Kíka Ewì nínú Májẹ̀mú Láéláé

Ní Àkọ́kọ́, ó lè ràn yín lọ́wọ́ láti mọ̀ pé ewì Hébérù nínú Májẹ̀mú Láéláé kò dá lórí orin àlùkọ, bí irú ewì míràn. Àti pé bí ó tilẹ̀ jẹ́ pé ìró, eré-àsọyé, àti ìró àtúnwí jẹ́ ẹ̀yà tí ó wọ́pọ̀ nínú ewì Hébérù àtijọ́, àwọn nkan wọ̀nyí ni a máa nsábà pàdánù nínú ìtumọ̀. Ẹ̀yà kan ti ẹ̀yin yíò ṣe àkíyèsí, síbẹ̀síbẹ̀, ní títúnwí àwọn èrò tàbí àwọn ìmọ̀ràn, nígbàkan tí a pè ní “ìbájọra.” Ní ìhín ni àpẹrẹ tí ó rọrùn látinú Ìsàíàh:

Orin Dáfídì 29 ní ọ̀pọ̀lọpọ̀ àwọn ìlà ìbájọra—fún àpẹrẹ:

Àti pé nihin ni àpẹrẹ ibití mímọ̀ pé ìlà kejì ní ìbájọra sí àkọ́kọ́ jẹ́ kí ẹ̀sẹ ọ̀rọ̀ náà rọrùn láti ní òye:

Nínú àwọn àpẹrẹ wọ̀nyí, akéwì tún èrò kan ṣe pẹ̀lú àwọn ìyàtọ̀ díẹ̀. Ìlànà yí lè tẹnumọ́ èrò títúnṣe àti láti lo àwọn ìyàtọ láti ṣe àpèjúwe ní kíkun tàbí ṣe ìdàgbàsókè rẹ̀.

Ní àwọn ọ̀ràn míràn, àwọn gbólóhùn ọ̀rọ̀ ìbájọra tí ó báramu láti fúnni ní àwọn èrò yíyàtọ̀, gẹ́gẹ́bí inú àpẹrẹ yí:

Irú ìbárajọ yí kò ṣẹlẹ̀ nípasẹ̀ ìjàmbá. Àwọn olùkọ̀wé mọ̀ọ́mọ̀ ṣe é. Ó ràn wọ́n lọ́wọ́ láti sọ ìmọ̀lára ti ẹ̀mí tàbí òtítọ́ jáde pẹ̀lú agbára àti ẹwà. Nítorínáà nígbàtí ẹ bá ṣe àkíyèsí ìbájọra nínú kíkọ Májẹ̀mú Láéláé, ẹ bi ara yín léèrè bí ẹ ṣe ṣe ìrànlọ́wọ́ fún yín láti ní òye olùkọ̀wé ọ̀rọ̀ náà. Fún àpẹrẹ, kíni Ìsàíàh ti lè máa gbìyànjú láti sọ ní fífi “okun” pẹ̀lú “ẹ̀wù ẹlẹ́wà” àti “Síónì” pẹ̀lú “Jerúsálẹ́mù wéra”? (Ìsàíàh 52:1). Kíni a lè ní lọ́kàn nípa gbólóhùn ọ̀rọ̀ náà “ìdáhùn pẹ̀lẹ́” bí a bá mọ̀ pé “ àwọn ọ̀rọ̀ líle” ni òdìkejì rẹ̀? (Ìwé Òwe 15:1).

Àwọn míràn ṣe àfiwé ewì kíkà sí pípàdé ẹnìkan titun. Kíka àwọn ewì Májẹ̀mú Láéláé, nígbànáà, lè dà bí pípàdé ẹnìkan láti orílẹ̀-èdè jíjìnnà àti àṣà àjèjì kan tí wọ́n nsọ èdè tó yàtọ̀ sí tiwa—tí ó sì ti lé ní ẹgbẹ̀rún ọdún méjì. Ẹni yí yíò sọ àwọn nkan tí a kò lóye ní àkọ́kọ́, ṣùgbọ́n èyí kò túmọ̀ sí pé wọ́n kò ní ohunkóhun tí ó jẹ́ iyebíye láti sọ. A kàn nílò láti lo àkokò pẹ̀lú wọn, ní ìgbìyànjú láti wo àwọn ohun látinú àmì ojú-ìwò wọn. A lè ri pé nínú ọkàn wa, a ní òye ara wa gan dáradára. Bí a bá sì fi sùúrù àti ìyọ́nú hàn, ojúlùmọ̀ wa titun lè di ọ̀rẹ́ àtàtà níkẹhìn.

Nítorínáà, nígbàtí ẹ bá ka ẹsẹ ọ̀rọ̀ Ìwé Mímọ́ kan láti inú Ìsàíàh, fún àpẹrẹ, ẹ jẹ́ kí ó jẹ́ àyẹ̀wò fífihàn yín àkọ́kọ́ sí ojúlùmọ̀ titun kan. Ẹ bèère fúnara yín, “Kíni ìwọnilọ́kàn wíwọ́pọ̀ mi?“ Báwo ni ẹsẹ ọ̀rọ̀ náà ṣe jẹ́ kí ẹ ní ìmọ̀lára sí—pàápàá bí ẹ kò bá ní òye gbogbo ọ̀rọ̀? Lẹ́hìnnáà kàá lẹ́ẹ̀kansi, ní ọ̀pọ̀lọpọ̀ ìgbà tí ó bá ṣeéṣe. Ẹ yẹ kíkà á jáde sókè; àwọn ènìyàn kan nrí àfikún ìtumọ̀ ní ọ̀nà náà. Ẹ ṣe àkíyèsí àwọn ọ̀rọ̀ kan tí Ìsàíàh yàn, ní pàtàkì àwọn ọ̀rọ̀ tí ó fi àwòrán hàn nínú ọkàn yín. Báwo ni àwọn àwòrán wọnnì ṣe njẹ́ kí ẹ ní ìmọ̀lára? Kíni wọ́n dámọ̀ràn nípa ìmọ̀lára Ìsàíàh? Bí ẹ ṣe nṣe àṣàrò síi nípa àwọn ọ̀rọ̀ ti àwọn olùkọ̀wé Májẹ̀mú Láéláé wọ̀nyí, bẹ́ẹ̀ni ẹ̀yin yíò ri pé wọ́n mọ̀ọ́mọ̀ yan àwọn ọ̀rọ̀ àti àwọn ètò láti ṣe àfihàn ọ̀rọ̀ ti ẹ̀mí tí ó jinlẹ̀.

Àwọn ewì lè jẹ́ àwọn ọ̀rẹ́ àgbàyanu nítorí wọ́n nṣe ìrànlọ́wọ́ fún wa láti ní òye àwọn ìmọ̀lára àti àwọn ìrírí wa. Àwọn ewì Májẹ̀mú Láéláé jẹ́ iyebíye ní pàtàkì nítorí pé wọ́n ràn wá lọ́wọ́ láti ní òye ìmọ̀lára àti ìrírí wa tí ó ṣe pàtàkì jùlọ—àwọn tí ó ní ìsopọ̀ pẹ̀lú ìbáṣpọ̀ wa pẹ̀lú Ọlọ́run.

Bí ẹ ṣe nṣe àṣàrò ewì nínú Májẹ̀mú Láéláé, ẹ rántí pé àṣàrò ìwé mímọ́ jẹ́ iyebíye jùlọ nígbàtí ó bá ndarí wa lọ sí ọ̀dọ̀ Jésù Krístì. Ẹ wá àwọn àmì, àwòran, àti àwọn òtítọ́ tí ẹ kọ́ ìgbàgbọ́ yín sínú Rẹ. Ẹ fetísílẹ̀ sí ìmísí láti ọ̀dọ̀ Ẹ̀mí Mímọ́ bí ẹ ṣe nṣe àṣàrò.