Esteri

Presidenti Diter F. Uhtdorf dha mësim se secili prej nesh “qëndron në një [vend të pashoq] dhe ka një detyrë të rëndësishme që vetëm [ne] mund ta kryej[m]ë. … Zoti ju ka dhënë juve përgjegjësitë tuaja për një arsye. Mund të ketë njerëz dhe zemra që vetëm ju mund t’u afroheni dhe t’i prekni. Ndoshta askush tjetër nuk do të mund ta bëjë atë pikërisht në të njëjtën mënyrë” (“Ngrini Atje Ku Ndodheni”, Liahona, nëntor 2008, f. 56).

Ndërsa lexoni historinë e Esterit, përsiatini se si zbatohet kjo thënie për të. Kërkoni mënyrat se si Zoti bëri të mundur që ajo t’i shpëtonte judenjtë (shihni, për shembull, tek Esterit 2:21–23; 3:10–14; 4:14–16). Më pas përsiatni se si Ai ju ka dhënë mundësi për t’i bekuar të tjerët. Cilat janë disa rrethana ose marrëdhënie drejt të cilave Ai ju ka udhërrëfyer “për një kohë të tillë”? (Esterit 4:14.) Nëse keni një bekim patriarkal, merreni parasysh ta lexoni atë për të mësuar më shumë rreth punës që Zoti ka për ta bërë ju. Çfarë mund të bëni për ta përmbushur këtë punë?

Shihni edhe te “For Such a Time as This” [“Për një Kohë të Tillë”] (material filmik), ChurchofJesusChrist.org.

13:44

Në librin e Esterit, mësojmë nga besnikëria e Esterit dhe Mardokeut, por gjithashtu mësojmë nga krenaria dhe zemërimi i Hamanit. Ndërsa lexoni vargjet tek Esterit 3; 5:9–14, vini re ndjenjat, fjalët dhe veprimet e Hamanit. Çfarë zbulojnë ato për të dhe shtysat e tij? Me çfarë pasojash u përball ai? (Shihni tek Esterit 7.) Leximi rreth Hamanit mund t’ju nxitë të vlerësoni se çfarë u jep shtysë ndjenjave dhe veprimeve tuaja. A jeni të frymëzuar të bëni ndonjë ndryshim? Si mund të drejtoheni tek Ati Qiellor për ndihmë?

Shihni edhe te Fjalët e Urta 16:32; Alma 5:28.

Vini re përse Esteri dhe pjesa tjetër e judenjve vendosën të agjëronin (shihni tek Esterit 3:13; 4:1–3, 10–17). Si i bekoi ata agjërimi? (Shihni tek Esterit 5:2–3; 8:11–12.) Pse Zoti kërkon që të agjërojmë? (Shihni tek Tema dhe Pyetje, “Fasting and Fast Offerings” [“Agjërimi dhe Ofertat e Agjërimit”], Gospel Library [Biblioteka e Ungjillit]. Merrni parasysh se si mund ta bëni agjërimin një bekim më të madh në jetën tuaj.

Shihni edhe tek Isaia 58:6–12; “Fasting: Young Single Adult Ward, Amanda” [“Agjërimi: Lagje për Të Rinjtë në Moshë Madhore Beqarë, Amanda”] (material filmik), ChurchofJesusChrist.org.

2:41

Kur Mardokeu dhe Esteri i mbrojtën bindjet dhe popullin e tyre, ata vunë në rrezik jetën e tyre. Zgjedhjet tona mund të kenë pasoja më pak të rënda, por bërja e asaj që është e drejtë, ende mund të kërkojë guxim. Çfarë mësoni prej Esterit 3:1–4; 4:10–17 rreth pasjes së guximit për të bërë atë që është e drejtë? Vini re pasojat e ndryshme që përjetuan Mardokeu dhe Esteri pasi treguan guxim (shihni tek Esterit 3:5–11; 5:1–4). Çfarë iu nevojitej të dinin Esterit dhe Mardokeut rreth Perëndisë që të bënin zgjedhjet që bënë?

Mendoni për situata ku ju nevojitet guxim që ta mbroni atë që është e drejtë. Çfarë mësoni nga Esteri dhe Mardokeu që mund t’ju ndihmojë të gjeni guxim te Zoti?

Guximi i Esterit çoi në “një ditë … gëzimi” (shihni tek Esterit 9:17–19). Si ju ka dhënë guximi i ngjashëm me të Krishtit “një ditë … gëzimi”?

Shihni edhe te “Courage” [“Guxim”], “Dare to Stand Alone” [“Kini Guxim të Qëndroni Vetëm”] (materiale filmike), Gospel Library [Biblioteka e Ungjillit]; “T’Vërtet’ Ndaj Besimit”, Himne, nr. 162.

3:19

4:20

• Ju mund të ndiheni të frymëzuar që të përdorni vargun tek Esterit 2:7 që t’u mësoni fëmijëve tuaj rreth ndihmës ndaj pjesëtarëve në nevojë të familjes, sikurse Mardokeu bëri për Esterin. Mund ta lexoni vargun së bashku ose ta përmblidhni me vetë fjalët tuaja. Më pas, ju dhe fëmijët tuaj mund të mendoni për pjesëtarë të familjes që mund të kenë nevojë për ndihmën tuaj. Bëni një plan për t’i ndihmuar ata.

• Shembujt e Esterit dhe Mardokeut mund t’i ndihmojnë fëmijët tuaj që të kuptojnë se trimëri do të thotë të bëni atë që është e drejtë edhe kur keni frikë. Merreni parasysh të shkruani frazat: Mardokeu ishte trim kur ai … dhe Esteri ishte trime kur ajo … . Ndërsa lexoni së bashku historinë e Esterit, fëmijët tuaj mund të sugjerojnë mënyra për t’i përfunduar fjalitë. Mund të lexoni tek Esterit 3:1–11; 4:10–17 ose “Mbretëresha Ester” (tek Tregime nga Dhiata e Vjetër, f. 166–170) ose shihni figurat në këtë përvijim. Më pas shkruani: Unë do të jem trim/e duke …  dhe ftojini fëmijët tuaj të renditin gjërat që Ati Qiellor dëshiron që ata të bëjnë, të cilat kërkojnë guxim. Mund të ndihmojë një këngë rreth guximit, e tillë si “Guxo, Ji i Drejt’” (Libri i Këngëve të Fëmijëve, f. 80).

  

  2:45

• Gjithashtu mund të mësoni për raste kur Jezu Krishti ishte guximtar; për shembull, kur Ai vuajti për mëkatet tona në Gjetseman dhe në kryq (shihni te Mateu 26:36–39; 27:33–35). Kërkojuni fëmijëve tuaj të tregojnë për një rast kur ishin guximtarë dhe tregoni edhe vetë përvojat tuaja.

• Të lexuarit e vargjeve tek Esterit 4:1–3, 10–17 mund t’ju ndihmojë që t’u mësoni fëmijëve tuaj rreth agjërimit. Përse agjëruan Esteri dhe judenjtë? Tregojuni fëmijëve tuaj përse agjëroni. Gjithashtu mund t’i pyesni se si do t’ia shpjegonin agjërimin një miku ose mikeshe që nuk ka agjëruar kurrë më parë. Si mund t’i ndihmojmë miqtë tanë që t’i kuptojnë bekimet që vijnë nga agjërimi?

• Nxitini fëmijët tuaj të mendojnë rreth diçkaje për të cilën mund t’u nevojitet ndihma e Zotit. Sugjeroni që ta bëjnë atë pjesë të agjërimit të tyre gjatë së dielës së ardhshme të agjërimit.

• Ndihmojini fëmijët tuaj të kuptojnë se kur Esteri ishte e frikësuar, Mardokeu i dha asaj kurajë duke i shpjeguar se Zoti e kishte ndihmuar të bëhej mbretëreshë “pikërisht për një kohë të tillë” (Esterit 4:14). Çfarë donte të thoshte Mardokeu me këtë frazë? Flisni me njëri‑tjetrin rreth mënyrës se si Esteri ishte një mjet për Zotin. Si mund të jemi mjete për Zotin?

• Si mund t’i ndihmoni fëmijët tuaj që të kuptojnë se çfarë është një mjet? Ndoshta mund të ftoni dikë të luajë një këngë me një instrument muzikor ose paraqitni një figurë të dikujt që po përdor një vegël. Më pas mund të flisni rreth asaj se çfarë do të thotë të jesh një mjet në duart e Perëndisë.