Ester

Gitudlo ni Presidente Dieter F. Uchtdorf nga matag usa kanato “nagbarog diha sa usa ka talagsaong luna ug adunay mahinungdanon nga tahas nga [kita] lamang ang bugtong nga makahimo. … Ang Ginoo naghatag ninyo og mga responsibilidad nga may hinungdan. Tingali may mga tawo ug mga kasingkasing nga kamo ang bugtong makakab-ot ug makatandog. Tingali walay lain nga makahimo niini sa ingon nga pamaagi” (“Mangusog Diha sa Imong Gibarugan,” Liahona, Nob. 2008, 56).

Samtang magbasa kamo sa istorya ni Ester, pamalandonga kon sa unsang paagi kini nga pamahayag magamit ngadto kaniya. Pangita og mga paagi nga ang Ginoo mihimo niining posible kaniya sa pagluwas sa mga Judeo (tan-awa, sama pananglit, sa Ester 2:21–23; 3:10–14; 4:14–16). Pamalandonga kon giunsa nga Siya nakahatag kaninyo og mga oportunidad sa pagpanalangin sa uban. Unsa ang pipila ka kahimtang o mga relasyon nga Siya nakagiya kaninyo ngadto “sa maingon niini nga panahona”? (Ester 4:14). Kon kamo adunay patriyarkal nga panalangin, hunahunaa ang pagbasa niini aron makakat-on pa og dugang mahitungod sa buluhaton nga ang Ginoo aduna alang kaninyo nga buhaton. Unsa ang inyong mahimo sa pagpadayon niini nga buluhaton?

Tan-awa usab ang “For Such a Time as This” (video), ChurchofJesusChrist.org.

13:44

Sa basahon ni Ester, nakakat-on kita gikan sa pagkamatinud-anon ni Ester ug Mardocheo, apan nakakat-onan usab kita gikan sa garbo ug kasuko ni Aman. Samtang magbasa kamo sa Ester 3; 5:9–14, timan-i ang mga pagbati, mga pulong, ug mga lihok ni Aman. Unsa ang gipadayag niini mahitungod kaniya ug sa iyang mga tinguha? Unsa nga mga sangpotanan ang iyang giatubang? (tan-awa sa Ester 7). Ang pagbasa mahitungod ni Aman mahimong moaghat kaninyo sa pagtimbang-timbang kon unsa ang nagdasig sa inyong mga pagbati ug mga lihok. Gidasig ba kamo sa paghimo og bisan unsa nga mga kausaban? Unsaon ninyo sa pagdangop ngadto sa Langitnong Amahan alang sa tabang?

Tan-awa usab sa Proverbio 16:32; Alma 5:28.

Hibaloi nganong si Ester ug ang nahibilin sa mga Judeo mihukom sa pagpuasa (tan-awa sa Ester 3:13; 4:1–3, 10–17). Sa unsang paagi nga ang pagpuasa nagpanalangin kanila? (tan-awa sa Ester 5:2–3; 8:11–12). Nganong naghangyo ang Ginoo kanato sa pagpuasa? (tan-awa sa Mga Hilisgotan ug mga Pangutana, “Fasting and Fast Offerings,” Gospel Library). Hunahunaa kon sa unsang paagi kamo makahimo sa pagpuasa nga usa ka mas dakong panalangin sa inyong kinabuhi.

Tan-awa usab sa Isaias 58:6–12; “Fasting: Young Single Adult Ward, Amanda” (video), ChurchofJesusChrist.org.

2:41

Sa dihang gibarogan ni Mardocheo ug Ester ang ilang mga pagtuo ug ang ilang mga katawhan, gibutang nila ang ilang kinabuhi sa peligro. Ang atong mga pagpili mahimong adunay minos og grabe nga sangpotanan, apan ang pagbuhat sa matarong nga butang sa gihapon magkinahanglan og kaisog. Unsa ang inyong nakat-onan gikan sa Ester 3:1–4; 4:10–17 mahitungod sa pagbaton og kaisog sa pagbuhat sa matarong? Timan-i ang lahi nga mga sangpotanan nga nasinati ni Mardocheo ug Ester human nagpakita og kaisog (tan-awa sa Ester 3:5–11; 5:1–4). Unsa ang gikinahanglan nga mahibaloan ni Ester ug Mardocheo mahitungod sa Dios sa paghimo og mga pagpili nga ilang gihimo?

Paghunahuna og mga sitwasyon diin kamo nagkinahanglan og kaisog sa pagbarog alang sa unsa ang matarong. Unsay inyong nakat-onan gikan nila ni Ester ug Mardocheo nga makatabang kaninyo sa pagkaplag og kaisog diha sa Ginoo?

Ang kaisog ni Ester migiya ngadto sa “usa ka adlaw sa kalipay” (tan-awa sa Ester 9:17–19). Giunsa sa Kristohanong kaisog paghatag kaninyo og “usa ka adlaw sa kalipay”?

Tan-awa usab ang “Kaisog,” “Dare to stand alone” (videos), Gospel Library; “Matinud-anon sa Tinuohan,” Mga Himno, nu. 157.

3:19

4:20

• Mahimong kamo mobati nga nadasig sa paggamit sa Ester 2:7 sa pagtudlo sa inyong mga bata mahitungod sa pagtabang sa mga sakop sa pamilya nga nanginahanglan, sama sa gibuhat ni Mardocheo alang ni Ester. Makabasa kamo sa mga bersikulo og dungan o maka-summarize niini sa inyong kaugalingong mga pulong. Dayon kamo ug ang inyong mga bata makahunahuna og mga sakop sa pamilya kinsa mahimong nanginahanglan sa inyong tabang. Paghimo og plano sa pagtabang kanila.

• Ang mga ehemplo ni Ester ug ni Mardocheo makatabang sa inyong mga bata pagsabot nga ang pagkaisog nagpasabot sa pagbuhat og unsay matarong bisan kon kamo nahadlok. Hunahunaa ang pagsulat sa mga hugpong sa mga pulong Si Mardocheo naisog sa dihang siya … ug si Ester naisog sa dihang siya … . Samtang kamo magkat-on og dungan sa istorya ni Ester, ang inyong mga bata makasugyot og mga paagi sa paghuman sa mga kapahayag. Makabasa kamo sa Esther 3:1–11; 4:10–17 o “Reyna Esther” (sa Mga Istorya sa Daang Tugon, 166–70) o tan-awa ang mga hulagway dinhi niini nga latid. Dayon isulat ang Ako mahimong isog pinaagi sa … ,ug dapita ang inyong mga bata sa paglista sa mga butang nga ang Langitnong Amahan gusto nga ilang buhaton nga nagkinahanglan og kaisog. Usa ka awit mahitungod sa kaisog, sama sa “Buhata Gayod ang Matarung” (Songbook sa mga Bata, 58), makatabang.

  

  2:45

• Sultihi ang mga kabataan mahitungod sa mga panahon sa dihang si Jesukristo maisog; sama pananglit, sa dihang Siya nag-antos sa atong mga sala, didto sa Getsemani ug didto sa krus (tan-awa sa Mateo 26:36–39; 27:33–35). Hangyoa ang inyong mga bata sa pagpakigbahin og panahon sa dihang sila isog, ug pakigbahin sa inyong kaugalingong mga kasinatian usab.

• Ang pagbasa sa Ester 4:1–3, 10–17 makatabang kaninyo sa pagtudlo sa inyong mga bata mahitungod sa pagpuasa. Nganong si Ester ug ang mga Judeo nagpuasa? Sultihi ang inyong mga bata nganong kamo magpuasa. Makapangutana usab kamo kanila kon unsaon nila sa pagpasabot sa pagpuasa ngadto sa usa ka higala kinsa wala gayod sukad makahimo niini kaniadto. Unsaon nato pagtabang ang atong mga higala pagsabot sa mga panalangin nga moabot gikan sa pagpuasa?

• Awhaga ang inyong mga bata sa paghunahuna og usa ka butang nga sila tingali nagkinahanglan sa tabang sa Ginoo. Isugyot nga ilang himoon kana nga bahin sa ilang puasa atol sa sunod nga Dominggo nga puasa.

• Tabangi ang inyong mga bata pagsabot nga sa dihang si Ester nahadlok, giawhag siya ni Mardocheo pinaagi sa pagpasabot nga ang Ginoo mitabang kaniya nga mahimong rayna “sa maingon niini nga panahona” (Ester 4:14). Unsa ang gipasabot ni Mardochedo niini? Pakigsulti sa usag usa mahitungod kon giunsa ni Ester paghimong instrumento alang sa Ginoo. Sa unsa nga paagi kita mahimong mga instrumento alang sa Ginoo?

• Unsaon ninyo pagtabang ang inyong mga bata pagsabot kon unsa ang usa ka instrumento? Tingali mahimo ninyong dapiton ang usa ka tawo sa pagtugtog og usa ka awit diha sa usa ka instrumento sa musika o pagpakita og usa ka hulagway sa usa ka tawo nga naggamit og usa ka himan. Kamo dayon makahisgot mahitungod kon unsa ang ipasabot niining mahimo nga instrumento diha sa mga kamot sa Dios.