Ndwom 1-2; 8; 19–33; 40; 46

Ber a ekenkan Ndwom no, ibotum ehu mpɛn dodow a akyerɛwfo no kyerɛ suro, awerɛhow, anaa dadwen. Atsenka a ɔtse dɛm no nnyɛ hu, mpo ma nkorɔfo a wɔwɔ gyedzi. Mbom adze a ɔma ndwom no yɛ nkenyan no nye dɛ wɔsan so ma nkenyan nyiano, a awerɛhyɛmu a odzi mu wɔ Ewuradze mu kã ho. Ber a ekenkan Ndwom 1; 23; 26–28; 46 no, kyerɛw:

• Nsato dɛ nya awerɛhyɛmu wɔ Ewuradze mu.

• Nkasafua a wɔkã No ho asɛm.

• Nkasafua a wɔkã asomdwee, ahoɔdzen, na nhyira bi a Ɔdze ma ho asɛm.

• Nkasafua a wɔkã nkorɔfo a wɔtwer No ho asɛm.

San so hwɛ mfonyin na nsɛnkyerɛdze pɔkyee a Ndwom no dze dzi dwuma kyerɛkyerɛ Agyenkwa no ho asɛm. Mfatoho, wɔ Ndwom 23 mu no, ebɛnadze na nsɛnsin tse dɛ “meda mfunoma edzidzibea mu” anaa “nsutaae” (nyiyimu 2) dze ba w’adwen mu? Awerɛkyekyer “abaa” na “poma” (nyiyimu 4) botum ayɛ ebɛnadze ho sɛnkyerɛdze? Ebɛnadze na hɛn “kuraba” (nyiyimu 5) bu do n’asekyerɛ botum ayɛ?

Ndwom no dodowara kyerɛ Jesus Christ ne ɔnnkyebo abrabɔ no. Christianfo a wɔwɔ Ahyɛmu Dadaw mber mu no hun nkitahodzi yinom so. Hwɛ dɛ ebɛkenkan kyerɛwsɛm nhwehwɛmu yinom a odzi do no. Hwehwɛ nkitahodzi a ɔda nsɛm a wɔwɔ ndwom yinom mu na Agyenkwa n’abrabɔ ntamu mu no:

• Ndwom 2:1–3 na Ndwuma 4:24–28

• Ndwom 2:7 na Ndwuma 13:30–33

• Ndwom 22:1 na Matthew 27:45–46

• Ndwom 22:7–8 na Matthew 27:39–43

• Ndwom 22:16 na Luke 23:32–33

• Ndwom 22:18 na Matthew 27:35

• Ndwom 31:5 na Luke 23:46

Ebɛnadze na isũa fi irusũa nkitahodzi yinom mu mu? Ebɛn kyerɛwsɛm mu nkɔnhyɛsɛm na anohoba horow na onnyae nnhyɛɛ mã? Ebɛnadze na ihu no wɔ anohoba horow yinom mu a ɔma wo ndaamba ho enyidado?

Erekenkan Psalms 8; 19; 33 botum ekenyan wo ma adwen Ewuradze n’abɔdze nwanwa pii no ho. Hwɛ atsenka a inya ber a eyɛ no. Sɛ epɛ a ibotum asan so atow anaa adwendwen ndwom a ɔfa ndwom yinom ho, tse dɛ “How Great Thou Art” (Asɔr Ndwom, 86). Ewuradze n’abɔdze no si dɛn “da Nyame n’enyimnyam edzi’’ ma wo? (Ndwom 19:1).

Asɔr ndwom bi so nye yi a Ndwom kenyaan no:

• Ndwom 23: “The Lord Is My Shepherd,” (Asɔr Ndwom, nkanee 108)

• Ndwom 23:6; 150: “Praise to the Lord, the Almighty” (Asɔr ndwom, nkanee 72)

• Ndwom 26:8: “We Love Thy House, O God,” (Asɔr Ndwom, nkanee 108)

• Ndwom 27:1: “The Lord Is My Light,” (Asɔr Ndwom, nkanee 89)

• Ndwom 33:1-6; 95:1-6: “For The Beauty Of The Earth” (Asɔr Ndwom, nkanee 92)

• Ndwom 37:3–9: “Be Still, My Soul” (Asɔr Ndwom, nkanee 124)

• Ndwom 148: “All Creatures Of Our God and King,” (Asɔr Ndwom, nkanee 62)

Ndwom mu no, nkasafua tse dɛ adansesɛm, ahyɛdze, mbrasɛm, na ntsɛmbua botum akyerɛ dɛ Ewuradze n’asɛm. Dwendwen ho ber a isũa Ndwom 19:7–11. Ebɛnadze na nyiyimu yinom no susu ho kyerɛ wo fa Ewuradze n’asɛm ho? Ebɛnadze na Ndwom 29 kyerɛkyerɛ wo fa Ne ndze ho? Wo sũahu mu no, Ewuradze ne ndze esi dɛn nye nkasaho yinom ayɛ pɛr?

Osiandɛ temple a ɔwɔ Jerusalem wosii no wɔ kokwaa do no ntsi, asɛnsin “Ewuradze no kokwaa no” (Ndwom 24:3) botum akyerɛ temple anaa Nyankopɔn n’enyim. Ebɛnadze na iyi dze kã wo ntseasee fa Ndwom 24 ho? Ibenya “nsa a ho nnyi fĩ, na [akoma a no] mu tsew” n’asekyerɛ nye dɛn ma wo? (nyiyimu 4). Ber a ekenkan Ndwom 26-27 no, ebɛnadze bio na isũa fa Ewuradze fie ho?

Ɔtɔfabi a, yebotum enya abagura dɛ yɛbɛtse dɛ yehia dɛ hɛn ho bɛtsew ma yɛahɛn Nyankopɔn n’enyim hɔ. Ne nyina n’ekyir no. hɛn nyinara yedzi aper, na hɛn mu biara nndzi mu. Ebɛn enyidado na ihu no wɔ Elder David A. Bednar n’asɛm “Clean Hands and a Pure Heart” mu? (Liahona, Ɔberɛfɛw 2007, 80–83). Ibesi dɛn botum dze n’asɛm edzi dwuma ma ɔaboa obi a pɛ dɛ obedzi mu no hyɛ no do? Hwɛ mbrɛ ibesi botum enya Agyenkwa no no mboa wɔ wo mbɔdzembɔ mu dɛ ibenya “nsa a fĩ nnyi ho, na [akoma a no] mu tsew.”

San so hwɛ Bradley R. Wilcox, “Worthiness Is Not Flawlessness,” Liahona, Ɔberɛfɛw 2021, 61–67.

• Hwɛ dɛ ebɛkyerɛw Ewuradze nye … To nsa frɛ wo mbofra no ma wɔnhwehwɛ akwan horow a wɔdze bowie dɛm asɛntɔw no a wɔdze kyerɛwsɛm tse dɛ iyinom: Ndwom 23:1; 27:1; 28:1; 28:7; 32:7; 46:1. Ebɛnadze na nyiyimu yinom kyerɛkyerɛ hɛn fa mbrɛ Ewuradze besi botum aboa hɛn ho?

• Ibotum nye wo mbofra no apɛnsampɛnsa dza eguambaa hia ma oenya ahotɔ na apɔwmudzen mu. Nkyii, ber a hom bɔ mu kenkan Ndwom 23 no, boa wo mbofra no ma wɔmfa dza oguanhwɛfo yɛ ma eguambaa ntoto dza Jesus yɛ ma hɛn no ho. Ebɛnadze na yehia ama yeenya sunsum mu ahotɔ na apɔwmudzen? Hom mbɔ mu ntow ndwom a obotum ama hɔn adwenkyerɛ horow, tse dɛ “I Feel My Savior’s Love” (Children’s Songbook, 74–75).

• Ber a hom bɔ mu kenkan Ndwom 24:3 no, wo mbofra no botum ahwehwɛ nsɛmfua a ɔbɔ hɔn temple ho nkaa. Wobotum asan so ahwɛ temple no mfonyin. Nkyii hom botum abɔ mu akenkan nyiyimu 4 dze esũa nyia a obotum ahɛn temple mu. Hom botum akasa afa mbrɛ nsa ho si yɛ fĩ na mbrɛ yebesi atsew ho ho asɛm. Sunsum mu no hɛn ho si dɛn yɛ fĩ? Sunsum mu no Agyenkwa no si dɛn boa tsew hɛn ho?

• Sɛ ewɔ mbofra nkakramba a, ibotum ato nsa afrɛ hɔn ma woepetuw dɛ worusũ ber a ekenkan fi Ndwom 30:5 mu dɛ, “Osũ ba bɔsoɛ anago.” Nkyii bisa hɔn ma wɔnkyerɛ hɔn enyigye ber a ekenkan, “Na enyigye ba anapa.’’ Si nsɛnsin yi do mpɛn kakra.

• Fa Agyenkwa no mfonyin kyerɛ, na kã dza Ɔayɛ ama wo a ɔdze enyigye brɛ wo kyerɛ wo mbofra. Ibotum ama abofra kor biara enya kwan esuo mfonyin no mu na ɔakyɛ dza Jesus ayɛ a ɔdze enyigye brɛ hɔn no.

• Boa wo mbofra no ma wɔmfa kyerɛpɛn no a odzi kan fi Ndwom 46:10: “Hom nyɛ dzinn, na hom nhu dɛ emi nye Nyame” nto hɔn tsir mu. “Hom nyɛ dzinn’’ n’asekyerɛ botum ayɛ dɛn? Ibia hom botum afa mber kakra dze esũasũa dɛ wɔreyɛ dzinn. Hom botum asan so nye hom ho akyɛ sũahu horow a wɔreyɛ “dzinn” ahyɛ wɔnye Nyankopɔn ntamu nkitahodzi mu dzen mu. Boa wo mbofra no ma wɔndwen da no mu ber a wobotum “ayɛ dzinn” dze abɛn Ɔsor Egya yie ho.