Melkahka Kan 1–2; 8; 19–33; 40; 46

Ni omwI pahn wadwadek Melkahka Kan, ke pahn diarada me soun nting kan kalapw kasalehda pepehm en masak, nsensuwed, oh pwunod. Udahn ke pahn ahneki soangen pepehm pwukat, menda ma mie omw pwoson. Ahpw dahme keieu kesempwal nan Melkahka Kan re kin kasalehda wiepen kamwahuihla kan, me pil iangahki koapwoaroapwoarki Kauno. Ni omw Pahn wadek Melkahka Kan 1; 23; 26–28; 46, ntingiedi:

• Luhk ehu en koapwoaroapwoariki Kauno.

• Mahsen kan me kak kapehse ihs Ih.

• Mahsen kan me kak kawehwehda meleilei, kehl, oh kapai teikan sang Reh.

• Mahsen kan me kak kawehwehda mour en aramas akan me kin likih Ih.

Pil kilang mwahu iren kasansal me Melkahka Kan padahngki duwen Sounkomouro. Karasepe, nan Melkahka Kan 23, ia ahmw madamadau ohng ire me ketihtihki “komoaleiehdi Nan Mohsen dihpw kaselel kei” de “ni pihl mwakelekel” (verse 2) ? Ia pahn wehwehn “irar” oh “lepin seipali” (iretikitik 4) ? Ia pahn wehwehn atail tungoal “kep” (iretikitik 5) en dirala?

Ekei irehkan nan Melkahka Kan kasalehda momour en Sises Krais pohn Sampah. Souleng kan en nan Kadehdeh Kapw pil kilang kasansal pwukat. Taman wadek iren pwuhk sarawi pwukat. Rapahki mahsen kan sang nan ire pwukat me dokdoke Sounkomouro.

• Melkahka Kan 2:1–3 aoh Wiewiah Kan 4:24–28

• Melkahka Kan 2:7 oh Wiewia Kan 13:30–33

• Melkahka Kan 22:1 oh Madiu 27:45–46

• Melkahka Kan 22:7–8 oh Madiu 27:39–43

• Melkahka Kan 22:16 oh Luk 23:32–33

• Melkahka Kan 22:18 oh Madiu27:35

• Melkahka Kan 31:5 oh Luk 23:46

Ni ahmw onopiki ire pwukat dahme komwi esehla me pid doadoahk penehn ire pwukat? Iahnge kokohp oh inou kan sang nan pwuhk Sarawi me saik pweida? Dahme ke diarada sang nan inou pwukat me kihieng uhk koapwoaroapwoar ohng moumour en ehu rahn?

Wadek,pwuken Melkahka Kan 8; 19; 33 pahn kihieng komwi ineng en medemedewe kesempwal pen Sapwelimen Kauno kepikipik kan. Tehk mwahu mwomwen omw pepehm ansou me ke Pahn wia met. Komwi pil kak kouliki de medemedewe mahsen en koul me sang nan Melkahka kan, me iei “How Great Thou Art” (Melkahka, 86). Ia mwomwen Sapwelimen Kauno kepikipik kan eh “kasalehda Sapwelimen Koht lingan” ohng komwi? (Melkahka Kan 19:1).

Iet pil ekei Melkahka me kohsang nan Melkahka Kan:

• Melkahka Kan 23: “Kauno me wia Silepei” (Hymns, no. 108)

• Psalms 23:6; 150: “Praise to the Lord, the Almighty” (Melkahka, no. 72)

• Melkahka Kan 26:8: “We Love Thy House, O God” (Melkahka, nempe. 247)

• Melkahka Kan 27:1: “Kauno me wia Silepei” (Melkahka, nempe. 89)

• Melkahka Kan 33:1–6; 95:1–6: “For the Beauty of the Earth” (Melkaka, nempe. 92)

• Melkahka Kan 37:3–9: “Be Still, My Soul” (Melkahka, nempe. 124)

• Melkahka Kan 148: “All Creatures of Our God and King” (Melkahka, nempe. 62)

Nan pwuken Melkahka Kan, lepin koasoai me duehte kadehdeh, sansal takai, kosonned, oh kopwung kan kak karasahiong mahsen en Koht. Tamataman met ni omw Pahn wadek Melkahka Kan 19:7–11. Dahme ire tikitik pwukat kaweidkinuhk me pid mahsen en Kauno? Dahme Melkahka Kan 29 padahkihonguhk me pid Kepitien Kauno? Sang dahme ke lelohngehr, ia mwomwen mahsen de kepitien Kauno eh rasohng kawehweh pwukat?

Pwehki tehnpas sarawi en Serusalem ah kokouda pohn dohl ehu, lepin koasoai me nda “dohl en Kauno” (Melkahka Kan 24:3) kak wehwehki tenpas sarawio de wein Koht. Dahme ire wet kapatahiong ahmw wehwehki Melkahka Kan 24? Ia wehwehn en ahneki “peh mwakelekel, oh mohngiong mwakelekel”? (ire tikitik 4). Ni ahmw wadek Melkahka Kan 26–27, dahnge me ke pil esehla me pid tehnpas en Kauno?

Ekei ansou, e kakete kaluet ohng kitail en rong me kitail anahne en mwakelekel pwehn kak pidelong nan wein Koht. Ahpw, kitail koaros kin luet, oh sohte emen kitail me unsek. Soangen koapwoaroapwoar da me ke diar sang en Elder David A. Bednar’s kaweid me mahsanih “Peh Mwakelekel oh Mohngiong Mwakelekel”? (Liahona, Nohpempe 2007, 80–83). Ia mwomwen ahmw pahn doadoahngki kaweid wet pwehn sewese emen me toutoukilahr ah men unsekla? Medewe mwomwen ahmw kak ale sapwelimen Soundoaro sawas ohng ahmw nanantihong en ahneki “peh mwakelekel oh mohngiong mwakelekel.”

Pil Kilang Bradley R. Wilcox, “En Warohng Sohte Wehwehki en Unsek,” Liahona, Nohpempe 2021, 61–67.

• Ke pil kak ntingiedi Kauno iei … lukehiong noumwail seri kan en song en kanekehla sendens wet sang ni arail pahn doadoahngki iren pwuhk sarawi pwukat: Melkahka Kan 23:1; 27:1; 28:1; 28:7; 32:7; 46:1. Dahme ire pwukat padahkihiong kitail mwomwen Kauno ah pahn seweseie kitail?

• Komw kak kawehwehiong serihkan dahme kisin sihpw kan kin anahne pwe ren nsenamwahu oh kehlail? Eri, kumwail wadekpener Melkahka Kan 23, sewese noumwal seri kan en karasahiong dahme silepen sihpwul men kin wiahng nah sihpw akan ohng dahme Sises kin wiahng kitail. Dahme pali ngenetail anahne pwehn kak mie doarepatail oh ahneki roson? Koulkipene koul me kak sewese kaweid arail madamadau kan, me rasohng “I Feel My Savior’s Love” (Pwuken Koul ohng Seri kan, 74–75).

• Ni amwail pahn wadekpene Melkahka Kan 24:3, noumwail seri kak kak rapahki lepin lokaia kan me kin katamankin irail tehnpas sarawi. Pil kasalehiong irail kilel en tehnpas Sarawi Kan. Kumwail ahpw uhd wadekpene ire tikitik 4 isime kak pidelong nan tehnpas sarawi. Kumwail pil kak padahkihong iral dahme kin kasaminehla pehrail kan, oh ia mwomwen ahr kak pilehu kamwakelehda. Dahme kin kasaminehla pali ngenetail? Ia mwomwen Sounkomouro ah kak kamwakelehda pali ngenetail?

• Ma mie noumwail seri tikitik, ke kak ndahng irail en mwomwehda sengiseng ni ahmw pahn wadek Melkahka Kan 30:5, “Pilenmas kan kak kereker nihpwong.” Kahpw uhd ndahng irail en kasalehda peren ansou me ke pahn wadek ire me nda, “Ahpw peren kin leledo nimensengo.” Kapwkapwurehieng ire wet.

• Kasalehda ehu kilel en Soundoaro, oh ndahng noumwail seri kan dahme E ketin wiahiong uhkehr me kihienguhk popohl. Ke pil kak uhd kiheng seri kan en kolada kilelo oh ehukihda dahme Sises wiahiong irailehr me kihong irail popohl.

• Sewese noumwail seri kan en wadlikiala tepin koasoai kan sang Melkahka Kan 46:10: “meleilei, oh ese me ngehime Koht.” E pahn ia wehwehn “Ahniki meleilei”? Mwein kumwail kak sohngada iamwomwen nen nenla. Kumwial pil kak kosoiapene soahng kan me kumwail lelohngehr me sang ni amwail “meleilei” kahrehda amwail ehuong Koht ah kehlail la. Sewese noumwail seri kan en medewe ansou ehu nan ehu me irail kak “ahneki meleilei” pwehn karaniala Sahm Nanleng.