Sohp 1–3; 12–14; 19; 21–24; 38–40; 42

Irehkan en pwuken Sohp, kasalehdate mwomwen Sehdan ah kin uhwong Koht, oh e sohte wehwehki me ira kin doadoahk pene. Ni omw Pahn wadwadek dahme Sehdan kin ndahki Sohp (kilang Sohp 1:9–11; 2:4–5), ele komwi Pahn kalelapakohng pein komwi, “Dahme kahrehda I poadedieng ei pwoson Koht?” Dahme e Pahn keperki en peikiong Koht ohng ni kahrepehieu me Sehdan pilada?

Dahme sair komwi sang karasaras en Sohp nan irair en ah kahpwal kan? (see Job 1:20–22; 2:9–10).

Kempoakepahn Sohp kan kosoia me Koht wie kalkaloke (see Job 4–5; 8; 11). Soangen kahpwal da me komw kilang sang ni soangen madamadau wet? Wadek en Sohp pasapeng nan irelaud 12–13. Dahme Sohp wehwehki me pid duwen Koht me elehiong en kak likih ih? Dahme komw wehwehki me pid duwen Koht me seweseikomwi nan ahmw apwal akan?

Ekei pak kitail kin diarada pwung keiu kesempwal nan irair en kahpwal kan. Doandoaropwe kawehwehpen en Sohp kahpwal akan nan Sohp 19:1–22 oh soahng kesempwal akan me sansal nan ire kan 23–27. Ia mwomwen ahmw wehwehki me Sounkomouro ieiias? Ia kesempwal pen mehn kamarain wet nan omwi mour?

Kouliki de rong koul en sarawi, me iei “I ese me Sounkomouro ieiias” (Koul, no. 136). Soangen mahsen da sang nan koul wet me kasalehda omw pepehm kan me pid duwen Ih?

Pil tehk Doctrine and Covenants 121:1–12; 122.

Nan Sohp 21–24, komw Pahn wadek peidek oh pasapeng kan nan pwungen Sohp oh kempoakepah kan. Kalelapak me pali totohn aramas kalelapak iei: Dahme kahrehda ekei pak aramas mwahu kan kin ahneki lokolok?

Mendahte atail sohte patohwan pasapeng koaros, kitail kak esehla soahng tohto sang nan kopwurupwurdohn rongamwahu en Sises Krais. Pah iei pwuhk sarawi en souleng en imwin-rahn akan, me audaudeki ekei ire mehlel pwukat. Dahme iren pwuhk sarawi pwukat padahkihiong komwi me pid Sahm Nanleng oh Sapwelime koasoandi?

• 2 Nihpahi 2:11–13

• Mosaia 23:21–23; 24:10–16

• Ether 12:27

• Doctrine and Covenants 58:3–5

• Abraham 3:22–26

Komw pil kak wadek en Spencer W. Kimball padahk kan me pid duwen paisuwedkihdi “Kahpwal me sohte kesikpe de me koasoandi en wiawi?” (Padahk kan sang Kaun akan en Mwomwohdisoht: Spencer W. Kimball [2011]), 11–21).

Sang ni dahme komw onopikihier, dahme ke Pahn sapengki kalelapak wet “Dahme Koht kin mweidikihieng kahpwal en lelohng aramas mwahu men?”

Sohp insensuwedkihla en kempoakepah kan koasoai kan (Tehk Sohp 16:1–5; 19:1–3), Sohp kin kalelapak rehn Koht dahme e wie lokolongki (Tehk Sohp 19:6–7; 23:1–9; 31). Nan pwuken Sohp Kauno sohte ketin kasalehda dahme kahrehda. Ahpw E ketin padahngki masen kesempwal kei nan irelaud 38–40. Ia mwomwen omw Pahn oarelapiada Padahk wet? Karasepe, dahme ke wehwehkihla sang kalelapak kan me Kouno ketin wia nan Sohp 38:1–7, 18–24?

Komw pahn kak kilang me Kauno ehukihiong Sohp duwen Sapwellime kepikipik kan oh doahk Sarawi teikan (tehk Sohp 38–39). Komw pil kak kilang kepikipik pwukat (de pil kilelerail). Ia mwomwen soahng pwukat ah kak wekidala omw madamadau me pid Koht? oh ahmw kahpwal kan? Ia mwomwen arail wekidala en Sohp madamadau? (kilang Sohp 42:1–6; pil kilang Moses 1:8–10).

Iet padahk riau sang kapokon lap me kak wekidala atail madamadau: Tamara W. Runia, “Kilkilang Sapwellimen Koht peneinei sang Powe” (Liahona, Nov. 2023, 62–69); Russell M. Nelson, “Medewe Sang Nanleng!” (Liahona, 2023Nohpempe, 117–20). Sang kaweid riau wet, rapahki mehkot me ke pahn tamanda ansou me ke pahn lel kahpwal laud kan. Ia mwomwen ahmw pahn katamaniki pein kowe dahme ke eselahro?

• Sewese noumwail seri kan en ndahiong kumwail dahme irail ese me pid Sohp. Ma irail anahne sawas, ke kak kaweidkin irail pwuken Sohp 1:1, 13–22; 2:7–10 de “Sohp” (in Soai kan en Kadehdeh Mering, 145–47). Ia mwomwen Sohp ah sohpai kahpwal kan? (kilang Sohp 1:21; 2:10).

  

  1:55

• Sohp ahneki pwoson nan ah kahpwal kan pwehki sang ni dahme e ese duwen kauno. Mwein kowe oh noumwail seri kan kak kilangpene ekei kilel me kasalehda Sises Krais ah patehng mehteikan (me duehte kilel me sansal pah de kilel kan nan Gospel Art Book). Kosoia dahme ke ese duwen Ih oh ia mwomwen Ih ohng kowe. Iet ekei ire tikitik me kasalehda dahme Sohp ese duwen Kauno: Sohp 12:10, 13, 16; 19:25–27. Dahme e kesempwalki en ese mepwukat duwen Ih?

• Sohp kalelapak peidek kesempwal ehu nan Sohp 14:14. Mwein kumwail oh noumwail seri kan kak wad emen oh ehukihda ia mwomwen amwail pahn sapeng en Sohp peideko. Ke kak rapahki kaweid nan Alma 11:42–44, nan kasdohn “Nan Rahn Me Kohkohdo” (Gospel Library), de nan koul me pid iasada, me rasohng “Did Jesus Really Live Again?” (Melkahka ohng Serih kan, 64).

1:11

• Ansou me Sohp ahneki pahtou, kempoakepah kan kin kosoiahieng me Koht kalkaloke pwehki ah dipadahr (kilang Sohp 22:5). Ma kitail wia kempoakepahn Sohp, ia mwomwen atail pahn song en sewese? Ia mwomwen atail koasoai kan eh kak sewese mehteikan ansoun pahtou kan? (kilang Sohp 16:5). Song kasalehda ehu de ekei kilel sang nan pwuhk wet ni amwail pahn kosoiapene peidek pwukat.

• Song pekihda rehn noumwail seri kan en ntingiedi wiewia mwahu kan en emen kempoakepahrail oh kasalehda ihs rehn kempoakepahrail kan me kin wiewia mwahu. Mwuri kumwail kak uhd kilang ehu kilelen Sises Krais. Soangen ahl dahnge kan me kahrehiong Sises ah wia kempoakepahtail mwahu men? Kumwail kak medewe emen aramas me ahneki ansou apwal. Koasoanehdi ia mwomwen amwail pahn wia kempoakepahrail duehte Krais.

• Mwurin amwail wadekehr Sohp 19:23–27, kumwail oh noumwail seri kan kak kosoiapene ia mwomwen amwail ese me Soundoaro ieias. Kumwail kak sawaspene pwehn kihpene amwail kadehdeh (de mahlen en Soundoaro) nan ehu pwuhk (kilang ire tikitik 23).

• Kumwail pil kak koulkipene ehu koul me kadehdeh Sounkomouro, me duehte “I Ese Me Ahi Soundoar Ieias” (Hymns, nempe. 136). Ehukihda ire kan sang koul wet me sewese kakehlailiala ahmw pwoson Ih. Dahme e kesempwalki en ese me Sises Krais ieias?