2 Samuel 11–12; 1 Ndidem 3; 6–9; 11

Ubak-ini nnyin imise mme owo emi ebietde nte esɔŋɔ ke mbuɔtidem mmɔ, ndien nnyin ikere ke mmɔ ididuɔhɔ ke idomo. Mme ndiɔi mbumek eke David emi ewutde ke 2 Samuel 11 enehede owut ete ke emi idihe ntre. Kere-baŋa ewe ukpep-ŋkpɔ ke mbufo ekeme edikpep nto mme ifiɔk-ukpep esie. Mme mbume ntem ekeme ndiŋwam fi ndikot 2 Samuel 11–12:

• Ewe mbumek ke David akanam emi anamde enye edisɔsɔp ɔduɔ okoduk usuŋ idiɔkŋkpɔ? Ewe nti mbumek ke enye ekpekenam ke nde oro? (Se ŋko ndise-vidio “To Look Upon,” Gospel Library.)

  

  4:15

  Ndise mme vidio. Ndise-vidio ekeme ediŋwam fi ese mme mbuk otode ŋwed Abasi onyuŋ ekere-abaŋa nte mmɔ ebehede fi. Kere-baŋa nte mbufo edidade mmɔ inam edikpep ye edibɔ-ukpep ɔfɔn. Nte uwutŋkpɔ, kini esede “To Look Upon” (Gospel Library) kere-baŋa esisit editre ndise-vidio ke nsio-nsio nde ma ekere mme eneme usuk mbume emi enɔde ke esit edinam emi.

• Didie ke andidiɔk odomo edida fi nka usuŋ idiɔkŋkpɔ? Ewe mbumek ke mbufo ekeme ndinam ndidu mbɔhɔ ke ŋkpɔ spirit?

• Ese se David anamde ye mbuk Nathan ke 2 Samuel 12:1–6. Nso ŋkpɔ ke edinam esie owut abaŋa nte David ekesede idemesie? Nso ŋkpɔ ke Abasi anam ndiŋwam fi enehede ese idem fo?

• Didie ke mbufo akpanam mme edinam eke 2 Samel 11–12 edi ibio-ibio ke ikpan udim-ikɔ kiet?

Ndikot mbaŋa ndiɔi mbumek eke David ekeme edinam fi ekpep abaŋa mme unɔmɔ eke ndiɔi-ndise ye idiɔkŋkpɔ inaa. Eti ŋkpɔ-utom nnɔ emi Enɔ ke Nsɔŋɔnda eke Iwaad: Ndausuŋ ke Ndinam Nti Mbumek, akpan-akpan mme ikpehe emi ibuot-edide “Nso ekpenam ke ndaha ini oro” ye “Idem fo edi edisana” (pages 21–28). Mbufo emekeme ndise ke ŋkpɔ-utom oro nyom item emi ekpeke ŋwamde David ndinam nti mbumek. Mme mbufo emekeme edikot “Jesus Christ eyeŋwam fi” (pages 6–9), esede oyom ŋkpɔ emi ekepeke ŋwamde David ke edifiak ntiene Abasi.

Kere-baŋa ndikwɔ ikwɔ nte “Ami Mmoyom Kpukpru Ini” (Ikwɔ, no. 98) nyuŋ ŋkere nte Andinyaŋa ekesɔŋɔke fi idem kini mbufo okokutde idomo.

Se ŋko 2 Nephi 28:20–24; Ulisses Soares, “Seek Christ in Every Thought,” Liahona, Nov. 2020, 82–85; “Taking Charge of Technology,” Gospel Library; “Watch Your Step” (video), Gospel Library.

2:36

Edieke Abasi ɔdɔhɔde fi ete, “Beŋe se ndinɔde fi” (1 Ndidem 3:5), nso ŋkpɔ ke mbufo ekpebeŋe oyom? Nso ŋkpɔ inem fi kabaŋa ebeŋe eke Solomon? Kere ntak emi “esit ɔniɔŋ” man “ɔdiɔŋɔ ke otu eti ye idiɔk” (ufaŋ 9) edide ɔsɔŋurua enɔ. Nso ŋkpɔ ke mbufo ekeme edinam ndiyom enɔ emi?

Se ŋko Moroni 7:12–19.

Ke 1 Ndidem 67 mbufo eyekut ɔyɔhɔ-ɔyɔhɔ mbuk eke nsasana ufɔk emi Solomon ɔkɔbɔpde ɔnɔ Abasi. Mbuk oro ekeme edidi idihe akpan-ŋkpɔ inɔ fi nte oro ekedide ɔnɔ mbon Israel eke eset. Edi edikot mme ibuot-ŋwed emi ekeme ndinɔ fi ekikere kadaŋa ufɔn ufɔk oro ekedide ɔnɔ mmɔ ndinyene ufɔk Jehovah. Nsidi ntak emi ufɔk oro edide akpan-ŋkpɔ ɔnɔ fi?

Mbufo emekeme edikere nso ke nsio-nsio ebiet eke temple Solomon ekeme edida-nnɔ? Nte uwutŋkpɔ, kere-baŋa se cherubim, eyop, ye mme flawa ke 1 Ndidem 6:35 ekeme ediwɔrɔ. (Se ŋko Genesis 3:24.)

Ibuot-ŋwed 8 ediwet akam Solomon ke ɔbɔpde temple okure (se ufaŋ 22–61). Kere-baŋa ndinam ibat edidiɔŋ emi Solomon ekebeŋede oyom. Nso ŋkpɔ inem fi kabaŋa mme edidiɔŋ emi? (Se ŋko se Abasi ɔkɔŋwɔŋɔ ke 2 Ndidem 6:11–13; 9:1–9.) Ekpedi mbufo ama-ka ufɔk Jehovah akpa, kere baŋa ifiɔk-ukpep ke edituak-ibuot do. Didie ke edinim ediomi temple aŋwam fi ndibɔ edidiɔŋ Abasi?

Se ŋko Doctrine ye Covenants 109; Henry B. Eyring, “Ami Mmema Ndikut Temple,” Liahona, May 2021, 28–31.

Nso ke ɔwɔrɔ ndi “yak ofuri esit fo … ndidu ye Abasi”? (1 Ndidem 8:61). Ndi oro okpuhɔ ɔkpɔŋ mme edinam nnyin edifɔn-ma? DIdie ke edi? Kot 1 Ndidem 11:1–11, nyuŋ fiɔk se Abasi etiŋ abaŋa esit Solomon. Mbufo emekeme edikere mme odu mme odudu ke uwem fo emi ekemede ediwɔŋɔde esit fo mkpɔŋ Abasi nyuŋ mbine “mme abasi efen.”

• “Edidem David” ke Mbuk eke Akani Testament, 117–20, ekeme ediŋwam fi nditiŋ nnɔ nditɔ mbufo mbuk ke 2 Samuel 11. Mbufo emekeme edibup nditɔ mbufo ete ese ndiɔi mbumek emi David akanamde enyuŋ ekere nti mbumek emi enye ekpekenamde ke nde oro. Nso idi ubak ŋkpɔ emi nnyin ikemeke ndinam kini edomode nnyin emi ekemede ediŋwam nnyin ndinam eti mbumek?

  

  2:11

• Ndikot mbaŋa mme idiɔkŋkpɔ eke David ekeme edidi eti ifet ndineme mme unɔmɔ eke ndiɔi-ndise. Ndise-vidio oro “Nso ke Ami Mkpenam Kini Ami Ŋkutde Idiɔk-ndise?” (Gospel Library) enyene uŋwam ndausuŋ. Ŋwam nditɔ mbufo ndinam uduak kabaŋa se mm edi-namde kini mmɔ esobo-de idiɔk-ndise.

  

  5:46

• Nte mbufo ye nditɔ mbufo ekpepde ebaŋa edidiɔŋ eke temple 1 Ndidem 8, mbufo emekeme ndise mme ndise temple ke ŋwet-nim ŋkpɔ eke udua emi. Eyak nditɔ mbufo eneme ebaŋa ofuri-ŋkpɔ se mmɔ ekutde ke mme ndise oro. Mbufo emekeme edineme ufaŋ 57–58. Nso ŋkpɔ ke ɔwɔrɔ ke “ndisaŋa ke kpukpru usuŋ [Abasi]”? (1 Ndidem 8:58). Ekeme-edidi nditɔ mbufo ekeme edinam esisit ŋkpɔ nnɔ ibɔrɔ kiet-kiet emi mmɔ enɔde.

• Tiŋ nnɔ nditɔ mbufo nte edinim ediomi emi mbufo anamde ke temple aŋwamde fi ndisaŋa ke usuŋ Abasi. Mbufo emekeme nditiŋ nnɔ mmɔ se mme ediomi emi edi (se Ofuri Ŋwed Ndutum, 27.2, Gospel Library). Mbufo emekeme edikwɔ ikwɔ ɔtɔkiet nte “Ami Mmema Ndikut Temple” (Ŋwed-ikwɔ eke Nditɔ-ŋwɔŋ, 95).

• Ekotde ebaŋa nte iban Solomon eketunde enye usuŋ ekeme edida ŋkesim edineme mbaŋa mme uwutŋkpɔ eke “mme abasi efen”—mme ŋkpɔ efen emi mme owo etuakde-ibuot enɔ mme emade ke nde emi ekpenamde ye Abasi. Didie ke nnyin iwut ete ke nnyin imima Enye ikan ŋkpɔ efen ekedide ke uwem nnyin?