2 Kings 2–7

Ma’ang’ang e madag ngodad gelngin Got. Ma ayuwegdad ni ngad gelgad kotin nib momaw’ u fayleng—ni bod bangi but’ nib maraggil nib t’uf eran riy nib be’ech (muguy ko 2 Kings 2:19–22) fa bangi tow nikan pitaeg (muguy ko 2 Kings 6:4–7). Machane bin th’abi ga’fan ngay, e pi ma’ang’ang ney erayog ninge fulwegdad ngak Somoel. Napan e baymu be’eg e 2 Kings 2–6, mu list nag fapi ma’ang’ang nike yib ngom, mag tafneynag e pin’en nib thothup nikam fil riy.

Ma sana krayog ni ngamu tarebnag e pi ma’ang’ang ney nirin’ Elisa nge tin ni rin’ Yesus Kristus (muguy ko 2 Kings 4:8–37 nge Luke 7:11–16; 2 Kings 4:42–44 nge John 6:1–13; 2 Kings 5:1–15 nge Luke 17:11–19). Pin’ey e mange yadbe machibnag nggog ni mornga’agen fare Tathapeg nge fapi profet rok?

Ngkum guy ko 2 Nephi 26:12–13; 27:23; Moroni 7:35–37; fare section “Seek and expect miracles” ko Russell M. Nelson, “The Power of Spiritual Momentum,” Liahona, May 2022, 99–100.

Somoel e thogthognag ngak Elisa boch ban’en nra buch ngam’on—ni bod bogi ban’en ni gathi rima buch. Napan e baymu be’eg e 2 Kings 4:8–17; 7:1–16, mu tafneynag rogon ni gama fol ko fapi thin nima yib udakean fapi profet rok Somoel e daba’. Miti mang machib, thogthog, fa michmicheg nikam rung’ag ko fapi profet e daba’? Mange gabe rin’ ufithik e mich kotin ni yad be yoeg?

Mgkum guy ko 3 Nephi 29:6; Doctrine and Covenants 1:37–38; “Teachings of Presidents” collection, Gospel Library.

Napan e baymu be’eg e 2 Kings 5, mu tarebnag e pin’en nibuch ku Naaman nibay e daraw rok kotin nibe buch ulane yafos rom nib momaw’.

Bay be’ ulane yafos rom ni bod ni’ir e “ta pigpig” rom, nima pi’ e athamgil ngom ni ngam sap kotin nibe momaw’ ngom udakean fapi profet rok Somoel? (muguy ko verses 2–3, 13).

Mange be piningem Somoel ningam rin’ ni wod ban’en nrib moem ningan rin’—ni wod e “maluk, ngayog ngam gol”? (verse 13). Mange be talegnem ko thapeg etin nibe piningem ningam rin’?

Uw rogon marayog ningam dag e gumaen’ niwod rogon nirin’ Naaman?

Muguy rogon en’en nibuch ko mich rok Naaman ko fare Got nu Isreal (muguy ko verse 15). Mange kamfil ko biney nike buch?

Ngkum guy ko Luke 4:27; 1 Peter 5:5–7; Alma 37:3–7; Ether 12:27; L. Whitney Clayton, “Whatsoever He Saith unto You, Do It,” Liahona, May 2017, 97–99; “Naaman and Elisha” (video), Gospel Library.

14:30

Napan e gabe gay rogon ni ngamu leak wo’en Kristus, ke buch rom ni bod rogon nibuch ko fare tapigpig ku Elisa—ni go’ir rok mabe yibe murus ngak? Mu tafneynag ni gabayu luwan napon e baymu be’eg e 2 Kings 6:8–23. Biney e yat, ba uw rogon nibe thilyeg rogon e tafney rom nge rogon en’en ni gabe thamiy ko mornga’agen e mo’owar rom, muruwel rom, nge rogon ni gabe gay rogon ningam fok ko gospel?

Napan e gabe tafnye nag rogon, mu lemnag e thin ku President Henry B. Eyring: “Wod rogon e re tapigpig nem ku Elisa, pire’ e pi’in ni bay u ba’ rom ko pi’in ni bay u ba’ rorad. Boch nibay rom e dabiyog ningam guy. Somoel era chibiyem ngalang ma kura rin’ ni bayi pining boche gidii’ ningar sak’iygad ngom (“O Ye That Embark,” Liahona, Nov. 2008, 58).

Mu ngongliy e list ko “pi’in ni bay u ba’ [rom]” (verse 16)—gidii’ nike tay Got ngalane yafos rom nibe ayuwegnem. Sana ngam fith ngak nge bing owchem kotin nib thothup ngam guy e pi gidii’ ney. Ma sana ki tem ngalan eyafos ko boche gidii’ ni ngam ayuweg. Uw rogon nrayog ni ngamu pi’ed ayuw ngomed?

Mangiyal’ e kam thamiy e bineye ayuw nike weliy Somoel rogon ulan e Doctrine and Covenants 84:88?

Sana krayog ni ngamu fil e mulwol nike pi’ Sister Michelle D. Craig “Eyes to See” (Liahona, Nov. 2020, 15–17). Mufithem, “Mange ba’adag Got ni ngguy?”

Be yipfan fare yat ulane 2 Kings 6:8–23, Elder Ronald A. Rasband e keyog: “Bay ni ba’ fa bay ndariy fapi chariot nnifiy ni kan pii’ ni nge chuweg e murus rodad me gel ko fapi kireb rodad, machane michib ko biney e rib tamilang rogon ni ran nangfan. Somoel e bay rodad, gadad bay u waen’, me be tawa’ath nag dad ni kemus ni’ir e rayag ni nge rrin’ ni arram rogon. Meybil erayog ninge pi’ gelngingdad nge thogthog nibt’uf rodad ninge tarebnag e lem rodad ngak Yesus Kristus nge fare bayul rok. Somoel e manang nra taw nga bingiyal’ riy ma gadadra thamiy e murus. Ke buch rog nge kuwod gur nike buch rom. … Ulane biney e Galasia ba wod ni gadad buch’uw ni namba ko rogon nibe sap e gidii’ nu fayleng ngay, machane fa’an gadadra bing owchendad kotin nib thothup, ‘ya kab pire’ e pi’in ni bay u ba’ rodad ko pi’in ni bay u ba’ rorad’ [2 Kings 6:16]” (“Be Not Troubled,” Liahona, Nov. 2018, 18, 19). Gara use nag e pi thin ney ngak be’ nibe yibe murus ngak fa be yibe m’agfan’ ngak?

Ngkum guy ko “Dearest Children, God Is Near You,” Hymns, no. 96.

• Tomuren nikam ayuweg pifakam kar nangedfan e ma’ang’ang, mag piningrad ningar list niged urngin kanawo’en e ma’ang’ang nrayog rorad. Sassing nibay u lane Gospel Art Book fa Moey, Ngam Lakeg erayog ninge pi’ e ayuw ko biney. Ma krayog ningar sap niged boche ma’ang’ang ulan e 2 Kings 4:1–7, 14–17, 32–35, 38–44. Mange be machibnag etiney e ma’ang’ang ni mornga’agen e Chitamangiy ni bay u Tharmiy?

• I Gur nge pifakam ekrayog ni ngamu weliyed mornga’agen rogon nima dag Got e t’ufeg rok u dakean e ma’ang’ang nibe pi’. Rayog ni ngamu yin’ede tang ni wod e “God’s Gracious Love” ko (Gospel Library).

• Mu ayuweg pifakam ngar filed fare yat nibay ulane 2 Kings 5:1–3, 9–14. Mu use nag e “Elisa ni Golnag Naaman” (ulan Fapi Yaat ko Bin Kakrom e M’ag, 134–37) fa fapi sassing nibay ko tomur ko bineye outline. Mangfan ndubun Naaman ninge maluk ulan farengi Lul’ nu Jordan, ni aram rogon nike yog Elisa ngak nra fosag e m’ar rok? Urogon ntawa’ath nag Naaman nibochane rin’ en’en niyoeg Elisa ngak? Rayog ningamu weliyed mornga’agen etin nike buch romed ko bangiyal’ nikam fol gad rok Somoel, machane ba marwar wun’med ngay.

  

  1:52

• Ma krayog ni ngamu weliy e 2 Kings 5:13, ni fare ta pigpig ku Naaman e ayuweg ninge rin’ en’en nibe yoeg fare profet Elisa ngak. Ma krayog ningamu weliyed pifakam rogon nrayog ningar pi’ed e ayuw ngak e tafagar fa chongin e tabinaew roroad ko motoyil nge fol ko profet.

• Rayog ni ngamu tafney niged pifakam nike liyegmed bogi salthaw nib sug e sayden rorad, os, nge chariot rorad. Mange ran’en ni gara thamiy? Mange ran’en ni gara rin’? Ma krayog ninge ning pifakam owchrad mag be’eg e 2 Kings 6:16–17 ngorad. (Ngkum guy ko “Elisa nge fapi Salthaw ku Somoel,” ulan Fapi Yaat ko Bin Kakrom e M’ag, 138–39, fa fapi sassing nibay ko tomur ko bineye outline.) Ma napan ebay mu taw ko fare bugithin ni “bing owchen” (verse 17), magfith ngak fapi bitir ningar binged owchrad. Weliyed ko mang e guy fapi tapigpig. Mu weliy ngak pifakam rogon nikam thamiy nibay Somoel rom ko ngiyal’ nibe yibe magawon ngom, ndemturug rogon ni fa’anra gabe thamiy nikemus ni go’gur rom.

  

  1:9