“Ibitekerezo byo Kuzirikanwa: Gusoma Ibisigo mu Isezerano rya Kera,” Ngwino, Unkurikire— Kubw’Urugo n’Itorero: Isezerano rya 2026 (2026)
“Gusoma Ibisigo mu Isezerano rya Kera,” Ngwino, Unkurikire: Isezerano rya Kera 2026
Ibitekerezo byo Kuzirikanwa
Gusoma Ibisigo mu Isezerano rya Kera
Mu bitabo by’Isezerano rya Kera by’Itangiriro kugeza muri Esiteri, dusangamo akenshi inkuru—inkuru zivuga zerekana ibyayeho mu mateka mu cyerekezo cya roho. Nowa yubatse inkuge, Mose yagobotoye Isirayeli, Hana yasengeye kubona umwana w’umuhungu, n’ibindi. Utangiriye kuri Yobu, dusangamo uburyo bwo kwandika butandukanye. Muri ibi bitabo, abanditsi b’Isezerano rya Kera bahindukiriye ku mvugo yo gusobanura ibyiyumviro byimbitse cyangwa ubuhanuzi bwo kwibuka mu buryo butibagirana.
Twamaze kubona ingero nkeya z’ubusizi zakwirakwijwe mu bitabo by’amateka by’Isezerano rya Kera. Mu gitabo cya Yobu ndetse no kugeza ku mpera y’iryo Sezerano, tubona byinshi byabyo kurushaho. Ibitabo bya Yobu, Zaburi, n’Imigani ni nk’aho uko byakabaye ubusizi, nk’aho ari ibice by’ibitabo by’ubuhanuzi nka yesaya, Yeremiya, na Amosi. Kubera ko gusoma ibisigo bitandukanye no gusoma inkuru, kubisobanukirwa akenshi bisaba uburyo butandukanye. Hano hari ibitekerezo bimwe bishobora kubafasha kubona igisobanuro kiruseho mu busizi bwo mu Isezerano rya Kera.
Gushaka Kumenya Ubusizi bw’Igiheburayo
Icya mbere, Bishobora kuba byafasha kumenya ko ubusizi bw’Igiheburayo mu Isezerano rya Kera budashingiye ku mikarago ihuje isubirajwi rihera, nk’ubundi bwoko bumwe bw’ubusizi. Kandi nubwo injyana, ihinduranya ry’amagambo, n’isubiramo ry’amajwi bikoreshwa cyane mu turango tw’ubusizi bwa kera bw’Igiheburayo, ibi bintu mu bisanzwe byaratakaye mu busemuzi. Akarango kamwe mubona, nyamara, ni isubiramo ry’ibitekerezo cyangwa ibitekerezo, rimwe na rimwe kitwa ”Ububangikane.” Hano hari urugero rworoshye muri Yesaya:
Ambara Imbaraga Zawe, Wowe Siyoni;
Ambara Imyambaro yawe y’umurimbo, Wowe Yerusalemu. Yesaya 52:1.
Zaburi 29 irimo imirongo myinshi ibangikanye—nk’urugero:
Ijwi rya Nyagasani rifite ububasha.
ijwi rya Nyagasani ryuzuye ubuhangange. (Zaburi 29:4)
Kandi hano hari urugero aho wamenyeraho ko umurongo wa kabiri ubangikanye n’uwambere bituma icyo gice kirushaho kumvikana byoroshye.
Nanjye nabategetse ko akanwa kanyu kicara ubusa mu midugudu yanyu yose,
mubura ibyo kurya ahomutuye hose. (Amosi 4:6)
Muri izi ngero, umusizi yasubiyemo igitekerezo n’amatandukaniro gatoya. Ubu buryo bushobora gushimangira igitekerezo cyasubiwemo kandi bukoresha amatandukaniro kugirango burusheho kugisobanura byuzuye cyangwa kucyagura.
Mu zindi ngero, interuro ebyiri zibangikanye zikoresha imvugo isa kugira ngo zitange ibitekerezo bihabanye, nko muri uru rugero:
Gusubizanya ineza guhosha uburakari:
ariko ijambo ribabaza ribyutsa umujinya. (Imigani 15:1).
Ubu buryo bw’ububangikane ntibwabayeho ku bw’impanuka. Abanditsi babikoze babigendereye. Bwabashije kuvuga ibyiyumviro bya roho cyangwa amahame n’ububasha ndetse n’ubwiza. Bityo murabona ububangikane mu nyandiko zo mu Isezerano rya Kera, nimwibaze uko bubafasha gusobanukirwa ubutumwa bw’umwanditsi Nk’urugero, mbese ni iki Yesaya ashobora kuba yarageragezaga kuvuga asanisha ”imbaraga” n’”imyambaro y’umurimbo” na ”Siyoni” Yesaya 52:1. Mbese ni iki dushobora kwanzura ku nteruro ”[igisubizo gituje]” niba tuzi ko ”[amagambo ababaza]” ari ikinyuranyo cyayo? Imigani 15:1.
He Restoreth My Soul [Asubiza intege mu Bugingo Bwanjye], igihangano cyahanzwe na Walter Rane
Ubusizi by’Igiheburayo nk’Inshuti Nshya
Abantu bamwe bagereranya gusoma ubusizi n’uguhura n’umuntu mushya. Gusoma ubusizi bw’Isezerano rya Kera, icyo gihe, bishobora kuba byari nko guhura n’umuntu uturutse mu kingi gihugu n’undi muco uvuga ururimi rutandukanye n’urwacu—kandi ushobora kuba arengeje imyaka ibihumbi bibiri by’amavuko. Uyu muntu bishoboka ko yavuga ibintu tudasobanukirwa mu gihe cya mbere, ariko ibyo ntibivuga ko badafite ikintu gifite agaciro bavuga. Dukeneye gusa kumarana igihe nabo, tukagerageza kubona ibintu uko bibaragara. Dushobora gusanga ko mu mitima yacu, noneho twumvikana hagati yacu neza rwose. Kandi iyo twerekanye ukwihangana n’ibambe, uwo tumenyanye bushya ashobora bishobotse guhinduka inshuti nyakuri.
Bityo mu gihe dusoma igice cyo muri Yesaya, nk’urugero, mugifate nk’Itangiriro ya mbere n’uwo mumenyanye bushya. Nimwibaze muti: ”Mbese igitekerezo cyanjye muri rusange ni ikihe?” Mbese iki gice kiratume mwiyumvira mute—ndetse niba mudasobanukiwe buri jambo? Noneho mwongere mugisome, inshuro nyinshi niba bishoboka. Muzirikane kugisoma muranguruye; abantu bamwe babonamo igisobanuro kiyongereyo muri ubu buryo. Nimurebe amagambo yihariye Yesaya yahisemo, by’umwihariko amagambo ashushanya ishusho mu bwenge bwanyu. Mbese ayo mashusho atuma mwiyumvira mute? Mbese aduha igitekerezo kihe ku byiyumviro bya Yesaya? Uko murushaho kwiga amagambo y’aba banditsi bo mu Isezerano rya Kera, niko muzarushaho kubona ko bahisemo amagambo yabo n’uburyo nkana kugira ngo basobanura ubutumwa bwimbitse bwa roho.
Ibisigo bishobora kuba inshuti zitangaje kubera ko bidufasha gusobanukirwa ibyiyumviro byacu n’ubunararibonye bwacu. Ibisigo byo mu Isezerano rya Kera ni iby’agaciro kadasanzwe kubera ko bidufasha gusobanukirwa ibyiyumviro by’ingenzi n’ibyabayeho—bihujwe n’imibanire yacu n’Imana.
Uko mwiga ubusizi mu Isezerano rya Kera, mwibuke ko imyigire y’ibyanditswe bitagatifu irushaho kugira agaciro igihe itwerekeza kuri Yesu Kristo. Nimushake ibimenyetso, amashusho, n’amahame yubaka ukwizera kwanyu muri We. Nimutege amatwi ibyo Roho Mutagatifu ababwiriza uko mwiga.
Ubuvanganzo bw’ubwenge
Icyiciro cy’ubusizi bwo mu Isezerano rya Kera ni icyo intiti zita ”ubuvanganzo bw’ubwenge”. Yobu, Imigani, n’Umubwiriza bigwa muri iki cyiciro. Mu gihe zaburi ivuga ibyiyumviro by’igisingizo, n’ukuramya, ubuvanganzo bw’ubwenge bwibanda ku nama y’igihe cyose cyangwa ibibazo byimbitse, by’icurabwenge. Igitabo cya Yobu, nk’urugero, gitatura ubutabera bw’Imana n’impamvu zatera umubabaro wa muntu. Imigani itanga inama k’uko twabaho neza, harimo imvugo zishishoza zakoranyirijwe kandi zahererekanyijwe n’ibisekuruza bya mbere. N’Umubwiriza akuraho ikibazo ku ntego y’ubuzima ubwayo— mu gihe buri kintu gisa n’ikihuta kandi nta gahunda, ni hehe twasanga igisobanuro nyakuri. Mushobora gutekereza ku buvanganzo bw’ubwenge nk’ibiganiro by’ibitekerezo n’abajyanama bahawe ibitekerezo bashaka gusangiza ibizwi ku Mana n’Isi Yaremye—kandi byashoboka kubafasha gusobanukirwa ibi bintu biruseho gato kuruta mbere.