පරණ ගිවිසුමේ කාව්‍ය කියවීම

පළමුව, පරණ ගිවිසුමේ හෙබ්‍රෙව් කාව්‍යය වෙනත් සමහර කාව්‍යයන් මෙන් රිද්මය මත පදනම් නොවන බව දැන ගැනීමට ඔබට උපකාරී වෙයි. රිද්මය, වචන වාදනය සහ ශබ්ද පුනරාවර්තනය පැරණි හෙබ්‍රෙව් කාව්‍යයේ පොදු ලක්ෂණ වුවද, මෙම දේවල් සාමාන්‍යයෙන් පරිවර්තනයේදී නැති වී යනවා. කෙසේ වෙතත්, ඔබ දකින එක් අංගයක් නම්, සිතුවිලි හෝ අදහස් පුනරාවර්තනය වීම, සමහර විට “සමාන්තරවාදය” ලෙස හැඳින්වෙනවා. යෙසායා තුළින් සරල උදාහරණයක් මෙන්න:

ගීතාවලිය 29 තුළ බොහෝ සමාන්තර පෙළවල් තිබෙනවා—උදාහරණයක් ලෙස:

දෙවන පේළිය පළමු පේළියට සමාන්තර බව දැන ගැනීමෙන් ඡේදය තේරුම් ගැනීමට පහසු වන අවස්ථාවක් මෙන්න:

මෙම උදාහරණවලදී කවියා සුළු වෙනස්කම් සහිතව අදහසක් නැවත නැවතත් ලබා දී තිබෙනවා. මෙම නිපුණත්වය නැවත නැවතත් ලබා දුන් අදහස අවධාරණය කළ හැකි අතර එය වඩාත් සම්පූර්ණයෙන් විස්තර කිරීමට හෝ සංවර්ධනය කිරීමට වෙනස්කම් භාවිතා කරන්න පුළුවන්.

වෙනත් අවස්ථාවල දී, පහත උදාහරණයේ ආකාරයට සමාන්තර වාක්‍ය දෙක එකිනෙකට වෙනස් අදහස් ප්‍රකාශ කිරීමට සමාන භාෂාවක් භාවිතා කරනවා:

මේ ආකාරයේ සමාන්තරකරණයක් අහම්බෙන් සිදු වූවක් නෙමෙයි. ලේඛකයන් එය හිතාමතාම කර තිබෙනවා. එය ඔවුන්ට අධ්‍යාත්මික හැඟීම් හෝ සත්‍යයන් බලයෙන් සහ අලංකාරයෙන් ප්‍රකාශ කිරීමට උපකාර වුණා. එබැවින් පරණ ගිවිසුමේ ලිවීමේ සමාන්තර බව ඔබ දකින විට, ලේඛකයාගේ පණිවිඩය තේරුම් ගැනීමට එය ඔබට උපකාර කරන්නේ කෙසේදැයි ඔබෙන්ම අසන්න. උදාහරණයක් වශයෙන්, “බලය” “අලංකාර වස්ත්‍ර” හා “සියොන්” යන්න “යෙරුසලම” සමඟ සම්බන්ධ කිරීමෙන් යෙසායා කුමක් කියන්නට උත්සාහ කරන්න ඇද්ද? (යෙසායා 52:1) “කර්කශ වචන” එහි ප්‍රතිවිරුද්ධ බව අප දන්නේ නම් “මෘදු උත්තරයක්” යන වාක්‍ය ඛණ්ඩය ගැන අපට අනුමාන කළ හැක්කේ කුමක්ද? (ගීතාවලිය 15:1)

සමහරු කාව්‍ය කියවීම අලුත් කෙනෙකු හමුවීමට සමාන කරනවා. පරණ ගිවිසුමේ කාව්‍ය කියවීම, අපට වඩා වෙනස් භාෂාවක් කතා කරන, අවුරුදු දෙදහසකට වඩා පැරණි දුර රටක සහ විදේශීය සංස්කෘතියක කෙනෙකු හමුවීමට සමාන විය හැකිය. මෙම පුද්ගලයා මුලදී අපට නොතේරෙන දේවල් පවසයි, නමුත් එයින් අදහස් කරන්නේ ඔවුන්ට කීමට වටිනා කිසිවක් නොමැති බව නොවේ. අපට අවශ්‍ය වන්නේ ඔවුන් සමඟ කාලය ගත කරමින්, ඔවුන්ගේ දෘෂ්ටිකෝණයෙන් දේවල් බැලීමට උත්සාහ කිරීමයි. අපගේ හදවත් තුළ අපි එකිනෙකාව තරමක් හොඳින් වටහාගන්නා බව අපට පෙනී යන්න පුළුවන්. අපි ඉවසීම සහ දයානුකම්පාව පෙන්වන්නේ නම්, අපගේ අලුතින් හඳුනාගන්නා අය අවසානයේ ආදරණීය මිතුරෙකු බවට පත්වෙන්න පුළුවන්.

එමනිසා, උදාහරණයක් ලෙස, ඔබ යෙසායාගේ ඡේදයක් කියවන විට, එය අලුතින් හඳුනාගන්නෙකු සඳහා ඔබට ලැබෙන පළමු හැඳින්වීම ලෙස සලකන්න. ඔබෙන්ම මෙසේ අසන්න: “මගේ පොදු හැඟීම කුමක්ද?” ඔබට සෑම වචනයක්ම නොතේරුණත්—එම ඡේදය ඔබට හැඟෙන්නේ කෙසේද? ඉන්පසු එය නැවත කියවන්න, හැකි නම් කිහිප වතාවක් කියවන්න. එය ශබ්ද නඟා කියවීම සලකා බලන්න; සමහර අය ඒ ආකාරයෙන් අමතර අර්ථයක් සොයා ගන්නවා. යෙසායා තෝරාගත් විශේෂිත වචන, විශේෂයෙන්ම ඔබේ මනසෙහි චිත්‍රයක් මවන වචන සැලකිල්ලට ගන්න. එම චිත්‍ර ඔබට දැනෙන්නේ කෙසේද? යෙසායාගේ හැඟීම් ගැන ඒවා යෝජනා කරන්නේ කුමක්ද? මෙම පරණ ගිවිසුමේ ලේඛකයන්ගේ වචන ඔබ වැඩි වැඩියෙන් අධ්‍යයනය කරන තරමට, ගැඹුරු අධ්‍යාත්මික පණිවිඩයක් ප්‍රකාශ කිරීමට ඔවුන් හිතාමතාම ඔවුන්ගේ වචන සහ ශිල්පීය ක්‍රම තෝරා ගත් බව ඔබට පෙනෙයි.

කාව්‍ය අපේ හැඟීම් සහ අත්දැකීම් තේරුම් ගැනීමට උපකාර වන නිසා කවි අපූරු මිතුරන් වෙන්න පුළුවන්. පරණ ගිවිසුමේ කාව්‍ය විශේෂයෙන් අනර්ඝ වන්නේ ඒවා අපගේ වැදගත්ම හැඟීම් සහ අත්දැකීම්—දෙවියන්වහන්සේ සමඟ අපගේ සම්බන්ධතාවයට සම්බන්ධ ඒවා තේරුම් ගැනීමට උපකාර වෙන නිසයි.

ඔබ පරණ ගිවිසුමේ කාව්‍ය අධ්‍යයනය කරන විට, ශුද්ධලියවිලි අධ්‍යයනය කිරීම වඩාත් වටින්නේ එය අපව යේසුස් ක්‍රිස්තුස්වහන්සේ වෙතට ගෙන යන විට බව මතක තබා ගන්න. උන්වහන්සේ කෙරෙහි ඔබේ ඇදහිල්ල ගොඩනඟන සංකේත, රූප සහ සත්‍යයන් සොයන්න. ඔබ අධ්‍යයනය කරන විට ශුද්ධාත්මයාණන්ගේ පෙළඹවීම් වලට සවන් දෙන්න.