Esethere

Poresidente Dieter F. Uchtdorf o rutile gore mongwe le mongwe wa rona “o eme mo lefelong le le kgethegileng mme re na le tiro e e botlhokwa e rona fela [re] ka e dirang. … Morena o go neetse maikarabelo a gago ka lebaka. Go ka tswa go na le batho le dipelo tse wena fela o ka di fitlhelelang le go di ama. Gongwe ga gona ope gape yo o ka kgonang go dira jalo ka tsela e e yone eo” (“Lift Where You Stand,” Liahona, Nov. 2008, 56).

Fa o ntse o bala polelo ya ga Esethere, tlhatlhanya ka fa pego e e mo amang ka teng. Batla ditsela tse Morena a di dirileng gore a kgone go boloka Bajuta (bona, sekai, Esthere 2:21–23; 3:10–14; 4:14–16). Ka jalo tlhatlhanya ka fa A go fileng menyetla go segofatsa ba bangwe. Ke dife dingwe diemo kgotsa dikamano tse A go kaetseng mo go tsone “ka nako e e tshwanang le e”? (Esthere 4:14). Fa o na le tshegofatso ya bopatiriaka, akanyetsa go e bala go ithuta thata ka ga tiro e Morena a nang le yone gore o e dire. O ka dira eng go diragatsa tiro e?

Bona le gone “For Such a Time as This” (setshwantsho sa motshikinyego), ChurchofJesusChrist.org.

13:44

Mo lokwalong ga ga Esethere, re ithuta go tswa mo boikanyegong jwa ga Esethere le Moretekai, mme le gone re ithuta go tswa mo boikgogomosong le tšhakgalo ya ga Hamane. Jaaka o bala Esethere 3; 5:9–14, elatlhoko maikutlo, mafoko, le ditiro tsa ga Hamane. Di senola eng ka ene le ditlhotlheletso tsa gagwe? Ke ditlamorago dife tse a lebeganyeng le tsone? (Bona Esthere 7). Go bala ka Hamane go ka go tlhotlheletsa gore o sekaseke gore ke eng se se tlhotlheletsang maikutlo a gago le ditiro tsa gago. A o tlhotlheletsega go dira diphetogo dipe? O ka boela jang kwa go Rara wa Legodimo go bona thuso?

Bona le gone Diane 16:32; Alema 5:28.

Ela tlhoko gore ke ka ntlha yang fa Esethere le Bajuta ba bangwe botlhe ba ne ba swetsa ka gore ba itime dijo (bona Esethere 3:13; 4:1–3, 10–17). Go itima dijo go ba segofaditse jang? (bona Esethere 5:2–3; 8:11–12). Ke ka ntlha yang Morena a re kopa go itima dijo? (bona Topics and Questions, “Fasting and Fast Offerings,” Gospel Library). Akanyetsa ka fa o ka dirang go itima dijo tshegofatso e kgolo ka teng mo botshelo jwa gago.

Bona le gone Isaia 58:6–12; “Fasting: Young Single Adult Ward, Amanda” (setshwantsho sa motshikinyego), ChurchofJesusChrist.org.

2:41

E rile fa Moretekai le Esethere ba ne ba emela ditumelo tsa bone le batho ba bone, ba ne ba tsenya matshelo a bone mo diphatseng. Boitshenkelo jwa rona bo ka nna jwa nna le ditlamorago tse di seng maswe thata, mme go dira se se siameng go sa ntse go ka tlhoka bopelokgale. O ithuta eng go tswa mo go Esethere 3:1–4; 4:10–17 ka ga go nna le bopelokgale go dira selo se se siameng? Elatlhoko ditlamorago tse di farologanyeng tse Moretekai le Esthere ba neng ba di itemogela morago ga go supa bopelokgale (bona Esethere 3:5–11; 5:1–4). Ke eng se Esethere le Moretekai ba neng ba tlhoka go se itse ka Modimo go dira boitshenkelo jo ba neng ba bo dira?

Akanya diemo tse o tlhokang bopelokgale go emela se se siameng. O ithuta eng go tswa mo go Esethere le Moretekai se se ka go thusang go bona bopelokgale mo Moreneng?

Bopelokgale jwa ga Esethere bo gogetse kwa ”letsatsi la monate” (bona Esethere 9:17–19). Bopelokgale jo bo tshwanang le jwa ga Keresete bo go neetse jang “letsatsi la boipelo”?

Bona le gone “Courage,” “Dare to Stand Alone” (setshwantsho sa motshikinyego), Motlobo wa Efangele; “True to the Faith,” Hymns, no. 254.

3:19

4:20

• O ka nna wa ikutlwa o tlhotlheletsega go dirisa Esethere 2:7 go ruta bana ba gago ka ga go thusa maloko a lelwapa a a tlhokang, jaaka Moretekai a diretse Esethere. O ka nna wa bala temana mmogo kgotsa wa e soboka ka mafoko a gago. Ke gone wena le bana ba gago le ka akanya ka maloko a lelwapa ba ba ka tswang ba tlhoka thuso ya lona. Dira thulaganyo ya go ba thusa.

• Dikai tsa ga Esethere le Moretekai di ka thusa bana ba gago go tlhaloganya gore bopelokgale go raya go dira selo se se siameng lentswa o tshogile. Akanyetsa go kwala dipolelwana Moretekai o ne a le pelokgale fa a … le Esethere o ne a le pelokgale fa a … . Fa le ntse ithuta polelo ya ga Esethere mmogo, bana ba gago ba ka akanya ka ditsela tsa go feleletsa diele. O ka bala Esther 3:1–11; 4:10–17 kgotsa “Queen Esther” (mo Old Testament Stories, 166–70) kgotsa leba ditshwantsho mo tshedimosong e. Ke gone kwala Ke tlaa nna pelokgale ka go … , mme o laletsa bana ba gago go nankola dilo tse Rara wa Legodimo a batlang ba di dira tse di lopang bopelokgale. Pina ka ga bopelokgale, jaaka “Dare to Do Right” (Children’s Songbook, 158) e ka thusa.

  

  2:45

• Le ka nna le gone lwa ithuta ka ga dinako tse Jeso Keresete a neng a le pelokgale—ka sekai, fa A bogela dibe tsa rona kwa Gethesemane le mo mokgorong (bona Mathaio 26:36–39; 27:33–35). Kopa bana ba gago go abelana ka nako e baneng ba le pelokgale, mme o abelane maitemogelo a gago le wena.

• Go bala Esethere 4:1–3, 10– 17 go ka go thusa go ruta bana ba gago ka ga go itima dijo. Ke eng Esethere le Bajuta ba ne ba itima dijo? Bolelela bana ba gago gore ke eng o itima dijo. Gape o ka ba botsa gore ba ka tlhalosetsa jang tsala e e iseng e ko e dire go itima dijo pele. Re ka thusa jang ditsala tsa rona go tlhaloganya ditsthegofatso tse di tlang ka go itima dijo?

• Kgothaletsa bana ba gago go akanya ka sengwe se ba ka tlhokang thuso ya Morena ka sone. Ntsha mogopolo gore ba dire karolo eo ya go itima dijo ga bone ka Sontaga o o latelang wa go itima dijo.

• Thusa bana ba gago go tlhaloganya gore fa Esethere a ne a boifa, Moretekai o ne a mo kgothatsa ka go mo tlhalosetsa gore Morena o ne a mo thusa go nna mohumagadi “ka nako e e tshwanang le e” (Esethere 4:14). Moretekai o ne a kaya eng ka se? Buisana ka fa Esethere a neng e le sedirisiwa sa Morena ka teng. Re ka nna jang didirisiwa tsa Morena?

• O ka thusa jang bana ba gago go tlhaloganya gore sedirisiwa ke eng? Gongwe o ka laletsa mongwe go tshameka pina mo seletsong sa mmino kgotsa supa setshwantsho sa mongwe a dirisa sedirisiwa. Morago ga moo o ka bua ka gore go raya eng go nna sedirisiwa mo diatleng tsa Modimo.