Job 1–3; 12–14; 19; 21–24; 38–40; 42

Job n’etsir mbuei no, wɔ awensɛm kwan mu, tsĩ Satan n’asɛdze mu dɛ hɛn ɔsɛɛfo anaa hɛn atwetwesinyi; wɔnnkã nkɔmbɔdzi ankasa ankasa wɔ Nyankopɔn na Satan ntamu ho asɛm. Ber a ekenkan dza Satan kãe faa Job ho wɔ (hwɛ Job 1:9–11; 2:4–5) no, ibotum ebisa woho asɛm dɛ, “Ebɛnadze ntsi na mo nokwardzi kɔ do tsim ma Nyankopɔn?” Ebɛnadze ntsi na ɔbɛyɛ haw dɛ ebɛyɛ setsie ama Ewuradze wɔ siantsir nkotsee a Satan susuii no ntsi?

Ebɛnadze na ɔyɛ wo ahomka fa Job no mbuae ma no nsɔhwɛ no? (hwɛ Job 1:20–22; 2:9–10).

Job n’anyɛkofo susuii dɛ nna Nyankopɔn retsẽa no (hwɛ Job 4–5; 8; 11). Ebɛnadze haw na ihu no wɔ adwenkyerɛ yi ho? Kenkan Job no mbuae wɔ etsir 12–13 mu. Ebɛnadze na nna Job nyim fa Nyankopɔn ho a ɔmaa no tum ma ɔkɔr do nyaa awerɛhyɛmu? Ebɛnadze na inyim fa Nyankopɔn ho a ɔboa wo ma esɔw wo nsɔhwɛ?

Ɔtɔfabi a yesũa nokwar horow a ohia dodow wɔ hɛn nkõdzen mber a ɔyɛ dzen dodow mu. Dwendwen nsɔhwɛ a Job kãa ho asɛm wɔ Job 19:1–22 mu na nokwar horow a ɔpaa mu kae wɔ nyiyimu 23–27 mu. Isi dɛn hu dɛ wo Pomfo tse ase? Ebɛn nsonsonee na nyimdzee yi yɛ wɔ w’abrabɔ mu?

Hwɛ dɛ ebɔtow anaa ibetsie asɔr ndwom afa Jesus Christ ho tse dɛ “I Know That My Redeemer Lives” (Asɔr Ndwom, nkanee 136). Ebɛn nsɛm fi asɔr ndwom yi mu na ɔkyerɛ w’atsenka fa No ho?

San so hwɛ Nkyerɛkyerɛ na Ahyɛmudzi 121: 1–12; 122.

Job 21–24 mu no, ebɛkenkan anototo wɔ Job na n’anyɛnkofo ntamu. Asɛmbisa no bun mu no nkorɔfo pii ebisa dɛ: Ebɛnadze ntsi na ɔtɔfabi a atseneneefo hu amandze?

Mpo dɛ yennyi ne nyiano nyinara no, wɔ Jesus Christ n’asɛmpa a wɔdze asan ananmu mu no, yɛwɔ nokwar horow a obotum aboa hɛn ma yɛatse abɛbrɛsɛ na amandzehu ase. Nda a odzi ekyir kyerɛwsɛm wɔ ase ha a nokwar horow yinom bi wɔ mu. Ebɛnadze na kyerɛwsɛm yinom kyerɛkyerɛ wo fa Ɔsor Egya na Ne nhyehyɛɛ ho?

• 2 Nephi 2:11–13

• Mosiah 23:21–23; 24:10–16

• Ether 12:27

• Nkyerɛkyerɛ na Ahyɛmudzi 58:3–5

• Abraham 3:22–26

Ibotum asan so akenkan President Spencer W. Kimball ne nkyerɛkyerɛ fa abɛbrɛsɛ ho wɔ “Tragedy or Destiny?” mu (Teachings of Presidents of the Church: Spencer W. Kimball [2011]), 11–21).

Ogyina dza esũa do no, ibesi dɛn botum eyi asɛmbisa tse dɛ “Ebɛnadze ntsi na Nyankopɔn ma kwan ma atseneneefo hu amandze” ano?

N’anyɛnkofo hɔ nsɛntodo tseetsee no no (hwɛ Job 16:1–5; 19:1–3), Job sii do bisaa Nyankopɔn siantsir kor a ɔwɔ dɛ ohu amandze dodow dɛm (hwɛ Job 19:6–7; 23:1–9; 31). Ewuradze amma no siantsir kor pɔkyee wɔ Job nwoma no mu. Mbom Ɔkyerɛkyerɛɛ asɛm bi a ohia wɔ etsir 38–40. Ibesi dɛn bɔbɔ asɛm no tɔw? Mfatoho, ebɛnadze na isũa fi Ewuradze ne nsɛmbisa mu wɔ Job 38:1–7, 18–24 mu?

Ibohu dɛ Ewuradze kãsae kyerɛɛ Job fa N’abɔdze bi na ndwunma akɛse bi so ho (hwɛ Job 38–39). Ibotum so ahwɛ abɔdze no binom (anaa hɔn ho mfonyin). Ndzɛmba yinom si dɛn boa wo ma inya adwen soronko bi fa Nyankopɔn ho? fa wo nsɔhwɛ ho? Wosii dɛn sesaa Job no nhumu? (hwɛ Job 42:1–6; san so hwɛ Moses 1:8–10).

Wiadze mfɛndzanan ehyiadzi nsɛm bi wɔ ha a obotum aboa asesa hɛn nhumu: Tamara W. Runia, “Seeing God’s Family through the Overview Lens” (Liahona, Ɔberɛfɛw 2023, 62–69); Russell M. Nelson, “Think Celestial!” (Liahona, Ɔberɛfɛw 2003, 117–20). Asɛm ebien mu kor mu no, hwehwɛ biribi a ebɛpɛ dɛ ekaa no mber fofor bi a ɔyɛ dɛ wo nsɔhwɛ bɛhyɛ wo do no. Ibesi dɛn akaa woho wɔ dza isũae no ho?

• Hyɛ wo mbofra no nkuran ma wɔnkã dza wonyim fa Job ho nkyerɛ wo. Sɛ wohia mboa a, ibotum akyerɛ hɔn akɔ Job 1:1, 13–22; 2:7–10 anaa akɔ “Job” (wɔ Old Testament Stories mu, 145–47). Job sii dɛn maa tafɛrbanyinmbɔmu no mbuae? (hwɛ Job 1:21; 2:10).

  

  1:55

• Job yɛɛ nokwafo wɔ no nsɔhwɛ mu osian dza nna onyim fa Ewuradze ho ntsi. Ibia ɔwo na wo mbofra no botum ahwɛ Jesus Christ a ɔnye binom rinya nkitahodzi no mfonyin (tse dɛ dza ɔwɔ ase no anaa mfonyin a ɔwɔ Gospel Art Book mu no). Kasa fa dza inyim no wɔ No ho na ma Osi tse ho. Nyiyimu binom wɔ ha a ɔkyerɛ dza nna Job nyim fa Ewuradze ho: Job 12:10, 13, 16; 19:25–27. Ebɛnadze ntsi na ɔyɛ adze tsitsir dɛ yebohu ndzɛmba yinom afa No ho?

• Job bisaa asɛm bi a ohia wɔ Job 14:14. Bia ɔwo na wo mbofra no botum ahwɛ akyɛ mbrɛ wobesi beyi Job ano nkorkor. Ibotum ahwɛ adwenkyerɛ horow wɔ Alma 11:42–44, wɔ “In a Coming Day” video mu (Asɛmpa Nwoma Korabea), anaa wɔ ndwom bi fa Wusoɛr no ho tse dɛ, “Did Jesus Really Live Again?” mu. (Children’s Songbook, 64).

1:11

• Mber a Job ridzi awerɛhow no, n’anyɛkofo kãe kyerɛɛ no dɛ Nyankopɔn retsẽa no osiandɛ ɔayɛ bɔn (hwɛ Job 22:5). Sɛ nna yɛyɛ Job n’anyɛnkofo a, nkyɛ yebesi dɛn bɔbɔ mbɔdzen aboa no? Sɛ binom ridzi awerɛhow a hɛn nsɛm besi dɛn botum aboa hɔn? (hwɛ Job 16:5). Hwɛ dɛ edze mfonyin kor anaa no mboree a ɔwɔ n’apɔwdo n’apɔwdo yi mu no bɛkyerɛ ber a eyɛ nsɛmbisa yinom mu mpɛnsampɛnsamu.

• Hwɛ dɛ ibebisa wo mbofra no ma wɔakyerɛw nyɛnko papa no suban nkorkor na ɔabɔ nyɛnko bi a ɔwɔ suban yinom ne dzin. Nkyii ibotum ahwɛ Jesus Christ no mfonyin. Ebɛn akwan horow mu na Jesus Christ yɛ nyɛnko papa ma hɛn mu kor biara? Ibotum adwen obi a ɔrefa nkõdzen mu ho. Hyehyɛ mbrɛ ibesi bɛyɛ Christ saso nyɛnko ama no ho.

• Hom akenkan Job 19:23–27 ewie no, ɔwo na wo mbofra botum akasa afa mbrɛ hom si nyim dɛ hɛn Pomfo tse ase ho. Hom botum abɔ mu ayɛ edwuma dze akyerɛw hɔn dasee (anaa wɔahyehyɛ Agyenkwa no ho adorɔw) wɔ nwoma mu (hwɛ nyiyimu 23).

• Wobotum asan so atow ndwom a ɔgye Agyenkwa no ho dase, tse dɛ “I Know That My Redeemer Lives” (Asɔr Ndwom, nkanee 136). Kyɛ nsɛnsin fi asɔr ndwom no mu a ɔhyɛ wo gyedzi wɔ No mu no dzen. Ebɛnadze ntsi na ohia dɛ yebohu dɛ Jesus Christ tse ase?