Esiteri

Umuyobozi Dieter F. Uchtdorf yigishije ko buri wese muri twe “ahagaze ahantu h’umwihariko kandi afite umurimo w’ingenzi dushobora gusa gukora. … Nyagasani yabahaye inshingano zanyu kubw’impamvu. Hashobora kubaho abantu n’imitima mushobora gusa kugeraho no gukoraho. Wenda nta wundi n’umwe washobora kubikora mu nzira imwe. (“Lift Where You Stand,” Liyahona, Ugushyingo 2008, 56).

Uko musoma inkuru ya Esiteri, nimutekereze byimbitse uko iyi mvugo isa n’ibyamubayeho. Mushakishe inzira Nyagasani yatumye bimushobokera ngo akize Abayuda (reba, nk’urugero, Esiteri 2:21–23; 3:10–14; 4:14–16). Noneho mutekereze byimbitse uko Yabahaye amahirwe yo guhesha abandi umugisha. Mbese ni ibihe bihe bimwe cyangwa amasano Yabayoboyeho “ mu gihe nk’iki“. (Esiteri 4:14). Niba mufite umugisha wa Patiriyariki, nimuzirikane kuwusoma kugira ngo mumenye kurushaho ibyerekeye umurimo Nyagasani ashaka ko mukora. Mbese ni iki mushobora gukora kugira ngo mutunganye uyu murimo?

Reba kandi “For Such a Time as This” (videwo), ChurchofJesusChrist.org.

13:44

Mu gitabo cya Esiteri, twigira ku budahemuka bwa Esiteri na Moridekayi, ariko kandi twigira ku bwibone n’uburakari bwa Hamani. Uko musoma Esiteri 3; 5:9–14, mwerekane ibyiyumviro bya Hamani, amagambo, n’ibikorwa. Mbese ni iki bihishura kuri we n’ibyifuzo bye? Mbese ni izihe ngaruka yahuye na zo? (reba Esiteri 7). Gusoma ibya Hamani bishobora kubatera gusuzuma ibikabura ibyiyumviro byanyu n’ibikorwa. Mbese mwaba muvanyemo igitekerezo cyo gukora impinduka? Ese ni gute wahindukirira Data wo mu Ijuru kubw’ubufasha?

Reba kandi Imigani 16:32; Aluma 5:28.

Murabona impamvu Esiteri n’Abayuda basigaye biyemeje kwiyiriza ubusa.(reba Esiteri 3:13; 4:1–3, 10–17). Mbese ni gute kwiyiriza ubusa byabahesheje umugisha?(reba Estiteri 5:2–3; 8:11–12). Ni kuki Nyagasani adusaba kwiyiriza ubusa (reba Topics and Questions, “Fasting and Fast Offerings,” Isomero ry’Inkuru Nziza.) Nimutekereze uko mushobora gutuma kwiyiriza ubusa kuba umugisha ukomeye cyane mu buzima bwanyu.

Reba kandi Yesaya 58:6–12; “Fasting: Young Single Adult Ward, Amanda” (videwo), ChurchofJesusChrist.org.

2:41

Ubwo Moridekayi na Esiteri bahagarariraga ukwmera kwabo n’abantu babo, bashyize ubuzima bwabo mu kaga. Amahitamo yacu ashobora kugira ingaruka zoroheje kurushaho, ariko gukora ikintu cy’ukuri bishobora kuba bigisaba ubutwari. Mbese ni iki mwigiye kuri Esiteri 3:1–4; 4:10–17 cyerekeranye no kugira ubutwari bwo gukora ikintu cy’ukuri? Muzirikane ingaruka zitandukanye Moridekayi na Esiteri bahuye na zo nyuma yo kwerekana ubutwari (reba Esiteri 3:5–11; 5:1–4). Mbese ni iki Esiteri na Moridekayi bari bakeneye kumenya ku Mana ngo bakore amahitamo bakoze?

Mutekereze iby’ibihe mwagizemo ubutwari bwo guhagararira icy’ukuri? Mbese ni iki mwigira kuri Esiteri na Moridekayi gishobora gufasha kubona ubutwari muri Nyagasani?

Ubutwari bwa Esiteri bwabagejeje ku “munsi w’ibyishimo“ ( reba Esiteri 9:17–19). Mbese ubutwari busa n’ubwa Kristo bwaba bwaraguhaye “umunsi w’ibyishimo“?

Reba kandi “Ubutwari,” “Dare to Stand Alone” (videwo), Isomero ry’Inkuru Nziza; “True to the Faith,” Indirimbo, no. 254.

3:19

4:20

• Mushobora kuyimvamo igitekerezo cyo gukoresha Esiteri 2:7 kgira ngo mwigishe abana banyu ibyerekeranye no gufasha abanyamuryango babikeneye, nk’uko Moridekayi yabikoze kubwa Esiteri. Mushobora gusomera hamwe umurongo cyangwa mukawuvuga mu ncamake mu magambo yanyu bwite. Hanyuma mwebwe n’abana banyu mushobora gutekereza ku banyamuryango bashobora kuba bakeneye inkunga yanyu. Mukore umugambi wo kubafasha.

• Ingero za Esiter na Moridekayi zishobora gufasha abana banyu gusobanukirwa ko kurigra ubutwari bivuga gukora ikiri ukuri ndetse n’ubwo waba ufite ubwoba. Muzirikane kwandika interuro Moridekayi yabaye intwari ubwo ya … na Esiteri yabaye intwari ubwo ya … . Uko mwigira hamwe inkuru ya Esiteri, abana banyu bashobora gutanga ibitekerezo ku nzira zo kurangiza izo nteruro. Mushobora Esiteri 3:1–11; 4:10–17 cyangwa “Umwamikazi Esiteri” (mu Nkuru z’Isezerano rya Kera, 166–70) cyangwa muakreba ku mashusho muri iyi ncamake. Noneho mukandika Nzaba intwari ni … , kandi mugasaba abana banyu gukora urutonde rw’ibintu bisaba ubutwari Data wo mu Ijuru ashaka ko bakora. Indirimbo y’ubutwari, nka “Dare to Do Right” (Children’s Songbook, 158), yafasha.

  

  2:45

• Mushobora kandi kwiga ku bihe Yesu Kristo yabayemo intwari—nk’urugero, ubwo yababazwaga kubw’ibyaha byacu muri Getsemane no ku musaraba (reba Matayo 26:36–39; 27:33–35). Musabe abana banyu gusangiza igihe babayemo intwari, kandi namwe musangize ibyababayeho.

• Gusoma Esiteri 4:1–3, 10–17 bishobora kubafasha kwigisha abana banyu ibyerekeye kwiyiriza ubusa. Mbese ni kuki Esiteri n’Abayuda biyirije ubusa? Mubwire abana banyu impamvu mwiyiriza ubusa. Mushobora kandi kubabaza uko basobanurira ukwiyiriza ubusa inshuti itarigeze na rimwe ibikora mbere. Mbese mushobora gufasha inshuti zacu gusobanukirwa imigisha ituruka mu kwiyiriza ubusa?

• Mushishikarize abana banyu gutekereza ku kintu bashobora gukenera Nyagasani yabafashamo. Mubahe igitekerezo cy’uko bakora urwo ruhare rw’ukwiyiriza kwabo ku cyumweru gitaha cy’ukwiyiirza ubusa.

• Mufashe abana banyu gusobanukirwa ko igihe Esiteri yari afite ubwoba , Moridekayi yamushishikaje amusobanurira ko Nyagasani yari yaramufashije kuba umwamikazi “mu gihe nk’iki“ (Esiteri 4:14). Mbese hano Moridekayi yashatse kuvuga iki? Muganire hagati yanyu ibyerekeye uko Esiteri yabaye igikoresho cya Nyagasani. Mbese ni gute twaba ibikoresho bya Nyagasani?

• Mbese ni gute mushobora gufasha abana banyu gusobanukirwa icyo igikoresho ari cyo? Wenda mushobora gusaba umuntu gucuranga indirimbo ku gikoresho cy’umuzika cyangwa mwerekane ishusho y’umuntu ukoresha iigikoresho. Mushobora noneho kuvuga ku cyo kuba igikoresho mu biganza bya Nyagasani bisobanura.