Ester

Presiden Dieter F. Uchtdorf taught pahdahngki me emen emen kitail“keskesihnen wasa me koasoandier oh mie pwukoah kesempwal me [kitail] kelehpw kak wia. … Kauno ketkihonguhk ahmw pwukoah kan pwehki kahrepe. Miehte aramas de mohngiong kan me kowe kelehpw kak kaweid de sair. Oh mwein sohte emen kak wia duehte kowe” (“Pwokada Wasa Ke Kesihnen Ie,” Liahona, Nop. 2008, 56).

Ni ahmw pahn wadwadek soai en Ester, soang medewe ia mwomwen ire wet ah kak doadohk rehmw. Rahpahki soangen ahl akan me Kauno doadoahngki ohng ih pwehn kapitala nah aramas akan (kilang, karasepe, Ester 2:21–23; 3:10–14; 4:14–16). Kahpw uhd medewe mwomwen Ah ketkihonguhk ansou mwahu kan en kak kapaiada mehteikan. Iahnge soangen koasoandi kan de pepehm kan me E kaweidkinuhkehr me pid oaralap me nda “Soangen ansou me due met”? (Ester 4:14). Ma mie noumw kapai en peitriahk, song wadek pwe ken kak esehla duwen doadoahk me kauno kupwurki ken wia. Dahme ke kak wia pwehn kapwaiada doadoahk wet?

Pil kilang (kasdohn) “Soangen Ansou me Due Met”, ChurchofJesusChrist.org.

13:44

Nan pwuken Ester, kitail esehla duwen pwoson en Ester ih Mordecai, ahpw kitail pil esehsang ni pohnmwahso oh lingernger en Haman. Ni ahmw pahn wadek Ester 3; 5:9–14, kilelehdi en Haman pepehm, koasoai, oh wiewia kan. Dahme irail kasalehda me pid ih oh dahme e inengien wia? Soangen kalokolok da me e lelohng? (kilang Ester 7). Sang ni ahmw pahn wadek duwen Haman ke pil kak pwurehng kapata mwahu dahme kin kakehlailih ahmw pepehm kan oh wiewia kan Ke alehdi kaweid en wekidala mehkot nan ahmw mour? Ia mwomwen ahmw kak sohpeiong Sahm Nanleng pwehn seweseiuk?

Pil kilang Lepin Padahk Audapan Aakan 16:32; Alma 5:28.

Kilang duwen Ester oh mehn Suhs akan ahr koasoanehdi ren kaisihsol (kilang Ester 3:13; 4:1–3, 10–17). Ia mwomwen kaisihsol ah kapairailda? (kilang Ester 5:2–3; 8:11–12). Dahme kauno kupwurkihki kitail en kaisihsol? (kilang Oaralap kan oh Peidek kan, “Kaisihsol oh Meirong en Kaisihsol,” Gospel Library). Medewe ia mwomwen ahmw kak wiahda kaisihsol en wia kapai laud nan ahmw mour?

Pil kilang Aiseia 58:6–12; “Kaisihsol: Ward en irail me Pwulopwul Sohte Pwopwoud kan, Amanda” (video), ChurchofJesusChrist.org.

2:41

Ansou me Mordecai oh Ester kesihnenkihda neira aramas akan oh dahme ira kamehlele kan, ira mendahkihla ara mour. Kalokepen atail pilipil kan kakete tikitik, ahpw en wia me pwung udahn pil anahnete ken eimahki. Dahme ke esehsang Ester 3:1–4; 4:10–17 me pid ahneki eimah en wia me pwung? Ke kilang wekpesengin kalokolok me Mordecai oh Ester lelohng sang ni ara eimahki me pwung (kilang Ester 3:5–11; 5:1–4). Dahme Ester oh Mordecai ese me pid Koht me kahrehda ara kak pilada en wia mepwukat?

Medewe ansou kan me ke anahne en eimahki wia me pwung. Dahme ke esehsang Ester oh Mordecai me kak seweseiuk en diar soangen eimah wet rehn Kauno?

Sang ni en Ester eimah kahrehda “rahn en kaping” (kilang Ester 9:17–19). Ia mwomwen eimah en Krais ah karehiong ahmw ahneki “rahn en kaping”?

Pil kilang “Eimah,” (kasdo kan)“Keskesihnen Kelehpw”, Gospel Library; “Mehleliong Pwosono,” Hymns, no. 254.

3:19

4:20

• Ke pil kak alehdi kaweid en doadoahngki Ester 2:7 pwehn sewese kasukuhlihki noumwail seri kan duwen sewese peneinei kan me anahne sawas, me duehte dahme Ester oh Mordecai wia. Kumwail kak wadek pene ire tikitiko de oaralapihda ni pein ahmw koasoai. Eri kumwail oh noumwail seri kan ahpw kak uhd medewe isinge peneinei kan me anahne sawas. Wiahda pilahnepen seweseirail.

• Karasaras en Ester oh Mordecai kak sewese noumwail serihkan en wehwehki me ahneki komwad wehwehki en wia me pwung mendahte ma ke masopwehk. Song ntingiedi ire pwukat Mordecai ahneki komwad ansou me e … oh Ester ahneki komwad ansou me e … . Ni amwail pahn kaskasukuhlkipene duwen Ester, noumwail seri kak kak soang en kanekehla sendens pwukat. Kumwail kak wadekEster 3:1–11; 4:10–17 de “Queen Esther” (nan Soai kan en Kadehdeh Mering, 166–70) de kilang kilel kan me sansal. Kumwail eri ntingiedi I pahn ahneki komwad sang ni … , eri lukehiong noumwail seri kan en ntingiedi soahng kan koaros me Sahm Nanleng kupwurki irail en wia me anahne ren ahneki eimah. Koul me pid eimah, me duwehte “Dare to Do Right” (Children’s Songbook, 158), pil kak sawas.

  

  2:45

• Kumwail pil kak esehla duwehn ansou kan me Sises Krais ahneki komwad—karasepe, ansou me e pwoukihla dipatail kan nan mwetuel en Ketsemeni oh pohn lohpwuo (kilang Madiu 26:36–39; 27:33–35). Pekihda rehn noumwail seri kan en ehukihda ansou kan me irail ahneki komwad, kahpw uhd ehukihda duwen kowe.

• Wadek Ester 4:1–3, 10–17 kak seweseiuk en kasukuhlihki noumwail seri kan duwen kaisihsol. Dahme Ester oh mehn Suhs akan kasihsolki? Ndahng noumwail seri kan dahme kahrehda amwail kin kasihsol Ke pil kak idek rehrail ia mwomwen arail pahn kawehwehiong iengarail kan me saik wia pak ehu duwen kaisihsol. Ia mwomwen atail kak sewese kempoakepahtail kan en wehwehkihla duwen kapai kan me kin kohsang kaisihsol?

• Kakehlailihki noumwail seri kan en medewehda soang da me irail pahn anahneki sawas sang Kauno. Kaweidkin irail en wiahki kisehn arail kaisihsol rahn sarawi me pahn wadedohu.

• Sewese noumwailo seri kan en wehwehki me ansou me Ester ahneki masopwehk, Mordecai kaweidki me Kauno sewesehier en wiahla Lih Nahnmwarki men“nan soangen ansou duwe met” (Ester 4:14). Dahme Mordecai songosong en en kaweidkin kitail? Kosoiapene diwen Ester ah wia dipwisoun doadoahk ehu ohng Kauno. Ia mwomwen atail kak wia dipwisoun doadoahk kei ohng Kauno?

• Ia mwomwen amwail pahn sewese noumwail seri kan en wehwehki dahkot dipwisoun doadoahk? Mwein kumwail kak lukehiong emen aramas en doadoahngki dipwisoun keseng oh kesengki ehu koul de kasalehda ehu kilel me kasalehda aramas emen me wie doadoahngki dipwisoun doadoahk. Kumwail ahpw uhd kosoiapene ia wehwehn atail pahn wia diwpisoun doadoahk kei nan limen Koht.