AmaHubo 1–2; 8; 19–33; 40; 46

Njengoba ufunda amaHubo, ungase uqaphele ukuthi ababhali bavame ukuzwakalisa ukwesaba, ukudabuka noma ukukhathazeka. Imizwa enjalo ijwayelekile, ngisho nakubantu bokholo. Kodwa okwenza amaHubo akhuthaze ukuthi anikeza nezixazululo ezikhuthazayo, kuhlanganise nokuthembela ngokuphelele eNkosini. Njengoba ufunda AmaHubo 1; 23; 26–28; 46, bhala phansi:

• Izimemo zokwethemba iNkosi.

• Amazwi amchazayo.

• Amazwi achaza ukuthula, amandla, kanye nezinye izibusiso azinikezayo.

• Amazwi achaza abantu abamethembayo.

Bheka futhi umfanekiso ocacile kanye nezimpawu ezisetshenziswa amaHubo ukufundisa ngoMsindisi. Isibonelo, kumaHubo 23, imishwana efana nokuthi “Uyangilalisa emadlelweni aluhlaza“ noma “emanzini okuphumula“ (ivesi 2) ilethani emqondweni? “Induku” eduduzayo kanye “nodondolo?” (ivesi 4) kungafanekisani? Kungase kusho ukuthini ukuthi “indebe” yethu (ivesi 5) iyachichima?

Amahubo amaningana akhomba empilweni kaJesu Kristu yasemhlabeni. AmaKristu ngezikhathi zeTestamente Elisha akubona lokhu kuxhumana nawo. Cabanga ngokufunda lezi zinkomba zemibhalo engcwele ezilandelayo. Bheka ukuxhumana phakathi kwamagama akulamahubo kanye nempilo yoMsindisi:

• AmaHubo 2:1–3 kanye ne zEnzo 4:24–28

• AmaHubo 2:7 kanye ne zEnzo 13:30–33

• AmaHubo 22:1 kanye no Mathewu 27:45–46

• AmaHubo 22:7–8 kanye no Mathewu 27:39–43

• AmaHubo 22:16 kanye no Luka 23:32–33

• AmaHubo 22:18 kanye no Mathewu 27:35

• AmaHubo 31:5 kanye no Luka 23:46

Ufundani ngokufunda lezi zixhumanisi? Yiziphi iziprofetho nezethembiso ezingokombhalo ezingakagcwaliseki? Yini oyitholayo kulezi zithembiso ekunikeza ithemba ngekusasa?

Ukufunda AmaHubo 8; 19; 33 kungase kukukhuthaze ukuba ucabange indalo eningi emangalisayo yeNkosi. Naka imizwa yakho njengoba ukwenza lokho. Ungase futhi ufune ukucula noma ukuzindla ngamazwi engoma ehlobene nalamahubo “How Great Thou Art” (Hymns, 86). Indalo yeNkosi “ilanda kanjani ngenkazimulo kaNkulunkulu” kuwe (IHubo 19:1.

Nazi ezinye izihlabelelo eziphefumulelwe amaHubo:

• IHubo 23: “The Lord Is My Shepherd” (Hymns, no. 108)

• AmaHubo 23:6; 150: “Praise to the Lord, the Almighty” (Hymns, no. 72)

• IHubo 26:8: “We Love Thy House, O God” (Hymns, no. 247)

• IHubo 27:1: “The Lord Is My Light” (Hymns, no. 89)

• AmaHubo 33:1–6; 95:1–6: “For the Beauty of the Earth” (Hymns, no. 92)

• IHubo 37:3–9: “Be Still, My Soul” (Hymns, no. 124)

• IHubo 148: “All Creatures of Our God and King” (Hymns, no. 62)

KumaHubo, amagama afana nokufakaza, imithetho, umyalelo,, kanye nezahlulelo angabhekisa ezwini leNkosi. Kugcine lokho engqondweni njengoba ufunda iHubo 19:7–11. Ngabe lamavesi athini kuwe ngezwi leNkosi na? Ngabe iHubo 29 likufundisani ngezwi Lakhe na? Ngokwalokho osudlule kukho, ngabe izwi noma iphimbo leNkosi lifane kanjani nalezi zincazelo na?

Ngenxa yokuthi ithempeli laseJerusalema lalakhiwe egqumeni, umushwana othi “entabeni kaJehova” (iHubo 24:3) ungabhekisa ethempelini noma lapho kukhona khona uNkulunkulu. Ngabe lokhu kwengezani ekuqondeni kwakho iHubo 24na? Kusho ukuthini kuwe ukuba ”nezandla ezingenacala, nenhliziyo ehlanzekileyo”? (ivesi 4). Njengoba ufunda AmaHubo 26–27, yini enye oyifundayo ngendlu yeNkosi na?

Ngezinye izikhathi, singase sidikibale ukuzwa ukuthi sidinga ukuhlanzeka ukuze singene ebukhoneni bukaNkulunkulu. Phela sonke siyazabalaza, akekho noyedwa kithi ongenaphutha. Yiliphi ithemba olitholayo kumlayezo weGosa uDavid A. Bednar “Clean Hands and a Pure Heart”? (iLiyahona, yangoNovemba 2007, 80–83). Ungawusebenzisa kanjani umyalezo wakhe ukuze usize umuntu ozizwa ecindezelekile ngenxa yokufuna ukungabi naphutha? Cabanga ukuthi ungaluthola kanjani usizo lukaMsindisi emizamweni yakho yokuba “nezandla ezihlanzekile, kanye nenhliziyo emsulwa”

Bheka futhi uBradley R. Wilcox, “Worthiness Is Not Flawlessness,” iLiyahona, Nov. 2021, 61–67.

• Cabanga ukubhala INkosi i … Mema abantwana bakho ukuba bafune izindlela zokuqedela lowomusho ngokusebenzisa imibhalo engcwele enjengale: AmaHubo 23:1; 27:1; 28:1; 28:7; 32:7; 46:1. Lamavesi asifundisani ngendlela iNkosi engasisiza ngayo na?

• Ungase uxoxe nabantwana bakho ngokuthi imvu idingani ukuze iphephe futhi iphile kahle. Khona-ke, njengoba nifunda ndawonye iHubo 23, siza abantwana bakho baqhathanise lokho umelusi akwenzela imvu nalokho uJesu asenzela kona. Yini esiyidingayo ukuze siphephe ngokomoya futhi sibe nempilo enhle? –

• Njengoba nifunda iHubo 24:3 ndawonye, ​​abantwana bakho bangabheka amagama abakhumbuza ithempeli. Bangabuka futhi isithombe sethempeli. Ngemva kwalokho ningafunda ndawonye ivesi 4 ukufunda ukuthi ngubani ongangena ethempelini. Ungakhuluma ngokuthi izandla zingcola kanjani nokuthi sizihlanza kanjani. Singcoliswa kanjani ngokomoya? UMsindisi usisiza kanjani ukusihlanza ngokomoya?

• Uma unabantwana abancane, ungabamema ukuba benze sengathi bayakhala ngesikhathi ufunda iHubo 30:5, “Kusihlwa kungena ukukhala.” Bese ubacela ukuthi bakhombise injabulo lapho ufunda, “Ekuseni ukujabula.” Phinda lomusho izikhathi ezimbalwa.

• Bonisa isithombe sikaMsindisi, futhi utshele abantwana bakho lokho akwenzele kona okukulethela injabulo. Ungase futhi unikeze umntwana ngamunye ithuba lokubamba isithombe bese bexoxa ngalokho uJesu akwenzile okubalethela injabulo.

• Siza abantwana bakho babambe ngekhanda umugqa wokuqala osuka kulo iHubo 46:10: “Thulani, niqonde ukuthi mina nginguNkulunkulu.” Kungasho ukuthini ukuthi “thulani”? Mhlawumbe ungase uchithe isikhathi esithile uzilolongela ukuthula. Ningase futhi nixoxelane ngalokho esenibhekane nakho lapho “ukuthula” kuqinise ubudlelwano benu noNkulunkulu. Siza abantwana bakho bacabange ngezikhathi phakathi nosuku lapho “bethula” khona ukuze bazizwe beseduze noBaba oseZulwini.