1 Samuel 8–10; 13; 15–16

1 Samuel 8 etiŋ abaŋa edinam kiet emi edikpuhɔde akaŋa nditɔ Israel ke nsinsi. Ke edibɔ ukpeme mbak mme asua mmɔ, nditɔ Israel ekeyom se mme mbɔhiduŋ ekenyenede—edidem ndikara mmɔ. Nte mbufo okotde abaŋa ebeŋe mmɔ ye se Jehovah ɔkɔbɔrɔde, kere baŋa owo emi esede oyom ubɔhɔ ye ndausuŋ. Kere-baŋa se oro ɔwɔrɔ ke ndiyak man Jehovah “ada akara ke uwem [fo]” (1 Samuel 8:7).

Ke mme udua ekedidide, mbufo eyekot abaŋa ibat mme edidem emi ekekotde ete eda Israel usuŋ. Nte mbufo ekpepde abaŋa mmɔ, kere-baŋa mbume emi:

• Didie ke mme ikpan Jehovah ɔkɔwɔrɔ-osu ke 1 Samuel 8:10–18?

• Didie ke nditɔ Israel ekenyene mfina eto mbumek mmɔ ke edinyene edidem isɔŋ?

• Didie ke Jesus Christ okpuhɔ ɔkpɔŋ mme edidem isɔŋ? Kere-baŋa ewe odudu ererimbot ke mbufo okpoyom ndisio mkpɔŋ uwem fo man ayak Christ edi Edidem fO?

Se ŋKo “Rejoice, the Lord Is King!,” Hymns, no. 66.

Kot baŋa nte Abasi ekemekde mme edidem Israek ke 1 Samuel 9–10 ye 16 (se akpan-akpan 9:15–17; 10:1–12; 16:1–13). Se yom mme itie-ŋwed emi aŋwamde fi ndifiɔk se oro ɔwɔrɔde ete “Abasi ɔnɔ ikoot otode, ke prophecy” Ufɔk Abasi Ɔbɔŋ mfin emi (Articles of Faith 1:5). Mbufo emekeme edikere-mbaŋa ndisin idem fo ke ebiet emi adausuŋ ɔnɔde ikoot (Samuel), owo emi ekotde (Saul ye David), ye mbonowo emi ekotde ete mmɔ enam-utom enɔ (nditɔŋ Israel). Nso ŋkpɔ ke mbufo ekpep oto mme ikɔ ye edinam mmɔ ke mme ibuot-ŋwed emi?

Ke edikere-mbaŋa nte Saul ekekopde ndik eketre ke 1 Samuel 10, edi mkpaidem ŋkpɔ ndikot mbaŋa “ediŋwana” ye “nsɔŋ-ibuot” esie ke enye ama akakabarede edi edidem (1 Samuel 15:23). Nsidi ntak emi mbufo ekerede nte emi eketibede? Ke 1 Samuel 13:5–14, ewe ido ye edu-uwem ke mbufo okut emi akadade ekesim iduɔ esie?

Ke 1 Samuel 15, kpukpru mbufo eyekot ebaŋa mbet kiet otode Jehovah emi Saul mikinamke koro enye ekekere ke enye ama enyene eti ntak nditre. Man ekpep oto ndisime mbumek eke Saul, se ke ufaŋ 22 ndien nim mme ikɔ oro uwa ye ikpɔk okukim ye mme ŋkpɔ emi ebietde nte ɔfɔn edi idihe akpan-ŋkpɔ nte edikop nyuŋ nam uyo Jehovah. Didie ke mbufo ekebɔ edidiɔŋ koro mbufo ama enim Jehovah nte akpa ŋkpɔ ke uwem fo?

Akananam nte mbufo amanam ubiere ɔkɔŋɔŋɔde ke “nte idem etiede” eke ŋkpɔ-kiet mme owo, ndien mbufo edikut ete ke mbufo ama anam ndudue? Ekeme-ndidi mbufo akadia ŋkpɔ emi mikifɔnke ke nte enye ebietde. Mme ekeme-ndidi ke mbufo ekebiere-ikpe ɔn owo ke ukwaŋ,

Ini emi Samuel ekesede obufa edidem Israel, Jehovah ama ekpep ŋkpɔ ekekpep enye ŋkpɔ ke eti usuŋ. Ekot baŋa oro ke 1 Samuel 16:6–7, ndien kere-baŋa ndinam ibat usuŋ mme owo esisede mbon efen “ke nte idem mmɔ etiede.” Mbufo emekeme edikut ubak uwutŋkpɔ ke etop eke Elder Christophe G. Giraud-Carrier “We Are His Children” (Liahona, Nov. 2023, 114–16). Nso ke oro ɔwɔrɔ ndise “esit,” ke nte Jehovah anamde? (1 Samuel 16:7). Mbufo emekeme edikut mme uwutŋkpɔ kabaŋa emi, ŋko, ke etop eke Elder Giraud-Carier. Ekeme-ndidi mbufo emekeme edikere mbaŋa mme ini efen kini Andinyaŋa ekesede ebe ndaha eke idem owo. (Se, nte uwutŋkpɔ, Mark 12:41–44; Luke 5:1–11; 19:1–9; John 4:5–30; Moses 6:31–36.) Nso ŋkpɔ ke mbufo ekpep oto mme ifiɔk-ukpep emi?

Didie ke mbufo ekeme editiene uwutŋkpɔ eke Andinyaŋa ke usuŋ nte mbufo okutde mbon efen—ye idem fo? Didie ke ntre ekeme edinehede ebuana fo ye mbon efen? Kere-baŋa nditiŋ nnɔ owo efen kabaŋa eti-ido emi mbufo okutde ke esit esit mmɔ.

Se ŋko Ulisses Soares, “Brothers and Sisters in Christ,” Liahona, Nov. 2023, 70–73.

• Nte mbufo okotde 1 Samuel 8 ye nditɔ mbufo, ŋwam mm ndikut mme ntak emi Samuel ekedɔhɔde nditɔ Israel ke ndinyene edidem ekedi idiɔk ekikere. Nsidi ntak emi ɔfɔnde Jesus Christ nte edidem nnyin? Ekeme-ndidi mbufo emekeme edinam anyanya babru ɔtɔkiet enyuŋ eda ufaŋ ndiyara oro nyuŋ mbuana ŋkpɔ emi nnyin ikemede ndinam ndiwut ke nnyin imiyom Jesus edi Edidem nnyin. (Se ŋko Jeremiah 23:5; Doctrine ye Covenants 45:59.)

• Mbuk eke Abasi emekde Saul ye David ndidi ndidem ekeme ediŋwam nditɔ mbufo ndifiɔk nte esikotde mme owo ete enam-utom ke Ufɔk Abasi oto ke eriyayare mfin emi. Man ekpep mmɔ mme mbuk emi, mbufo emekeme ndiwet mme edinam otode mme mbuk emi nim ke mkpri babru, ndien ndit mbufo ekeme edinim mmɔ ke nnen-nnen ndaha ke nte mmɔ ekotde itie ŋwed Abasi ɔtɔkiet (se ŋko “Ekpri David” ke Mme Mbuk eke Akani Testament, 110–11). Ekem mbufo emekeme editiŋ kabaŋa mme ini emi Abasi ɔkɔdiɔŋde fi ye odudu spirit ke ndinam ubiɔŋ-utom mme ikoot ŋkure (ee 1 Samuel 10:9–10).

  

  1:16

• Emi ŋko ekeme-ndidi eti ini ndikpep nditɔ mbufo ŋkpɔŋ eke fifth article of faith. Tiŋ-nnɔ mmɔ usuŋ nte mbufo ɔkɔbɔde ikoot fo ke Ufɔk Abasi. Didie ke mbufo ɔdiɔŋɔ ke Abasi okokot fi?

• Ŋkpɔ ukpep-ŋkpɔ kiet ekeme ediŋwam nditɔ mbufo ndifiɔk ukpep oro ke 1 Samuel 16:7. Nte uwutŋkpɔ, mbufo emekeme ediwut mm ubak udia mme ŋwed emi ewaŋde mme efukde emi misaŋake-ukem ye ata-ŋkpɔ sidude-ke-esit esie. Nso ŋkpɔ ke 1 Samuel 16:7 ye ŋkpɔ-ukpep-ŋkpɔ emi owut abaŋa usuŋ nte nnyin isede idem nnyin ye mbon efen/ Kwɔ ikwɔ kiet emi enehede etiŋ abaŋa ukpep emi, utɔ nte “Love One Another” (Children’s Songbook,, 136).

  Da ŋkpɔ-ukpep-ŋkpɔ nnɔ kpep. Ini emi nditɔ mbufo enyenede ŋkpɔ ndikut nyuŋ ntuuk emi enyenede ebuana ye ukpep ikɔ-Abasi, mmɔ eyewak nditi ŋkpɔ oro. Nte uwutŋkpɔ, nte mbufo okotde 1 Samuel 16:7 ye mmɔ, mbufo emekeme ndiyak mmɔ ewam fi ndikut mme uwutŋkpɔ eke edikut abiaŋa man ndinam ŋkpɔ eke nnyin idomode ndikut aŋwaŋa ke nte Jehovah okutde—ke ndise “esit”—akan mme ubiere emi edide nte “odoro-idem etiede.”

• Mbufo ye nditɔ mbufo emekeme edibuana ifiɔk-ukpep emi mbufo ekpepde ntak mbufo anade nte “ese esit,” ndien okuse nte “odoro-idem etiede kpɔt” (ufaŋ 7). Mbufo emekeme ŋko edida ini ntiŋ nnɔ kiet eken kabaŋa nti edu emi mbufo okutde ke esit owo kiet-kiet eken.