1 Ndidem 12–13; 17–22

Didie ke mbufo ekeme ediwut ndudue emi Edidem Rehoboam, eyen Solomon, akanamde ke 1 Ndidem 12:1–14? Ewe mbiet edu Christ ekpekekeme ediŋwam Rehoboam ndinyaŋa obio esie?(se ufaŋ 7; Matthew 20:25–28; Mosiah 2:10–21). Didie ke mbufo ekeme edi-da mme ido emi nam-ŋkpɔ nte adausuŋ—mme ke ikoot Ufɔk Abasi mme nte adausuŋ ke uwem fo?

Prophet Elijah okobup ebekpa oro ete ɔnɔ enye udia ye mmɔŋ mbemiso edinɔ idemesie ye okop-mbiɔŋ eyeneren esie udia. Nsidi-ntak emi enye akpanamde ntre? Ekeme edikut ebeŋe Elijah nte edidiɔŋ nnɔ ekpri ufɔkemana emi. Mmɔ ekeyom edidiɔŋ Abasi, ndien nwaidem esida mme edidiɔŋ edi—esinede edidiɔŋ eke akwa mbuɔtidem.

Nte mbufo okotde 1 Ndidem 17:8–16, kere nte ke mbufo ekedi ebekpa emi. Nso ŋkpɔ inem fi kabaŋa enye? Mbufo ŋko emekeme edinam ibat mbumek emi oyomde mbuɔtidem ke Jesus Christ (nte mme uwutŋkpɔ, se For the Strength of Youth: A Guide to Making Choices [2022]). Nso ŋkpɔ ke mbufo ekpep oto ebekpa emi abaŋa edinyene mbuɔtidem?

Didie ke mme edinam eke Elijah ke 1 Ndidem 19:–21 ebiet mme edinam eke ebekpa oro?

Kere-baŋa mme nwaidem emi mbufo akanamde ke editiene Andinyaŋa. Ewe ŋkpɔ ke 1 Ndidem 17:8–16; 19:19–21 ekpep fi abaŋa mme nwaidem emi? Didie ke ifiɔk emi enyenede abaŋa Andinyaŋa aŋwam fi kini Enye ɔdɔhɔde fi ete anam nwaidem? Didie ke Enye ɔkɔdiɔŋ fi?

Se ŋko Matthew 4:18–22; 6:25–33; Luke 4:24–26; “Elijah ye Ebekpa eke Zarephath” (video), Gospel Library; “When Faith Endures,” Hymns, no. 128.

10:13

Ekeme edidi nditɔ Israel ema ekere ke mmɔ ema enyene nti ntak ndikpono Baal, emi ekefiɔkde nte abasi eke oyobio ye edim. Ke isua ita unana-edim ebede, mmɔ edinehede eyom edim. Ndien edidem ye ɔbɔŋ-aŋwan ekenyime enyuŋ esɔŋɔ edikpono Baal. Nte mbufo okotde 1 Ndidem 18, kere baŋa ntak emi owo kiet ke eyo nnyin ekemede edi-di editre-edibiere kabaŋa editiene Abasi. Ke ibuot-ŋwed emi, nso ke mbufo ekere ke Abasi okodomo edikpep kabaŋa Idemesie? Ewe ifiɔk-ukpep ekeŋwam fi ndibiere editiene Andinyaŋa?

Se ŋko D. Todd Christofferson, “Choice and Commitment” (worldwide devotional for young adults, Jan. 12, 2020), Gospel Library.

Ke mbɔm, utibede-ŋkpɔ ke Obot Horeb ikinamke utom Elijah enehede emem. Ke akpanik, uwem esie okodu ke afanikɔŋ, ndien akana nte enye ededibe ke aba-itiat kiet ke wilderness. Do, ke aŋwanade ye ndobo-ikpɔŋ ye ubiɔŋɔde, enye edinyene ifiɔk-ukpep kiet ye Abasi emi ekenehede okpuhɔ ɔkpɔŋ ifiɔk-ukpep eke Obot Horeb. Nso ŋkpɔ ke ifiɔk-ukpep eke Elijah ke 1 Ndidem 19:1–18 ekpep fi abaŋa nte Abasi esinemede-nnem ye mbufo ke mme ini unana fo?

Kere mme ini kini mbufo okopde ke Abasi ama etiŋ-ikɔ ɔnɔ fi. Didie ke mbufo edimen-iwut usuŋ emi Enye enemede-nneme ye mbufo? Ntak emi mme ikɔ oro “suŋ-suŋ” ye “ekpri” edide nti usuŋ ndimen uyo eke Spirit ŋwut? Ewe ikɔ efen ke mbufo okut ke Helaman 5:30; Doctrine ye Covenants 6:22–23; 11:12–14? Nso ŋkpɔ ke mbufo enyene ndinam man esiwak ndibɔ ndausuŋ Abasi?

Se ŋko Psalm 46:10.

• Man aŋwam nditɔ mbufo ndikpep mme mbuk eke mbuɔtidem ke 1 Ndidem 17, mbufo emekeme ediwut mmɔ mme ndise mme ŋkpɔ emi owutde mme mbuk, utɔ nte mme inuen, uyio, mme eyeneren kiet. Nte mbufo etiŋde mbuk emi ɔnɔ nditɔ mbufo, kot mmɔ ete eyom ndise mme ŋkpɔ emi asaŋade ye mbuk kiet-kiet. “Elijah the Prophet” (ke Mbuk Akani Testament, 121–24) ekeme ediŋwam fi nditiŋ mme mbuk emi. Nso ŋkpv ke mbuk kiet-kiet ekpep nnyin abaŋa ediwut mbuɔtidem ke Jesus Christ?

  

  1:58

• Ŋwam nditɔ mbufo edikere mme usuŋ emi mmɔ ekemede ediwut mbuɔtidem mmɔ ke Jesus Christ. Ekwɔ ikwɔ kiet ye mm abaŋade mbuɔtidem, utɔ nte “Ami Mmenyene Mbuɔtidem ke Ɔbɔŋ , Jesus Christ” (Gospel Library), enyuŋ ebuana ye kiete eken se mbufo ekpep abaŋa mbuɔtidem oto ke ikwɔ oro.

• Ndusuk ndi mbufo ekeme ediduri ndise kabaŋa se Abasi oyomde ebekpa oro ndinɔ Elijah (se 1 Ndidem 17:12–13) ye se ebekpa oro ɔbɔde ke usiene (se 1 Ndidem 17: 15–16). (Se ŋko ikpa-ŋwed edinam eke udua emi.) Mmɔ ŋko ekeme ndise nyom mme ndise eke mbonowo efen emi ekeyakde ŋkpɔ emi mmɔ eyomde enɔ man ekpebɔ ŋkpɔ emi ɔfɔnde. Ekot nditɔ mbufo ete eyom mme ndise ke Gospel Art Book mme Edi, Etiene Mi. Nso ŋkpɔ ke Jehovah oyom ete nnyin iwa-idem? Didie ke Enye ɔdiɔŋ nnyin?

• Nte mbufo ekotde 1 Ndidem 18:17–39 ɔtɔkiet, nditɔ mbufo ekeme edida ufaŋ-ŋwed kiet enyuŋ eduri ndise kiet kabaŋa ŋkpɔ se oro owutde. Mmɔ ekeme edida mme ndise mmɔ nditiŋ mbuk oro ke mme ikɔ idem mmɔ. (Se ŋko “Elijah ye mme Oku Baal,” ke Mme Mbuk eke Akani Testament, 125–28.)

  

  2:17

• Ŋwam nditɔ mbufo ndikere mbaŋa mme ndaha kini mmɔ ekpeyomde edibiere editiene mme ikpitieneke Jesus Christ. Ekeme edidi mmɔ ekeme ediduri mme ndise eke idem mmɔ enamde eti mbumek. Buana ye kiet eken ntak emi mbufo emekde editiene Jesus.

• Nte mbufo anamde 1 Ndidem 19:9–12edi ibio-ibio, kot nditɔ mbufo ndinam mme edinam adade-ɔnɔ ɔkpɔsɔŋ ofum, unyek-isɔŋ, ye ikaŋ. Ekem kot mmɔ ete etie-suŋ nte mbufo etiŋde ɔtɔkiet, “ke suŋ-suŋ uyo, ke ikaŋ ama ekebe suŋ-suŋ ekpri uyo edi” (ufaŋ 12). (Se ŋko “Abasi Etiŋ-ikɔ ɔnɔ Elijah,” ke Mme Mbuk eke Akani Testament, 129–31.) Etiŋ-enɔ nditɔ mbufo ebaŋa mme ini emi mbufo ekekopde suŋ-suŋ, ekpri uyo eke Edisana Spirit.

  

  1:48

• Suŋ-suŋ ekwɔ ikwɔ kiet abaŋade Spirit, utɔ nte “Suŋ-suŋ Ekpri Uyo” (Ŋwed-ikwɔ eke Nditɔ-ŋwɔŋ, 106–7). Nso ŋkpɔ ikeme editimede nnyin mkpɔŋ edidiɔŋɔ Spirit? Nso ŋkpɔ ikeme ndiŋwam nnyin ndikop uyo Esie?