Ehetere

Nā Tumuaki Dieter F. Uchtdorf i whakaako, nā, “e tū ana tātou katoa i tētahi wāhi motuhake, ā, kei a ia tētahi mahi whakahirahira e taea ana e [tātou] anake te mahi. … I hoatu e te Ariki ō haepapa mō tētahi take whai mātauranga. Kei reira ngā tāngata, ngā ngākau e taea ana e koe anake te whakangāwari. Tērā pea kāore e taea e tētahi atu te mahi i runga i te āhuatanga e mahi ai koe” (“Lift Where You Stand,” Liahona, Noema 2008, 56).

I a koe e pānui ana i ngā kōrero mō Ehetere, kia whakaaroarohia te hāngaitanga o tēnei kōrero ki a ia. Kimihia ngā huarahi i whakapuarehia ake e te Ariki kia whakaora ia i ngā Hūrae (hei tauira, tirohia, Ehetere 2:21–23; 3:10–14; 4:14–16). Kātahi ka āta whakaaro koe ki Tāna i homai ai ki a koe kia taea te manaaki i ētahi atu. He aha ētahi āhuatanga, ētahi hononga Nāna nei koe i ārahi ki reira “mō tētahi wā pēnei”? (Ehetere 4:14). Mehemea kei a koe tētahi manaakitanga peteriaka, me pānui e koe kia mārama ai koe ki ngā mahi a te Ariki māu. He aha tāu hei whakatutuki i taua mahi?

Tirohia anōtia “For Such a Time as This” (whitiāhua), ChurchofJesusChrist.org.

13:44

I roto i te pukapuka a Ehetere, e ako ana tātou i te pono o Ehetere rāua ko Motikai, engari ka ako anō tātou i te whakapehapeha me te riri o Hāmana. I a koe e pānui ana i Ehetere 3; 5:9–14, kia aro ki ngā kare ā–roto, ngā kupu, me ngā mahi a Hāmana. He aha ngā mea e huraina mai e pā ana ki a ia me ōna hiahia? He aha ngā utu? (tirohia Ehetere 7). Mā te pānui e pā ana ki a Hāmana e akiaki i a koe ki te tātari i ō hiahia me ō kare ā–roto me ō mahi. E hihiko ana tō ngākau ki te panoni i ētahi mea? Me pēhea koe e tahuri ai ki te Matua i te Rangi hei āwhina?

Tirohia anōtia Whakataukī 16:32; Arami 5:28.

Kia aro ki tā Ehetere rātou ko ngā Hūrae nohopuku (tirohia Ehetere 3:13; 4:1–3, 10–17). He aha ngā manaakitanga i puta ai i te nohopuku? (tirohia Ehetere 5:2–3; 8:11–12). He aha te Ariki e tono ai kia nohopuku ai tātou? (tirohia ngā Kaupapa me ngā Pātai, “Fasting and Fast Offerings,” Wharepukapuka Rongopai). Kia whakaarohia me pēhea e nui ake te nohopuku i tō oranga.

Tirohia anōtia Ihāia 58:6–12; “Fasting: Young Single Adult Ward, Amanda” (whitiāhua), ChurchofJesusChrist.org.

2:41

I te wā i tū ake a Motikai rāua ko Ehetere mō tō rāua i whakapono ai me tō rāua iwi, i mōrearea rawa mō rāua. Tērā pea kāore e pērā rawa te mōrearea mō ō tātou kōwhiringa, engari e tika tonu ana kia māia kia mahia te mahi tika. He aha tāu e ako ai i Ehetere 3:1–4; 4:10–17 e pā ana ki te māia e tika ana kia mahia te mahi tika? Kia aro ki ngā utu rerekē e pā ai ki a Motikai rāua ko Ehetere mō rāua i māia ai (tirohia Ehetere 3:5–11; 5:1–4). He aha ngā mātauranga mō te Atua i tika ai kia meatia e Ehetere rāua ko Motikai aua kōwhiringa?

Kia whakaarohia ngā āhuatanga e tika ana kia māia kia tū ake mō te tika. He aha tāu e ako ai i a Ehetere rāua ko Motikai nā konā māia ai koe i roto i te Ariki?

Nā te māia o Ehetere puta ai “tētahi rangi koa” (tirohia Ehetere 9:17–19). He aha ngā hua o te māia ā–Karaiti nā konā puta ai “tētahi rangi koa”?

Tirohia anōtia “Courage,” “Dare to Stand Alone” (whitiāhua), Wharepukapuka Rongopai; “True to the Faith,” Hymns, no. 254.

3:19

4:20

• Tērā pea ka hiahia koe ki te whakamahi i a Ehetere 2:7 ki te whakaako i ō tamariki e pā ana ki te āwhina i ngā mema o te whānau e hapa ana, pērā i tā Motikai rāua ko Ehetere. Ka taea te pānui ngātahi i te whiti, te whakarāpoto rānei i roto i ō ake kupu. Kātahi ka taea te rapu whakaaro ko wai ngā mema o te whānau e hapa ana. Whakaritea he huarahi ki te āwhina i a rātou.

• Mā ngā mahi a Ehetere rāua ko Motikai e taea ai te āwhina i ō tamariki kia mārama ai ko te tikanga o te māia, arā, he mahi tika ahakoa e mataku ana. Me tuhi e koe ngā rerenga kōrero I māia a Motikai i te wā i … me I māia e Ehetere i te wā i … . I a koe e ako ana i ngā kōrero mō Ehetere, ka kī ake ō tamariki e pā ana ki ngā kupu hei whakaoti i ngā rerenga kōrero. Māu e pānui Ehetere 3:1–11; 4:10–17 or “Queen Esther” (i Old Testament Stories, 166–70) me titiro rānei ki ngā pikitia i tēnei whakatakotoranga mahi. Kātahi ka tuhia Ka māia ahau mā te … , kātahi ka tonoa ō tamariki ki te whakarite rārangi kupu mō ngā mea e hiahia ana te Matua i te Rangi hei mahi mā rātou. He waiata mō te māia, pērā i “Dare to Do Right” (Children’s Songbook, 158), e āwhina.

  

  2:45

• Ka ako anō hoki koe e pā ana ki ngā wā i māia a Ihu Karaiti—hei tauira, i te wā i whakamamaetia Ia mō ō tātou hara i Kehemani, ā, i runga i te rīpeka hoki (tirohia Matiu 26:36–39; 27:33–35). Tonoa ō tamariki kia kōrero mai e pā ana ki tētahi wā i māia rātou, me kōrero hoki e koe.

• Mā te pānui i Ehetere 4:1–3, 10–17 e āwhina kia whakaakona ō tamariki e pā ana ki te nohopuku. He aha te take i nohopuku ai a Ehetere me ngā Hūrae? Kōrerohia atu ki ō tamariki he aha koe e nohopuku ai. Me tono atu ki a rātou kia whakamārama mai he aha ā rātou kōrero ki tētahi tangata kāore e mōhio ana he aha te nohopuku. Me pēhea tātou e āwhina i ō tātou hoa kia mārama e ahu mai ana ngā manaakitanga i te nohopuku?

• Me akiaki i ō tamariki kia whakaarohia ake he aha tētahi mea e tika ana kia āwhina te Ariki i a rātou. Me kī atu kia whakaurua tērā mea hei kaupapa nohopuku hei te rātapu nohopuku e whai ake nei.

• Āwhinatia ō tamariki kia mārama ai i te wā i mataku a Ehetere, i akiaki a Motikai i a ia nā tana whakamārama atu nā te Ariki ia i āwhina kia tū ai hei kuini “mō tētahi wā pēnei” (Ehetere 4:14). He aha te tikanga o tā Motikai kōrero? Me kōrero tahi he aha tā Ehetere hei taputapu i ngā ringaringa o te Ariki. Me pēhea tātou e meinga ai hei taputapu i ngā ringaringa o te Ariki?

• Me pēhea koe e āwhina i ō tamariki kia mārama ai he aha te taputapu? Tērā pea ka tono koe i tētahi kia whakatangi i tētahi taonga pūoro, kia hura mai rānei i tētahi pikitia o tētahi e whakamahi taputapu ana. Kātahi ka taea te kōrero he aha te tikanga ki a koe anō kia meatia hei taputapu i ngā ringaringa o te Atua.