“අගෝස්තු 10–16. ‘එහෙත් මට උන්වහන්සේ තුළ බලාපොරොත්තුවක් ඇත්තේය’: යෝබ් 1–3; 12–14; 19; 21–24; 38–40; 42,” එන්න, මා අනුගමනය කරන්න—නිවස සහ සභාව සඳහා: පරණ ගිවිසුම 2026 (2026)
“අගෝස්තු 10–16. ‘එහෙත් මට උන්වහන්සේ තුළ බලාපොරොත්තුවක් ඇත්තේය,’” එන්න, මා අනුගමනය කරන්න: පරණ ගිවිසුම 2026
ජෝසෆ් බ්රිකී විසින්, The Judgments of Job [යෝබ්ගේ විනිශ්චයන්]
අගෝස්තු 10–16: “එහෙත් මට උන්වහන්සේ තුළ බලාපොරොත්තුවක් ඇත්තේය”
යෝබ් 1–3; 12–14; 19; 21–24; 38–40; 42
හොඳ මිනිසුන්ට නරක දේ සිදු වන්නේ මන්දැයි කල්පනා කිරීම ස්වාභාවිකයි—එසේත් නැතිනම්, නරක මිනිසුන්ට හොඳ දේ සිදුවන්නේ මන්දැයි කල්පනා කිරීමත් ස්වාභාවිකයි. සාධාරණ දෙවියන්වහන්සේ එසේ කිරීමට ඉඩ දෙන්නේ ඇයි? යෝබ් පොතේ මෙවැනි ප්රශ්න ගවේෂණය කරනවා. යෝබ් යනු බොහෝ අයහපත් දේවල් සිදු වූ යහපත් මිනිසුන්ගෙන් කෙනෙක්. යෝබ්ට ලැබුණු පීඩාවන් නිසා, ඔහු ඇත්තටම හොඳ කෙනෙක්ද කියා ඔහුගේ මිතුරන් කල්පනා කළා. යෝබ් තමාගේම ධර්මිෂ්ඨකම ස්ථීර ලෙස ප්රකාශ කළ අතර දෙවියන්වහන්සේ ඇත්තෙන්ම සාධාරණද කියා කල්පනා කළා. නමුත් යෝබ් දුක් කම්කටොළු හා පුදුමයට පත් වීම් තිබියදීත්, යෝබ් යේසුස් ක්රිස්තුස්වහන්සේ කෙරෙහි ඔහුගේ අවංකකම සහ ඇදහිල්ල පවත්වාගෙන ගියා. යෝබ්ගේ පොතෙහි, ඇදහිල්ල ප්රශ්න කර පරීක්ෂා කර තිබුනත්, කවදාවත් ඔහු ඔහුගේ ඇදහිල්ල සම්පූර්ණයෙන්ම අත්හරින්නේ නැහැ. සියලුම ප්රශ්නවලට පිළිතුරු ලැබෙන බව එයින් අදහස් වෙන්නේ නැහැ. නමුත් ප්රශ්න වලට පිළිතුරු ලැබෙන තුරු ඒවා ඇදහිල්ල සමඟ එකට පැවතිය හැකි බව යෝබ්ගේ පොත උගන්වනවා. මේ අතරතුර කුමක් සිදු වුවද, අපගේ ස්වාමින්වහන්සේ ගැන අපට මෙසේ පවසන්න පුළුවන්, “එහෙත් මට උන්වහන්සේ තුළ බලාපොරොත්තුවක් ඇත්තේය” (යෝබ් 13:15).
නිවසේදී සහ සභාවේදී ඉගෙනීම සඳහා අදහස්
යෝබ් 1–3; 12–13
සෑම අවස්ථාවකදීම මට දෙවියන්වහන්සේව විශ්වාස කළ හැකිය.
අපගේ විරුද්ධවාදියා හෝ චෝදකයා ලෙස සාතන්ගේ භූමිකාව යෝබ්ගේ ආරම්භක පරිච්ඡේද සාහිත්යාත්මක ආකාරයකින් අවධාරණය කරනවා; ඒවා දෙවියන්වහන්සේ සහ සාතන් අතර සැබෑ අන්තර්ක්රියා විස්තර කරන්නේ නැහැ. ඔබ යෝබ් ගැන සාතන් පැවසූ දේ කියවන විට (බලන්න යෝබ් 1:9–11; 2:4–5), “මම තවදුරටත් දෙවියන්වහන්සේට ඇදහිලිවන්තව සිටින්නේ ඇයි?” කියා ඔබට ඔබගෙන්ම අසාගන්න පුළුවන්. සාතන් යෝජනා කළ හේතුව නිසා පමණක්, ස්වාමින්වහන්සේට කීකරු වීම අනතුරුදායක වෙන්නේ ඇයි?
යෝබ්ගේ පීඩාවලට ඔහු දැක්වූ ප්රතිචාර ගැන ඔබේ සිත්ගත් දේවල් මොනවාද? (බලන්න යෝබ් 1:20–22; 2:9–10).
යෝබ්ගේ මිතුරන් පැවසුවේ දෙවියන්වහන්සේ ඔහුට දඬුවම් කරමින් සිටි බවයි (බලන්න යෝබ් 4–5; 8; 11). මෙම අදහස සමඟ ඔබ දකින ගැටළු මොනවාද? 12–13 පරිච්ඡේද වල යෝබ්ගේ ප්රතිචාරය කියවන්න. යෝබ්ට දිගටම විශ්වාසය තැබීමට හැකියාව ලබා දුන් දෙවියන්වහන්සේ ගැන යෝබ් දැන සිටි දේවල් මොනවාද? ඔබට අභියෝගවලට මුහුණ දීමට උපකාර කරන දෙවියන්වහන්සේ ගැන ඔබ දන්නා දේවල් මොනවාද?
යෝබ් 19
යේසුස් ක්රිස්තුන්වහන්සේ මාගේ මිදුම්කරුවාණන්ය.
සමහර විට අපි අපගේ දුෂ්කරම කාලවලදී වඩාත් වැදගත් සත්යයන් ඉගෙන ගන්නවා. යෝබ් 19:1–22 හි යෝබ් විස්තර කර ඇති පරීක්ෂාවන් සහ 23–27 පදවල ඔහු ප්රකාශ කළ සත්යයන් ගැන මෙනෙහි කරන්න. ඔබේ මිදුම්කරුවාණන් ජීවත් වන බව ඔබ දන්නේ කොහොමද? මෙම දැනුම ඔබගේ ජීවිතයේ ඇති කරන වෙනස කුමක්ද?
තවත් බලන්න දහම සහ ගිවිසුම් 121:1–12; 122.
යෝබ් 21–24
“උන්වහන්සේ මා පරීක්ෂාකළ කල්හි මම රන් මෙන් නික්ම එන්නෙමි.”
යෝබ් 21-24 තුළ, ඔබට යෝබ් සහ ඔහුගේ මිතුරන් අතර විවාදයක් කියවන්න ලැබෙයි. මෙම විවාදයේ හරය වූයේ බොහෝ අය ඇසූ ප්රශ්නයකි: ධර්මිෂ්ඨ මිනිසුන් සමහර වෙලාවට දුක් විඳින්නේ ඇයි?
අප සතුව සියලු පිළිතුරු නොමැති වුවද, යේසුස් ක්රිස්තුස්වහන්සේගේ නැවත පිහිටුවන ලද ශුභාරංචිය තුළ, ආපදා සහ දුක් වේදනා පිළිබඳ වැටහීමක් ඇති කිරීමට අපට උපකාර කළ හැකි සමහර සත්යයන් අප සතුව තිබෙනවා. මෙම සත්යයන් සමහරක් අඩංගු පසුදවස්වල ශුද්ධලියවිලි පද පහත දැක්වෙනවා. මෙම ශුද්ධලියවිලි පද ඔබට ස්වර්ගීය පියාණන්වහන්සේ ගැන සහ උන්වහන්සේගේ සැලැස්ම ගැන උගන්වන්නේ මොනවාද?
ඔබ අධ්යයනය කර ඇති දෙයට අනුව, “දෙවියන්වහන්සේ ධර්මිෂ්ඨ මිනිසුන්ට දුක් විඳීමට ඉඩහරින්නේ ඇයි?” වැනි ප්රශ්නයකට පිළිතුරු දිය හැක්කේ කෙසේද?
යොන්ග්සන් කිම් විසින්, Calm and Stars [නිශ්චලතාව හා තාරකා]. පින්තුරය havenlight.com අනුග්රහයෙනි
යෝබ් 38–40; 42
දෙවියන්වහන්සේගේ දෘෂ්ටිකෝණය මට වඩා ශ්රේෂ්ඨයි.
ඔහුගේ මිතුරන්ගේ චෝදනාවලින් කලකිරී (බලන්න යෝබ් 16:1–5; 19:1–3), ඔහුට මෙතරම් දුක් විඳින්නට සිදුවූයේ මන්දැයි යෝබ් නැවත නැවතත් දෙවියන්වහන්සේගෙන් ඇසුවා (බලන්න යෝබ් 19:6–7; 23:1–9; 31). ස්වාමින්වහන්සේ යෝබ් පොතේ පැහැදිලි හේතුවක් ලබාදී නැහැ. නමුත් උන්වහන්සේ 38–40 පරිච්ඡේදවල වැදගත් පණිවිඩයක් උගන්වා තිබෙනවා. ඔබ එම පණිවිඩය සාරාංශගත කරන්නේ කොහොමද? උදාහරණයක් වශයෙන්, යෝබ් 38:1–7, 18–24 හි ස්වාමින්වහන්සේගේ ප්රශ්නවලින් ඔබ ඉගෙනගන්නේ මොනවාද?
ස්වාමින්වහන්සේ යෝබ්ට උන්වහන්සේගේ සමහර මැවීම් සහ වෙනත් බලවත් ක්රියා ගැන කතා කළ බව ඔබට පෙනෙයි (බලන්න යෝබ් 38–39). ඔබට එම මැවීම් (හෝ ඒවායේ පින්තූර) දෙස බලන්න පුළුවන්. දෙවියන්වහන්සේ ගැන වෙනස් විදිහට හිතන්න මේ දේවල් උදව් වෙන්නේ කොහොමද? ඔබේ පරීක්ෂාවන් ගැන? ඒවා යෝබ්ගේ දෘෂ්ටිකෝණය වෙනස් කළේ කෙසේද? (බලන්න යෝබ් 42:1–6; තවත් බලන්න මෝසෙස් 1:8–10).
අපගේ දෘෂ්ටිකෝණය වෙනස් කිරීමට උපකාර වන ප්රධාන සම්මන්ත්රණ පණිවිඩ දෙකක් මෙන්න: ටමාරා ඩබ්ලිව්. රූනියා,, “දෙවියන්වහන්සේගේ පවුල දෙස ඉහළ නාභියක සිට දැකීම” (ලියහෝනා, නොවැ. 2023, 62–69); රසල් එම්. නෙල්සන්, “සෙලෙස්ටියල් ආකාරයෙන් සිතන්න!” (ලියහෝනා, නොවැ. 2023, 117–20). ඊළඟ වතාවේ ඔබේ පරික්ෂාවන් ඔබට දරාගත නොහැකි ලෙස පෙනෙන විට, ඔබට මතක් කර ගැනීමට අවශ්ය විය හැකි දෙයක් මේ ඕනෑම පණිවිඩයකින් සොයාගන්න. ඔබ ඉගෙන ගත් දේ ගැන ඔබ ඔබටම මතක් කර දෙන්නේ කෙසේද?
නිර්මාණශීලී වන්න. ඉගෙනීම සමන්විත විය යුත්තේ කියවීම, සිතීම සහ කතා කිරීමෙන් පමණක් නොවේ. සමහර වෙලාවට වඩාත් හොඳින් මතක තබා ගත හැකි ඉගෙනීම, භෞතික ක්රියා කිරීමේ ක්රම වලින් පැමිණෙනවා. උදාහරණයක් වශයෙන්, යෝබ් 38–40 හි ස්වාමින්වහන්සේ යෝබ්ගේ දෘෂ්ටිකෝණය වෙනස් කළ ආකාරය ගැන ඔබ කියවන විට, ඔබට එළියට ගිහින් ස්වාමින්වහන්සේගේ සමහර විශාල සහ කුඩා මැවීම් දෙස බැලිය හැකිය. එසේත් නැතිනම් ඔබට විවිධ දෘෂ්ටිකෝණවලින් වස්තුවක් දෙස බැලිය හැකිය—ඉහළින්, පහළින්, සමීපයෙන්, දුරින්, යනාදී වශයෙන්.
වැඩි විස්තර සඳහා, ලියහෝනා සහ යෞවනයේ ශක්තිය සඳහා සඟරාවල මෙම මාසයේ කලාප බලන්න.
දරුවන්ට ඉගැන්වීම සඳහා අදහස්
යෝබ් 1–2; 12; 19
යේසුස් ක්රිස්තුස්වහන්සේ කෙරෙහි ඇදහිල්ල දුෂ්කර කාලවලදී මට උපකාර කරනු ඇත.
-
යෝබ් ගැන ඔවුන් දන්නා දේ ඔබට පැවසීමට ඔබේ දරුවන්ව දිරිමත් කරන්න. ඔවුන්ට උපකාර අවශ්ය නම්, ඔබට ඔවුන්ව යෝබ් 1:1, 13–22; 2:7–10 වෙත යොමු කළ හැකිය. අභියෝගවලට යෝබ් ප්රතිචාරය දැක්වූයේ කෙසේද? (බලන්න යෝබ් 1:21; 2:10).
1:55Job
-
යෝබ් තම අභියෝගවලදී ඇදහිලිවන්තව සිටියේ ස්වාමින්වහන්සේ ගැන ඔහු දැන සිටි දේ නිසයි. සමහර විට ඔබට සහ ඔබේ දරුවන්ට යේසුස් ක්රිස්තුස්වහන්සේ අන් අය සමඟ අන්තර් ක්රියා කරන පින්තූර දෙස බැලිය හැකිය (පහත ඇති පින්තූරය වැනි). උන්වහන්සේ ගැන ඔබ දන්නා දේ ගැන සහ උන්වහන්සේ මොන වගේද කියා කතා කරන්න. යෝබ් ස්වාමින්වහන්සේ ගැන දැන සිටි දේ පෙන්වන පද කිහිපයක් මෙන්න: යෝබ් 12:10, 13, 16; 19:25–27. උන්වහන්සේ ගැන මේ දේවල් දැන සිටීම වටින්නේ ඇයි?
මයිකල් මැල්ම් විසින්, He Healed Them All [උන්වහන්සේ ඔවුන් සියල්ලන්වම සුව කළේය]
යෝබ් 14:14
යේසුස් ක්රිස්තුස්වහන්සේ නිසා මම මරණින් පසු නැවතත් ජීවත් වන්නෙමි.
-
යෝබ් 14:14 හි යෝබ් වැදගත් ප්රශ්නයක් ඇසුවා. සමහරවිට ඔබට සහ ඔබේ දරුවන්ට ඔබ යෝබ්ට පිළිතුරු දෙන ආකාරය මාරුවෙන් මාරුවට පෙන්වන්න පුළුවන්. ඔබට ඇල්මා 11:42–44 කියවමින් ඒ සඳහා අදහස් ලබාගන්න පුළුවන්.
#BECAUSEofHIM: An Easter Message of Hope and Triumph
යෝබ් 16:1–5; 22:5
හොඳ මිතුරන් එකිනෙකාව නඟා සිටුවා දිරිමත් කරයි.
-
යෝබ් දුකින් සිටි විට, ඔහුගේ මිතුරන් පැවසුවේ ඔහු පව් කළ නිසා දෙවියන්වහන්සේ ඔහුට දඬුවම් කරන බවයි (බලන්න යෝබ් 22:5). අපි යෝබ්ගේ මිතුරන් වූවා නම්, අපි ඔහුට උදව් කිරීමට උත්සාහ කරන්නේ කෙසේද? අන් අය දුකෙන් සිටින විට අපගේ වචන උපකාර කළ හැක්කේ කෙසේද? (බලන්න යෝබ් 16:5). ඔබ මෙම ප්රශ්න සාකච්ඡා කරන විට මෙම දළ සටහනේ පින්තූර එකක් හෝ කිහිපයක් පෙන්වීම සලකා බලන්න.
-
හොඳ මිතුරෙකුගේ සමහර ගුණාංග ලැයිස්තුගත කිරීමට සහ මෙම ගුණාංග ඇති මිතුරෙකු නම් කිරීමට ඔබේ දරුවන්ගෙන් ඉල්ලා සිටීම සලකා බලන්න. පසුව ඔබට යේසුස් ක්රිස්තුස්වහන්සේගේ පින්තූරයක් දෙස බැලිය හැකිය. යේසුස්වහන්සේ අප සෑම කෙනෙකුටම හොඳ මිතුරෙකු වන්නේ කුමන ආකාරවලින්ද? දුෂ්කර කාලයකට මුහුණ දෙමින් සිටින කෙනෙකු ගැන ඔබට සිතිය හැකියි. ඔබ ඔවුන්ට ක්රිස්තුස්වහන්සේ වැනි මිතුරෙකු වන්නේ කෙසේදැයි සැලසුම් කරන්න.
යෝබ් 19:23–27
යේසුස් ක්රිස්තුන්වහන්සේ මාගේ මිදුම්කරුවාණන්ය.
-
යෝබ් 19:23-27 කියවීමෙන් පසු, අපගේ මිදුම්කරුවාණන් ජීවත් වන බව ඔබ දන්නා ආකාරය ගැන ඔබට සහ ඔබේ දරුවන්ට කතා කළ හැකිය. ඔබේ සාක්ෂිය (හෝ ගැලවුම්කරුවාණන්ගේ චිත්ර) පොතක තැබීමට ඔබ එකට එක්ව වැඩ කළ හැක (බලන්න 23 වෙනි පදය).
-
ඔබට ගැලවුම්කරුවාණන් ගැන සාක්ෂි දෙන ගීතයක් ගායනා කළ හැකිය. උන්වහන්සේ කෙරෙහි ඔබේ ඇදහිල්ල ශක්තිමත් කරන එම ගීතිකාවේ ඇති වාක්ය ඛණ්ඩ බෙදා ගන්න. යේසුස් ක්රිස්තුස්වහන්සේ ජීවත් වන බව දැනගැනීම වැදගත් වන්නේ ඇයි?
වැඩි විස්තර සඳහා, මිතුරා සඟරාවේ මෙම මාසයේ කලාපය බලන්න.