1 Kings 12–13; 17–22

Ba urrogon ni gara weliy fare qoloboch nirin’ fare Pilung Rehoboam, ni’ir e fak Solomon, ni bay mornga’agen ko 1 Kings 12:1–14? Mange pi dodow ku Kristus nsa rayog ni rin’ Rehoboam nge ayuweg e nam rok? (muguy ko verse 7; Matthew 20:25–28; Mosiah 2:10–21). Urrogon nrayog ni ngamu rin’ e pin’ey ni fa’anra gur reb e tiyugang’—ndemuturug ko gabe rin’ ko rogon e pigpig rom u lan e Galasia fa ulan e yafos rom?

Profet Elijah e fith ngak be’ nib bpin ndariy figirngin ninge pi’ ggan u m’on ni nge abich fare bpin nge fare fak nikar m’ow ko mik’iy. Mangfan nike rin’ e binem? N’en ni fith Elijah e gowod ya’an ba tawa’ath nifan e biney e tabinaew. Rib t’uf rorow fapi tawa’ath ku Somoel, ma miligach nra pi’iw e fek e tawa’ath iyib ngorow—nib mu’un fare tawa’ath ngay ko gelnag e mich.

Napon e baymu be’eg e 1 Kings 17:8–16, mag tafney nag ni gowa gur be’ ndariy figirngim. Mange ran’en nike gin owchem riy nike rin’? Urrogon ma rayog ni ngamu fal’eg boche list ko tin nib t’uf ni ngam rin’ nra gelnag e mich ngak Yesus Kristus (ni wod e tin baray, muguy ko Fan ko Gelngin e Pin’in ni Fal’yangen: Babyoren e Powi’iy ko Rogon ni Ngan Me’eleg [2022]). Mang e kamfil ko mornga’agen e re bpin ney ndariy figirngin ko rogon ni gelnag e mich?

N’en nirin’ Elisha u lan e 1 Kings 19:19–21 e ba urrogon ni tabrogon ko n’en ni rin’ fare bpin ndariy figirngin?

Mu tafineynag e pi miligach nikam rin’ niboch e ngayog ni ngamu leak fare Tathapeg. Mange be machibnag ngom e 1 Kings 17:8–16; 19:19–21 ko mornga’agen e miligach? Llowaen’ rom ngak e Tathapeg rom eba urrogon nibe ayuwegnem ko ngiyal’ ni bayi fith ngom ni ngam pi’ e miligach? Ba urrogon nike tawa’ath nigem?

Ngkum guy ko Matthew 4:18–22; 6:25–33; Luke 4:24–26; “Elijah nge fare bpin ndariy figirngin u Zarefath” (video), Gospel Library; “When Faith Endures,” Hymns, no. 128.

10:13

Fapi Isrealites era tafniyed niged nib mangil ningar liyoergad ngak Baal, ni’ir e Got ko yikoq nge n’uw. Machane tomuren dalip e duw ni dani aw e n’uw, miri yad gafgow yakri t’uf e n’uw nifarad. Mangiyal’ ney e bo’or e gidii’ nibe liyor gnak Baal makumus ngak fare pilung nge fare queen nrogew ni ngan rin’ e biney. Napon e baymu be’eg e 1 Kings 18, maga tafneynag ko mongfan nibay boche gidii’ nima marwar laniyan’rad ko leak wo’en Somoel. Ulan e biney e guruy, mange ran’en nikam guy riy nibe gay rogon Somoel ninge fil ngodad ni mronga’agen? Mang boch ban’en nike buch rom nike ayuwegem ni gabe ul’ul’ ni gabe leak fare Tathapeg?

Ngkum guy ko D. Todd Christofferson, “Choice and Commitment” (worldwide devotional nifan e pilaal nib fal’yangren, Jan. 12, 2020), Gospel Library.

Kirban’uy ngay, ya fare ma’ang’ang nibuch u dkena fare Burey nu Carmel e dani moemnag rogon e muruwel ku Elijah. Ya bochane biney, e riyaqnag e yafos rok, me mil ngani mith ngalan e bokngo u lane loeway. Urom, ni i gafgow riy ni go’ir rok, me yibi buch ban’an rok nibay Somoel riy nrib thilko pin’en nibuch rok u dakena fare Burey nu Carmel. Mange buch rok’ Elijah u lan e 1 Kings 19:1–18 ko rogon nima non Somoel ngom ko ngiyal’ ni karit’uf bogi ban’en rom?

Mutafney nag bangiyal’ ni non Somoel ngom. Urrogon nrayog ni ngamu weliy rogon nike non ngom? Mongfan ni fare bugithin ni “mocha’” nge “achichig” erib fel’ ni’ir e nge weliy rogon nima non e Thothup ngodad? Mang boche thin nikam pir’eg ni bay u lan e Helaman 5:30; Doctrine and Covenants 6:22–23; 11:12–14? Mange bt’uf ni ngam rin’ ni ngayog ni ngamu thapeg rogon nibe powi’iyem Somoel ni gubin ngiyal’?

Ngkum guy ko Psalm 46:10.

• Ra ngam ayuweg pifakam ni ngar filed mornga’agen fapi yat ko mich nibay u lan e 1 Kings 17, ma sana rayog ni ngamu dag ngorad ya’an e archa’, fa ya’an reb e pagal nibe weliy ya’an e pi yat ney. Napon e gabe weliy ngak pifakam e pi yat ney, mag piningrad ni ngar feked ya’an fare sassing fa fare obect nibe dag rogon e biney e yat ni gabe weliy. “Elijah ni Profet” (ulan Fapi Yaat ko Bin Kakrom e M’ag, 121–24) e rayog ninge ayuwegem kopi yat ney ni ngamu weliy mornga’agen. Rareb e pi yat ney ma mange ran’en ni yadbe dag ni mornga’agen e mich ngak Yesus Kristus?

  

  1:58

• Mu ayuweg pifakam ngar lemniged rogon nrayog ni ngar daged e mich rorad ngak Yesus Kristus. Mon’ed e tang ko mornga’agen e mich utabaang, ni wod fare “Bay e Mich ROg ngak Somoel, ni Yesus Kristus” (Gospel Library), ngemu’ magmed weliy ngomad e tin nikam filed ni mornga’agen e mich ko fare tang.

• Sana krayog ni ngamu fith ngak pifakam ningar yoliyed ya’an e n’en nibe fith Somoel ngak fare bpin nike yim’ firingin ni nge pi’ ngak Elijah (muguy ko 1 Kings 17:12–13) nge n’en nike thapeg fare bpin nike yim’ figirngin nibochan e kerin’ e biney 1 Kings 17:15–16). (Ngkum guy ko fare activity payg nifan e biney e wik.) Ma krayog ni ngar sapniged boche sassing nibe dag ya’an e gidii’ nikar pi’ed bogi ban’an ningayog ni ngar thapeged boch ban’en nibfel ko tin nibay rorad. Pining pifakam ni ngar sapniged reb e sessing nibay u lan e Gospel Art Book fa Moey, Ngam Lakeg. Mange befith Somoel ngodad ni ngad pi’ed ni miligach? Uw rogon ni ma tawa’ath nagdad?

• Napon e baymu be’eg utabaang e 1 Kings 18:17–39 , ma pifakam e rayog ni ngar mel’eged reb fapi verse ni ngar yoloeyed ya’an e pin’en nibe weliy mornga’agen. Rayog ni ngar guyed ya’an fapi sassing miyad weliy salpen e n’en nike buch riy ko rogon nrayog rorad. (Ngkum guy ko “Elijah nge fapi Prist u Baal,” ulan Fapi Yaat ko Bin Kakrom e M’ag, 125–28.)

  

  2:17

• Mu ayweg pifakam ngar lemniged bingyal’ nigomange bat’uf ningar duugliyed ko bat’uf ni ngar laked Yesus Kristus fa danga’. Sana krayog ni ngar yoliyed ya’arad ni yadbe mel’eg e tin nib mat’aw banaan. Mu weliyed ngomad fan nikam mel’eged ningamu laeked Yesus.

• Napon e baymu sumerize nag e 1 Kings 19:9–12, imag pining pifakam ni ngar ranod u ya’an ni gowa yadbe k’iyeg e nifeng nibgel, ko duruq, nge nifiy. Mag piningrad ni ngar pired ndabra gachgachgad, nrib achig lamrad, “me chuw fare nifiy me yib ba lam ni be kathkath” (verse 12). (Ngkum guy ko “Somoel nibe non ngak Elijah,” u lan Fapi Yaat ko Bin Kakrom e M’ag, 129–31.) Weliy ngak pifakam bangi yal’ nimu rung’ag, fare lam ni be kathkath nike yib ko fare Kan ni Thothup.

  

  1:48

• Mon’ed e tang nib achig lamanmed ni mornga’agen e Thothup, ni wod fare “The Still Small Voice” (Children’s Songbook, 106–7). Mange pin’en nra palog nigey ko Thothup? Mang ba ayuwegdad ni ngad rung’aged laman?