Go Bala Dipoko mo Kgolagano e Kgologolo

La ntlha, go ka go thusa go itse gore poko ya Sehebera mo Kgolaganong e Kgologolo ga e a ikaega ka raeme jaaka mefuta mengwe ya poko. Mme le mororo raeme, go tshameka ka mafoko le go boeletsa medumo e le dilo tse di tlwaelegileng mo pokong ya bogologolo ya Sehebera, ka tlwaelo dilo tseno di a latlhega fa di ranolwa. karolo nngwe e o tlaa e lemogang, le fa gontse jalo, ke go boaboeletsa dikakanyo kgotsa megopolo, tse ka dinako tse dingwe di bidiwang “papisanyo.” Fa ke sekai se se motlhofo go tswa mo go Isaia:

Pesalema 29 e na le mela ele mentsi e e bapisaneng—ka sekai:

Le gone fa ke sekai se mo go sone go itse gore mola wa bobedi o bapile le wa ntlha go dirang temana motlhofo go tlhalogangwa:

Mo dikaing tse, mmoki o boeleditse mogopolo ka dipharologanyo tse dinnye. Mothale o o ka gatelela mogopolo o o boeleditsweng le go dirisa dipharologanyo go o tlhalosa go feta kgotsa go o tlhabolola.

Mo mabakeng a mangwe, diele tse pedi tse di bapileng di dirisa puo e e tshwanang go fitisa megopolo e e farologanyeng, jaaka mo sekaing se:

Mofuta o wa papisanyo ga o a diragala ka phoso. Mokwadi o o dirile ka maikaelelo. O ba thusitse go ntsha maikutlo a semowa kgotsa boammaaruri ka bobedi jwa maatla le bontle. Ka jalo fa o lemoga papisanyo mo mokwalong wa Kgalagano e Kgologolo, ipotse gore e go thusa jang go tlhaloganya molaetsa wa mokwadi. Ka sekai, ke eng se Isaia a neng a leka go se bua ka go amanya “thata” le “diaparo tse dintle” le “Sione” le “Jerusalema”? (Isaia 52:1). Re ka akanyetsa eng ka polelwana “phetolo e e bonolo” fa re itse gore “lefoko le le tlhokofatsang” ke bolebana jwa yone? (Diane 15:1).

Batho bangwe ba tshwantshanya go bala dipoko le go kopana le motho o mošha. Go bala poko tsa Kgolagano e Kgologolo, ka jalo, go ka nna jaaka go kopana le mongwe go tswa lefatsheng le le kgakajana le setso se sele yo o buang puo e e farologanyeng le ya rona—le yo go diragalang gore a bo a na le dingwaga di feta dikete tse pedi. Motho yo gongwe o tlaa bua dilo tse re sa di tlhaloganyeng la ntlha, mme se ga se reye gore ga a na sepe se se botlhokwa se a ka se buang. Re tlhoka fela go tsaya nako le bone, re leka go leba dilo ka tsela e ba di lebang ka yone. Re ka nna ra fitlhela gore mo dipelong tsa rona, tota re tlhaloganyana sentle thata. Mme fa re bontsha bopelotelele le kutlwelobotlhoko, motho yo re mo tlwaetseng yo mosha a ka feleletsa e le tsala e e rategang.

Ka jalo fa o bala polelwana go tswa mo go Isaia, ka sekai, e akanyetse gore ke tshimologo ya ntlha le motho yo re mo tlwaetseng. Ipotse, “Ke ikutlwa jang ka kakaretso?” Polelwana e e dira gore ke ikutlwe jang—le fa e le gore ga o tlhaloganye lefoko lengwe le lengwe? Ke gone e bale gape, makgetho a le mmalwa fa go kgonagala. Akanyetsa go e balela kwa godimo; batho bangwe ba bona bokao jwa tlaleletso ka tsela eo. Ela tlhoko mafoko a a tlhomameng a Isaia a a tlhopileng, segolo bogolo mafoko a a tshwantshang setshwantsho mo tlhaloganyong ya gago. Ditshwantsho tse di go dira gore o ikutlwe jang? Di akantsha eng ka ga maikutlo a ga Isaia? Fa o ntse o ithutontsha thata ka mafoko a bakwadi ba ba Kgolagano e Kgologolo, o tlaa bona thata gore ba tlhopile mafoko a bone ka matsetseleko le botegeniki go tlhalosa moletsa o o tseneletseng wa semowa.

Maboko a ka nna ditsala tse di gakgamatsang ka gore a re thusa go tlhaloganya maikutlo a rona le maitemogelo. Maboko a Kgolagano e Kgologolo a botlhokwa thata ka gore a re thusa go tlhaloganya maikutlo le maitemogelo a rona a a botlhokwa thata—a a golaganeng le kamano ya rona le Modimo.

Jaaka o ithutontsha poko mo Kgolagano e Kgologolo, gakologelwa gore ithutontsho ya dikwalo tse di boitshepo e tlhwatlhwa kgolo fa e re gogela kwa go Jeso Keresete. Batla matshwao, ditshwantsho, le boammaaruri tse di agang tumelo ya gago mo go Ene. Reetsa tlhotlheletso go tswa mo Moweng o o Boitshepo jaaka o ithutontsha.