“Ol Tingting blong Kipim long Maen: Stap Ridim Poem long OlTesteman,” Kam Folem Mi—Blong Hom mo Jos: OlTesteman 2026 (2026)
“Stap Ridim Poem long OlTesteman,” Kam Folem Mi: OlTesteman 2026
Ol Tingting blong Kipim long Maen
Stap Ridim Poem long OlTesteman
Long ol buk insaed long OlTesteman stat long Jenesis kasem Esta, yumi faenem kolosap plante nao i ol stori—ol stori we oli tokbaot ol spesel taem we i hapen long wan lukluk long saed blong spirit. Noa i bildim wan sip, Moses i karemaot ol pipol blong Isrel long Ijip, Hana i prea blong gat wan boe, mo i gat moa. Stat long Job, yumi faenem wan defren stael blong raeting. Insaed long ol buk ia, ol man blong raetem OlTesteman oli raet long lanwis blong raetem poem blong talemaot ol filing we oli dip o ol profesi we oli impoten long wan wei we i save stap oltaem long tingting blong man.
Yumi bin luk sam eksampol finis blong poem i stap truaot long ol histri buk blong OlTesteman. Mo stat long Job i go, bae yumi luk plante moa long hemia. Ol Buk blong Job, Sam, mo Ol Proveb, kolosap evriwan oli ol poem, olsem sam pat blong ol buk blong ol profet olsem, Aesea, Jeremaea, mo Amos. From se blong ridim poem i defren long hao yumi ridim wan stori, blong andastanem i nidim wan defren lukluk blong save. Hemia sam tingting we i save helpem yu blong faenem moa mining long ol poem insaed long OlTesteman.
Kam blong Save Poem blong Hibru
Faswan, bae i helpem yu blong save se Hibru long OlTesteman hem i no blong i saon semmak, olsem ol narafala kaen poem. Mo iven we saon i saon semmak, plei blong toktok, mo fasin blong ripitim ol saon oli ol besik pat we olfala Hibru lanwis i yusum long poem, evri samting ia oli lus evriwan long taem blong translesen. Wan long ol pat ia we bae yu luk save hem i ol tingting o aedia we oli stap ripit, samtaem oli singaotem “semsemmak.” Hemia wan simpol eksampol we stap long Aesea:
!Putum paoa blong yu long yu, O Saeon!
werem ol naes klos blong yu, O Jerusalem. (Aesea 52:1)
Ol Sam 29 i gat plante laen we oli semsemmak—eksampol:
Ol man oli harem voes blong hem;
oli save se hem i King (Ol Sam 29:4)
Mo hemia i wan eksampol blong save se nambatu laen we i semsemmak long faswan i mekem se skripja ia i isi blong oli andastanem:
Mi mekem ol tut blong yufala i klin gud, long evri taon blong yufala,
mi mi mekem we yufala i gat hadtaem blong kasem kaekae. (Amos 4:6)
Long ol eksampol ia, man we i raetem poem i ripitim wan aedia be, i defren smol. Teknik ia i save mekem aedia we oli stap ripitim i kam moa klia mo yusum wanem we i defdefren blong tokbaot moa fulwan o developem aedia ia.
Long narafala kes, tufala sentens we i semsemmak i yusum semmak lanwis blong soem tu defren aedia, olsem we oli soem long eksampol ia:
Spos yu toktok gud long wan man we i kros, bambae yu save filing blong kros blong hem i go lus:
be [strong toktok] bambae [i] mekem hem i kros moa. (Ol Proveb 15:1)
Kaen semsemmak laen ia i no hapen olsem ia nomo. Ol man we oli raetem, oli minim blong raetem olsem ia. Hemia i bin helpem olgeta blong talemaot ol filing blong olgeta long saed blong spirit o olsem se long tugeta, i gat paoa mo i naes. Mekem se taem yu luk semsemmak laen long ol raeting blong OlTesteman, askem yuwan olsem wanem i helpem yu blong andastanem mesej blong man we i raetem. Eksampol, ?wanem nao Aesea i stap traem blong talem we i go wetem “paoa” wetem “naes klos” mo “Saeon” wetem “Jerusalem”? (Aesea 52:1). ?Wanem nao yumi save andastanem abaot toktok ia “toktok gud” sapos yumi save se “toktok strong” hem i narasaed blong toktok ia toktok gud? (Ol Proveb 15:1).
Hem I Putumbak Sol blong Mi, i kam long Walter Rane
Poem blong Hibru olsem wan Niu Fren
Sam pipol oli komperem poem long taem we yu mitim wan niu man. Blong stap ridim poem insaed long OlTesteman, afta, bae i olsem se yu stap mitim wan long wan kantri we i longwe mo wan narafala kalja we yu no save we oli toktok wan defren lanwis we i no olsem blong yumi—mo i olsem se oli blong ova long tu taosen yia i pas. Man ia, long fastaem we i talem sam samting long yumi, yumi no andastanem nating, be hemia i no minim se oli no gat wan samting we i no gat valiu blong talem. Yumi jes nid blong spendem taem wetem olgeta, traem blong luk ol samting long wei we hem i lukluk blong hem. Yumi save faenem se insaed long hat blong yumi se i tru se yumi kam blong andastanem gud wanwan long yumi. Mo sapos yumi soem fasin blong save wet longtaem mo gat sore mo lav, man ia we yumi jes kam blong save bae hem i kam wan gudfala fren.
Mekem se taem we yu ridim ol skripja long Aesea, eksampol, tingting long hem olsem fas taem blong yu blong mitim wan niu man. Askem yuwan, “?Wanem nao hem i bigfala tingting blong mi?” ?Olsem wanem nao skripja ia i mekem yu gat filing—iven sapos yu no andastanem evri toktok? Ridim bakegen, plante taem sapos i nid. Tingting blong stap ridim laod; sam pipol oli faenem sam moa mining long wei ia. Tingbaot se ol toktok we Aesea i jusum, speseli ol toktok we yu pikjarem long maen blong yu. ?Ol pikja ia oli mekem yu filim olsem wanem? ?Wanem nao oli talem abaot ol filing blong Aesea? Moa yu stadi long ol toktok blong ol man blong raetem OlTesteman, bae yu faenemaot se oli minim blong jusum ol toktok blong olgeta mo teknik blong olsem wanem nao oli save soem ol dip mesej long saed blong Spirit.
Ol poem oli save kam ol naesfala fren from se oli helpem yumi blong save andastanem ol filing mo eksperiens blong yumi. Ol poem insaed long OlTesteman oli impoten, from se oli helpem yumi blong andastanem ol filing mo eksperiens blong yumi we oli impoten—olgeta we oli konektem rilesensip blong yumi wetem God.
Taem yu stap stadi poem long OlTesteman, tingbaot se skripja stadi hem i moa impoten taem i lid yumi i go long Sevya. Lukaotem ol saen, pikja, mo trutok blong bildim fet blong yu long Hem. Lisin long ol insperesen blong Tabu Spirit taem yu stap stadi.
Buk we I Givim Waes
Wan kategori blong poem blong OlTesteman we ol man blong tij oli singaotem “waes tok.” Job, Ol Proveb, mo Prija oli foldaon long kategori ia. Be ol sam, oli soem ol filing blong presem, krae, mo wosip, tok blong waes we i lukluk long taem we yumi stap long hem o dip, kwestin long saed blong politik. Eksampol, Buk blong Job, i lukaotem jastis blong God, mo ol risen from wanem ol man oli stap safa. Ol Proveb i givim ol kaonsel long olsem wanem yumi stap laef, wetem ol waes toktok we oli karem mo pasem i kam daon long ol jeneresen blong bifo. Mo Prija i blong gat tu tingting abaot ol kwestin blong stamba tingting blong laef—taem we evri samting i grup tugeta mo i olbaot, ?wea yumi save faenem tru mining? Yu maet ting se ol waes tok olsem wan storian we i gat mining wetem ol tija we i gat insperesen we oli wantem blong serem ol lukluk blong olgeta abaot God mo wol we Hem i krietem—mo ating bae i helpem yu blong andastanem ol samting ia moa bitim wanem yu save bifo.