Faitauina o Solo i le Feagaiga Tuai

Muamua, atonu e fesoasoani lou iloa o solo FaaEperu i le Feagaiga Tuai e le faavae i le tutusa o faaleoga o upu, e pei o isi ituaiga o solo. Ma e ui o le faaleoga, fefulisaiga o upu, ma le ta’u soo o faaleoga o ni itu taatele lea o solo FaaEperu anamua, ae e masani lava ona leiloloa ia mea i le faaliliuga. Peitai, o se tasi o itu o le a e matauina, o le ta’u soo lea o mafaufauga po o manatu, e ta’ua i ni isi taimi o le “talitutusa.” O se faataitaiga faigofie lenei mai ia Isaia:

O leSalamo 29 e tele ni laina talitutusa—mo se faataitaiga:

Ma o se faataitaiga lenei o le iloa o le laina lona lua e ogatusa i le muamua, lea e faigofie ai ona malamalama le fuaitau.

I nei faataitaiga, na toe ta’ua ai e le tusisolo se manatu e i ai ni eseesega laiti. O lenei auala e mafai ona faamamafa ai le manatu ua ta’u faafia ao faaaoga ai eseesega e atili faamatala atoatoa ai pe atinae ai.

I isi tulaga, o fuaiupu tutusa e lua e faaaoga ai gagana talitutusa e faailoa ai ni manatu faatusatusa, e pei o le faataitaiga lenei:

O leneia ituaiga talitutusa sa le’i tupu faafuasei. Sa faia lava e tusitala ma le loto i ai. Na fesoasoani ia i latou e faailoa atu ai lagona faaleagaga po o upumoni i le mana ma le matagofie. A e matauina la se tulaga talitutusa i tusitusiga i le Feagaiga Tuai, ia fesili ifo ia te oe lava pe faapefea ona fesoasoani e te malamalama ai i le savali a le tusitala. Mo se faataitaiga, o le a se mea atonu o taumafai Isaia e ta’u mai e ala i le faatatauina o le “malosi” i “ofu matagofie” ma “Siona” ia “Ierusalema”? (Isaia 52:1). O le a se mea e mafai ona tatou faauiga mai ai e uiga i le fuaitau “o le tali filemu” pe afai tatou te iloa o lona faafeagai o “upu faatiga”? (Faataoto 15:1).

O nisi tagata e faatusatusa le faitauina o solo i le feiloai atu i se tagata fou. O lea la, o le faitauina o solo o le Feagaiga Tuai, atonu e pei lava o le feiloai atu i se tasi mai se atunuu mamao ma aganuu ese e tautatala i se gagana e ese mai ia i tatou—ma o ai se ua silia ma le lua afe tausaga le matua. O lenei tagata o le a ia fai maia ni tala tatou te le malamalama ai i le taimi muamua, ae e le faapea ai la e leai sana mea aoga e ta’u mai ia i tatou. E manaomia lava ona tatou faaaluina se taimi e faatasi ai ma i latou, ma taumafai ia vaai atu i mea mai i la latou vaaiga. Atonu foi tatou te iloa ane i o tatou loto tatou te malamalama lelei lava i le tasi ma le isi. Ma afai tatou te faaalia le onosai ma le agaalofa, o le a iu lava ina avea la tatou uo fou ma se uo pele.

O lea la pe a e faitauina mai se fuaitau mai ia Isaia, mo se faataitaiga, ia mafaufau i ai o lau faailoaga muamua lea i se uo fou. Fesili ifo ia te oe lava, “O le a so’u faalogona lautele?” O le a sou lagona i le fuaitau—e tusa lava pe e te le malamalama i upu uma? Ona toe faitau lea, mo ni nai taimi pe a mafai. Mafaufau e faitau leotele; o nisi tagata e mauaina se uiga faaopoopo mai lena ala. Ia maitau upu faapitoa na filifilia e Isaia, ae maise lava i upu e vali ai se ata i lou mafaufau. O le a sou lagona ona o na ata? O le a se mea latou te fautuaina mai e uiga i lagona o Isaia? O le tele o lou suesue i upu o nei tusitala o le Feagaiga Tuai, o le tele foi lea o lou iloa, sa latou filifilia ma le loto i ai a latou upu ma auala e faaali mai ai se savali loloto faaleagaga.

O solo e mafai ona avea ma ni uo lelei ona latou te fesoasoani ia tatou malamalama ai i o tatou faalogona ma aafiaga. O solo o le Feagaiga Tuai e faapitoa le taua ona latou te fesoasoani ia tatou malamalama i o tatou faalogona ma aafiaga aupito taua—o na [faalogona ma aafiaga] e faatatau i lo tatou sootaga ma le Atua.

A o e suesueina solo i le Feagaiga Tuai, ia manatua o le suesueina o tusitusiga paia e sili ona taua pe a taitai atu ai i tatou ia Iesu Keriso. Vaavaai mo faailoga, ata faatusa, ma upumoni e atinae ai lou faatuatua ia te Ia. Faalogologo mo uunaiga mai le Agaga Paia a o e suesue.