2 Ndidem 2–7

Mme utibede-ŋkpɔ owut nnyin odudu Abasi. Mmɔ ekeme ediŋwam nnyin ndikan mme mkpɔsɔŋ ŋkpɔ eke uwem isɔŋ—nte unaisɔŋ emi oyomde nsasana mmɔŋ (se 2 Ndidem 2:19–22), mme ekudi kiet okosopde emi anade nte eyom ekut (se 2 Ndidem 6:4–7). Edi ata akpan-akpan, utibede-ŋkpɔ ekeme ediwɔŋɔde nnyin mbine Abasi. Nte mbufo okotde 2 Ndidem 2–6, kere-baŋa ndibat mme utibede-ŋkpɔ emi mbufo okutde, yuŋ kere-ke-esit mme ukpep-ŋkpɔ spirit emi mbufo ekpepde oto mmɔ kiet-kiet.

Mbufo ŋko emekeme edidomo mme utibe-ŋkpɔ emi Elisha akanamde ye mme utibe-ŋkpɔ emi Jesus Christ akanamde (se 2 Ndidem 4:8–37 ye Luke 7:11–16; 2 Ndidem 4:42–44 ye John 6:1–13; 2 Ndidem 5:1–15 ye Luke 17:11–19). Nso ŋkpɔ ke mme utibe-ŋkpɔ emi ekpep mbufo abaŋa Andinyaŋa ye mme prophet Esie?

Se ŋko 2 Nephi 26:12–13; 27:23; Moroni 7:35–37; ikpehe eke “Seek and expect miracles” ke Russell M. Nelson, “The Power of Spiritual Momentum,” Liahona, May 2022, 99–100.

Jehovah ɔkɔdɔŋ Elisha nditiŋ prophecy kabaŋa mme ŋkpɔ emi edidide—misidihe, mme ŋkpɔ emi ebietde misimaha nditibe. Nte mbufo okotde 2 Ndidem 4:8–17; 7:1–16, kere baŋa nte mbufo ɔnɔde ibɔrɔ ke ikɔ Jehovah oto ke mme prophet Esie mfin emi. Ewe ukpep-ŋkpɔ, mme prophecy, mme enwɔŋɔ ke mbufo okop oto mme odu-uwem prophet? Nsvkpɔ ke mbufo anam man anam ŋkpɔ ke mbuɔtidem ke mme ikɔ mmɔ?

Se ŋko 3 Nephi 29:6; Doctrine ye Covenants 1:37–38; “Teachings of Presidents” collection, Gospel Library.

Nte mbufo okotde 2 Ndidem 5, kere-baŋa ndida akpa-mfia eke Naaman ndomo ye afanikɔŋ ŋkpɔ-spirit emi mbufo okutde.

Ndi odu owo kiet nte ekpri eyenutom ŋwan” oro ke uwem fo, etemede fi ete oyom ndausuŋ kabaŋa mfina fo oto mme prophet Abasi? (se ufaŋ 2–3, 13).

Nso ŋkpɔ ke Jehovah okot fi ete anam emi ebietde nte enehede emem—nte “yere, ndien sana”? (ufaŋ 13). Nso ŋkpɔ ikpikpan fi ke ndinyime mme ndimem ikoot Esie?

Didie ke mbufo ekeme ndiwut nsuhɔre-idem fo nte Naaman akanamde?

Fiɔk nte ifiɔk-ukpep Naaman ɔkɔŋsɔŋɔke mbuɔtidem esie ke Abasi Israel (se ufaŋ 15). Nso ŋkpɔ ke mbufo ekeme edikpep oto ŋkpɔ emi?

Se ŋko Luke 4:27; 1 Peter 5:5–7; Alma 37:3–7; Ether 12:27; L. Whitney Clayton, “Whatsoever He Saith unto You, Do It,” Liahona, May 2017, 97–99; “Naaman ye Elisha” (video), Gospel Library.

14:30

Nte mbufo odomode nditiene Christ, akananam nte mbufo emekere nte ekpri isuŋutom eke Elisha—ikemke-ke-ibat onyuŋ okopde-ndik? Kere ke mbufo okodu ke ebiet esie nte mbufo okotde 2 Ndidem 6:8–23. Didie ke mbuk emi ɔkpuhɔ usuŋ nte mbufo ekerede onyuŋ okopde abaŋa mme idomo fo, ubiɔŋ-utom fo, mme ukeme fo ke ndinam ikɔ-Abasi?

Nte mbufo ekerede, kere-baŋa ikɔ President Henry B. Eyring ete: Ukem nte isuŋutom Elisha, mmɔ oro edude ye ami ekan mbon oro eke ŋkemeke ndikut nte eŋwanade ye ami. Ubak mbon emi edude ye mbufo edi-di mbon eke mbufo mu-dukutke ke enyin ikpɔkidem. Jehovah eyekama mbufo ke enyɔŋ ndien ke ubak-ini eyenam oro ke edikot mbon efen man eda ye mbufo” (“O Ye That Embark,” Liahona, Nov. 2008, 58).

Kere-baŋa ndinam ibat eke “mbon emi edude ye [mbufo]” (ufaŋ 16)—mbonowo emi Abasi ekenimde ke uwem mbufo ndiŋwam mbufo. Mbufo emekeme ndibup Enye ete aŋwam fi ndikut mmɔ ke editat mme enyin spirit fo. Enye ŋko ekeme edinim fi ke uwem mbon efen man aŋwam mmɔ. Didie ke mbufo ekeme edida ɔsɔŋɔ ye uŋwam nto kiet eken?

Ewe ini ke mbufo okokop uŋwam emi Jehovah emende-owut ke Doctrine ye Covenants 84;88?

Mbufo ŋko emekeme edikot etop eke Sister Michelle D. Craig “Enyin man Okut” (Liahona, Nov. 2020, 15–17). Bup idem fo, “Nso ŋkpɔ ke Abasi oyom ete ami ŋkut?”

Nditiŋ-ntuk mbuk oro ke 2 Ndidem 6:8–23, Elder Ronald A. Rasband ete: Nnyin iminyene mme inyeneke chariot ikaŋ edɔŋde ete edibin ndik nnyin osio onyuŋ akan mme demon nnyin, edi ukpep-ŋkpɔ oro aŋwaŋa. Jehovah odu ye nnyin, ekere-ŋkpɔ abaŋa nnyin onyuŋ ɔdiɔŋ nnyin ke mme usuŋ emi Enye ekemede ndinam kpɔt. Akam ekeme edikot odudu ndien eriyarare emi nnyin iyomde man owuk ekikere nnyin ke Jesus Christ ye ke uwa ufak Esie. Jehovah ɔdiɔŋɔ ete ke ubak-ini ke nnyin iyekop ndik. Ami mmedu do ndien ntre ye mbufo. … Ke Ufk Abasi emi nnyin imikeme edi-di esisit ke ibat ke usuŋ nte ererimbot ebatde ŋkpɔ-odudu, edi kini nnyin itatde enyin spirit nnyin, ‘mmɔ emi edude ye nnyin ewakde ekan mmɔ eke edude ye mmɔ’ [2 Ndidem 6:16]” (“Be Not Troubled,” Liahona, Nov. 2018, 18, 19). Didie ke mbufo edi-da mme ikɔ emi man aŋwam owo efen emi okopde nnyekidem mme ndik?

Se ŋko “Dearest Children, God Is Near You,” Hymns, no. 96.

• Ke okurede ndiŋwam nditɔ-ŋwɔŋ ndifiɔk se utibe-ŋkpɔ edide, kot mmɔ man edibat ediwak uwutŋkpɔ eke utibede-ŋkpɔ nte mmɔ ekemede. Mme Ndise ke Gospel Art Book mme Edi, Etiene Mi ekeme ndiŋwam. Ekem mmɔ ekeme ndise nyom mme utibede-ŋkpɔ ke 2 Ndidem 4:1–7, 14–17, 32–35, 38–44. Nso ŋkpɔ ke utibede-ŋkpɔ emi ekpep abaŋa Ete ke Enyɔŋ?

• Mbufo ye nditɔ mbufo emekeme ndineme mbaŋa nte Abasi okowutde ima Esie oto ke mme utibede-ŋkpɔ. Mbufo ŋko emekeme ndikwɔ ɔtɔkiet ikwɔ kiet utɔ nte “Uwakmfɔn Ima eke Abasi” (Gospel Library).

• Ŋwam nditɔ mbufo man ekpep mbuk oro ke 2 Ndidem 5:1–3, 9–14. Kere-baŋa edida “Elisha Ɔkɔkde Naaman Udɔŋɔ” (ke Mme Mbuk Akani Testament, 134–37) mme ndise Naaman ke ewewet-ŋkpɔ eke udua emi. Nsisdi ntak emi Naaman mikiyomke ndiyere ke Inyaŋ Jordan, kpa ke Elisha etiŋde ke emi eyekɔk udɔŋɔ esie? Didie ke Naaman ekebɔ edidiɔŋ kini enye etienede mme item Elisha? Mbufo emekem edibuana ye ifiɔk-ukpep kiet eken kini mbufo ekekopde item Abasi, kpa kini mbufo muku-nimke ke mbufo omoyom ndinam oro.

  

  1:52

• Mbufo ŋko emekeme ndisɔŋɔ 2 Ndidem 5:13, ke ebiet emi mme isuŋutom Naaman ekeŋwamde enye ndibiere man okop item prophet Elisha. Nditɔ mbufo ndien ekeme edineme mbaŋa mme usuŋ nte mmɔ ekemede ediŋwam ufan mmɔ mme mbon ufɔkemana mmɔ ndikpaŋ-utɔŋ nnɔ nyuŋ nam-item prophet.

• Mbufo ye nditɔ mbufo emekeme ndikere ke ŋka-ekɔŋ ekanare fi ekuk ye mme akaŋ-kaŋ, horse, ye chariot. Didie ke mbufo edikere? Nso ŋkpɔ ke mbufo ekpenam? Nditɔ mbufo ekeme ndien edibɔp enyinmmɔ kini mbufo okotde 2 Ndidem 6:16–17 ɔnɔ mmɔ. (Se akeo “Elisha and the Lord’s Army,” in Mme Mbuk Akani Testament, 138–39, mme ndise ke utit ewewet-ŋkpɔ emi.) Ini emi mbufo esimde ikɔ oro “tat enyin esie” (ufaŋ 17), dɔhɔ nditɔ-ŋwɔŋ ete etat enyin mmɔ. Eneme ebaŋa se isuŋutom okokutde Buana ye nditɔ mbufo mme usuŋ emi mbufo ekekopde nte Jehovah okodude ye mbufo kini afanikɔŋ fo, kpa kini oro ebietde ete ke mbufo ekedi ikpɔŋ.

  

  1:9