“July 13–19. ‘Me Hezekiah e pagan’ ngak SOMOL, ni Got nu Israel’: 2 Kings 16–25,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)
“July 13–19. ‘Me Hezekiah e pagan’ ngak SOMOL, ni Got nu Israel,’” Moey, Ngam Lakeg: Bin Kakrom e M’ag 2026
Fare Mil Rorad fapi Gidii’ ni Kalbus, ke yibrok’ James Jacques Joseph Tissot nge boch e gidii’
July 13– 19: “Me Hezekiah e pagan’ ngak SOMOL, ni Got nu Israel”
2 Kings 16–25
Dariy’fan ba gel e machib rok’ e profet ni Elisha, gidii’en ni gil’ilungn u Lelu’och ku Israel dabi kalngan’rad. Me tomur riy, fare gil’ilung ko Assyrian ni kar gelnag raed nge garar e ragag e ganong ku Israel. U ta’ab ngiyal’, Fare gil’ilungn u Yimuch ku Judah dabi rrin’ed e tin nib mangil: pi liyos roraed nike buch nib bo’or.
Ufithik’ urngin e kirebnag ko tin nib thothup, fapi scripture me weliy morunga’agen la’agruw e pilung ku Judah ni, ko bochi ngiyal’, kar chel e gidii’ rorow nga Somoel bayay. Ta’areb ir Hezekiah. Ufithik’ e lung rok’, fare gidii’en nu Assyria ni kar gelnag bo’or e Judah. Machane Hezekiah nge gidii’en rok’ ni kar daged e mich roraed ngak Somoel, me ni ke thap Jerusalem udakaen e rogon nib ma’ang’ang. Tomur, ulan reb e ngiyal’ ko apostasy, Josiah nike mang pilung. Napan ni ke thap e athamgil bachane kar piryeg e yang ko babyor ko pi motochiyel ku Moses, Josiah nike rrin’ e pi’nen me sulyarmiy e yafos ko tilyu roraed e gidii’en.
Woed Israel nge Judah, gadad gubin ma mel’eged e tin nib mangil nge kireb. Napan ni ngad nanged bat’uf ni ngad thilyeg e yafos rodad, rayog ni ngad thapeged e athamgil ko gali chepin nib fel’ ulan fapi duwer nib kireb rok’ Judah. Sana pi susun rorow Hezekiah nge Josiah nira pii’ athamgil ngodad ni ngad “pagan’med ngak SOMOL ni Got” (2 Kings 18:22).
Boech Rogon Nrayog ningan Mo’nognag e Machib u Tabinaew nge Galasia
2 Kings 18–19
Rayog ni dabgu pag e Somoel napan ni ra cham ngak e mich rog.
Gadad gubin kad feked e pi’nen nike buch ngodad nima cham ngak e mich rodad. Nifan ko Hezekiah nge gidii’en, ta’areb e cham nike yib napan ni ke yib e salthaw ko Assyria nga Jerusalem. Napan ni ngam bi’eg 2 Kings 18–19, mu lemnag ni kam paer ulan Jerusalem u ngiyal’ nem. Urogon ni ngam thamey, ni woed, me rungaen’ e nonnon rorad e pi Assyrian ulan 2 Kings 18:28–37; 19:10–13? Mang e ni kam rrin’? Mu ta’areb nag fan roraed e gidii’ nu Assyria me pii’ ngak e gidii’ nu Israel ere dar tay e pagaen’ roraed ngak’ Somoel ko fare fan Satan me pii’ ngodad ere ngad pag e mich rodad daba’. Rayog ni ngam ta’areb nag e fan roraed e gidii’ nu Assyria ko fan rom ni ngam tay e pagaen’ rom ngak Somoel.
Mang gaba fil nifan e ngongol rok’ Hezekiah u ngiyal’ ney? (muguy ko 2 Kings 19:1–7, 14–19). Urogon e Somoel nike fulweg? (muguy ko 2 Kings 19:35–37). Mang gaba lemnag ni Hezekiah de pag e mich rok? (muguy ko 2 Kings 18:5–7). Mu lemnag urogon fare Somoel nike ayuwegem ufithik’ e ngiyal’ nib mo’omaw’. Mang gabe adag ni ngam rrin’ ere ngam ga’nag e pagaen’ rom Ngak’?
Mulwol rok President Jeffrey R. Holland “Fear Not: Believe Only!” (Liahona, May 2022, 34–36) ni bay e fonow nib mangil nifan e ngiyal’ ko rus fa maerwaer. Woed e tang ni “Let Us All Press On” (Hymns, no. 243) me bay e milwol ni ba pii athamgil. Mang e pi’nen niba guy ulan tiney ni ra ayuwegem?
Mukum guy ko 2 Kronicles 31–32; 3 Nephi 3–4; Jörg Klebingat, “Valiant Discipleship in the Latter Days,” Liahona, May 2022, 107–10.
Fanay e chep nib thothup ni yibe fil ninge pii’ e ayuw. Fare Galasia nima pii’ bo’or e pi’nen me pii’ ayuw ere rayog ni ngam nangfan fapi chep nib thothup. Woed ni, ulan e Gospel Library rayog ni ngam pir’eg fare Kanawo’en i fapi Chep nib thothup, Fapi Topics nge fapi Questions, nge fapi magazines ko Galasia. Napan ni ngam bi’eg fare Bin Kakrom e M’ag, rayog ni ngam pir’eg e weliy niba ayuwegem ulan yang e babyor ko “Tafney ni Dabmu Pagtalin” u Moey, Ngam Lakeg. Fare yang ko babyor me kanoeg “Jesus Will Say to All Israel, ‘Come Home’” rayog ni nge ayuwegem e fil rom ko 2 Kings 16–25.
2 Kings 19:20–37
Gubin pi’nen ni bay u lan pa’ Somoel.
Sennacherib, fare pilung ko Assyria, bay e lemnag nib ga’ e salthaw rok’ nira gelnag Jerusalem (muguy ko 2 Kings 17; 18:33–34; 19:11–13). Machange bay e milwol rok’ Somoel morunga’agen Sennakerib, nike pii’ ufithik’ e profet Isaiah. Ni bay ulan 2 Kings 19:20–34. Mang ea pi’nen nib riyul’ rangam pir’eg ulan e milwol rok’ Somoel nima ayuwegem be tay e mich Ngak’ nge kanawo’en?
2 Kings 21–23
Fapi chep nib thothup me chel e gum’ircha’eg nga Somoel.
Kam thamey woed ni kam malog e pi’nen nib thothup? Sana kam thamey e tha’ rom ngak Got rayog ni nge ga’ nag? Mang ni ke ayuwegem ni ngam chel Ngak? Mu lemnag fapi duwer ney napan ni ngam bi’eg 2 Kings 21–23, me weliy urogon e Gil’ilungn ku Judah ni ke pag fare Somoel u tan pa’ Pilung Manasseh (musap ko 2 Kings 21) nge urogon Pilung Josiah ni ke ayuweg e gidii’en me chel bayay Ngak (musap ko 2 Kings 22–23). Urogon nge mangfan Josiah nge gidii’en ni kar thilyeged? (Musap ko 2 Kings 22:8–11; 23:1–6, 21, 24).
President Spencer W. Kimball ke kanoeg e ya’at ko Pilung Josiah “ni rib fel’ e ya’at ulan gubin fapi scripture” (Teachings of Presidents of the Church: Spencer W. Kimball [2006], 62). Ngam bi’eg e thin rok’ President Kimball morunga’agen King Josiah (fapi payg ko 62–64). Sana rangam lemnag morunga’agen e pi’nen ni ke buch ngom napan e thin ko fapi chep nib thothup ni kar “[ke] maruwel” u fithik’em. Mang e rayog ni ngan rrin’ ni ngam thapeg boech reb e tin ni ra buch ngom.
Mukum guy ko Alma 31:5; “Josiah nge fare Babyor ko Motochiyel” (video), Gospel Library.
Josiah and the Book of the Law
2 Kings 23:1–25
M’ag ir e michmicheg nib thabi ga’ ni be yan u thilin nigeg nge Somoel.
Mang ni gaba’adag morung’agen e m’ag nike fal’eg Josiah ulan 2 Kings 23:3? Napan ni ngam ul’ul e bi’eg rom ko chapter 23, mu sap e pi’nen Josiah nike rrin’ e rayog ni nge dag e ba’adag rok’ ngak Somoel (muguy ngak e sasing utomur e guruy ney). Uw rogon ni gaba dag e ba’adag rom Ngak?
Ko boech reb, mu guy fare Liahona ko biney e pul nge Fan ko Gelngin e Pi’in ni Fal’yangren pi magazine.
Boech Rogon ningan Fil ko Bitir
2 Kings 18:3–6; 19:14–19
Rayog ni nggu tay e pagaen’ rog ngak’ Chitamangdaed nibay u Tharmiy nge Yesus Kristus.
-
Ulan 2 Kings 18:3, 5–6, ayuweg e bitir rom ni ngam pir’eged e pi’nen nike fal’eg ngak Hezekiah nib mat’aw. Me tomur mu bi’eg u ta’abang 2 Kings 19:14–19, yad ra pir’eged urogon ni ke dag e pagaen’ rok’ Somoel. Rangam guy e sasing kok Yesus nge noned e fan romed ni ngam pagaen’ ngak Ir. Urogon ni ngad daged e pagaen’ rodad ngak’ Somoel.
2 Kings 22:1–7
Chitamangdaed nu Tharmiy nge Yesus Kristus rayog ni ngar tay pagaen’ rorow ngog.
-
Ulan 2 Kings 22:6, ayuweg e bitir rom ni ngam pir’eged ina duw rok Josiah napan nike mang e pilung. Mang gamed ba filed morunga’agen Josiah ulan vers 2? Mu lemnag e gosgos nira weliy urogon ngad leaked fare Somoel nge dab “mu chaf nga wuru’ e wo’.”
-
Fapi tamuruwel ulan 2 Kings 22:3–7 ni kar thapeged e pagaen’ ko salpiy ea rayog ni ngar toyed bayay fare temple “bachaen yad be pi’ nga puluwon e maruwel” (verse 7). Tomur ni ngam bi’eg fapi verse ney, gur nge bitir rom rayog ni ngam non gad morunga’agen e pi’nen ni kan pag gafalngin ngomed. Urogon ni ngad thapeged e pagaen’ ngodad ni woed fapi tamuruwel’ ney ulan e pi verse?
Tayoloy me fek e babyor ko fapi chep nib thothup ngak Pilung Josiah; sasing rok’ Robert T. Barrett
2 Kings 22:8–11; 23:2–3
Fapi chep nib thothup me fil ngog ni nggu fol Yesus Kristus.
-
Ea rogon ni ngam weliy morunga’agen e yaat ko Pilung Josiah ulan 2 Kings 22–23, rangam mithaeg e babyor ko scripture ulan e seenggil. Mu pinning e bitir rom ni ngar pir’eged binem. Ere rayog ni ngam weliy mang ta’areb e priest rok’ Josiah nike guy ulan fare temple (muguy ko 2 Kings 22:8–11; kamu guy ko “King Josiah” ulan Fapi Yaat ko Bin Kakrom e M’ag, 148–49). Mang gara buch ngodad fa’an dakiry e fapi chep nib thothup? Mu non ngomed mangfan bay e falfalaen’ romed ko fapi chep nib thothup rodad daba’.
1:36King Josiah
-
Tomur ni ngam bi’eg 2 Kings 23:2–3, gur nge bitir rom rayog ni ngam non gad morunga’agen e pi scripture nike pii’ athamgil romed ni ngam “bay i fol rok SOMOEL” (verse 3). Rayog ni ngam yon’ed e tang morunga’agen fare fapi chep nib thothup, woed ni “Search, Ponder, and Pray” (Children’s Songbook, 109).
2 Kings 23:1–3
Gura fol e m’ag ngak Got.
-
Napan Josiah nge gidii’en ni kar fil’ed morunga’agen fapi motochiyl rok’ Got, kar fal’eg e m’ag ni ngar folgad. Mu bi’eg biney ko bitir rom ulan 2 Kings 23:1–3, nge ayuwegrad ni ngar pir’eged e pi thin nima dag e thamey rorad e gidii’ nem morunga’agen e motochiyel rok’ Somoel. Sana e bitir rom rayog ni ngar sakiy ngalang nge noned mang ba yip’ fan ni “ngar folgad ko fare m’ag.” Me tomur rayog ni ngar ranoed nga but nge noned mang ba yip’ fan ni “bay i fol rok SOMOEL.” Bin magid, rayog ni ngar tay paa’raed ngadakaen e gum’ircha’raed nge weliy e rogon ni ngar fol ko pi m’ag “u polo’ i gum’ircha’raed.”
Ko boech reb, mu guy fare Pi Tafagar magazine ko biney e pul.