“17–23 Ogis. ‘Hae God I Stap Lukaot Gud long Mi Olsem we Mi Mi Sipsip blong Hem’: Ol Sam 1–2; 8; 19–33; 40; 46,” Kam Folem Mi—Blong Hom mo Jos: OlTesteman 2026 (2026)
“17–23 Ogis. ‘Hae God I Stap Lukaot Gud long Mi Olsem we Mi Mi Sipsip blong Hem,’” Kam Folem Mi: OlTesteman 2026
Hae God I Stap Lukaot Gud long Mi Olsem we Mi Mi Sipsip blong Hem”, i kam long Yongsung Kim. Pikja blong havenlight.com wetem respek
17–23 Ogis: “Hae God I Stap Lukaot Gud long Mi Olsem we Mi Mi Sipsip blong Hem”
Ol Sam 1–2; 8; 19–33; 40; 46
Yumi no save stret se huia nao i raetem Ol Sam. Sam oli bin raetem i go long King Deved, be plante long olgeta, ol man we oli raetem oli no save nem blong olgeta. Yet afta we yu ridim Ol Sam, yumi filim olsem se yumi save hat blong olgeta we oli bin raetem buk blong Sam, nomata we yumi no save ol nem blong olgeta. Yumi save se, Ol Sam oli ol impoten pat blong wosip long Ol Man Isrel, mo yumi save we Sevya i yusum olgeta plante taem. Long Ol Sam, yumi kam blong andastanem moa sol blong ol pipol blong God blong bifo. Yumi luk hamas oli filim abaot God, wanem nao oli wari long hem, mo olsem wanem oli faenem pis. Olsem ol man blong biliv tedei, raon long wol, yumi stil yusum ol toktok ia long wosip blong yumi long God. Kolosap i olsem se ol man we oli raetem buk blong Ol Sam we oli bin gat wan windo we i luk tru insaed long sol blong yumi ,from se, oli soemaot wanem yumi filim abaot God, wanem we yumi wari from, mo olsem wanem yumi faenem pis.
Blong gat wan bigfala lukluk long Buk blong Ol Sam, luk long “Psalms” insaed long Bible Dictionary.
Ol aedia blong Stap Lanem Samting long Hom mo long Jos
Ol Sam 1; 23; 26–28; 46
“Mi bin trastem Lod.”
Taem yu stap ridim Ol Sam, bae yu luksave hamas ol man we oli raetem, oltaem oli stap soemaot filing blong olgeta blong fraet, bigfala harem nogud o wari. Ol filing olsem ia oli nomol, iven blong ol pipol we oli gat fet. Be wanem we i mekem Ol Sam i givim insperesen i we, oli givim tu ol ansa, we i tekem tu, ful tras long Lod. Taem yu ridim Ol Sam 1; 23; 26–28; 46, raetemdaon:
-
Ol invitesen blong trastem Lod.
-
Ol toktok we oli tokbaot Hem.
-
Ol toktok we i tokbaot pis, paoa, mo ol narafala blesing we Hem i givim.
-
Ol toktok we i tokbaot ol pipol we oli trastem Hem.
Mo tu, lukluk ol pikja mo ol simbol we oli klia gud, we Ol Sam i yusum blong tij abaot Sevya. Eksampol, insaed long Ol Sam 23, ?Wanem nao ol sentens ia olsem? “mi spel gud long ples we i gat gudfala gras long hem” o “mi go long kwaet ples we wota i stap ron smol long hem” (ves 2) i mekem yu tingting long hem? ?Wanem nao “nalnal” mo “wokingstik” (ves 4) tufala i minim? ?I minim wanem blong fulumap “kap” (ves 5) blong yumi i fulap we i fulap gud?
Ol Sam 2; 22
Jisas Kraes i Mesaea ia we oli bin promesem se bae i kam.
Sam long ol sam oli poen i go long laef blong Jisas Kraes long wol ia. Ol Kristin Man insaed long Ol Testeman oli bin luk ol koneksen ia tu. Tingting blong stap ridim ol skripja refrens ia. Lukaotem ol koneksen bitwin ol toktok insaed long ol sam ia mo long laef blong Sevya:
-
Ol Sam 2:1–3 mo Ol Wok 4:24–28
-
Ol Sam 2:7 mo Ol Wok 13:30–33
-
Ol Sam 22:1 mo Matiu 27:45–46
-
Ol Sam 22:7–8 mo Matiu 27:39–43
-
Ol Sam 22:16 mo Luk 23:32–33
-
Ol Sam 22:18 mo Matiu 27:35
-
Ol Sam 31:5 mo Luk 23:46
?Wanem nao yu lanem taem yu stap stadi long ol koneksen ia? ?Wanem nao ol profesi mo ol promes insaed long ol skripja we oli no bin hapen yet? ?Wanem nao yu faenem insaed long ol promes ia we i givim yu hop blong fiuja?
Ol Sam 8; 19; 33
“Oltaem hem i lavem man tumas, hem i kavremap evri ples raon long wol.”
Blong stap ridim Ol Sam 8; 19; 33 bae i save givim yu insperesen blong tingting long plante naesfala kriesen blong Lod. Tingting gud long ol filing blong yu taem yu stap mekem ol samting ia. Maet bae yu wantem blong singsing o tingting hevi long wan singsing we i go wetem ol sam ia “How Great Thou Art” (Hym, 86). ?Olsem wanem nao kriesen blong Lod “i soemaot ol gudgudfala wok we God i mekem” long yu? (Ol Sam 19:1).
Hemia sam long ol narafala singsing we i kam tru long insperesen blong Ol Sam:
-
Ol Sam 23: “The Lord Is My Shepherd” (Hym, namba 108)
-
Ol Sam 23:6; 150: “Praise to the Lord, the Almighty” (Hym, namba 72)
-
Ol Sam 26:8: “We Love Thy House, O God” (Hym, namba 247)
-
Ol Sam 27:1: “The Lord Is My Light” (Hym, namba 89)
-
Ol Sam 33:1–6; 95:1–6: “For the Beauty of the Earth” (Hym, namba 92)
-
Ol Sam 37:3–9: “Be Still, My Soul” (Hym, namba 124)
-
Ol Sam 148: “All Creatures of Our God and King” (Hym, namba 62)
Yusum miusik. Presiden Dallin H. Oaks i bin talem: “Singsing blong ol hym hem i wan bes wei blong putum yumi i wan wetem Spirit blong Lod . … Tabu miusik i gat wan spesel paoa blong talemaot ol filing blong lav blong yumi long Lod. Kaen komunikesen olsem i wan naesfala help long wosip blong yumi. … Ol hym blong yumi oli gat insaed ol prijing blong doktrin we yumi no save komperem, we ol trutok mo ol toktok blong poem insaed long skripja nomo i gat moa paoa bitim” (“Worship through Music,” Ensign, Nov. 1994, 10, 11). ?Wanem ol hym we i go wetem Ol Sam we yu save lisin long olgeta o singsing long olgeta blong mekem wosip blong yu long wik ia i kam moa gud?
Ol Sam 19:7–11; 29
Ol toktok blong Lod oli gat bigfala paoa, i mekem “hat i stap glad.”
Insaed long Ol Sam, ol toktok olsem testemoni, ol loa, komanmen, mo ol jajmen oli stap tokbaot ol toktok blong Lod. Kipim hemia long maen taem yu stap ridim Ol Sam 19:7–11. ?Wanem nao ol ves ia oli talem long yu abaot toktok blong Lod? ?Wanem nao Ol Sam 29 i tijim yu abaot voes blong Hem? Long ol eksperiens blong yu, ?olsem wanem nao toktok o voes blong Lod i go stret wetem ol samting ia?
Ol Sam 24; 26–27
Sevya i save helpem mi blong stap klin mekem se mi save go long ples we God i stap long hem.
From we tempol long Jerusalem oli bin bildim antap long wan hil, toktok ia, “hil blong Hae God” (Ol Sam 24:3) i save tokbaot tempol o ples blong God. ?Hemia i ademap wanem long andastaning blong yu long Ol Sam 24? ?Hem i minim wanem long yu blong gat “wan tingting we i klin mo laef blong hem i stret”? (ves 4). Taem yu ridim Ol Sam 26–27, ?wanem bakegen yu lanem abaot haos blong Lod?
Wanwan taem bae tingting blong yumi i kam slak blong harem se yumi nid blong stap klin blong go long ples we God i stap long hem. Be aot long evri samting, yumi evriwan i stap traehad mo i no gat wan long yumi i stret gud evriwan. ?Wanem hop nao yu faenem insaed long mesej blong Elda David A. Bednar “Clean Hands and a Pure Heart”? (Liahona, Nov. 2007, 80–83). ?Long wanem wei nao yu save yusum mesej blong hem blong helpem wan we i stap tingting tumas blong wantem stap stret gud evriwan? Tingting long olsem wanem yu save kasem help blong Sevya long ol hadwok blong yu blong gat “ol klin han mo wan hat we i klin evriwan.”
Luk tu long Bradley R. Wilcox, “Blong Stap Klin Inaf I No Minim se Yu Mas Klin Evriwan,” Liahona, Nov. 2021, 61–67.
Blong kasem moa aedia, luk long magasin blong manis ia Liahona mo Blong Ol Yut Oli Kam Strong magasin.
Sam Aedia blong Tijim Ol Pikinini
Ol Sam 23; 27–28; 32; 46
Lod i givim long mi, pis, paoa mo i soem rod long mi.
-
Tingting blong stap raetem Lod hem i … invaetem ol pikinini blong yu blong lukaotem ol wei blong komplitim sentens ia taem oli stap yusum ol skripja olsem olgeta ia: Ol Sam 23:1; 27:1; 28:1; 28:7; 32:7; 46:1. ?Wanem nao ol skripja ia oli tijim yumi abaot olsem wanem Lod i save helpem yumi?
-
Yu save toktok raon wetem ol pikinini blong yu abaot wanem wan smol sipsip i nidim blong stap sef mo helti. Afta, taem yufala i stap ridim tugeta Ol Sam 23, helpem ol pikinini blong yu blong komperem wanem wan man blong lukaotem sipsip i stap mekem long wan smol sipsip wetem wanem we Jisas i stap mekem long yumi. ?Wanem nao yumi nid blong mekem blong stap sef mo helti long saed blong spirit? Singsing tugeta wan singsing we i save givim sam aedia long olgeta olsem hemia: “I Feel My Savior’s Love” (Children’s Songbook, 74–75).
Konsepsion Jile Tempol
Ol Sam 24:3–4
Blong go insaed long tempol yumi nidim “klin han, mo wan klin hat.”
-
Taem yufala i ridim tugeta Ol Sam 24:3 , ol pikinini blong yu oli save lukaotem ol toktok we oli rimaenem olgeta abaot tempol. Mo tu, oli save lukluk wan pikja blong wan tempol. Afta, tugeta, yufala save ridim ves 4 blong lanem huia i save go insaed long tempol. Yu save tokbaot olsem wanem ol han we oli kam doti mo olsem wanem yumi save klinim olgeta. ?Olsem wanem nao yumi kam doti long saed blong spirit? ?Olsem wanem nao Sevya i helpem yumi blong kam klin long saed blong spirit?
Ol Sam 30:5
Jisas Kraes i save tanem harem nogud i kam glad.
-
Sapos yu gat ol smol pikinini, yu save invaetem olgeta blong mekem olsem se oli stap krae taem yu stap ridim Ol Sam 30:5, “Long naet, maet man i save harem nogud i krae.” Afta, askem olgeta blong soemaot se oli glad taem yu ridim, “Be long moning i save harem gud, i glad bakegen.” Ripitim sentens ia plante taem.
-
Soem wan pikja blong Sevya, mo talem long ol pikinini blong yu wanem Hem i bin mekem blong yu we i givim glad long yu. Mo tu, yu save givim long wanwan pikinini wan janis blong holem wan pikja mo serem wanem Jisas i bin mekem we i givim glad long olgeta.
Ol Sam 46:10
“Stap kwaet mo save se, Mi, Mi God.”
-
Helpem ol pikinini blong lanem baehat fasfala laen aot long Ol Sam 46:10: “Stap kwaet mo save se, Mi, Mi God.” ?Blong “stap kwaet” i save minim wanem? Maet yu save spendem sam taem blong stap praktisim blong stap kwaet. Mo tu, yu save serem wetem wanwan long yufala ol eksperiens blong taem we yufala i stap “kwaet,” i bin mekem rilesensip blong yu wetem God i kam moa strong. Helpem ol pikinini blong yu blong tingting long ol taem we i deitaem taem oli save “stap kwaet” blong filim kolosap long Papa long Heven.
Blong kasem moa aedia, luk long magasin blong Fren blong manis ia.