze egu wo tsir mu, anaa enye binom akyɛ nsɛnsin a ɔma wo enyidado wɔ No mu.

San so hwɛ Isaiah 25:8; Hebrewfo 2:17–18; Alma 7:11–13; Camille N. Johnson, “Christ Is Relief,” Liahona, Esusow Aketseaba 2023, 81–83; “Where Can I Turn for Peace?” (Asɔr Ndwom, nkanee 129).

Ndwom no dodowara kyerɛ kɔ Jesus Christ n’abrabɔ na no somdwuma ho. Mfatoho kakra ara nye yi:

• Ndwom 110:1–4 (hwɛ Matthew 22:41–45; Hebrewfo 5:4–10; 6:20)

• Ndwom 118:22 (hwɛ Matthew 21:42; Ndwuma 4:10–11; 1 Peter 2:7)

• Ndwom 118:25–26 (hwɛ Matthew 21:9)

Ebɛnadze na nyiyimu yinom kyerɛkyerɛ wo fa Jesus Christ ho? Ebɛnadze ntsi na ohia dɛ ihu No ho asɛm?

Nsɛnsin pii wɔ Ndwom 119 mu a ɔdze hɛn abrabɔ toto akwantu dze san kɔ Ɔsor Egya hɔ ho. Ber a ekenkan no, hwehwɛ nkasafua tse dɛ ”nantsew,” “kwan,” “anan,” na “kyin.” Dwendwen ɔwoara w’abrabɔ n’akwantu ho—bea a akɔ, beebi a seseiara ewɔ, na bea a erokɔ ho. Ebɛnadze na isũa fi ndwom yi mu fa w’akwantu dze san kɔ fie ho? Ebɛnadze na esũa wɔ ber a erohwɛ binom hɔn akwan? Dɛ mbrɛ ndwom yi kã no, ebɛnadze na Ewuradze dze ama ma ɔaboa wo ma etsim wɔ No kwan no do?

Dwendwen mber bi a iridzi anamɔnkwan bi do anaa asaase ahyɛnsewdze do boaa wo ma ituu kwan kɔr beebi konyimdzi mu ara ho. Ebɛnadze na dɛm sũahu yi kyerɛkyerɛ wo fa iridzi Nyankopɔn n’anamɔnkwan do ho?

Kyerɛwsɛm pii so mu no, Ewuradze na N’akɔnhyɛfo ka anamɔnkwan bi ho asɛm. Mfatoho bi wɔ ase ha. Hwɛ dɛ ebɔhwehwɛ nyiyimu yinom mu na akyerɛw ato hɔ na enye binom akyɛ dza isũa no.

Nokwar horow yinom besi dɛn aboa wo ma aka Nyankopɔn n’anamɔnkwan do?

Ebɛn nhumu a ɔkeka ho na ibotum esũa efi afotu a odzi do yi a ofi President Russell M. Nelson hɔ yi mu?

“Sɛ hɛn akwantu wɔ abrabɔ yi mu bɛyɛ konyimdzi a, yehia dɛ yedzi akwankyerɛ krɔnkrɔn do. Ewuradze kãa dɛ, ‘Hom nhwɛ me wɔ hom adwendwen biribiara mu; mma hom nngye kyim, mma hom nnsuro’ [Nkyerɛkyerɛ na Ahyɛmudzi 6:36]. Na Ɔdwontonyi no kyerɛɛw dɛ, ‘W’asɛm yɛ kandzea ma m’anan, na kan ma mo kwan’ [Ndwom 119:105]. …

“W’akwantu wɔ abrabɔ mu no, ihyia akwansiwdze pii na eyɛ mfomdo binom. Kyerɛwsɛm mu akwankyerɛ boa wo ma ihu mfom no na eyɛ atsentsen a ohia no. Igyaa dɛ erefa kwan bɔn no do. Ahwɛyie mu ara isũa kyerɛwsɛm mu kwan ahyɛnsewdze no. Nkyii edze nnuho na nsanananmu a ohia dɛ edze bɔkɔ ‘kwan tseaba a no mu nkekãnkekã yi a wɔdze kɔ onnyiewiei nkwa mu’ do no toa do [2 Nephi 31:18]” (“Living by Scriptural Guidance,” Ensign, Ɔberɛfɛw 2000, 17).

San so hwɛ Dieter F. Uchtdorf, “The Prodigal and the Road That Leads Home,” Liahona, Ɔberɛfɛw 2023, 86–88.

Hwɛ siantsir no, dɛ mbrɛ Ndwom 135:15–18 kã no, dɛ ɔyɛ nkwaseadze dɛ ebɔtwer enyame atorfo. Ebɛnadze na obotum egyigye wo ma edze wo werɛ ahyɛ mu a ɔnye ɔhonyi sɛ? Ibotum akyerɛw ndzɛmba a Ewuradze botum ayɛ, dɛ mbrɛ ɔdwontofo no yɛe wɔ Ndwom 134–36 mu no. Ebɛn etumdze na Ɔayɛ ama wo?

Ebɛnadze na ihu wɔ Ndwom 139 mu a ɔboa wo ma etse ase dɛ Ewuradze nyim wo—w’adwendwen na ndzeyɛe, ahoɔdzen na mberɛwyɛ? Nokwar yi si dɛn nya nhyɛdo wɔ w’abrabɔ na wo nsanmuyi horow do?

Ber a ekenkan ayɛyi ndwom a odzi ewiei yinom mo, dwen siantsir a ɔwɔ dɛ iyi Ewuradze ayɛw ho. Ebɛnadze ntsi na ohia dɛ iyi No ayɛw? Ebɛn akwanhorow do na ibotum eyi No ayɛw?

• Ɔwo anaa wo mbofra no kor botum akenkan Ndwom 102:1–2, ahwehwɛ mbrɛ Ewuradze si boa hɛn wɔ hɛn nkõdzen mber mu. Yebesi dɛn botum enya No mboa? Hom botum asan so nye hom ho akyɛ mber a hom hiaa mboa na hom tsee nka dɛ Nyankopɔn tsiee hom mpaabɔ.

• Wo mbofra no botum edzi agor a wɔkasa afa mbrɛ osi tse ber a ehyɛ sum mu ho asɛm. Anaa wobotum apɛnsampɛnsa ndzɛmba a ɔyɛ dzen dɛ ebɛyɛ no sum mu mu. Ibotum ato nsa afrɛ hɔn ma wɔayɛ biribi ber a woemua hɔn enyiwa, tse dɛ wɔrodorɔw mfonyin. Ebɛnadze na yesũa fi Ndwom 119:105 mu a ɔfa kan na Nyankopɔn n’asɛm ho?

• Hwehwɛ adze bi a Ɔsor Egya dze ama hɛn dɛ ɔmboa hɛn ma yɛnka N’anamɔn kwan do wɔ nyiyimu a odzi do no mu: Ndwom 119:47–48; 119:105; 1 Nephi 11:25; 2 Nephi 31:20. Ebɛnadze na yebotum ayɛ dze aka Nyankopɔn n’ananmɔn kwan do?

• Ɔbɛyɛ wo mbofra no enyigye dɛ wɔbɔhwɛ ndzɛmba a wɔabobɔ edzin wɔ Ndwom 119:105 mu no ho mfonyin. Wobotum ahyehyɛ mfonyin no esiado esiado ber a wɔkenkan nyiyimu no. Hom botum so abɔ mu atow ndwom tse dɛ “Teach Me to Walk in the Light” (Children’s Songbook, 177) anaa “I Will Walk with Jesus” (Asɛmpa Nwoma Korabea).”

• Susu dɛ ebɛkyerɛw ndzɛmba kakra a inyim fa w’abofra kor biara ho no nkorkor. Ber a ekenkan kyerɛw kor biara no, bisa mbofra no ma wɔmbɔ hɔn tsir mu nkã nyia erekã no ho asɛm no. Nkyii, hom abɔ mu akenkan Ndwom 139:1–3 ekyir no, hom botum akyerɛw ndzɛmba a Ɔsor Egya na Jesus nyim fa hɛn ho no nkorkor.

• Kyerɛw Ndwom 139:23–24 ne nsɛmfua no wɔ krataa sin anaa bɔɔd do. To nsa frɛ mbofra no ma wontwitwa nsɛmfua a wɔkã ndzɛmba a Nyankopɔn botum ayɛ ama hɛn no ase. Ebɛnadze ntsi na yɛbɛpɛ dɛ Nyankopɔn yɛ ndzɛmba yinom no?

• Ibia wo mbofra no botum akyɛ sũahu horow ber a obi kamfoo hɔn anaa ɔmaa hɔn mbo na yɛ wɔ edwuma pa a wɔyɛe ho. Kyɛ ndzɛmba pa no bi fi Ndwom 146:6–9 mu a Ewuradze ayɛ no (boa wo mbofra no ma wɔntse nkasafua a wonnyim no ase). To nsa frɛ wo mbofra no ma wɔnkã ndzɛmba binom so a Ɔyɛ ma hɛn ho asɛm. Yebesi dɛn botum eyi No ayɛw wɔ ndzɛmba no ho?