1 Samuel 17–18; 24–26; 2 Samuel 5–7

Mbuk David ye Goliath edi kiet kotu eti mbuk emi efiɔkde ke ŋwed Abasi. Ke ntre, nnyin iyewak editiŋ mbaŋa David. Edi kini emi, nte mbufo okotde 1 Samuel 17, kere ŋko mme ikɔ eke mbon efen ke ibuot-ŋwed emi (se ibat ke idak emi). Nso ke mbufo ekpep abaŋa mmɔ ye udɔŋ mmɔ? Nso ke mbufo ekpep abaŋa David? Didie ke enye okpuhɔ?

• Goliath: mme ufaŋ 8–10, 43–44

• Eliab: ufaŋ 28

• Saul: ufaŋ 33

• David: mme ufaŋ 26, 32, 34–37, 39, 45–47

Mbuk fo, eke minehede idiɔŋɔ nte eke David, ekeme edisine mme mfina okoŋde-nte-Goliath ke ndikan ye nti ifet ke edinyene mbuɔtidem ke Abasi. Nso ke uwutŋkpɔ David ekpep fi abaŋa ndiyɔ ukut ke mbuk fo? Mbufo ŋko emekeme edikot etop President Camille N. Johnson “Invite Christ to Author Your Story” (Liahona, Nov. 2017, 80-82) ye kiet kotu afanikɔŋ fo ke esit. Se yom ibɔrɔ nnɔ mbume fo nte: Didie ke Abasi oyom mi nse mme afanikɔŋ mi? Didie ke Enye akaŋwam mi ke ini edem? Didie ke ami ŋwut ke ami mmenim Enye ke akpanikɔ ke ndiwet mbuk mi?

Ekeme-edidi mbufo emebem iso ɔdiɔŋɔ ke odu usuk ndiɔi ibuot-ŋwed eken ke mbuk David (se, nte uwutŋkpɔ, 2 Samuel 11). Edieke mbufo enyene ifet ndinɔ David usuk item ke okurde eŋwan esie ye Goliath, nso ke mbufo ekpetiŋ? Didie ke item emi ekeme edinam utom ke uwem fo?

Se ŋko, “Abasi Eyenyaŋa Mi” (ndise-vidio) Gospel Library.

3:24

Ke edidian ye mme mfiana eke idem owo, nnyin ŋko imikut ikpɔ, ndiɔi mfina emi afinade ofuri ererimbot. Ini emi mme odudu ekim esopde idem ndiŋwana ye mme odudu eti-ŋkpɔ (1 Samuel 17:1), ekeme edikpa nnyin idem nte ukeme nnyin owo kiet-kiet ekemede edinehede nam ukpuhɔde kiet. Nso ŋkpɔ ke mbufo okut ke mbuk Daivd emi ɔnɔde fi idorenyin?

Se ŋko “Let Us All Press On,” Hymns, no. 243.

Nte mbufo okotde 1 Samuel 18, kere-baŋa ukpuhɔde Saul ye eyeneren esie Jonathan (emi, mikpidihe David, ekpekekere ke imɔ idi-di edidem efen). Didie ke Saul ye Jonathan ekenam ke edikut-unen eke David? Nso ŋkpɔ ke mbufo ekeme edikpep oto ŋkpɔ emi?

Nso ŋkpɔ ke mbufo okut ke mme edu ye edinam Jonathan emi etide fi abaŋa Jesus Christ?

Ke 1 Samuel 24–26, se yom mme ukpep kabaŋa ntaŋidem, erifen-nnɔ, edikpeme-idem. Mbufo emekeme edikere-mbaŋa edikot etop eke Elder Mark A. Bragg “Christlike Poise” nte ubak-ŋkpɔ eke mbufo okotde (Liahona, May 2023, 60–63). Didie ke David, Abigail, ye mbon efen ekewut—mme etrede ediwut—mbiet ntuak-nda eke Christ ke mme ibuot-ŋwed emi? Ewe nti-ifet ke mbufo enyene ke ediwut mbiet ntuak-nda eke Christ?

Etop eke Sister Kristen Yee “Beauty for Ashes: The Healing Path of Forgiveness” (Liahona, Nov. 2022, 36–39) ekeme ndiŋwam fi ndikot 1 Samuel 25. Didie ke Abigail ebiet Jesus Christ?

Kpa ke David ama ekekan Goliath, afanikɔŋ esie ye mbon Philistine ikokureke. Nte mbufo okotde 2 Samuel 5:17–25, kere-baŋa nte uwutŋkpɔ David ekemede ediŋwam fi ke mme afanikɔŋ emi mbufo okutde (se ŋko 1 Samuel 23:2, 10–11; 30:8; 2 Samuel 2:1). Didie ke mbufo ɔbɔ edidiɔŋ ke ndinam ŋkpɔ ntiene eriyarare emi mbufo ɔbɔde?

Ini emi David ekenyimede ndibɔp ufɔk, ɔwɔrɔde temple, nnɔ Jehovah (se 2 Samuel 7:1–3), Jehovah ɔkɔbɔrɔ ke eyen David edi-bɔp ufɔk oro (se mme ufaŋ 12–15; se ŋko 1 Chronicles 17:1–15). Jehovah ŋko ɔdɔhɔ ete ke Imɔ ke usiene iyebɔp “ufɔk” inɔ David, ɔwɔrɔde uforo, ndien ke ebekpo esie eyedu ke nsinsi (se 2 Samuel 7:11, 16, 25–29; Psalm 89:3–4, 35–37). Ekenam enwɔŋɔ emi ɔwɔrɔ-osu ke Jesus Christ, Nsinsi Edidem nnyin, emi okotode ke emana David (se Matthew 1:1; Luke 1:32–33; John 18:33–37).

• Mbufo emekeme ediyom ndida “David ye Goliath” ke Mme Mbuk eke Akani Testament, 112–16, ndiŋwam nditɔ mbufo ndimehe ye se ikitibede ke 1 Samuel 17:20–54. Ekem mbufo emekeme ndiyak mmɔ efiak-etiŋ mbuk oro ke ekamade mme ndise mme udim ndise eke ewewet-ŋkpɔ emi. Ebup mmɔ se mmɔ ekere ke Jehovah oyom ete mmɔ ekpep eto mbuk emi.

  

  2:36

• Mbufo ye nditɔ mbufo ŋko emekeme ndinam ibat usuk mkpɔsɔŋ mfina emi mmɔ ekemede edikut ke uwem mmɔ. Ekem ŋwam mmɔ ndikut mme ŋkpɔ emi David etiŋde ke eyeŋwam ye mme afanikɔŋ emi (se 1 Samuel 17:26, 32, 34–37, 45–47). Ebuana nte Jesus Christ akaŋwamde mbufo kini afanikɔŋ.

• Nditɔ mbufo ekeme edisaŋa nte mmɔ edi David akade ndiŋwana ye Goliath kini ekwɔde ikwɔ abaŋade ndinyene uko, utɔ nte “I Will Be Valiant” (Ŋwed-ikwɔ Nditɔ-ŋwɔŋ, 162).

• Didie ke mbufo ekeme ediŋwam nditɔ mbufo edikpep nto edinam-ufan eke David ye Jonathan? Usuŋ kiet edi-di ndinɔ eyen kiet-kiet babru esit iba, kiet ndida-nnɔ David ndien eken edida-nn Jonathan. Ekem okot esisit udim-ikɔ ɔtɔkiet oto 1 Samuel 18:1–4 emi owutde ima emi ufan iba emi ekenyenede enɔ kiet eken. Ekem nditɔ mbufo ekeme ediwet mme ediduri ke babaru esit mmɔ nte mmɔ ekemede ediwut ima nnɔ ufan mmɔ.

• Ke mme ibuot-ŋwed emi, David akabare edi edidem Israel. Ekeme edidi ŋkpɔ-mbre ɔnɔ nditɔ mbufo ke ndinam nte idi edidem mme ɔbɔŋ-aŋwan. Nso ibet ke mmɔ ekpenam? Ewe ebiet ke mmɔ ekpeka ekeyom uŋwam? Enwam nditɔ mbufo ndifiɔk ete kini David okoyomde uŋwam, enye “ama-oyom,” mme ɔkɔbɔŋ-akam, oyom ibɔrɔ. Nte uwutŋkpɔ, nte mbufo okotde 2 Samuel 5:19, 23, kot nditɔ mbufo ete ekpaŋ-utɔŋ enɔ ikɔ oro ediyom enyuŋ ewaŋ ubɔk mmɔ kini mmɔ ekopde ikɔ oro. Nsidi ntak emi David okoyomde uŋwam Jehovah ke obufa ubiɔŋ-utom esie?

• Tiŋ nnɔ kiet eken baŋa mme ini emi mbufo ɔkɔbɔŋde-akam oyom uŋwam eke Ete ke Enyɔŋ. Ewe ukpuhɔde ke oro akanam ke ndinyene Enye ndiŋwam fi?

• Kpukpru mme edidem emi nnyin ikootde ibaŋa ke Akani Testament ema enyene ndudue, ndien ofuri obio-ubɔŋ mmɔ ama etre. Edi Jesus Christ edi mfɔn-ma edidem eyenyuŋ ada-ubɔŋ ke nsinsi. Mbufo emekeme ediŋwam nditɔ mbufo ndifiɔk emi ke ndikot ɔtɔkiet se prophet Nathan eketiŋ ɔnɔ Edidem David ke 2 Samuel 7:16–17. Didie ke obio-ubɔŋ David ekpekekeme edinana utit? Ŋwam nditɔ mbufo ndikut nyuŋ ŋkot mme itie ŋwed Abasi emi ekpepde ke Jesus Christ, owo-ubon David, edi Edidem nnyin, utɔŋ nte Luke 1:32–33; John 18:33–37; ye Eriyarare 19:16. Didie ke Jesus okpuhɔ ɔkpɔŋ mme edidem ererimbot? Didie ke nnyin ikpono Jesus Christ nte Nsinsi Edidem nnyin?