2 Kronicles 14–20; 26; 30

Napon ni Asa e pilung nu Judah, bo’or bugi magawon ni’i mad’eg—niwoed nibebuch rodad e dabo’. Baymu be’eg marnge’gen fapi gafgow ni’i mad’eg, muguy e gin ni tay e pagan’ rok ngay nge ragon nibe thil i yan.

Mongfan niboech e ngiyal’ e gadadbe tal i pagan’uy ngak Samoel? Mange kagbe fil ko yafos rok Asa?

Mukum Guy Elder D. Todd Christofferson, “Tha’ rodad ngak Got,” Liahona, May 2022, 78–80.

Fare profet Mikayah e sana be thamiy nirib tomal ninge yoeg e tin nib fel’ ko fagli pilung ni Jehoshaphat nge Ahab ko gafarig rorow nib togopluw ngak yu Syria. Musapnag e michriy kofre pressure u lane 2 Kronicles 18:1–12. Mange michriy nikam pir’eg kofare courage ku Mikayah nge yul’yul’ u lane verses 13–27? (Ngam nang nu lane verse 14, Mikayah e non nide puluw kon’en nibe lemnag; fulweg rok ebay u lane verse 16.) Urogon nike buch e n’en niyoeg Mikayah u lane verses 28–34?

Mang boech ban’en nigra mad’eg niwoed nike mad’eg Mikayah? Mange bepi’ gelngim ngam sakiymku Samoel nge machib roek?

Baymu be’eg e 2 Kronicles 20:1–12, musapnag e n’en nirin’ fare pilung Jehoshaphat u napon niyib boech e nam ningar chamgad nga Judah. Urogon ningam usenag ngonglen u napon nagba mad’eg epi magmagawon?

Lungun Got ni fulweg fare mebil ku Jehoshafat eyra pir’eg u lane verses 14–17. Mang bugithin nikam pir’eg nirayog ninge pi’ e gapas ngom fa ngak be’ u napon e gafgow?

Me gabulriy, meyan fapi girdii’ nu Jerusalem ningar mada’ niged fayuraba’ i salthaw. Baymu be’eg e 2 Kronicles 20:20, musap nag fare mulwol nipi’ Jehoshafat ko girdii’ nu Jerusalem. Urogon ni yibim’ug e thin roek? muguy ko verses 22–23). Urogon nike taw’ath nigem Got ko mich roem ngak nge motoyil kopi profet roek?

President Russell M. Nelson e yoeg ni ga’ar: “Kugnang ni fa’an garam taleg i tay e question marks ngatomren e thin kopi profet magtay e exclamation points, mag rin’, miriyig e taw’ath riy. Dawrug de’eriyeg, ‘wi‘in e menon e profet ni lungun e profet me wi‘in e dangay?’ N’en nug ba adag e, ‘Urogon mug woed boech Ir?’” (in Lane Johnson, “Russell M. Nelson: A Study in Obedience,” Ensign, Aug. 1982, 24).

Mukum Guy e Doctrine and Covenants 21:4–6; “Ba yiluy nib mudugil” (video), Gospel Library; “Mungongliy e Gonop nibeyib ngom,” Fan ko Gelngin e Pi’in ni Fal’yangren: Babyoren e Powi’iy ko Rogon ni Ngan Me’eleg (2022), 4–5.

3:37

Niwoed fapi pilung nu Judah, Uzzah e tabob nib mangil meyani mu’ nib tagan. Musapnag ere wo’en ney u lane 2 Kronicles 26. Mange gara yoeg ni thil u lane yafos ku Uzzah?

Baymu be’eg e verses 16–23, mu tafnigeyem riy ni ngiyal’ney, kemus ni yigo’ prist e bay mat’owrad ningar urfeged e incense u lane temple. Mongfan ningbe lemnag nida’ nifol fare pilung ni Uzzah ku Got? Mange kamfil ko ren’ey nibuch?

Mukum guy e “Mu Sobut Nigem,” Hymns, no. 130.

U lane 2 Kronicles 30, Hezekiah e ir e pilung nu Judah. Ke pining fapi ulung nu Israel nungar mukungad nga Jerusalem ningar tedfan fare Paluk’af—ban’en nidawriyog ninge rin’ fapi Israelites nike yo’or e duw napon (muguy verses 1–12). Mange gaba adag kon’en ninoeg nge ragon nifek—niyow l’agrow fapi Israelites nge girdii’ roek nu Judah?

Nibchene karkin’uw napon, boech e girdii’ nibeyib nga Jerusalem e da’anra ninged rogon ningar uned kofare paluk’af. Baymu be’eg e 2 Kronicles 30:18–27, mange kamfil kon’en nirin’ Hezekiah nge n’en niyib riy?

Mukum Guy Russell M. Nelson, “Peacemakers Needed,” Liahona, May 2023, 98–101.

• Ngan dag rogon ninge pagan’uy ngak Samoel, mudag ngak pifakam ban’en nibe pagan’um ngay nira tem nigab milik u napon nibe awe n’uw, niwoed ba umbrella fa Jacket. Mupagrad ngar weliyed ko mongfan nirayog ninge pagan’dad kopin’ey. Mag aywegrad ngar ta’reb niged ko pagan’ rodad ku Samoel Mongfan nibe pagan’dad Ngak ninge taydad nigadad nibfel’ rogdad kotin bathothup ban’en?

• Mu ayweg pifakam ngar nanged rogon e n’en ni rin’ fagli pilung ni Asa nge pilung ni Jehoshafat kopi gafgow ni’ir pategew u napon ni pagan’ row ngak Samoel (muguy ko 2 Kronicles 14:11; 20:3–5, 12). Mu daged ngomed kanaw’en nirayog ningam daged ku Samoel nibe pagan’med Ngak.

• Babiyoren e gosgos ko Biney e week e rayog ninge ayweg pifakam ngar nangfaned fare yaten e mebil ku Jehoshafat nge fulweg ku Samoel. Gur nge pifakam e rayog ningam weliyed bingyal’ nike rung’ag Got make fulwegf e mebil roemed. Mukum weliyed epi ngiyal’ nipi fulweg e yib ko ngiyal’ ni da’num lemniged nirayib. Ba tang ni marnge’gen e mebil, ni woed “I Mebil u fithik e Mich” (Children’s Songbook, 14), e rayog ninge mon’ognag e mich ku pifakam.

• Ngan fil marnge’gen e kireb ko ufanthin, pifakam e rayog ningar toeyed ba tawo’ nikan toey ko bogi block niba achichig fa bogi kap niba achichig. Bayra ted rebe block fa rebe kap ngadaken fare tawo’, mag aywegrad ngar dagded reb fapi n’en nibfel’ nirin’ Uzziah u lane 2 Kronicles 26:3–15. Tomuren nikar mu’gad i toey fare tawo’, mag weliy ngak pifakam rogon nitay Uzziah era tawo’nem nib toelang mab gel. Mange rayog ninge buthug ngabut? Ere, baymu be’eg e verse 16, rayog ningam weliy marnge’gen ko mange be yipfan ningan “chibiy gum’ircha’dad ko mogothgoth [rodad].” Muweliy ngak pifakam komange buch ku Uzziah u lane verses 16–23. Moeg ngorad ngar thuguyyed e tawo’ rorad. Muweliy komange gadad rarin’ magdad paer nigdad basobut.

• Re sasing nibe’er e bedag napon ni pining Hezekiah fapi bugulyiror rok yu Judah kofare ulung nu Israel ngar uned ngak ngar madnom niged fare paluk’af. Gur nge pifakam e gamed rasap kore sasing ney magmed be’eg e 2 Kronicles 30:18–19, nibe weliy ni boech fapi girdii’ e dawor lukuyed downginrad u rogon fare motochiyal ku Moses. Mange rin’ Hezekiah? Urogon e thamtham kofapi cha’ nikan pining rad ko ren’ey? Mu Ayweg pifakam ngar lemniged rogon nirayog ningar woeded Hezekiah u rogon niyadbe rin’ ngak boech e girdii’.