U-Esteri

UMongameli uDieter F. Uchtdorf wafundisa ukuthi umuntu ngamunye “umi endaweni ehlukile futhi unomsebenzi obalulekile [thina] kuphela esingawenza. … INkosi ikunike izibopho zakho ngesizathu. Kungenzeka kube nabantu nezinhliziyo wena kuphela ongakwazi ukufinyelela kuzo futhi uzithinte. Mhlawumbe akekho omunye ongakwenza lokho ngendlela efanayo” (“Lift Where You Stand,” Liahona, ngoNovemba 2008, 56).

Ngesikhathi ufunda indaba ka-Esteri, cabanga ngokuthi lomusho umthinta kanjani yena. Bheka izindlela iNkosi eyamenzela ngazo ukuba akwazi ukusindisa amaJuda (isibonelo, bheka U-Esteri 2:21–23; 3:10–14; 4:14–16). Bese ucabanga ukuthi ukunikeze kanjani amathuba okubusisa abanye. Ngabe yiziphi ezinye izimo nobudlelwano Akuholele kukho “ngenxa yesikhathi esinjengalesi” na? (U-Esteri 4:14). Uma unesibusiso somphatriyakhe, cabanga ngokusifunda ukuze ufunde kabanzi ngomsebenzi iNkosi ekubekele wona ukuthi uwenze. Yini ongayenza ukuze uwufeze lomsebenzi na?

Bheka futhi “For Such a Time as This” (ividiyo), ChurchofJesusChrist.org.

13:44

Encwadini ka-Esteri, sifunda ngokuthembeka kuka-Esteri noMoridekayi, kodwa siphinde sifunde ngokuzazisa nangolaka lukaHamani. Ngesikhathi ufunda ku Esteri 3; 5:9–14, bhala ngemizwa, amazwi nangezenzo zikaHamani. Ngabe yini evelayo ngaye nalokho akuhlosile na? Yimiphi imiphumela abhekana nayo? (bheka ku Esteri 7). Ukufunda ngoHamani kungakukhuthaza ukuba ubheke ukuthi yikuphi okuhlosile ngemizwa nangezenzo zakho. Ngabe kukhona ozwa unentshisekelo yokuba ukushintshe na? Ungaphendukela kanjani kuBaba oseZulwini ukuze uthole usizo?

Bheka futhi IzAga 16:32; Alima 5:28.

Qaphela ukuthi kungani u-Esteri namaJuda onke bakhetha ukuba bazile ukudla (bheka U-Esteri 3:13; 4:1–3, 10–17). Ukuzila ukudla kwababusisa kanjani? (Bheka U-Esteri 5:2–3; 8:11–12). Kungani iNkosi isicela ukuba sizile ukudla na? Cabanga ukuthi ungakwenza kanjani ukuzila kube yisibusiso kakhudlwana empilweni yakho.

Bheka futhi ku­ Isaya 58:6–12; “Fasting: Young Single Adult Ward, Amanda” (ividiyo), ChurchofJesusChrist.org.

2:41

Ngesikhathi uMoredikayi no-Esteri bemela izinkolelo zabo nabantu babo, babeka izimpilo zabo engcupheni. Ezethu izinqumo zingase zingabi nemiphumela emibi kangako, kepha ukwenza okulungile kusazosidinga isibindi. Yikuphi okufundayo ku Esteri 3:1–4; 4:10–17 ngokuba nesibindi sokwenza okulungile na? Bhala ngemiphumela engafani u-Esteri noMoredikayi ababhekana nayo emuva kokukhombisa isibindi (bheka ku Esteri 3:5–11; 5:1–4). Yikuphi okwakudingeka ukuthi u-Esteri noMoridekayi bakwazi ngoNkulunkulu ukuze bathathe izinqumo abazithathayo na?

Cabanga ngezimo lapho udinga khona isibindi ukuze umele okulungile. Ngabe yikuphi okufundayo ku-Esteri noMoridekayi okuzokusiza uthole isibindi eNkosini?

Isibindi sika-Esteri saholela “osukwini lokuthokoza” (bheka ku Esteri 9:17–19). Isibindi esinjengesikaKristu sikunikeze kanjani “usuku lokuthokoza” na?

-

3:19

4:20

• Ungase uzizwe unogqozi lokusebenzisa u-Esteri 2:7 ukuze ufundise abantwana bakho ngokusiza amalungu omndeni aswele, njengoba uMoridekayi enza ku-Esteri. Ningalifunda ndawonye leli vesi noma ulifingqe ngamazwi akho. Emva kwalokho wena nabantwana bakho ningacabanga ngamalungu omndeni angase aludinge usizo lwenu. Yenzani isu lokubasiza.

• Isibonelo sika-Esteri noMoridekayi singabasiza abantwana bakho baqonde ukuthi ukuba nesibindi kusho ukwenza okulungile ngisho noma wesaba. Cabanga ngokubhala imisho ethi uMoredikayi wayenesibindi ngesikhathi e … nothi u-Esteri waba nesibindi lapho e …. Ngesikhathi nifunda indaba ka-Esteri ndawonye, abantwana bakho bangaphakamisa izindlela zokuyiqedela lemisho. Ungafunda ku Esteri 3:1–11; 4:10–17 noma isihloko esithi “Queen Esther” (encwadini Old Testament Stories, 166–70) noma ubheke izithombe kulesisifundo. Bese ubhala ngizoba nesibindi ngokuthi … , umeme abantwana bakho ukuthi babhale izinto uBaba oseZulwini afuna bazenze ezidinga isibindi. -

  

  2:45

• Ungafunda futhi ngezikhathi lapho uJesu Kristu ayenesibindi khona—isibonelo, lapho ezwa khona ubuhlungu ngenxa yezono zethu eGetsemane kanye nasesiphambanweni (bheka NgokukaMathewu 26:36–39; 27:33–35). Cela abantwana bakho ukuthi babelane ngesikhathi lapho babenesibindi, nawe futhi wabelane ngalokho odlule kukho.

• Ukufunda U-Esteri 4:1–3, 10–17 kungakusiza ufundise abantwana bakho ngokuzila ukudla. Kungani u-Esteri namaJuda bazila ukudla? Tshela abantwana bakho ukuthi kungani uzila ukudla. Ungababuza futhi ukuthi bangamchazela kanjani ngokuzila ukudla umngani wabo ongakaze akwenze lokho. Singabasiza kanjani abangani bethu baziqonde izibusiso ezitholakala ngokuzila ukudla na?

• Khuthaza abantwana bakho bacabange ngento abangase badinge usizo lweNkosi ngayo. Phakamisa ukuthi bayenze leyonto ibe yingxenye yokuzila kwabo ukudla ngeSonto elilandelayo lokuzila ukudla.

• Siza abantwana bakho baqonde ukuthi lapho u-Esteri wayesaba khona, uMoridekayi wamkhuthaza ngokuchaza ukuthi uNkulunkulu wayemsizile ukuba abe yindlovukazi “ngesikhathi esinjengalesi” (U-Esteri 4:14). Ngabe wayesho ukuthini uMoridekayi ngalokhu na? Khulumani ngokuthi u-Esteri wasetshenziswa kanjani yiNkosi. Singasetshenziswa kanjani yiNkosi na?

• Ungabasiza kanjani abantwana bakho baqonde ukuthi yini ithuluzi? Mhlawumbe ungase umeme othile azodlala ingoma ensimbini yomculo noma ubakhombise isithombe sothile esebenzisa ithuluzi. Ungabe usukhuluma ngokuthi kusho ukuthini ukusetshenziswa nguNkulunkulu.