“July 20–26. ‘Enyin Nnyin Osuk ese Fiv: 2 Chronicles 14–20; 26; 30,” Edi, Etiene Mi—Eke Ufɔkiduŋ ye Ufɔk Abasi: Akani Testament 2026 (2026)
“July 20–26. ‘Enyin Nnyin Osuk ese Fi,’” Edi, Etiene Mi: 2026
Akam eke Ediedem King Jehoshaphat, otode Keeley Rae
July 20– 26: “Enyin Nnyin Osuk ese Fi”
2 Chronicles 14–20; 26; 30
Ema ekanare ofuri Obio Judah ekuk. Mme ŋka-ekɔŋ etode ikpɔ ɔsɔŋ odudu idut ita kpukpru ke esasaŋa ebine mmɔ inikiet, ebeŋeidem ndiŋwana ekɔŋ. Ke ini ndaha nnyekidem unana emi, Jehoshaphat, Edidem Judah, ediwɔŋɔre ebine Edidem eke enyɔŋ ye isɔŋ. Jehoshaphat ama ataŋ ikɔt esie obok ke temple onyuŋ ɔbɔŋ akam. Enye edifiɔk mmemidem mmɔ nte owo ndien edikpe ubɔk oyom ubɔhɔ. Ke ibɔrɔ, Jehovah ɔkɔŋwɔŋɔ edinɔ ukpeme Esie ete: “Ekukop ndik, ekunyuŋ efuhɔ” (2 Chronicles 20:17).
Ekeme ndidi nnyin idinyeneke ŋka-ekɔŋ emi ebehede ke enyin usuŋ nnyin eyom ndisobo nnyin, edi ke ubakini nnyin imisikop nte ukut ye idiɔk ekanade nnyin okuk. Usuŋ nnyin edikisim ubɔhɔ edi ukem usuŋ emi Jehoshaphat okoyomde, ndien akam nnyin ekeme edibiet eke esie ŋko: “O Abasi nnyin, … koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye mbufo” (2 Chronicles 20:12).
Ke 2 Chronicles 14–30, mbufo eyekot ebaŋa Jehoshaphat ye ndidem efen ke Judah. Kere-baŋa nte mme nti utom, edikan, ye afanikɔŋ mmɔ ekeme edinam ŋkpɔ nnɔ uwem mbufo.
Ke edifiak nse ŋwed 2 Chronicles, se“Chronicles” ke Bible Dictionary.
Mme Ekikere ke Edibɔ-ukpep ke Ufɔkiduŋ ye ke Ufɔk Abasi
2 Chronicles 14–16
Ndinim Abasi ke akpanikɔ eyeda emem ɔsɔk mi.
Ini emi Asa ekedide edidem Judah, enye ama okut ediwak afanikɔŋ—ukem nte kpukpru nnyin ikutde mfin emi. Nte mbufo okotde abaŋa mme idomo emi emye okokutde, ti ebiet emi enye ekesinde mbuɔtidem esie ye nte oro okokpuhɔde ke ini ekemde.
|
Ebiet-ediyom |
Mme Afanikɔŋ emi Asa okokutde |
Ebiet emi Asa ekenimde mbuɔtidem esie |
|---|---|---|
Ebiet-ediyom 2 Chronicles 14:9–12 | ||
Ebiet-ediyom 2 Chronicles 15:1–8 | ||
Ebiet-ediyom 2 Chronicles 16:1–10 |
Nsidi ntak emi nnyin ke ubak-ini isitreke edibuɔt-idem ke Jehovah? Nso efen ke mbufo ekpep oto uwem Asa?
Se ŋko D. Todd Christofferson, “Ebuana Nnyin ye Abasi,” Liahona, May 2022, 78–80.
2 Chronicles 18
Ami mmekeme edikpeme akpanikɔ, kpa ke oro miwakke nditibe.
Ekemem ndidi Prophet Micaiah ama enyene ediwak afanikɔŋ ke edikere mbaŋa edikut unen nnɔ mme edidem Jehoshaphat ye Ahab ke ekɔŋ mmɔ ediŋwanade ye Syria. Se yom idiɔŋɔ kabaŋa afanikɔŋ oro ke 2 Chronicles 18:1–12. Nso idiɔŋɔ ke mbufo okut kabaŋa uko ye nsɔŋidem eke Micaiah ke mme ufaŋ 3–27? (Fiɔk ete ke ufaŋ 14, Micaiah ɔkɔnɔ nsahi ibɔrɔ; edi ata ibɔrɔ esie odu ke ufaŋ 16.) Didie ke mme ikɔ Micaiah ɔkɔwɔrɔ osu ke mme ufaŋ 28–34?
Nso idi mme indaha emi mbufo ekemede edikut afanikɔŋ nte Micaiah okokutde? Nso inɔ fi uko ke ndida nnɔ Jehovah ye mme ukpep-ŋkpɔ Esie?
Ke eyo Edidem Jhoshaphat, mme idut ita ekeŋwana ekɔŋ ye Jerusalem.
2 Chronicles 20:1–25
Ke mkpɔsɔŋ ini, ami mmekeme ediŋwɔŋɔde ntiene Abasi ye mme prophet Esie.
Nte mbufo okotde 2 Chronicles 20:1–12, yom se Edidem Jehoshaphat akanam ke ini ediwak idut edide man ediŋwana ye Judah. Didie ke mbufo ekeme edida edinam esie nam ŋkpɔ ke mme ndaha afanikɔŋ emi mbufo okutde?
Edikut ibɔrɔ emi Jehovah ɔkɔnɔde ke ebeŋe Jehoshaphat ke mme ufaŋ 14–17. Ewe mbio-mbio ikɔ ke mbufo kout do emi ekemede edidɔŋ fi sit mme owo efen emi mbufo ɔfiɔkde kini afanikɔŋ?
Edem usen oro, mbon Jerusalem ekewɔrɔ eka man ekeso-bo ye mbon ŋka-ekɔŋ oro. Nte mbufo okotde 2 Chronicles 20:20, yom etop emi Jehoshaphat ɔkɔnɔde mbon Jerusalem. Didie ke ikɔ esie ɔkɔwɔrɔ osu? (se mme ufaŋ22–23). Didie ke Abasi ɔkɔdiɔŋ fi ke edinim Enye ke akpanikɔ nyuŋ ntiene mme prophet Esie?
President Russell M. Nelson ete: Ifiɔk-ukpep mi edi ke inikiet emi mbufo etrede ediyik mme ikɔ eke prophet ndien enim ke akpanikɔ ke nde oro, onyuŋ anam oro, mme edidiɔŋ eyedi. Akananam ami mbupke idem mi nte, ‘Ewe ini ke prophet eketiŋ ikɔ nte prophet ye ewe ini ke enye mitiŋke?’ Udɔŋ mi esidi, ‘Didie ke ami ŋkeme edinehede mbiet enye?’” (in Lane Johnson, “Russell M. Nelson: A Study in Obedience,” Ensign, Aug. 1982, 24).
Se ŋko Doctrine and Covenants 21:4–6; “A Secure Anchor” (video), Gospel Library; “Make inspired choices,” For the Strength of Youth: A Guide for Making Choices (2022), 4–5.
A Secure Anchor
Diɔŋɔ mmem-mmem ikɔ akpanikɔ. Elder Neal A. Maxwell ekekpep ete: “Ŋwed Abasi ɔnɔ nnyin ata ediwak nsɔŋurua ukpep-ŋkpɔ. Ndien ke ini uŋwana Spirit ɔduɔde odoro ke ediwak ikpehe, mmɔ eyama ye ifiɔk celestial enyuŋ eŋwaŋa usuŋ emi nnyin iditienede” (“According to the Desire of [Our] Hearts,” Ensign, Nov. 1996, 21). Nte mbufo okotde ŋwed Abasi, kere-baŋa ndida ini man ɔdiɔŋɔ, ewet, onyuŋ ekere-ke-esit ibio-ibio ye nti etop. Ememeke edikut ubak uwutŋkpɔ ke 2 Chronicles 14:11; 15:7; 18:13; 20:15; 26:5. Ewe “nsɔŋurua ukpep-ŋkpɔ” efen ke mbufo ekeme edikut?
2 Chronicles 26:3– 21
Ntaŋidem ada aka nsobo.
Ukem nte ediwak edidem Judah eken, ukara eke Uzziah ɔkɔtɔŋɔ ye akwa nam-ŋkure edi editre ye ndiɔkiso. Se kut usuŋ emi ke 2 Chronicles 26. Nso ke mbufo ekeptiŋ ke ekedi ndaha edikabare ke uwem Uzziah?
Nte mbufo okotde mme ufaŋ 16–23, fiɔk ke ete ke ini emi, ke mme oku kpɔt ke ekeyak ndifɔp incence ke temple. Nso ke ekere ke ekedi ntak emi Edidem Uzziah mikinamke item Abasi? Nso ŋkpɔ ke mbufo ekpep oto idiɔk ifiɔk-ukpep emi?
Se ŋko “Be Thou Humble,” Hymns, no. 130.
2 Chronicles 30
Ami mmekeme ndi-di anam-emem.
Ke 2 Chronicles 30, Hezekiah ekedi edidem Judah. Enye ama okot mbon-ata eke Obio Israel ediboho ke Jerusalem ndidara Passover—ŋkpɔ emi nditɔ Israel mikikemeke ndinam ke ediwak isua (se mme ufaŋ1–12). Nso ŋkpɔ inem fi kabaŋa ikoot oro ndien didie ke ekeb ikoot oro mme isenowo eke mbon Israel ye mme andikot mmɔ ke Judah mbiba?
Koro edinam oro ama enehede ebighe, ubak mme andika Jerusalem ikifiɔkke usuŋ nte edibuanade ke Passover. Nte mbufo okotde 2 Chronicles 30:18–27, nso ke mbufo ekpep oto ibɔrɔ Hezekiah ye se ibɔrɔ esie ɔwɔrɔde?
Se ŋko Russell M. Nelson, “Peacemakers Needed,” Liahona, May 2023, 98–101.
Ke oyomde awak, se etop ŋwed-ndise ɔfiɔŋ emi eke Liahona ye Enɔde ke Ŋsɔŋɔnda eke Iwaad .
Mme Ekikere nnɔ Edikpep Nditɔ-ŋwɔŋ
2 Chronicles 14–16; 20
Ami mmekeme edinyene mbuɔtidem ke Abasi.
-
Man itɔŋɔ ekikere edinyene mbuɔtidem ke Abasi, mbufo emekeme ediwut nditɔ mbufo ŋkpɔ emi mbufo enimde ke eyenam idem fo asat kini edim edepde, nte ufukeyo mme ɔfɔŋetuep kiet. Yak mmɔ etiŋ ebaŋa ntak emi nnyin ikemeke edibuɔt-idem ke mme ŋkpɔ emi. Ekem ŋwam mmɔ ndida oro ndomo ye edibuɔt-idem ke Abasi. Nsidi ntak emi nnyin ibuɔtde-idem ke Enye edinɔ nnyin ubɔhɔ ke ɔkpɔ spirit?
-
Mbufo emekeme ediŋwam ndito mbufo ndifiɔk nte Edidem Asa ye Edidem Jehoshaphat ekenamde ye mme mfina ke edibuɔt-idem ke Abasi (se 2 Chronicles 14:11; 20:3–5, 12). Buana ye kiet eken mme usuŋ efen emi mbufo ekemede ediwut Abasi ke mbufo ɔmɔbuɔt idem ke Enye.
2 Chronicles 20:1–29
Abasi eyekop onyuŋ ɔbɔrɔ akam mi.
-
Ikpa-ŋwed edinam eke udua emi ekeme ediŋwam nditɔ mbufo edifiɔk mbuk eke akam Jehoshaphat ye se Abasi ɔkɔbɔrɔde. Mbufo ye nditɔ mbufo emekeme edibuana mme ini emi Abasi okokopde onyuŋ ɔbɔrɔde akam mbufo. Kere-baŋa ndisin mme ini kini mme ibɔrɔ ekedide ke mme usuŋ mme ke ini emi mbufo mukukereke. Ikwɔ kiet abaŋade akam, oruk nte “Ami Mbɔŋ-akam ke Mbuɔtidem” (Ŋwed-ikwɔ eke Nditɔ-ŋwɔŋ, 14), ekeme ediŋwam nsɔŋɔ mbuɔtidem eke nditɔ mbufo.
2 Chronicles 26:3– 23
Ami mmekeme edisuhɔre-idem.
-
Man ekpep abaŋa mme afanikɔŋ eke ntaŋidem, nditɔ mbufo ekeme edibɔp tower kiet ye itiat mme ye mkpri cup. Nte mmɔ enimde itiat mme cup kiet-kiet edori ke tower oro, ŋwam mmɔ edidiɔŋɔ ŋkpɔ kiet emi Uzziah akanamde okure otode ke 2 Chronicles 26:3–15. Ke mmɔ ema ekekure tower oro, nneme ye nditɔ mbufo usuŋ nte Uzziah ekemede edinim tower oro ɔnyɔŋ onyuŋ ɔsɔŋɔ-ada. Nso ŋkpɔ ikeme edinam enye ɔduɔ? Ekem, nte mbufo okotde ufaŋ 16, mbufo emekeme editiŋ mbaŋa se oro ɔwɔrɔde ke edinam esit nnyin “okpon ekesim nsobo [nnyin]. Buana ye nditɔ mbufo se ikitibede inɔ Uzziah ke mme ufaŋ 16–23. Yak mmɔ ewuri tower mmɔ enim ke isɔŋ. Etiŋ ebaŋa se nnyin ikeme ndinam man idu ke nsuhɔre-idem.
Edidem Hezekiah ye Mbonowo Ekɔm Abasi, © Lifeway Collection/licensed from goodsalt.com
2 Chronicles 30
Ami mmekeme ndi-di anam-emem.
-
Ndise eke enyɔŋ emi owut ini emi Hezekiah okotde mme mbɔhiduŋ eke Judah etode Obio Israel ndidara Passover ye mmɔ. Mbufo emekeme ndise mbiet emi ye nditɔ mbufo enyuŋ ekot 2 Chronicles 30:18–19, emi anamde-anwaŋa ke ubak isenowo ikiyetke idem mmɔ nte asaŋade ye ewuhɔ Moses. Nso ke Hezekiah akanam? Didie ke emi akpakanam mme isenowo oro ndikere? Ŋwam nditɔ mbufo edikere mbaŋa nte mmɔ ekemede edibiet Hezekiah ke usuŋ nte edade mbon efen.
Ke oyomde awak, se ŋwed-ndise ɔfiɔŋ emi eke Ufan .