“Bogi Lem Ninga i par ko Tafiney Roem: ‘Yesus e Bayi Yoeg Kuyu Israel, “Moey nga Tabinaew,” Moey, Ngam Lakeg—Fan ko Tabinaew nge Galasia: Bin Kakrom e M‘ag 2026 (2026)
“Bogi Lem Ninga i par ko Tafiney Roem: ‘Yesus e Bayi Yoeg Kuyu Israel, “Moey nga Tabinaew,” Moey, Ngam Lakeg: Bin Kakrom e M‘ag 2026
Bogi Lem Ninga i par ko Tafiney Roem
“Yesus e Bayi Yoeg Kuyu Israel, ‘Moey nga Tabinaew’”
Lane ted nu Sinai, e kunuy Moses pifak yu Israel ngata’ben brey. Uroem e yoeg Samoel ni Ba’adag ninge pilyeg ere ulungi girdii’ ney ni tapigpig nga bu’ulung ngi girdii’ nib gel. “Ngam pired ngoeg,” I ga’ar, “ tafene priest, ngab ulung nib thothup” (Exodus 19:6). Ke micheg nira fel’ rograd miyad mon’og, nidemutrug nike liyegrad baulung nib ga’, mabgel.
Pin’ey e rayni buch nigathi bachane fapi Israelites e yad bay’or, fa bagel, fa yad bacheg. Rayni buch, ni weliy Samoel, ni fa’an yadra “ fol kothin [Rok], min fol ko tha’ [Rok]” (Exodus 19:5). Gelngin Got, gathi farad, ere gel nagrad.
Magathi gubin ngiyal’ mapi Israelites nem e yadbe fol u lungun Got, ere yan boech i yan miyag tal ko fol kofare tha’ Ku Got. Bo’or boech i yad nibe liyoer nga boech e got miyad un ngarogon boech nibe buch u t’abrad. Kar tharbayed e ren’en ni fal’egrad ngar thilgad—tha’ u thilrad Samoel. Dariy gelngin Got ninge yiroriyrad, dariy ban’en nira taleg e pi to’gor rorad.
Fare Werwer
Bay inyay nigonpon u thilin 735 and 720 BC, fapi Assyrians e kar pired nga ba’ni yimuch u tafen yu Israel, tafen ragag nge l’agrow i ulung, miyad fek mir’ayi Israelites nikan koel rad ngayuyang kofare Assyrian Empire. Pi Israelites e ney kannang ni “fare ulung ni malboch,” niyma yoeg nibcahn e nichuwegrad u tafarad min weregrad ngadaken boech nam. Machene kar malboch gad u laniyan’rad: yan boech i ngiyal’ madakur nanged giyad niyad e girdii’ rok Got.
Ngatomren bo’or e girdii’ u ba’ni lel’oech u tafen yu Judah e kur palogad rok Samoel. Fapi Assyrians er chamgad mikyad koel nibo’or fapi tafen; kemus nu Jerusalem e da’ani koelrad. Ta’boech, u thilin 597 nge 580 BC, fapi Babylonians er wereged Jerusalem, ni’un e temple ngay, min koel e girdii’ nibo’or. Gonpon medlup i ragag e duw ngatomren, tin kubay ko girdii’en Judah e kanpagrad karsuled nga Jerusalem makar toeyed biyay fare temple. Bo’or, ni, par u Babylon.
Fare Jerusalem nike Gathay Nebuzar-adan, ke yib rok William Brassey Hole, © Providence Collection/licensed from goodsalt.com
Boech i ngiyal’ nikeyan, gubin ulungin fapi Israelites makan “werweregrad … ngabugi nam ni da’an raninged” (Zekariah 7:14). Boech eke pow’iyrad Samoel iyan n gaboech e binaew. Maboech er milgad u Israel ya ngadabin koelrad fa ranoed nifan e political fa economic.
Gadad be yoeg e p’iney nike buch werwer ko Israel. Mabga’fan ningan nang marnge’gen ere werwer ney nibchan ini. Ni rebe, reb niribga’ marnge’gen kofare Bin Kakrom e M’ag—bo’or e profet ko Bin Kakrom e M’ag nraguyed fare mul nib thothup nifekrad i yan kofare werwer. Raguyed u m’on ningay ni buch miyad yoeg. Boech i yad e par u nap’on ren’ey. Bafel’ ningam tafnigeyem riy u nap’on nigam be’eg fare babiyor ku Isaiah, Jeremiah, Amos, nge boech e profet nibay nga tungun e Bin kakrom e M’ag. Ren’ey nibay u lanin’um, baymu be’eg e pin’en ni marnge’gen epi denen nge kalbus, gathay nge sulweg nikan tay ngak piyu Assyria nge Babylon, mabay munang komange yadbe weliy marnge’gen.
Garam nangfan e werwer ko Israel mara aywegnem ngakum nangfan fare Babyor ku Mormon, nibchane fare Babyor ku Mormon e marnge’gen bpa’ e werwer ko Israel. Re marnge’gen ney e tabob ko tabinaew ku Lehi nramilgad u Jerusalem ko 600 BC, u m’on niyib fapi Babylonian ngar chamgad. Lehi e ir reb fapi profet niyoeg marnge’gen e werwer ko Israel u m’on ninge buch. Ma taninaew rok e pi’ e ayuw nge buch e ren’em, rafeked e branch rorad ni Israel ngar yunged ngaba’nem e fayleng, u Miriken.
Fare Mukun
Fare werwer ko Israel, machene, e ta’reb raba’ fare yat. Samoel e darmapag tilin e girdii’ Rok, fa pagrad, u nap’on nikar paged Ir. Pi n’en ninoeg ni bo’or ni Got e bayi werwer nag Israel en chagiy nga boech e michmich ni bo’or nibayi borran me kunuyrad.
Re rran nem e dabo’—rran rodad. Re mukun ney e kan tabobnag. Ulane 1836, bukun biyu’ e duw ni kunuy Moses pifak yu Israel ngato’ben fare burey ni Sinai, me yibi m’ug ngalanggin fare Kirtland Temple ninge pi’ ku Joseph Smith “fapi keys ko mukun ko Israel u anngeg yang ko fayleng” (Doctrine and Covenants 110:11). Chiney, u tanggin gil’ilngun e pi’en niyad be koel epi key ney, fapi ulungen yu Israel e yibe kunuyrad ko gubin e nam nirayog ninge yan epi tapigpig ku Samoel ngay,
Moses, Elias, nge Elijah er m’uggad ulane Kirtland Temple, yib rok Gary E. Smith
President Russell M. Nelson eke yoeg nire mukun ney “e ban’en nirib ga’fan nibe buch u daken e fayleng e dabo’ Dariy ban’en ni ta’abrogon ngay, dariy ban’en nib ga’fan ngay, dariy ban’en nib ga’ ngay. Ma fa’anra gara mel’eg, mafa’an ra gaba’adag, ma rayog ni ngam un ngay.”
Urogon ningug pi’ e ayuw? Mange be yipfan ningan kunuy yu Israell? Be yipfan ningan sulweg fare ragag nge l’agrow i ulung ko fargi binaew ni tafarad? Ribriyul’, be yipfan ban’en niribga’, marib manemus. Ni woed ni weliy President Nelson:
“Napon ni gadad ra weliy marnge’gen fare mukun, ma gadad be weliy marnge’gen e n’en nib ga’fan ko n’en nib riyul’: gubin pifak e Chitamangdad nu Tharmiy, pi’in ni kab fos nge pi’in nike yim’, e ba t’uf ni ngar rung’aged marnge’gen fare gospel rok Yesus Kristus nikan fulweg. …
“Demutrug ko ngiyal’ ni gara rrin’ ban’en nira ayuweg bee’—nide mutrug ko ba’anngan fare veil—ni nge ngongliy e m’ag ngak Got me thapeg e tawfe nge fapi gam’ing ko temple, arme gabe unipi’ e ayuw i kunuy piyu Israel. Arogon ni fani rib moem.”
Ren’ey e buch, ni yoeg Isaiah, “ni tata’reb “(Isaiah 27:12) fa, ni yoeg Jeremiah, “rebe city, nge l’agrow u rebe tabinaew” (Jeremiah 3:14).
Mukun ko piyu Israel ebe ypifan ningan sulweg pifak Got Ngak. Be yipfan ningan sulwegrad ko tha’ rorad Ngak. Be yipfan ningan sulwerg ngan ayliy “fare nam nib thothup” Ni yoeg ningan ayliy nike n’uw napon (Exodus 19:6).
Moey nga Tabinaew
Bayi ngongliy be’ rebe tha’ ngak Got, memang reb girdii’en yu Israel. Kan kunuy yem, magur rebe tamukun. Fare yaten fapi girdii’ nir ngongliyed e tha’ nike yi’or e ra’ay e duw-napon e ribega’ i yan, margur e ribga’fam riy. Chiney e ngiyal’ ni “Yesus e bayiyoeg ngak gubin yu Israel, ‘Moey nga Tabinaew.’”
Fi’ireray e mulwol ko gubine tamukuns: Moey nga Tabinaew. Moey nga Tabinaew nga Zion. Moey nga tabinaew ngak Yesus Kristus, fare Thothup nu Israel, ma Bayi sulwegem nga tabinaew ku Got, ni Chitamam.