መዝሙረ ዳዊት 102–103፤ 110፤ 116–119፤ 127–128፤ 135–139፤ 146–150

መዝሙረ ዳዊት 102፥1–11 ብዙውን ጊዜ በችግር ጊዜ የሚመጡትን የጭንቀት እና የመገለል ስሜቶችን እንዴት እንደሚገልጽ አስተውሉ። እናንተ ወይም ሌሎች እንደዚ አይነት ስሚት ተሰምቷችሁ ያውቅ ይሆናል። እናንተ መዝሙረ ዳዊት 102፥12–28፤ 103፤ 116ን ስታነቡ፣ በፈተናዎች ውስጥ “የእግዚአብሔርን ስም መጥራት” እንደምትችሉ እምነት የሚሰጡ ሀረጎችን ፈልጉ (መዝሙረ ዳዊት 116፥13)። በእርሱ ላይ ተስፋ የሚሰጡ ሀረጎችን ምልክት ማድረግ፣ ማስታወስ ወይም ለሌሎች ማጋራት ትፈልጉ ይሆናል።

ኢሳያስ 25፥8፤ ዕብራውያን 2፥17–18፤ አልማ 7፥11–13፤ ከሚሌ ኤን. ጆንሰን፣ “ኢየሱስ ክርስቶስ እፎይታ ነው፣” ሊያሆና፣ ግንቦት 2023(እ.አ።አ)፣ 81–83፤ “Where Can I Turn for Peace?”። (መዝሙር፣ ቁጥር 129)።

መዝሙሮች ወደ ኢየሱስ ክርስቶስ ህይወት እና አገልግሎት የሚጠቁሙ ምንባቦችን ይዟል። እነዚህም ምሳሌዎች ናቸው፥

• መዝሙረ ዳዊት 110፥1–4 (ማቴዎስ 22፥41–45፤ ዕብራውያን 5፥4–10፤ 6፥20 ተመልከቱ)

• መዝሙረ ዳዊት 118፥22 (ማቴዎስ 21፥42፤ የሐዋርያት ስራ 4፥10–11፤ 1 ጴጥሮስ 2፥7 ተመልከቱ)

• መዝሙረ ዳዊት 118፥25–26 (ማቴዎስ 21፥9 ተመልከቱ)።

እነዚህ ጥቅሶች ስለኢየሱስ ክርስቶስ ምን ያስተምሯችኋል? ስለሱ እነዚህን ነገሮችን ማወቅ አስፈላጊ የሆነው ለምንድን ነው?

መዝሙረ ዳዊት 119 ውስጥ ህይወታችንን ወደ ሰማያዊው አባት ለመመለስ ከሚደረግ ጕዞ ጋር የሚያመሳስሉ ብዙ ሐረጎች ይገኛሉ። በምታነቡበት ጊዜ እንደ መሄድ፣ መንገድ፣ መንገዴ፣ እግሮች፣ እና መራቅ የመሳሰሉ ቃላትን ፈልጉ። የራሳችሁን የሕይወት ጉዞ—የት እንደነበራችሁ፣ አሁን ያላችሁበት እና የት አቅጣጫ እየሄዳችሁ እንደሆነ አስቡበት። ወደ ቤት ዳግም ለመመልስ ስላላችሁ ጉዞ በተመለከተ ከዚህ መዝሙር ምን ትማራላችሁ? የሌሎችን መንገድ በመመልከት ምን ተማራችሁ? በዚህ መዝሙር መሠረት በትክክለኛው ጎዳና ላይ ለመቆየት እንዲረዳችሁ እግዚአብሔር ምን አዘጋጀ?

አንድን መንገድ ወይም ካርታ መከተል በተሳካ ሁኔታ ወደ አንድ ቦታ ለመጓዝ የረዳችሁን ጊዜ አስቡ። ያ ልምምድ እግዚአብሔርን ስለመከተል ምን ያስተምራችኋል?

በብዙ ሌሎች ቅዱሳት መጻሕፍት ውስጥ ጌታ እና ነቢዮቹ ስለ አንድ መንገድ ይናገራሉ ከታች አንዳንድ ምሳሌዎች ይገኛሉ፦ እነዚህን ጥቅሶች በመመርመር ያገኘኸውን ነገር መጻፍ ወይም ለሌሎች ማካፈል ትችላለህ።

እነዚ እውነታዎች በእግዚአብሄር መንገድ ላይ እንዴት እንድትቆዩ ይረዷችኋል?

ከፕሬዚዳንት ራስል ኤም ኔልሰን የሚከተለው ምክር ምን ተጨማሪ ማስተዋል መማር ትችላላችሁ?

“በሕይወት ጉዞአችን ስኬታማ መሆን ከፈለግን መለኰታዊ መመሪያዎችን መከተል አለብን። እንዲህ ብሎ አስተማረ፣ “ባሰባችሁት ነገር ሁሉ ወደ እኔ ተመልከቱ፤ አትጠራጠሩ፣ አትፍሩ” (ትምህርት እና ቃል ኪዳኖች 6፥36)። መዝሙር እንዲህ ሲል ጽፏል፣ ‘ሕግህ ለእግሬ መብራት ለመንገዴ ብርሃን ነው’ [መዝሙር 119፥105]። …

“በሕይወት ጉዟችሁ ብዙ መሰናክሎች ያጋጥማችኋል እና አንዳንድ ስህተቶችን ትሰራላችሁ። መንፈሳዊ መመሪያ ስሕተትን እንድታውቁና አስፈላጊውን ማስተካከያ እንድታደርጉ ይረዳችኋል። ወደተሳሳተ አቅጣጫ መሄድህን አቁሙ። ቅዱሳን መጻሕፍትን በጥንቃቄ አጥኑ ከዚያም “ወደ ዘለዓለማዊው ህይወት በሚመራው በዚህ በቀጭኑና ጠባቡ ጎዳና” ላይ ለመጓዝ የሚያስፈልገውን ንስሐ መግባትና ማስተካከል ትጀምራለህ። [2 ኔፊ 31፥18]” (“Living by Scriptural Guidance፣” ኢንዛይን፣ ህዳር 2000 (እ.አ.አ)፣ 17)

ዲየትር ኤፍ. ኡክዶርፍ “The Prodigal and the Road That Leads Home፣”ሊያሆና ተመልከቱ፣ ህዳር፣ 2023 (እ.አ.አ)፣ 86–88።

በሐሰት አማልክት መታመን ሞኝነት ለምን እንደሆነ በመዝሙረ ዳዊት 135፥15–18፣ ውስጥ የተሰጡትን ምክንያቶች ልብ በሉ። ከጣዖት ጋር የሚመሳሰል ምን ነገር እንድታምን ሊገፋፋችሁ ይችላል? በመዝሙረ ዳዊት 134–36 ውስጥ የተገለጹትን ጌታ ማድረግ የሚችላቸውን ኃይለኛ ነገሮች መዘርዘር ትችላላችሁ። ለእናንተ ምን ኃይለኛ ነገሮችን አድርጎላችኋል?

በመዝሙረ ዳዊት 139 ውስጥ ጌታ እናንተን እንደሚያውቅ ፣ ሃሳባችሁን እና ድርጊቶቻችሁን ፣ ጥንካሬዎቻችሁን እና ድክመቶቻችሁን እንደሚረዳችሁ እንድትረዱ ምን አገዛችሁ? ይህ እውነት በምርጫዎቻችሁ ላይ ተጽዕኖ የሚያሳድረው እንዴት ነው?

እነዚህን የመጨረሻ የውዳሴ መዝሙሮች በምታነቡበት ጊዜ ጌታን ለማመስገን ስላላችሁ ምክንያቶች አስቡ። እርሱን ማመስገን ለምን አስፈላጊ ነው? እርሱን የምታመሰግኑበት መንገዶች ምንድን ናቸው?

• እናንተ ወይም ከልጆቻችሁ አንዱ መዝሙረ ዳዊት 102፥1–2 ማንበብ ትችላላችሁ፣ አምላክ በችግሮቻችን ወቅት እንዴት እንደሚረዳን እንመለከታለን። የሱን እርዳታ እንዴት ማግኘት እንችላለን? እርዳታን አስፈልጓችሁ እግዚአብሔር ፀሎታችሁን እንደሰማ የተሰማችሁን ጊዜ እርስ በርስ ተካፈሉ።

• ልጆቻችሁ በጨለማ ውስጥ መሆን ምን እንደሚሰማቸው ማውራት ያስደስታቸው ይሆናል። ወይም በጨለማ ውስጥ ማድረግ የሚከብዳቸውን ነገሮች መወያየት ይችላሉ። ዓይኖቻቸው ጨፍነው አንድ ነገር እንዲያደርጉ ልትጋብዟቸው ትችላላችሁ፣ ለምሳሌ ስዕል መሳል፣ ከመዝሙረ ዳዊት 119፥105 ስለ ብርሃንና ስለ እግዚአብሔር ቃል ምን ያስተምረናል?

• የሰማይ አባታችን በመንገዱ እንድንመላለስ የሚረዳን አንድ ነገር ለማግኘት የሚከተሉትን ጥቅሶች ተመልከቱ፦ መዝሙር 119፥47–48፤ 119፥105፤ 1 ኔፊ 11፥25፤ 2 ኔፊ 31፥20። በእግዚአብሔር መንገድ ለመፅናት ምን ማድረግ አለብን?

• ልጆቻችሁ በመዝሙረ ዳዊት 119፥105 ላይ የተጠቀሱትን ነገሮች በስዕል መመልከት ያስደስታቸው ይሆናል። ጥቅሱን በሚያነቡበት ጊዜ ስዕሎቹን በቅደም ተከተል ማስቀመጥ ትችላላችሁ። በተጨማሪም “Teach Me to Walk in the Light [በብርሃን እንድሄድ አስተምረኝ]” (የልጆች የመዝሙር መጽሐፍ፣ 177) ወይም “I Will Walk with Jesus[ከኢየሱስ ጋር እራመዳለሁ]” የመሳሰሉ ተዛማጅ መዝሙሮችን አብራችሁ መዘመር ትችላላችሁ (ከወንጌል ላይብረርይ)።

• ስለ እያንዳንዱ ልጆቻችሁ የምታውቋቸውን ነገሮች ዝርዝር ማዘጋጀትን አስቡ። ዝርዝሮቹን አንድ በአንድ ስታነቡ ልጆቻችሁ ስለ ማን እየተናገራችሁ እንደሆነ እንዲገምቱ ጠይቋቸው። ከዚያም መዝሙረ ዳዊት 139፥1-3ን በጋራ ካነበባችሁ በኋላ የሰማዩ አባት እና ኢየሱስ ስለ እኛ የሚያውቋቸውን ነገሮች ዘርዝሩ።

• የመዝሙረ ዳዊት 139፥23-24 ቃላት በወረቀት ወይም በቦርድ ላይ ጻፍ። ልጆቻችሁ አምላክ ሊያደርግልን የሚችላቸውን ነገሮች የሚገልጹትን ሃሳቦች እንዲያሰምሩባቸው ጋብዟቸው። እግዚአብሔር እነዚህን ነገሮች እንዲያረግ ለምን እንፈልጋለን?

• ምናልባት ልጆቻችን አንድ ሰው ያመሰገናቸውን ወይም ጥሩ ሥራ እንደሰሩ የነገራቸውን ልምዶችን ማካፈል ይችሉ ይሆናል። በመዝሙረ ዳዊት 146፥6–9 ላይ ጌታ ካደረጋቸው መልካም ነገሮች መካከል የተወሰኑትን አካፍሉ( ልጆቻችሁ የማያውቋቸውን ቃላት እንዲረዱ እርዷቸው)። ልጆቻችሁ አምላክ ስለሚያደርግባቸው ሌሎች ነገሮች እንዲናገሩ ጋብዟቸው። ለእነዚህ ነገሮች እንዴት ልናመሰነው እንችላለን?