پُرانے عہد نامے میں شاعری پڑھنا

اَوَّل، یہ جاننے میں آپ کی مدد ہو سکتی ہے کہ پُرانے عہد نامہ میں عبرانی شاعری کسی اور قسم کی شاعری کی مانند، قافیہ پردازی پر مبنی نہیں ہے۔ اور اگرچہ تال، الفاظ کا کھیل، اور آوازوں کی تکرار قدیم عبرانی شاعری کی عام خصوصیات ہیں، یہ چیزیں عام طور پر ترجمہ میں کھو جاتی ہیں۔ تاہم، ایک خصوصیت جو آپ محسُوس کریں گے، وہ فکر و خیال کی تکرار ہے، جو بعض اوقات ”متوازیت“ کہلاتی ہے۔ یسعیاہ سے ایک سادہ نمونہ یہ ہے:

زبُور 29 کے بہت سے مصرعے متوازی ہیں—مثال کے طور پر:

اور یہاں ایک مثال ہے جہاں یہ جاننا کہ دُوسرا مصرعہ پہلے سے متوازی ہے، پیرائے کو سمجھنا آسان بنا دیتاہے:

اِن مثالوں میں، شاعر نے معمولی اختلاف کے ساتھ ایک خیال کو دہرایا ہے۔ یہ تکنیک تخیلِ مقرر پر زور دے سکتی ہے اور اِسے بیان کرنے یا ترویج دینےکے لیے مُتفَرقات کو بھر پور طور پر استعمال کر سکتی ہے۔

دُوسرے معاملات میں، دو متوازی جملے متضاد خیالات کو بیان کرنے کے لئے یکساں زبان کا استعمال کرتے ہیں، مثال کے طور پر:

اِس قسم کی متوازیت حادثاتی طور پر رونُما نہیں ہوئی تھی۔ مصنفین نے ایسا دانستہ طور پر کِیا۔ اِس نے اُنہیں رُوحانی احساسات اور سچّائیاں دونوں کو بڑی قدرت اور خوبصورتی سے پیش کرنے میں مدد دی ہے۔ لہذا جب آپ پُرانے عہد نامے کی تحریروں میں متوازیت کو دیکھتے ہیں، تو اپنے آپ سے پوچھیں کہ یہ مصنف کے پیغام کو سمجھنے میں آپ کی کیسے مدد کرتی ہے۔ مثال کے طور پر، یسعیاہ ”خُوشنما لباس“ اور ”شوکت“ کا”یروشلیم“ کے ساتھ ”صِیُّون“ کا حوالہ دینے سے کیا بتانے کی کوشش کر رہا تھا؟ (یسعیاہ 52:‏1)۔ اگر ہم جانتے ہیں کہ ”کرخت باتوں “ کا اُلٹ ”نرم جواب“ ہے تو ہم اِس فقرے سےکیا نتیجہ اخذ کرسکتے ہیں؟ (امثال 15:‏1)۔

کُچھ لوگ شاعری پڑھنے کا موازنہ کسی نئے شخص سے ملاقات کرنے سے کرتے ہیں۔ پُرانے عہد نامے کی شاعری پڑھنا، تب، کسی دور دراز مُلک اور غیر مُلکی ثقافت کے کسی ایسے شخص سے ملاقات کرنے کی مانند ہو سکتا ہے جو ہم سے مُختلف زبان بولتا ہو—اور جو دو ہزار برس سے زیادہ قدیم ہو۔ یہ شخص شاید ایسی باتیں کہے گا جو ہم پہلے نہیں سمجھتے، لیکن اِس کا ہرگز یہ مطلب نہیں کہ اُن کے پاس کہنے کے لیے کوئی قابل قدر بات نہیں ہے۔ ہمیں صرف اُن کے ساتھ وقت گزارنے کی ضرورت ہے، اُن کے نقطہ نظر سے چیزوں کو دیکھنے کی کوشش کرنے کی ضرورت ہے۔ ہم کو معلوم ہو سکتا ہے کہ اپنے دِلوں میں، درحقیقت ہم ایک دُوسرے کو بڑی اچھی طرح سمجھتے ہیں۔ اور اگر ہم صبر اور ہمدردی کا اظہار کرتے ہیں، تو ہمارا نیاواقف کار آخر کار پیارا دوست بن سکتا ہے۔

لہذا جب آپ یسعیاہ سے کوئی حوالہ پڑھتے ہیں، مثال کے طور پر، اِسے ایک نئے واقف کار سے اپنا پہلا تعارف تصور کریں۔ اپنے آپ سے پوچھیں، ”میرا عمومی تاثر کیا ہے؟“ یہ حوالہ آپ کو کیسا محسُوس کرواتا ہے—اگرچہ آپ ہر لفظ کو نہیں سمجھتے ہیں؟ پھر اِسے دوبارہ پڑھیں، اگر ممکن ہو تو کئی بار۔ اِسے بلند آواز سے پڑھنے پر غور کریں؛ کُچھ لوگ اِس انداز سے افزوں معنی پاتے ہیں۔ مخصُوص الفاظ پر غور کریں جو یسعیاہ نے مُنتخب کیے ہیں، خاص طور پر اُن الفاظ پر جو آپ کے ذہن میں خاکہ بُنتی ہیں۔ وہ تصویریں آپ کو کیسا محسُوس کرواتی ہیں؟ وہ یسعیاہ کے احساسات کے بارے میں کیا تجویز کرتی ہیں؟ آپ پُرانے عہد نامے کے اِن مصنفین کے کلام کا جس قدر مطالعہ کریں گے، اُتنا زیادہ آپ جانیں گے کہ اُنہوں نے گہرے رُوحانی پیغام کے اظہار کے لیے اپنے الفاظ اور تراکیب کا قصداً انتخاب کِیا تھا۔

نظمیں شاندار دوست ہو سکتی ہیں کیونکہ وہ ہمارے احساسات اور تجربات کو سمجھنے میں ہماری مدد کرتی ہیں۔ پُرانے عہد نامے کی نظمیں خاص طور پر انمول ہیں کیوں کہ وہ ہمارے اہم ترین احساسات اور تجربات کو سمجھنے میں ہماری مدد کرتی ہیں—وہ جو خُدا کے ساتھ ہمارے تعلقات سے مُنسلک ہیں۔

جب آپ پُرانے عہد نامے میں شاعری کا مطالعہ کرتے ہیں، تو یاد رکھیں کہ مُطالعہ صحائف سب سے زیادہ قابلِ قدر ہے جب یہ ہماری راہ نُمائی یِسُوع مسِیح کی جانب کرے۔ ایسی علامتیں، خاکے، اور سچّائیاں تلاش کریں جو اُس پر آپ کے ایمان کو تعمیر کرتی ہیں۔ مُطالعہ کرتے ہُوئے رُوحُ القُدس سے الہام کو سُنیں۔