Dipesalema 1–2; 8; 19–33; 40; 46

Fa o ntse o bala Dipesalema, o ka lemoga gantsi ka fa bakwadi ba supang poifo, kutlobotlhoko, kgotsa tlalelo. Maikutlo a a ntseng jalo a siame, le e leng mo bathong ba tumelo. Mme se se dirang gore Dipesalema di tlhotlheletse ke gore gape di neela dithararabololo tse di tlhotlheletsang, go akaretsa go ikanya Morena mo go feletseng. Jaaka o bala Dipesalema 1; 23; 26–28; 46, kwala fa fatshe:

• Taletso go ikanya Morena.

• Mafoko a a Mo tlhalosang.

• Mafoko a a tlhalosang kagiso, nonofo, le ditshegofatso tse dingwe tse A di Neelang

• Mafoko a a tlhalosang batho ba ba Mo ikanyang.

Gape lebelela ditshwantsho tse di tlhamaletseng le matshwao a Dipesalema di a dirisang go ruta ka ga Mmoloki. Ka sekai, mo Dipesalema 23, diele tse jaaka “go fula mo mafulung a ma talana” kgotsa “metsi a a didimetseng” (temana 2) tlisa mo tlhaloganyo? “Kgoge” le “thobane” tse di nkgomotsang di ka tswa di ” (temana 4) kaya eng? Go ka tswa go raya eng gore“senwelo” sa rona (verse 5) se a penologa?

Dipesalema di le mmalwa di supa botshelo jo bo swang jwa ga Jeso Keresete. Bakeresete mo dinakong tsa Kgolagano e Ntšha ba bone dikopanyo tse. Akanya ka go bala dikaelo tsa dikwalo tse di boitshepo tse di latelang Batla digokaganyi ma gareng ga mafoko mo dipesalemeng le botshelo jwa Mmoloki:

• Pesalema 2:1–3 le Ditiro 4:24–28

• Pesalema 2:7 le Ditiro 13:30–33

• Pesalema 22:1 le Mathaio 27:45–46

• Pesalema 22:7–8 le Mathaio 27:39–43

• Pesalema 22:16 le Luke 23:32–33

• Pesalema 22:18 le Mathaio 27:35

• Pesalema 31:5 le Luke 23:46

O ithuta eng mo go ithutontsheng dikopanyo tse? Ke diperofeso dife tsa dikwalo tse di boitshepo le ditsholofetso tse di iseng di diragadiwe? O bona eng mo di tsholofetsong tse se se go neelang tsholofelo ka isago?

Go bala Dipesalema 8; 19; 33 go ka go tlhotlheletsa go akanya ka dibopiwa tse dintsi tse di gakgamatsang tsa Morena. Elatlhoko maikutlo a gago jaaka o dira. Le gone o ka batla go opela kgotsa go tlhatlhanya mafoko a pina a a amanang le dipesalema tse, jaaka “How Great Thou Art” (Hymns, 86). Dibopiwa tsa Morena di “bolela kgalalelo ya Modimo” mo go wena jang? (Pesalema 19:1).

Fano ke dingwe tsa difela tse di tlhotlheleditsweng ke Dipesalema:

• Pesalema 23: “The Lord Is My Shepherd” (Hymns, no. 108)

• Dipesalema 23:6; 150: “Praise to the Lord, the Almighty” (Hymns, no. 72)

• Pesalema 26:8: “We Love Thy House, O God” (Hymns, no. 247)

• Pesalema 27:1: “The Lord Is My Light” (Hymns, no. 89)

• Dipesalema 33:1–6; 95:1–6: “For the Beauty of the Earth” (Hymns, no. 92)

• Pesalema 37:3–9: “Be Still, My Soul” (Hymns, no. 124)

• Pesalema 148: “All Creatures of Our God and King” (Hymns, no. 62)

Mo Dipesalemeng, mafoko a a tshwanang le bopaki, melao, taelo, le dikatlholo a ka raya lefoko la Morena. Tshegetsa se mo tlhaloganyong fa o ntse o bala Pesalema 19:7–11. Ditemana tsena di go akantsha eng ka ga lefoko la Morena? E go ruta eng Pesalema 29 ka lentswe la Gagwe? Mo maitemogelong a gago, lefoko kgotsa lentswe la Morena le tshwana jang le ditlhaloso tse?

Gonne tempele kwa Jerusalema e ne e agilwe mo thabeng, seele “thabeng ya Morena” (Pesalema 24:3) se ka raya tempele kgotsa boleng teng jwa Modimo. Se se oketsa eng mo go tlhaloganyeng ga gago Pesalema 24? Go raya eng mo go wena go nna le “diatla tse dintle, le pelo e e itshekileng”? (temana 4). Fa o ntse o bala Dipesalema 26–27, ke eng gape se o se ithutang ka ntlo ya Morena?

Ka dinako tse dingwe, re ka kgobega marapo go utlwa gore re tlhoka go itsheka go tsena mo boleng teng jwa Modimo. Le fa go le jalo, rotlhe re a sokola, mme ga go ope wa rona yo o itekanetseng. Ke tsholofelo efe e o e bonang mo molaetseng wa ga Mogolwane David A. Bednar “Clean Hands and a Pure Heart”? (Liahona, Nov. 2007, 80–83). O ka dirisa jang molaetsa wa gagwe go thusa motho yo o ikutlwang a fekeditswe ke go batla go itekanela? Akanya ka fa o ka amogelang thuso ya Mmoloki ka teng mo maitekong a gago a go nna le “diatla tse dintle, le pelo e e itshekileng.”

Bona Bradley R. Wilcox, “Worthiness Is Not Flawlessness,” Liahona, Ngwanatsela. 2021, 61–67.

• Akanya ka go kwala Morena ke … Laletsa bana ba gago go batla ditsela tsa go feleletsa seele seo ba dirisa ditemana tse di tshwanang le tseno: Dipesalema 23:1; 27:1; 28:1; 28:7; 32:7; 46:1. Ditemana tse di re ruta eng ka ga ka moo Morena a ka re thusang ka teng?

• O ka buisana le bana ba gago ka se kwanyana e se tlhokang gore e babalesege le go nna le botsogo jo bo siameng. Ke gone, fa le ntse le bala mmogo Pesalema 23, thusa bana ba gago go tshwantshanya se modisa a se direlang kwana le se Jeso a se re direlang. Re tlhoka eng gore re babalesege mo semoweng re bo re itekanele sentle? Opelang mmogo pina e e ka ba neelang megopolo, jaaka “I Feel My Savior’s Love” (Children’s Songbook, 74–75).

• Fa lo ntse ;lo bala Pesalema 24:3 mmogo, bana ba gago ba ka batla mafoko a a ba gakololang ka tempele. Le gone ba ka lebelela setshwantsho sa tempele. Ke gone le ka bala mmogo temana 4 go ithuta gore ke mang yo o ka tsenang mo tempeleng. Le ka bua ka fa diatla di nang leswe ka teng le ka fa re ka di phepafatsang teng. Re tlala leswe jang semowa? Mmoloki o re thusa jang go re phepafatsa semowa?

• Fa o na le bana ba bannye, o ka ba laletsa go itira ekete ba lela fa o bala go tswa mo Pesalema 30:5, “Go ka lala go le selelo bosigo.” Ke gone ba kope go supa boitumelo fa o ntse o bala, “Mme e re kamoso go tle boitumelo.” Boelela seele se makgetlho a le mmalwa.

• Supa setshwantsho sa Mmoloki, mme o bolelele bana ba gago ka se a se go diretseng se se go tlisetsang boitumelo. Gape o ka fa ngwana mongwe le mongwe sebaka sa go tshwara setshwantsho le go abelana se Jeso a se dirileng se se ba itumedisang.

• Thusa bana ba gago go tshwara ka tlhogo mola wa ntlha go tswa mo Pesalema 46:10: “Nnang fela mme lo itse fa ke le Modimo.” Go raya eng go “nna fela”? Gongwe o ka tsaya nako o diragatsa go nna fela. Le gone o ka abelana ka bo lona maitemogelo fa go “nna fela” go nonotshitseng kamano ya gago le Modimo. Thusa bana ba gago go akanya ka dinako motshegare fa ba ka “nna fela” go ikutlwa ba le gaufi le Rara wa Legodimo.