2 Ndidem 16–25

Ediwak nnyin iminyene mme ifiɔk-ukpep emi edomode mbuɔtidem nnyin. Eke Hezekiah ye ikɔt esie, kiet ke mme edidomo oro ekedi kini mbon ŋka-ekɔŋ Assyria esaŋade edikpere Jerusalem. Nte mbufo okotde 2 Ndidem 18–19, kere ke mbufo okoduŋ ke Jerusalem ke ini emi. Didie ke mbufo ekpekekere, nte uwutŋkp, ke okopde mme isuŋi ekembon Assyria ke 2 Ndidem 18:28–37; 19:10–13? Nso ŋkpɔ ke mbufo ekpekenam? Domo mme ntak eke mbon Assyria nnɔ nte nditɔ isael mikibuɔtke-idem ye Abasi ye mme ntak emi Satan ɔnɔde nnyin ke ndiyik mbuɔtidem nnyin mfin emi. Mbufo ŋko emekeme edifaŋa ntak eke mbon Assyria ye mme ntak eke fo enyenede mbuɔtidem ye Jehovah.

Nso ŋkpɔ ke mbufo ekpep oto mme edinam eke Hezekiah ke ndaha emi? (se 2 Ndidem 19:1–7, 14–19). Didie ke Jehovah ɔkɔbɔrɔ? (se 2 Ndidem 19:35–37)? Nsidi ntak emi mbufo ekerede nte Hezekiah okosuk emyenede mbuɔtidem? (se 2 Ndidem 18:5–7). Kere-ke-esit nte Jehovah akadade ye mbufo ke mme ini afanikɔŋ. Nso ŋkpɔ ke mbufo ekere ɔfɔn ndinam man anam mbuɔtidem fo ke Enye ɔkɔri?

Etop eke President Jeffery R. Holland “Kufehe Ndik: Nim ke Akpanikɔ Kpɔt!” (Liahona, May 2022, 34–36) enyene item uŋwam ɔnɔ mme ini ndik mme eyighe. Ikwɔ nte “Let Us All Press On” (Ikwɔ, no. 243) ŋko ekeme edinyene mme etop nsɔŋɔ-nda. Nso ŋkpɔ ke mbufo okut ke mme ukpep-ŋkpɔ emi eke aŋwamde fi?

Se ŋko 2 Chronicles 31–32; 3 Nephi 3–4; Jörg Klebingat, “Valiant Discipleship in the Latter Days,” Liahona, May 2022, 107–10.

Sennacherib,edidem Assyria, ama enyene eti ntak ndinim ke ŋka-ekɔŋ esie eyekan Jerusalem (se 2 Ndidem 17; 18:33–34; 19:11–13). Edi Abasi ama enyene etop kiet kabaŋa Sennacherib, emi ɔkɔnɔde oto prophet Isaiah. Ewet etop oro ke 2 Ndidem 19:20–34. Ewe akpanikɔ ke mbufo okut ke etop Abasi emi aŋwamde fi ndinyene mbuɔtidem ke Enye ye ke uduak Esie?

Akananam nte mbufo emekere ke mbufo emenana ŋkpɔ eke spirit? Ekeme edi-di ke mbufo emekere ke ebuana fo ye Abasi akpana enehede ɔsɔŋɔ-ada. Nso ŋkpɔ ikiŋwam fi ndiwɔŋɔde mfiak ntiene Enye? Kere mme mbume emi nte 2 Ndidem 21–23, emi owutde nte Obio-iduŋ Judah ɔkɔduɔde ɔkpɔŋ Abasi ke idak Edidem Manasseh (se 2 Ndidem 21) ye nte Edidem Josiah akaŋwamde mbonowo ndiwɔŋɔde mfiak ntiene Enye (se 2 Ndidem 22–23). Didie ke ye nsidi ntak emi Josiah ye ikɔt esie ekpuhɔde? (se 2 Ndidem 22:8–11; 23:1–6, 21, 24).

President Spencer W. Kimball okokot mbuk Edidem Josiah “kiet kotu nti mbuk ke ofuri ŋwed Abasi” (Teachings of Presidents of the Church: Spencer W. Kimball [2006], 62). kot mme ikɔ eke President Kimball abaŋade Edidem Josiah (mme ufaŋ 62–64). Ndusuk mbufo emekeme edikere abaŋa ifiɔk-ukpep kiet kini itie ŋwed Abasi “ekenehe[de] anam utom” ke idem fo. Nso ŋkpɔ ke mbufo akpanam man ɔbɔ ediwak ifiɔk-ukpep ntre?

Se ŋko Alma 31:5.; “Josiah ye Ŋwed Ewuhɔ” (ndise-vidio), Gospel Libary.

12:25

Nso ŋkpɔ ikinem fi kabaŋa ediomi emi Josiah akanamde ke 2 Ndidem 23;3? Nte mbufo akade iso ndikot ibuot 23, diɔŋɔ se Josiah akanam ndiwut ubiere esie nnɔ Abasi (ŋko se ndise emi odude ke akpatre udim ŋkpɔ emi). Didie ke mbufo ekeme ediwut ubiere fo nnɔ Enye?

• Ke 2 Ndidem 18:3, 5–6, ŋwam nditɔ mbufo ndidiɔŋɔ se ikinam Hezekiah edi eti edidem. Ndien nte mbufo ekotde 2 Ndidem 19:14–19ɔtɔkiet. mmɔ ekeme edidiɔŋɔ nte enye okowutde ke enye ama ɔbuɔt-idem ke Abasi. Mbufo emekeme ndise ndise Jesus onyuŋ etiŋ abaŋa ntak emi nnyin ikemeke edibuɔt-idem ke Enye. Didie ke nnyin ikpiwut ete ke nnyin imibuɔt-idem ye Jehovah?

• Ke 2 Ndidem 22:1, ŋwam nditɔ mbufo edidiɔŋɔ isua-emana emi Josiah ekedide kini enye edide edidem. Nso ŋkpɔ ke mbufo ekpep abaŋa Josiah ke ufaŋ 2? Kere-baŋa edinam kiet emi ekemede ediwut nditiene Abasi unyuŋ uwɔŋɔke “ndika ubɔk-nnasia mme ndise ufien.”

• Ema enɔ mbon-utom emi etiŋde ebaŋa ke 2 Ndidem 22:3–7 okuk ete enim man edida ifiak-ibɔp temple “koro mmɔ enamde ŋkpɔ ke akpanikɔ” (ufaŋ 7). Ke ekurede edikot mme ufaŋ ŋwed emi, mbufo ye nditɔ mbufo emekeme editiŋ mbaŋa mme ŋkpɔ emi ekenɔde mbufo ete ekama. Didie ke nnyin idi mbon akpanikɔ nte mme mbon-utom oro ke mme ufaŋ ŋwed emi?

• Man ɔtɔŋɔ mbuk Edidem Josiah ke 2 Ndidem 22–23, mbufo emekeme edidedip idem ŋwed Abasi kiet ke ebiet kiet ke ubet-ufɔk oro. Ekot nditɔ mbufo ete eyom ŋwed Abasi oro. Ekem mbufo emekeme edibuana se ikitibede kini kiet kotu mme oku Josiah okokutde ŋwed Abasi oro ke temple (se 2 Ndidem 22:8–11; se ŋko “Edidem Josiah” ke Mme Mbuk eke Akani Testament, 148–49). Nso ŋkpɔ ikpitibe inɔ nnyin edieke nnyin minyeneke ŋwed Abasi? Buana ye kiet eken ntak emi mbufo enemde esit ke nnyin iminyene ŋwed Abasi mfin emi.

  

  1:36

• Ke ekurde edikot 2 Ndidem 23;23, mbufo ye nditɔ mbufo emekeme editiŋ mbaŋa ŋwed Abasi emi eketemede mbufo ke “nditiene ye Abasi” (ufaŋ 3). Mbufo ŋko emekeme edikwɔ ikwɔ kiet abaŋade ŋwed Abasi, utɔ nte “Search, Ponder, and Pray” (Children’s Songbook, 109).

• Ini emi Josiah ye ikɔt esie ekpepde ibet Abasi, mmɔ ema enam ediomi ke ndinim ediomi oro. Ekot ebaŋa emi ye nditɔ mbufo ke 2 Ndidem 23;1–3, yuŋ ŋwam mmɔ ndikut mme ikɔ mme udim-ikɔ emi owutde nte mbonowo ekekerede ebaŋa ibet Abasi. Ekeme edi-di ndifo mbufo ekeme edida nyuŋ ntiŋ mbaŋa se oro ɔkpɔwɔrɔ ke “[edisɔŋɔ-nda] ke ediomi.” Ekem mmɔ ekeme edisaŋa ke ebiet nyuŋ ntiŋ mbaŋa se oro ɔkpɔwɔrɔ ke “edisaŋa ntiene Abasi.” Efen, mmɔ ekeme edidori ubɔk mmɔ ke mme esit mmɔ enyuŋ ekere mme usuŋ emi nnyin ikemede edinim ediomi nnyin “ye ofuri esit [nnyin].”