Jobe 1–3; 12–14; 19; 21–24; 38–40; 42

Dikgaolo tse di simololang tsa Jobe di gatelela, ka tsela ya poko, tiro ya ga Satane jaaka mmaba wa rona kgotsa molatofatsi; ga di tlhalose kamano tota fa gare ga Modimo le Satane. Jaaka o bala se Satane a se buileng ka ga Jobe (bona Jobe 1:9–11; 2:4–5), o ka ipotsa, “Ke eng ke nna ke le boikanyego mo Modimong?” Ke ka ntlha yang fa go ka nna diphatsa go obamela Morena fela ka ntlha ya lebaka le Satane a le akantshang?

Ke eng se se go kgatlhang ka tsibogo ya ga Jobe mo ditekong tsa gagwe? (bona Jobe 1:20–22; 2:9–10).

Ditsala tsa ga Jobe di ne tsa akantsha gore Modimo o ne a mo otlhaya (bona Jobe 4–5; 8; 11). O bona mathata a fe ka mogopolo o? Bala tsibogo ya ga Jobe mo dikgaolo 12–13 Ke eng se Jobe o ne a itse eng ka Modimo se se mo kgonisitseng gore a tswelele a tshepha? ke eng se o se itseng ka Modimo se se go thusang go lebagana le dikgwetlho?

Ka dinako tse dingwe re ithuta boammaaruri jo bo botlhokwa thata ka dinako tse dithata thata. Tlhatlhanya diteko tse Jobe a di tlhalositseng mo Jobe 19:1–22 le boammaaruri jo a bo boletseng mo ditemana 23–27. O itse jang gore Morekolodi wa gago o a tshela? Kitso e e dira pharologanyo jang mo botshelong jwa gago?

Akanya ka go opela kgotsa go reetsa sefela ka ga Jeso Keresete, jaaka “I Know That My Redeemer Lives” (Hymns, no. 136). Ke mafoko a fe mo sefeleng se a a supang maikutlo a gago ka ga Ene?

Le gone bona Dithuto le Dikgolagano 121:1–12; 122.

Mo Jobe 21–24, o tlaa bala puisano fa gare ga ga Jobe le ditsala tsa gagwe. Mo gare ga kganetsano eno e ne e le potso e batho ba le bantsi ba neng ba e botsa: Ke ka ntlha yang fa ka dinako tse dingwe batho ba ba siameng ba boga?

Le ntswa re sena dikarabo tsotlhe, mo efangeleng e e tsosolositsweng ya ga Jeso Keresete, re na le boammaaruri bongwe jo bo ka re thusang go tlhaloganya tlalelo le pogisego. Fa tlase ke dikwalo tse di boitshepo tsa malatsi a bofelo tse di nang le bongwe jwa boammaaruri jo. Dikwalo tse di boitshepo tse di go ruta eng ka ga Rara wa Legodimo le togamaano ya Gagwe?

• 2 Nefi 2:11–13

• Mosia 23:21–23; 24:10–16

• Ethere 12:27

• Dithuto le Dikgolagano 58:3–5

• Aberahame 3:25–26

Le gone o ka bala dithuto tsa ga Poresidente Spencer W. Kimball ka ga tlalelo mo “Tragedy or Destiny?” (Teachings of Presidents of the Church: Spencer W. Kimbal 2011), 11–21).

O ikaegile ka se o se ithutontshitseng, o ka araba jang potso jaaka “Ke eng Modimo a letlelela basiami go boga?”

A fediwa pelo ke ditatofatso tsa ditsala tsa gagwe (bona Jobe 16:1–5; 19:1–3), Jobe o ne a botsa Modimo gangwe le gape gore ke eng fa a ne a tshwanelwa ke go boga jaana (bona Jobe 19:6–7; 23:1–9; 31). Morena o ne a seka a neela lebaka le le tlhamaletseng mo bukeng ya ga Jobe. Mme o ne a ruta molaetsa o o botlhokwa mo dikgaolong 38–40. O ka khutshwafatsa jang molaetsa oo? Ka sekai, o ithuta eng mo dipotsong tsa Morena mo Jobe 38:1–7, 18–24?

O tla lemoga gore Morena o ne a bua le Jobe ka dingwe tsa dibopiwa tsa Gagwe le ditiro tse dingwe tsa nonofo (bona Jobe 38–39). O ka lebelela dingwe tsa di bopiwa tseo (kgotsa ditshwantsho tsa tsone). Dilo tsena di re thusa jang go akanya ka tsela e sele ka ga Modimo? Ka ga diteko tsa gago? Di ne tsa fetola jang go lebelela dilo ga ga Jobe? (bona Jobe 42:1–6; le gone bona Moše 1:8–10).

Fano ke melaetsa e mebedi ya khonforense ya kakaretso e e ka re thusang go fetola ka fa re lebang dilo ka teng: Tamara W. Runia, “Seeing God’s Family through the Overview Lens” (Liahona, Nov. 2023, 62–69); Russell M. Nelson, “Think Celestial!” (Liahona, Nov. 2023, 117–20). Mo mongwe wa molaetsa e mebedi e, batla sengwe se o ka ratang go se gakologelwa nako e e tlang fa diteko tsa gago di lebega di go fekeetsa. O tlaa ikgakolola jang se o se ithutileng?

• Rotloetsa bana ba gago go go bolelela se ba se itseng ka ga Jobe. Fa ba tlhoka thuso, o ka ba supegetsa Jobe 1:1, 13–22; 2:7–10 or to “Jobe” (in Old Testament Stories, 145–47). Jobe o ne wa tsibogela jang dikgwetlho? (bona Jobe 1:21; 2:10).

  

  1:55

• Jobe o ne a le boikanyego mo dikgwetlhong tsa gagwe ka ntlha ya se a neng a se itse ka ga Morena. Gongwe wena le bana ba gago le ka lebelela ditshwantsho tsa ga Jeso Keresete a amana le ba bangwe (jaaka sengwe se se fa tlase kgotsa setshwantsho mo Gospel Art Book). Bua ka ga se o se itseng ka ga Ene le gore O ntse jang. Fano ke dingwe tsa ditemana tse di supang gore Jobe o ne a itse ka ga Morena: Jobe 12:10, 13, 16; 19:25–27. Ke ka ntlha yang fa go le botlhokwa go itse dilo tse ka Ene?

• Jobe o boditse potso e e botlhokwa mo Jobe 14:14. Gongwe wena le bana ba gago le ka faapana go abelana ka fa le ka arabang Jobe ka teng. O ka nna wa batla megopolo mo Alema 11:42–44, mo setshwantshong sa motsikinyego “In a Coming Day” (Gospel Library), kgotsa mo pineng ka ga Tsogo, jaaka “Did Jesus Really Live Again?” (Children’s Songbook, 64).

1:11

• Fa Jobe a ne a hutsafetse, ditsala tsa gagwe di ne di re Modimo o a mo otlhaya gonne o leofile (bona Jobe 22:5). Fa re ne re le ditsala tsa ga Jobe, re ne re ka leka go mo thusa jang? Mafoko a rona a ka thusa ba bangwe jang fa ba hutsafetse? (bona Jobe 16:5). Akanyetsa go bontsha setshwantsho se le sengwe kgotsa go feta mo tshobokong e fa lo ntse lo buisana ka dipotso tse.

• Akanya ka go botsa bana ba gago go nankola mekgwa mengwe ya tsala e e molemo le go bua leina la tsala e e nang le mekgwa eo. Ke gone o ka lebelela setshwantsho sa ga Jeso Keresete. Ke ditsela dife tse Jeso e leng tsala e molemo mo mongweng le mongwe wa rona? O ka akanya ka mongwe yo o mo nakong e e thata. Loga leano gore o tlaa nna tsala e e tshwanang le Keresete jang mo go bone.

• Morago ga go bala Jobe 19:23–27, wena le bana ba gago le ka bua ka fa lo itseng ka teng gore Morekolodi wa rona oa tshela. Lo ka dira mmogo go tsenya bopaki jwa lona (kgotsa ditshwantsho tsa Mmoloki) mo bukeng (bona temana 23).

• Le gone le ka opela pina e e pakang ka ga Mmoloki, jaaka “I Know That My Redeemer Lives” (Hymns, no. 136). Abelana diele go tswa mo sefeleng tse nonotshang tumelo ya gago mo go Ene. Ke eng fa go le botlhokwa go itse gore Jeso Keresete o a tshela?